M. Marko 6
6
1NAYE efumako kwamene uko echiza ku charo chake mwine, naŵo asambili ŵake emkonka. 2Nipo likaze sabata eyamboyeruzya msunagoge: na anyinji pemumvwa ezizwa echiti, Uyu muntu eviula kuni ivi? soti, Nzeru zipewa ku muntu uyu nzyotyani, na vyampavu vuchitiwa na manja ŵake? 3Kansi nti chiŵaza wa vimiti uyu, mwana wa Mariya, mkwaŵo wa Yakobo na Yose na Yuda na Simoni? alongosi ŵake sali nase pano kansi? Naŵo epilingishiwa pali yeve. 4Nipo Yesu eŵanenera, Muŵirizi ntakuŵa alive ulemo sembe mcharo chake mwine nimo, na pakati pa akwaŵo, na mng'anda yake mwine. 5Yeve aliyochitako kulakwa champamvu cheka chimo, lomba eŵasintilila manja enzelwele ŵopendeka noŵapozya. 6Naye ezimbwa chikomo cha mwano waŵo.
Naye enzotantamo mminzi kuyeruzya.
7Nipo eŵaita kwake kumi na aŵiri ŵala, eyamba kwatuma aŵiri aŵiri, eŵapa vizo vyofumya mizimu ya lunsa; 8eŵauzya asaula kantu kali konse polwendo waŵo sembe muŵango weka, mitanda yai, chibeti yai, chukanga ndalama mchivunga chaŵo; 9sembe nkwaŵilo navwale, asavwala minjira iŵiri. 10Naye enena naŵo, Kuli konse kumti mkoloŵa mnanda nkalani mwamene umo mpaka kufumiramo. 11Pa malo ponse pati akanompokelelani kano kusammvwilani, mkafumapo palapa mkunkumule lukungu liri kunyansi kwa malwayo ŵanu liŵe untoni kuli ŵeve. 12Naŵo efuma eŵirizya kuti ŵantu ayaruke mitima. 13Efumya viŵanda vinyinji, noŵapwasika mafuta anyinji enzelwele noŵapolesya.
14Lomba mfumu Herode echimvwa, pakuti zina lake liŵirikila: echiti, Yohana Mbatizi ezyuka kwa akufwa, ni pavuchitiwa mwake vyampamvu ivi. 15Sembe ayake echiti, Ni Eriya. Na ayake echiti, Ni muŵirizi, nga ni umo wa aŵirizi. 16Sembe Herode akamvwe echiti, Ni Yohana wamene winitenda mutu, ni euka. 17Pakuti Herode mwine etuma kuyomkata Yohana nommanga mkambolimboli chifukwa cha Herodiya, mkazi wa Filipo mkwaŵo: pakuti emlingula. 18Chikomo Yohana emuuzya Herode, Nte chiweme kuula mkazi wa mkwanu. 19Naye Herodiya emuŵikira chifunda ku mtima nosakompaya, lomba aliyomgona; 20pakuti Herode enzomuyopa Yohana poziŵa kuti ni muntu wolungama na mtuŵa mtima, naye enzomsungisya wino. Naye akammvwe edodoma, emumvwa nosangalala. 21Nipo likaze zuŵa liweme Herode pa siku lovyalikwa kwake eŵateŵetera mulalilo ambiri ŵake na vilolo vikuru na ŵomvwika a mGalilaya; 22naye akaloŵemo mwana wamwanakazi wa Herodiya mwine novina emsekesya Herode na aŵo ŵenzenkezi naye pamo pa chakulya; nayo mfumu imnenera kabutu, Unisenge chiri chonse chiupangwa, nikupe. 23Imlapizya kuti, Chiri chonse chiuti unisenge nikupe, mpaka chitwa chofumu wangu. 24Naye efuma kunja eŵanenera anyina, Nisengenji? Yeve echiti, Mutu wa Yohana Mbatizi. 25Nipo lomba pano apa eloŵa maluŵilo ku mfumu esenga echiti, Nupangwa munipe lomba mutu wa Yohana Mbatizi pa mbazilo. 26Nayo mfumu indandaula kwene kantu, sembe chikomo cha njazi zyake na cha aŵo ŵenzenkezi pakulya ntipangwa kumkanya. 27Lomba pano apa mfumu ituma linjolinjoli limo la mwa aŵo oilindilila, ilisuzulila kuti likauule mutu wake: nalo lichiya nomtenda mutu mkambolimboli, 28nouleta mutu wake pa mbazilo nompa kabutu, na kabutu echipa anyina. 29Akamvwe asambili ŵake echizoula chitanda chake nochiika mu msitu.
30Lomba apostolo elongana kwa Yesu; emuuzya vyonse, viri vyonse vyechichita na vyonse vyechisambizya. 31Naye eŵanenera, Izani mweo mweka pa sanga pa tyala kuzopumula kansita katonto Pakuti anyinji ŵenzekuza na kuya, ŵenze pikupiku, enzeve nsita chukanga yolyera. 32Nipo ŵeve echiya mu wato pa sanga pa tyala padera. 33Ŵantu eŵaŵona penzekuya, na anyinji eŵaziŵa eutukirako na mendo mcharumo kufumira mminzi yonse noŵapula. 34Naye akafume eŵona liumba likuru noŵachitira chitinti, pakuti enze nga ni mbelele ziliye chiŵeta: eyamba kwayeruzya vinyinji. 35Nipo lomba zuŵa likasendame ngako asambili ŵake echiza kwake echiti, Ŵano malo na pa sanga pa tyala, zuŵa lasendama ngako lomba: 36ŵasuzuleni aŵekuya ku charo na ku minzi yozunguluka akalisitire ŵeka kantu kakulya. 37Sembe yeve eyasuka eŵanenera, Ŵapeni mweo vyakulya. Emnenera, Kansi tiye seo tikasitire mitanda ya makobiri myanda iŵiri tiŵape ŵalye? 38Enena naŵo, Mitanda ingani imuli nayo? nkoyani mkaŵone. Ŵeve akaziŵe echiti, Isano na iŵiri na masaŵi aŵiri. 39Nipo eŵauzya kunkala pansi ŵonse maŵanzya maŵanzya pa msipu. 40Naŵo enkala pansi mitande mitande, myanda myanda na makumi asano asano. 41Naye eiula mitanda isano na masaŵi aŵiri, elola kumulu eshukisya eisuna mitanda; eŵapa asambili kuti aŵa twalile, na masaŵi aŵiri aŵo eŵayaŵira ŵonse. 42Teti elyako ŵonse ekuta. 43Naŵo efusa manyenyenswa ezula maluŵango kumi na aŵiri, na a masaŵi kumo. 44Amene echilya mitanda enze analume myanda makumi asano.
45Nipo lomba pano apa eŵakulumizya asambili ŵake kuyoloŵa mu wato notangulako kusilya lila ku Betsaida, pamene apo mwine pechisuzula liumba. 46Naye akalailane naŵo echiya ku lupiri kulomba. 47Nipo pechichiza chingulo wato wenze pakati pa chimana, yeve yeka ni enze pasilya. 48Nipo pechiŵaŵona kuti aŵeŵa poyoŵa pakuti mpepo yenzoŵakangisya, nga ni nsita yakane yolonderana usiku echiza yeve kwaŵo enzoyenda pamulu pa manzi, esakoŵapitilila; 49sembe ŵeve pechimuŵona oyenda pamulu pa manzi elinga kuti ni mzyuka elilisya: 50pakuti ŵonse emuŵona nomwazika mitima. Sembe yeve lombalomba eŵalaŵizya enena naŵo, Nkazikani mitima: ni neo; msayopa. 51Naye eloŵa naŵo pamo mu wato; nipo mpepo ileka, naŵo ezizwa ngako mkati mwaŵo; 52pakuti aliyoziŵisya zya mitanda, sembe mitima yaŵo yenze iyumu.
53Lomba ŵeve akatauke efwika kusilya ku Genesarete nomangilila wato pa chau. 54Akafume mu wato lombalomba ŵantu emziŵa, 55eutuka notantamo mcharo chila chamsuma, eyamba kwaula pa visampi vyaŵo aŵo ŵenzelwele kwamene uko kwechimvwa kuti ni kwaali. 56Pali ponse pechiloŵa yeve, kano mminzi, kano mmizinda, kano pa sanga, ŵenzolalika ŵolwala pa malo pasweta positira, emtetelela kuti aŵa aikumye nzera ya chovwala chake yeka: naŵo ŵonse amene emkumya epozyewa.
ទើបបានជ្រើសរើសហើយ៖
M. Marko 6: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.
M. Marko 6
6
1NAYE efumako kwamene uko echiza ku charo chake mwine, naŵo asambili ŵake emkonka. 2Nipo likaze sabata eyamboyeruzya msunagoge: na anyinji pemumvwa ezizwa echiti, Uyu muntu eviula kuni ivi? soti, Nzeru zipewa ku muntu uyu nzyotyani, na vyampavu vuchitiwa na manja ŵake? 3Kansi nti chiŵaza wa vimiti uyu, mwana wa Mariya, mkwaŵo wa Yakobo na Yose na Yuda na Simoni? alongosi ŵake sali nase pano kansi? Naŵo epilingishiwa pali yeve. 4Nipo Yesu eŵanenera, Muŵirizi ntakuŵa alive ulemo sembe mcharo chake mwine nimo, na pakati pa akwaŵo, na mng'anda yake mwine. 5Yeve aliyochitako kulakwa champamvu cheka chimo, lomba eŵasintilila manja enzelwele ŵopendeka noŵapozya. 6Naye ezimbwa chikomo cha mwano waŵo.
Naye enzotantamo mminzi kuyeruzya.
7Nipo eŵaita kwake kumi na aŵiri ŵala, eyamba kwatuma aŵiri aŵiri, eŵapa vizo vyofumya mizimu ya lunsa; 8eŵauzya asaula kantu kali konse polwendo waŵo sembe muŵango weka, mitanda yai, chibeti yai, chukanga ndalama mchivunga chaŵo; 9sembe nkwaŵilo navwale, asavwala minjira iŵiri. 10Naye enena naŵo, Kuli konse kumti mkoloŵa mnanda nkalani mwamene umo mpaka kufumiramo. 11Pa malo ponse pati akanompokelelani kano kusammvwilani, mkafumapo palapa mkunkumule lukungu liri kunyansi kwa malwayo ŵanu liŵe untoni kuli ŵeve. 12Naŵo efuma eŵirizya kuti ŵantu ayaruke mitima. 13Efumya viŵanda vinyinji, noŵapwasika mafuta anyinji enzelwele noŵapolesya.
14Lomba mfumu Herode echimvwa, pakuti zina lake liŵirikila: echiti, Yohana Mbatizi ezyuka kwa akufwa, ni pavuchitiwa mwake vyampamvu ivi. 15Sembe ayake echiti, Ni Eriya. Na ayake echiti, Ni muŵirizi, nga ni umo wa aŵirizi. 16Sembe Herode akamvwe echiti, Ni Yohana wamene winitenda mutu, ni euka. 17Pakuti Herode mwine etuma kuyomkata Yohana nommanga mkambolimboli chifukwa cha Herodiya, mkazi wa Filipo mkwaŵo: pakuti emlingula. 18Chikomo Yohana emuuzya Herode, Nte chiweme kuula mkazi wa mkwanu. 19Naye Herodiya emuŵikira chifunda ku mtima nosakompaya, lomba aliyomgona; 20pakuti Herode enzomuyopa Yohana poziŵa kuti ni muntu wolungama na mtuŵa mtima, naye enzomsungisya wino. Naye akammvwe edodoma, emumvwa nosangalala. 21Nipo likaze zuŵa liweme Herode pa siku lovyalikwa kwake eŵateŵetera mulalilo ambiri ŵake na vilolo vikuru na ŵomvwika a mGalilaya; 22naye akaloŵemo mwana wamwanakazi wa Herodiya mwine novina emsekesya Herode na aŵo ŵenzenkezi naye pamo pa chakulya; nayo mfumu imnenera kabutu, Unisenge chiri chonse chiupangwa, nikupe. 23Imlapizya kuti, Chiri chonse chiuti unisenge nikupe, mpaka chitwa chofumu wangu. 24Naye efuma kunja eŵanenera anyina, Nisengenji? Yeve echiti, Mutu wa Yohana Mbatizi. 25Nipo lomba pano apa eloŵa maluŵilo ku mfumu esenga echiti, Nupangwa munipe lomba mutu wa Yohana Mbatizi pa mbazilo. 26Nayo mfumu indandaula kwene kantu, sembe chikomo cha njazi zyake na cha aŵo ŵenzenkezi pakulya ntipangwa kumkanya. 27Lomba pano apa mfumu ituma linjolinjoli limo la mwa aŵo oilindilila, ilisuzulila kuti likauule mutu wake: nalo lichiya nomtenda mutu mkambolimboli, 28nouleta mutu wake pa mbazilo nompa kabutu, na kabutu echipa anyina. 29Akamvwe asambili ŵake echizoula chitanda chake nochiika mu msitu.
30Lomba apostolo elongana kwa Yesu; emuuzya vyonse, viri vyonse vyechichita na vyonse vyechisambizya. 31Naye eŵanenera, Izani mweo mweka pa sanga pa tyala kuzopumula kansita katonto Pakuti anyinji ŵenzekuza na kuya, ŵenze pikupiku, enzeve nsita chukanga yolyera. 32Nipo ŵeve echiya mu wato pa sanga pa tyala padera. 33Ŵantu eŵaŵona penzekuya, na anyinji eŵaziŵa eutukirako na mendo mcharumo kufumira mminzi yonse noŵapula. 34Naye akafume eŵona liumba likuru noŵachitira chitinti, pakuti enze nga ni mbelele ziliye chiŵeta: eyamba kwayeruzya vinyinji. 35Nipo lomba zuŵa likasendame ngako asambili ŵake echiza kwake echiti, Ŵano malo na pa sanga pa tyala, zuŵa lasendama ngako lomba: 36ŵasuzuleni aŵekuya ku charo na ku minzi yozunguluka akalisitire ŵeka kantu kakulya. 37Sembe yeve eyasuka eŵanenera, Ŵapeni mweo vyakulya. Emnenera, Kansi tiye seo tikasitire mitanda ya makobiri myanda iŵiri tiŵape ŵalye? 38Enena naŵo, Mitanda ingani imuli nayo? nkoyani mkaŵone. Ŵeve akaziŵe echiti, Isano na iŵiri na masaŵi aŵiri. 39Nipo eŵauzya kunkala pansi ŵonse maŵanzya maŵanzya pa msipu. 40Naŵo enkala pansi mitande mitande, myanda myanda na makumi asano asano. 41Naye eiula mitanda isano na masaŵi aŵiri, elola kumulu eshukisya eisuna mitanda; eŵapa asambili kuti aŵa twalile, na masaŵi aŵiri aŵo eŵayaŵira ŵonse. 42Teti elyako ŵonse ekuta. 43Naŵo efusa manyenyenswa ezula maluŵango kumi na aŵiri, na a masaŵi kumo. 44Amene echilya mitanda enze analume myanda makumi asano.
45Nipo lomba pano apa eŵakulumizya asambili ŵake kuyoloŵa mu wato notangulako kusilya lila ku Betsaida, pamene apo mwine pechisuzula liumba. 46Naye akalailane naŵo echiya ku lupiri kulomba. 47Nipo pechichiza chingulo wato wenze pakati pa chimana, yeve yeka ni enze pasilya. 48Nipo pechiŵaŵona kuti aŵeŵa poyoŵa pakuti mpepo yenzoŵakangisya, nga ni nsita yakane yolonderana usiku echiza yeve kwaŵo enzoyenda pamulu pa manzi, esakoŵapitilila; 49sembe ŵeve pechimuŵona oyenda pamulu pa manzi elinga kuti ni mzyuka elilisya: 50pakuti ŵonse emuŵona nomwazika mitima. Sembe yeve lombalomba eŵalaŵizya enena naŵo, Nkazikani mitima: ni neo; msayopa. 51Naye eloŵa naŵo pamo mu wato; nipo mpepo ileka, naŵo ezizwa ngako mkati mwaŵo; 52pakuti aliyoziŵisya zya mitanda, sembe mitima yaŵo yenze iyumu.
53Lomba ŵeve akatauke efwika kusilya ku Genesarete nomangilila wato pa chau. 54Akafume mu wato lombalomba ŵantu emziŵa, 55eutuka notantamo mcharo chila chamsuma, eyamba kwaula pa visampi vyaŵo aŵo ŵenzelwele kwamene uko kwechimvwa kuti ni kwaali. 56Pali ponse pechiloŵa yeve, kano mminzi, kano mmizinda, kano pa sanga, ŵenzolalika ŵolwala pa malo pasweta positira, emtetelela kuti aŵa aikumye nzera ya chovwala chake yeka: naŵo ŵonse amene emkumya epozyewa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.