M. Marko 5
5
1NIPO ŵeve efwika kusilya liyake la chimana, ku charo cha Ageraseni. 2Naye akafume mu wato kansita katonto ekumana naye ofuma ku msitu muntu ana mzimu wa lunsa, 3wamene enzonkala pa mitupa, kwenzeve lomba muntu angammange, inde chukanga na linjerenjende; 4pakuti kaŵirikaŵiri enzomangiwa na nsinga na manjerenjende, sembe manjerenjende enzoŵabwantula na nsinga enzozitendatenda: kwenzeve muntu enze na mpamvu zyomteka. 5Nsiku zyonse usiku na mzuŵa pa mitupa na pa malupiri enzokuwa msemo nolinyemanyema na myala. 6Naye akamuŵone Yesu kutali emuutukira nomlambila; 7nipo akalile na malizu a mparazanga echiti, Neo na mweo tayoŵererana potyani, Yesu, Mwana wa Mlungu wa Kumulu ngako? numlapizyani pa Mlungu msanizuzya. 8Pakuti enena naye, Fuma, we mzimu wa lunsa, mmuntu uyu. 9Nipo emkonsha, Zina lako niwe yuni? Emuuzya, Zina langu nine Legiyo, chifukwa nise anyinji. 10Naye emtetelela ngako asaifumya kunja kwa charo. 11Lomba pamene apo pa msondo wa lupiri penze mpingo ukuru wa nkumba zyenzekulya. 12Imtetelela ichiti, Tisuzulileni mnkumba izyo tikaloŵe muli zyeve. 13Naye eizomezya. Nipo mizimu ya lunsa ifuma noloŵa mnkumba; na mpingo wiutuka luŵilo apo poturumuka mchimana, nga ni myanda makumi aŵiri, zichemwa na manzi na kufwa. 14Nipo ŵala oziŵetera eutuka eŵirizya mmunzi na mminda. Naŵo echizoŵona icho chachitiwako. 15Echiza kwa Yesu emuŵona wokulamwa viŵanda enzenkezi pansi wavwala paweme na usilu wasila, wamene enze na Legiyo, naŵo eyopa. 16Nipo aŵo eŵonako eŵakundululila kwaponanji kwa uyo wokulamwa viŵanda na zya nkumba. 17Naŵo etatikompapatira afumemo mchitwa cha kokwaŵo. 18Lomba penzoloŵamo mu wato wokulamwa viŵanda emtetelela kuti ankale naye pamo. 19Yeve emzomezya lini enena naye, Nkoya ku ng'anda kwako na kwa akwanu, ukaŵauzye vikuru vyakuchitira Asikuru, vyakuti wakuchitira lusungu. 20Naye echiya notatikoviŵirizya mDekapoli vikuru ivyo vyechimchitira Yesu: na ŵantu ŵonse ezuzuka.
21Nipo Yesu akataukile soti mu wato kusilya limbi liumba likuru lilongana kwake, naye enze mmbali mwa chimana. 22Lomba ezako umo wa akuru a sunagoge zina lake Yairo, naye akamuŵone evunama mnkonde mwake, 23empapatira kwene kantu echiti, Kamwana kangu kakabutu kosilizika: napapata muze msanzike manja ŵanu pali keve, kuti kapozyewe kaŵe moyo. 24Naye echiya naye pamo; na liumba likuru lenzomkonka nomfyandikizya.
25Lomba mwanakazi wamene enze na ntenda yakuvwa mlopa vyaka kumi na viŵiri, 26echimvwa mazuzyo akuru ku ng'anga zinyinji, nolofya vyonse vyenze navyo, lomba aliye nopola peka patonto sembe kulwala kwake kwikula, 27akamvwe mbili ya Yesu echiza pa liumba kuvuli nokumya chovwala chake. 28Pakuti echiti, Chukanga nikakumya vyovwala vyake vyeka nipuzumuke. 29Nipo lombalomba mchera wa mlopa wake wipwila, eziŵa mmuŵili wake kuti wapola mmazuzyo ŵake. 30Pamene apo Yesu pechimvwa mkati mwake kuti mpamvu yake yafumamo echeuka mliumba echiti, Ni ŵani wakumya vyovwala vyangu? 31Asambili ŵake emnenera, Muŵona liumba lumfyandikizyani, monena kuti, Wanikumya ni ŵani? 32Naye eŵalazya kuti amuŵone uyo wachita teti. 33Sembe mwanakazi uyo eyopa notutumila poziŵa icho chachitika kwake, echiza evunama mnkonde mwake nomuuzya vyendi vyonse. 34Naye emnenera, Mwanawe, mvwano wako wakupuzumusya; nkoya pa mtendere, upole pa mazuzyo ŵako.
35Lomba akali enena echiza ŵala kufuma ku mkuru wa sunagoge echiti, Mwana wanu mwanakazi wafwa: ni chinji pamkali mumuŵevya Msambizi? 36Sembe Yesu esula ilo lizu lanenewa enena naye mkuru wa sunagoge, Usayopa, wingozomera. 37Naye aliyozomezya yeka umo muntu kukonkana naye sembe Petro na Yakobo na Yohana, mkwaŵo wa Yakobo. 38Naŵo akapanamile ku ng'anda ya mkuru wa sunagoge eŵona kanyonganyonga na ŵala enzolila misozi nombuma kwene kantu. 39Naye akaloŵe eŵanenera, Ni chinji pamuchita kanyonganyonga nolila misozi? mwana aliyekufwa, ali mtulo. 40Naŵo emseka pwipwiti. Sembe yeve akafumye ŵonse kunja nkuula awisi a mwana na anyina na aŵo ŵenze naye pamo mwine, eloŵa mwenze mwana. 41Emkata kwanja mwana enena naye, Talita koumi; ni kulongosola kuti, Kabutu, nukuuzya, Uka. 42Nipo lomba pano apa kabutu eima noyendayenda, pakuti enze wa msinku wa vyaka kumi na viŵiri. Naŵo lombalomba ezizwa na mazuzu akuru. 43Naye eŵapanga ngako asaziŵa ichi muntu yeka umo, nosuzula kuti ampe kantu kakulya.
ទើបបានជ្រើសរើសហើយ៖
M. Marko 5: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.
M. Marko 5
5
1NIPO ŵeve efwika kusilya liyake la chimana, ku charo cha Ageraseni. 2Naye akafume mu wato kansita katonto ekumana naye ofuma ku msitu muntu ana mzimu wa lunsa, 3wamene enzonkala pa mitupa, kwenzeve lomba muntu angammange, inde chukanga na linjerenjende; 4pakuti kaŵirikaŵiri enzomangiwa na nsinga na manjerenjende, sembe manjerenjende enzoŵabwantula na nsinga enzozitendatenda: kwenzeve muntu enze na mpamvu zyomteka. 5Nsiku zyonse usiku na mzuŵa pa mitupa na pa malupiri enzokuwa msemo nolinyemanyema na myala. 6Naye akamuŵone Yesu kutali emuutukira nomlambila; 7nipo akalile na malizu a mparazanga echiti, Neo na mweo tayoŵererana potyani, Yesu, Mwana wa Mlungu wa Kumulu ngako? numlapizyani pa Mlungu msanizuzya. 8Pakuti enena naye, Fuma, we mzimu wa lunsa, mmuntu uyu. 9Nipo emkonsha, Zina lako niwe yuni? Emuuzya, Zina langu nine Legiyo, chifukwa nise anyinji. 10Naye emtetelela ngako asaifumya kunja kwa charo. 11Lomba pamene apo pa msondo wa lupiri penze mpingo ukuru wa nkumba zyenzekulya. 12Imtetelela ichiti, Tisuzulileni mnkumba izyo tikaloŵe muli zyeve. 13Naye eizomezya. Nipo mizimu ya lunsa ifuma noloŵa mnkumba; na mpingo wiutuka luŵilo apo poturumuka mchimana, nga ni myanda makumi aŵiri, zichemwa na manzi na kufwa. 14Nipo ŵala oziŵetera eutuka eŵirizya mmunzi na mminda. Naŵo echizoŵona icho chachitiwako. 15Echiza kwa Yesu emuŵona wokulamwa viŵanda enzenkezi pansi wavwala paweme na usilu wasila, wamene enze na Legiyo, naŵo eyopa. 16Nipo aŵo eŵonako eŵakundululila kwaponanji kwa uyo wokulamwa viŵanda na zya nkumba. 17Naŵo etatikompapatira afumemo mchitwa cha kokwaŵo. 18Lomba penzoloŵamo mu wato wokulamwa viŵanda emtetelela kuti ankale naye pamo. 19Yeve emzomezya lini enena naye, Nkoya ku ng'anda kwako na kwa akwanu, ukaŵauzye vikuru vyakuchitira Asikuru, vyakuti wakuchitira lusungu. 20Naye echiya notatikoviŵirizya mDekapoli vikuru ivyo vyechimchitira Yesu: na ŵantu ŵonse ezuzuka.
21Nipo Yesu akataukile soti mu wato kusilya limbi liumba likuru lilongana kwake, naye enze mmbali mwa chimana. 22Lomba ezako umo wa akuru a sunagoge zina lake Yairo, naye akamuŵone evunama mnkonde mwake, 23empapatira kwene kantu echiti, Kamwana kangu kakabutu kosilizika: napapata muze msanzike manja ŵanu pali keve, kuti kapozyewe kaŵe moyo. 24Naye echiya naye pamo; na liumba likuru lenzomkonka nomfyandikizya.
25Lomba mwanakazi wamene enze na ntenda yakuvwa mlopa vyaka kumi na viŵiri, 26echimvwa mazuzyo akuru ku ng'anga zinyinji, nolofya vyonse vyenze navyo, lomba aliye nopola peka patonto sembe kulwala kwake kwikula, 27akamvwe mbili ya Yesu echiza pa liumba kuvuli nokumya chovwala chake. 28Pakuti echiti, Chukanga nikakumya vyovwala vyake vyeka nipuzumuke. 29Nipo lombalomba mchera wa mlopa wake wipwila, eziŵa mmuŵili wake kuti wapola mmazuzyo ŵake. 30Pamene apo Yesu pechimvwa mkati mwake kuti mpamvu yake yafumamo echeuka mliumba echiti, Ni ŵani wakumya vyovwala vyangu? 31Asambili ŵake emnenera, Muŵona liumba lumfyandikizyani, monena kuti, Wanikumya ni ŵani? 32Naye eŵalazya kuti amuŵone uyo wachita teti. 33Sembe mwanakazi uyo eyopa notutumila poziŵa icho chachitika kwake, echiza evunama mnkonde mwake nomuuzya vyendi vyonse. 34Naye emnenera, Mwanawe, mvwano wako wakupuzumusya; nkoya pa mtendere, upole pa mazuzyo ŵako.
35Lomba akali enena echiza ŵala kufuma ku mkuru wa sunagoge echiti, Mwana wanu mwanakazi wafwa: ni chinji pamkali mumuŵevya Msambizi? 36Sembe Yesu esula ilo lizu lanenewa enena naye mkuru wa sunagoge, Usayopa, wingozomera. 37Naye aliyozomezya yeka umo muntu kukonkana naye sembe Petro na Yakobo na Yohana, mkwaŵo wa Yakobo. 38Naŵo akapanamile ku ng'anda ya mkuru wa sunagoge eŵona kanyonganyonga na ŵala enzolila misozi nombuma kwene kantu. 39Naye akaloŵe eŵanenera, Ni chinji pamuchita kanyonganyonga nolila misozi? mwana aliyekufwa, ali mtulo. 40Naŵo emseka pwipwiti. Sembe yeve akafumye ŵonse kunja nkuula awisi a mwana na anyina na aŵo ŵenze naye pamo mwine, eloŵa mwenze mwana. 41Emkata kwanja mwana enena naye, Talita koumi; ni kulongosola kuti, Kabutu, nukuuzya, Uka. 42Nipo lomba pano apa kabutu eima noyendayenda, pakuti enze wa msinku wa vyaka kumi na viŵiri. Naŵo lombalomba ezizwa na mazuzu akuru. 43Naye eŵapanga ngako asaziŵa ichi muntu yeka umo, nosuzula kuti ampe kantu kakulya.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.