M. Marko 9
9
1LOMBA echiti kwaŵo, Lezee numnenelani kuti, Alipo ayakene pano alipeneme pafupi, amene ati akanolaŵa imfwa peka patonto mpaka pati auŵone ufumu wa Mlungu ukuza na mpamvu.
2Nipo akapitepo masiku asano na limo Yesu eŵaula pamo naye Petro na Yakobo na Yohana, ekwera naŵo ku lupiri lutali padera pa ŵeka: naye esanguka pa menso paŵo: 3na minjira yake iyezima yeziyezi ituŵa tuu, tetyo paliye muŵomba osuka nyula pano pa charo angaituvye. 4Nipo eŵaŵonekera Eriya pamo na Musa: ŵenzolaŵira na Yesu. 5Naye Petro eyasuka emnenera Yesu, Rabbi, ni chiweme seo kunkala pano: natimange misasa itatu, umo wanu, umo wa Musa, na umo wa Eriya. 6Pakuti yeve aliyoziŵa choyasuka, pakuti ŵenzochita mwezo ukuru. 7Nipo lwichiza lukumbi lwiŵasisika, na lizu lifuma mlukumbi lichiti, Uyu ni Mwana wangu wotemweka: nkommvwilani. 8Naŵo ŵepuvyocheŵacheŵa, lomba aliyoŵona muntu sembe Yesu yeka pamo na ŵeve.
9Lomba penzosika ŵeve pa lupiri eŵapanga kuti asauzya muntu vintu vyechiŵona, sembe pati azazyuke soti Mwana wa muntu kwa akufwa. 10Naŵo elisunga lizu, ekonshana ŵeka kuti kuzyuka soti kwa akufwa mfundo yake ni chinji. 11Emkonsha yeve echiti, Alembi akuti Eriya ni ati azayambe kuza. 12Naye eŵanenera, Ni chendi ati aze poyamba ni Eriya nowamya soti vyonse: nga kwilembewa syani zya Mwana wa muntu zyakuti akamvwe mazuzyo anyinji nopeluka? 13Sembe neo numuuzyani kuti Eriya alufwike, naŵo soti emchitira viri vyonse vyechipangwa, nga ni mzilembewera zyake.
14Nipo ŵeve pechiza kwa asambili eŵona liumba likuru lwazinga, na alembi ŵenzokonshana naŵo. 15Lomba pano apa liumba lonse likamuŵone lizuzuka ngako, liutukira kwake nomlonjera. 16Naye eŵakonsha, Mukonshana naŵo chinji? 17Umo wa mliumba emyasuka, Msambizi, naza naye kwanu mwana wangu mwanalume, wamene ana mzimu wosalaŵira; 18pali ponse paumuukila umuwisya pansi mvu, okunyuka povu nokwiya menu noŵofuka: nane nalaŵira na asambili ŵanu kuti aufumye, naŵo aliye nougona. 19Nipo eŵayasuka echiti, Mwe luko lulive mvwano, ninkale namwe mpaka zuŵanji? nimlekeleleni mpaka lini? izani naye kwangu. 20Echiza naye kwake: nawo mzimu ukamuŵone lombalomba wimbinyulukisya kokali, naye echiwa pansi novumvulika nochita povu. 21Emkonsha awisi, Nga mzimu uyu walwala nawo vyaka vingani? Yeve echiti, Chitatikile penze msaza. 22Kaŵirikaŵiri umuwisya pa mulilo na pa manzi kumcheneka: sembe kati muziŵa kuchita kantu mtichitire lusungu notiyavya. 23Yesu emnenera Nga apo nangu muziŵa! Vyonse vuchitika kwa uyo ozomera. 24Lomba pano awisi a mwana elila echiti, Nuzomera; chiyavyeni chizomerezyo changu chitonto. 25Nipo Yesu pechiŵona liumba likuza kuutukira pamo eutuzula mzimu wa lunsa enena nawo, We mzimu wosalaŵira nosamvwa, nukuuzya fumamo muli uyu, usamloŵamo soti. 26Nawo ukalile nombinyulukisya ngako wifuma: na mwana enze nga ni wakufwa, tetyo anyinji ŵonse ni pechiti, Wafwa. 27Sembe Yesu emkata kwanja emuimya, naye epanama. 28Nipo yeve akaloŵe mnanda asambili ŵake emkonsha kunsei kuti, Takangiwa seo kuufumya. 29Echiti kuli ŵeve, Mtundu uyu sungafume pa kantu konse, sembe polomba nipo.
30Nipo ŵeve eima kwamene uko epita pakati pa Galilaya; naye ntepangwa kuti muntu aziŵe. 31Chikomo eŵasambizya asambili ŵake eŵanenera, Mwana wa muntu opelekewa mmanja a ŵantu amene ati ampaye, naye akazopaiwa azazyuke soti siku la mazo. 32Sembe ŵeve aliyoziŵa ili lizu, eyopa kumkonsha.
33Naŵo echiza ku Kapernaumi: pamene yeve penze mng'anda eŵakonsha, Mwenzosusyananji pa njira? 34Ŵeve ŵenze nuu, pakuti enzosusyana umo na muyake pa njira kuti mkuru ni ŵani. 35Naye enkala pansi eŵaita aŵo kumi na aŵiri enena naŵo, Kati muntu akapangwa kuŵa woyamba aŵekuŵa wosililila pa ŵonse notumikila ŵonse. 36Nipo eula kamwana ekapanamika pakati paŵo: ekafukata pa manja pake noŵauzya, 37Ali wonse ati azapokelele kamo ka tuŵana toteti pa zina langu onipokelela neo: na ali wonse onipokelela neo ntonipokelela neo, sembe uyo enituma.
38Yohana enena naye, Msambizi, tiŵona muntu enzofumya viŵanda mzina lanu: timlesya pakuti ntenzotikonka seo. 39Sembe Yesu echiti, Msamlesya: chikomo paliye muntu ati azachite champamvu mzina langu wamene ati apuvyoninenera viipa. 40Pakuti wamene asasusyana na seo oyavyana nase. 41Chikomo ali wonse ati azammwensheni ntumo ya manzi pakuti nimwe ŵake Kristo, lezee numnenelani, uyo ntati azataye chilambu chake peka patonto. 42Soti ali wonse ati azakapilingisye kamo ka tutonto utu tunimvwila, ni chiweme kwa yeve kuti chimpero chikuru chikoloŵekewe pa mkosi wake, naye apozewe mchimana. 43Kati kwanja kwako kukakupilingisya ukutende: ni chiweme kwako kuyoloŵa mmoyo wolemala kwanja kupula ukaŵa na manja ŵako aŵiri kuyoloŵa mGehenna, mmulilo wosazima: [44mwamene umo vikusi vyaŵo mvisafwa na mulilo muusazimiwa.] 45Soti kati lwayo lwako likakupilingisya ulitende: ni chiweme kwako kuyoloŵa mmoyo wopintya kupula ukaŵa na malwayo ŵako aŵiri kupozewa mGehenna: [46mwamene umo vikusi vyaŵo mvisafwa na mulilo muusazimiwa.] 47Soti kati liso lako likakupilingisya ulikoloŵole: ni chiweme kwako kuyoloŵa mu ufumu wa Mlungu na liso limo kupula ukaŵa na menso aŵiri kupozewa mGehenna, 48mwamene umo vikusi vyaŵo mvisafwa na mulilo muusazimiwa. 49Pakuti ali wonse azalungiwe na munyu wa mulilo. 50Munyu ni uweme: sembe munyu ukasukuluka muukondesye nanji? Iŵani na munyu mkati mwanu, nonkala mtendere umbi na muyake.
ទើបបានជ្រើសរើសហើយ៖
M. Marko 9: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.
M. Marko 9
9
1LOMBA echiti kwaŵo, Lezee numnenelani kuti, Alipo ayakene pano alipeneme pafupi, amene ati akanolaŵa imfwa peka patonto mpaka pati auŵone ufumu wa Mlungu ukuza na mpamvu.
2Nipo akapitepo masiku asano na limo Yesu eŵaula pamo naye Petro na Yakobo na Yohana, ekwera naŵo ku lupiri lutali padera pa ŵeka: naye esanguka pa menso paŵo: 3na minjira yake iyezima yeziyezi ituŵa tuu, tetyo paliye muŵomba osuka nyula pano pa charo angaituvye. 4Nipo eŵaŵonekera Eriya pamo na Musa: ŵenzolaŵira na Yesu. 5Naye Petro eyasuka emnenera Yesu, Rabbi, ni chiweme seo kunkala pano: natimange misasa itatu, umo wanu, umo wa Musa, na umo wa Eriya. 6Pakuti yeve aliyoziŵa choyasuka, pakuti ŵenzochita mwezo ukuru. 7Nipo lwichiza lukumbi lwiŵasisika, na lizu lifuma mlukumbi lichiti, Uyu ni Mwana wangu wotemweka: nkommvwilani. 8Naŵo ŵepuvyocheŵacheŵa, lomba aliyoŵona muntu sembe Yesu yeka pamo na ŵeve.
9Lomba penzosika ŵeve pa lupiri eŵapanga kuti asauzya muntu vintu vyechiŵona, sembe pati azazyuke soti Mwana wa muntu kwa akufwa. 10Naŵo elisunga lizu, ekonshana ŵeka kuti kuzyuka soti kwa akufwa mfundo yake ni chinji. 11Emkonsha yeve echiti, Alembi akuti Eriya ni ati azayambe kuza. 12Naye eŵanenera, Ni chendi ati aze poyamba ni Eriya nowamya soti vyonse: nga kwilembewa syani zya Mwana wa muntu zyakuti akamvwe mazuzyo anyinji nopeluka? 13Sembe neo numuuzyani kuti Eriya alufwike, naŵo soti emchitira viri vyonse vyechipangwa, nga ni mzilembewera zyake.
14Nipo ŵeve pechiza kwa asambili eŵona liumba likuru lwazinga, na alembi ŵenzokonshana naŵo. 15Lomba pano apa liumba lonse likamuŵone lizuzuka ngako, liutukira kwake nomlonjera. 16Naye eŵakonsha, Mukonshana naŵo chinji? 17Umo wa mliumba emyasuka, Msambizi, naza naye kwanu mwana wangu mwanalume, wamene ana mzimu wosalaŵira; 18pali ponse paumuukila umuwisya pansi mvu, okunyuka povu nokwiya menu noŵofuka: nane nalaŵira na asambili ŵanu kuti aufumye, naŵo aliye nougona. 19Nipo eŵayasuka echiti, Mwe luko lulive mvwano, ninkale namwe mpaka zuŵanji? nimlekeleleni mpaka lini? izani naye kwangu. 20Echiza naye kwake: nawo mzimu ukamuŵone lombalomba wimbinyulukisya kokali, naye echiwa pansi novumvulika nochita povu. 21Emkonsha awisi, Nga mzimu uyu walwala nawo vyaka vingani? Yeve echiti, Chitatikile penze msaza. 22Kaŵirikaŵiri umuwisya pa mulilo na pa manzi kumcheneka: sembe kati muziŵa kuchita kantu mtichitire lusungu notiyavya. 23Yesu emnenera Nga apo nangu muziŵa! Vyonse vuchitika kwa uyo ozomera. 24Lomba pano awisi a mwana elila echiti, Nuzomera; chiyavyeni chizomerezyo changu chitonto. 25Nipo Yesu pechiŵona liumba likuza kuutukira pamo eutuzula mzimu wa lunsa enena nawo, We mzimu wosalaŵira nosamvwa, nukuuzya fumamo muli uyu, usamloŵamo soti. 26Nawo ukalile nombinyulukisya ngako wifuma: na mwana enze nga ni wakufwa, tetyo anyinji ŵonse ni pechiti, Wafwa. 27Sembe Yesu emkata kwanja emuimya, naye epanama. 28Nipo yeve akaloŵe mnanda asambili ŵake emkonsha kunsei kuti, Takangiwa seo kuufumya. 29Echiti kuli ŵeve, Mtundu uyu sungafume pa kantu konse, sembe polomba nipo.
30Nipo ŵeve eima kwamene uko epita pakati pa Galilaya; naye ntepangwa kuti muntu aziŵe. 31Chikomo eŵasambizya asambili ŵake eŵanenera, Mwana wa muntu opelekewa mmanja a ŵantu amene ati ampaye, naye akazopaiwa azazyuke soti siku la mazo. 32Sembe ŵeve aliyoziŵa ili lizu, eyopa kumkonsha.
33Naŵo echiza ku Kapernaumi: pamene yeve penze mng'anda eŵakonsha, Mwenzosusyananji pa njira? 34Ŵeve ŵenze nuu, pakuti enzosusyana umo na muyake pa njira kuti mkuru ni ŵani. 35Naye enkala pansi eŵaita aŵo kumi na aŵiri enena naŵo, Kati muntu akapangwa kuŵa woyamba aŵekuŵa wosililila pa ŵonse notumikila ŵonse. 36Nipo eula kamwana ekapanamika pakati paŵo: ekafukata pa manja pake noŵauzya, 37Ali wonse ati azapokelele kamo ka tuŵana toteti pa zina langu onipokelela neo: na ali wonse onipokelela neo ntonipokelela neo, sembe uyo enituma.
38Yohana enena naye, Msambizi, tiŵona muntu enzofumya viŵanda mzina lanu: timlesya pakuti ntenzotikonka seo. 39Sembe Yesu echiti, Msamlesya: chikomo paliye muntu ati azachite champamvu mzina langu wamene ati apuvyoninenera viipa. 40Pakuti wamene asasusyana na seo oyavyana nase. 41Chikomo ali wonse ati azammwensheni ntumo ya manzi pakuti nimwe ŵake Kristo, lezee numnenelani, uyo ntati azataye chilambu chake peka patonto. 42Soti ali wonse ati azakapilingisye kamo ka tutonto utu tunimvwila, ni chiweme kwa yeve kuti chimpero chikuru chikoloŵekewe pa mkosi wake, naye apozewe mchimana. 43Kati kwanja kwako kukakupilingisya ukutende: ni chiweme kwako kuyoloŵa mmoyo wolemala kwanja kupula ukaŵa na manja ŵako aŵiri kuyoloŵa mGehenna, mmulilo wosazima: [44mwamene umo vikusi vyaŵo mvisafwa na mulilo muusazimiwa.] 45Soti kati lwayo lwako likakupilingisya ulitende: ni chiweme kwako kuyoloŵa mmoyo wopintya kupula ukaŵa na malwayo ŵako aŵiri kupozewa mGehenna: [46mwamene umo vikusi vyaŵo mvisafwa na mulilo muusazimiwa.] 47Soti kati liso lako likakupilingisya ulikoloŵole: ni chiweme kwako kuyoloŵa mu ufumu wa Mlungu na liso limo kupula ukaŵa na menso aŵiri kupozewa mGehenna, 48mwamene umo vikusi vyaŵo mvisafwa na mulilo muusazimiwa. 49Pakuti ali wonse azalungiwe na munyu wa mulilo. 50Munyu ni uweme: sembe munyu ukasukuluka muukondesye nanji? Iŵani na munyu mkati mwanu, nonkala mtendere umbi na muyake.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.