M. Marko 4
4
1LOMBA soti etatikoyeruzya mmbali mwa chimana. Lilongana kwake liumba likuru ngako, tetyo ni pechiloŵa mu wato nonkala pa chimana; na liumba lonse lenze pasilya pafupi na chimana. 2Naye eŵasambizya vinyinji mmalinganizyo, eŵanenera mchiyeruzyo chake, 3Imvwani: Ŵonani, mkomoli efuma kuyokomera mbuto: 4nipo yenzepo pokomera kwake kuti mbuto zivake zipona mmbali mwa njira, twichiza tuni twizilya. 5Ziyake zipona penze luŵambe pamene penzeve lito linyinji; lomba pano zimera maluŵilo pakuti penzeve lito pansi: 6lomba zuŵa likakwere zichipya; na pakuti zyenzeve mizyu zifota. 7Ziyake zipona pakati pa minga, nayo minga ikakule izimyololosya, ni peziliyotwala kantu. 8Ziyake zipona pa msili uweme, zitwala zikakule notalimpa; nazyo zitwala vyotwala, ziyake makumi atatu, ziyake makumi asano na limo, ziyake makumi kumi. 9Naye echiti, Wamene ana matu akumvwa naamvwe.
10Naye penze pa yeka aŵo emfwinda pamo na aŵo kumi na aŵiri emkonsha zya malinganizyo. 11Naye eŵanenera, Kwanu chupewa chakunsei chofumu wa Mlungu: sembe kwa aŵo ali kunja vyonse vuchitiwa mmalinganizyo: 12kuti poŵona aŵone lomba asasingalwa, na pakumvwa amvwe lomba asaziŵisya; kuti kano angayaruke soti, ninga kulekelewe kwaŵo. 13Naye eŵanenera, Kansi simuziŵa ili linganizyo? mngaziŵe syani malinganizyo ŵonse? 14Mkomoli olikomola lizu. 15Aŵa ni ŵala a mmbali mwa njira mlukomerewa lizu, amene pakumvwa lomba pano akuza Satana nofumyamo lizu likomerewa mwaŵo. 16Tetyo soti aŵa ni ŵala okomerewa pa luŵambe, amene pakumvwa lizu opuvyolipokera nosekelela; 17aliye mizyu mkati mwaŵo, lomba onkala kansita, nipo akapona matamano kano kupitikishiwa chikomo cha lizu pamene apo opilingishiwa. 18Soti ayake ni ŵala okomerewa pakati pa minga; aŵa ni akumvwa lizu, 19lomba malangulusi a mcharo, na chiŵepeko cha mpango, na makumbwilo a vintu vimbine vuloŵamo nolimyololosya lizu, ni palusoŵa vyotwala. 20Soti aŵo ni ŵala ekomerewa pa msili uweme; ŵotetyo ni akumvwa lizu nolipokera, notwala vyotwala vyakufwa makumi atatu, na makumi asano na limo, na makumi kumi.
21Nipo enena naŵo, Kansi msaniko uletewa kuŵikiwa pansi pa chitundu kano mpampansi mwa malili, wosati uŵikiwe pa chifuto cha wine, ŵati? 22Pakuti paliye kantu kofisika sembe kuti kalangizyiwe; kano kechishiwa kunsei sembe kuti kavundululiwe. 23Kati ali wonse ana matu akumvwa naamvwe. 24Naye eŵauzya, Chenjerani na vimkumvwa: mlingo umulinga nawo ni wati aŵomlingiramoni namwe, nomyangizyaponi. 25Pakuti uyo ali nacho azamyangizizye: na uyo aliye, chukanga chali nacho azamlonde.
26Naye echiti, Ufumu wa Mlungu uli teti nga ni muntu omwazya mbuto pa msili; 27olala nouka usiku na mzuŵa, na mbuto zumera nokula umo mwasaziŵira mwine. 28Msili umezya weka vyotwala, poyamba msonji, nipo chisanku, pavuli pake menso ŵotumpa mchisanku. 29Sembe vikapya vyotwala lomba pano olaizya chosanjirako, pakwafwikila kuwezya.
30Naye enena, Tiulinganizye na chinji ufumu wa Mlungu? kano tiululule na linganizyo lotyani? 31Upalana na kambuto ka sinape,#4.31 Sinape ni mmera wokula chivunguvungu. ako kakakomerewa pa msili, chukanga kachepe ku mbuto zyonse ziri pa charo, 32sembe kakakomerewa kokula kakuŵa kakuru kupula mmera wonse, nosakata misambo ikuru, tetyo tuni twa mlulezi tukuzonkala mchimfule cha ine.
33Na malinganizyo ŵoteti anyinji elilaŵira naŵo lizu, umo mwechikumira kulimvwa; 34paliye linganizyo senzolaŵira naŵo: sembe asambili ŵake eŵalululira vyonse kunsei.
35Lomba siku lamene chikaze chingulo enena naŵo, Titaukile kusilya limbi. 36Naŵo elisiya liumba nomuula aye naŵo umo mwenzele mu wato. Na mawato ayakene enze naye pamo. 37Nipo chiuka chinkuka chikuru, na vikolwe vigapwila mu wato, teti lomba wato ni pewenzozula. 38Yeve mwine enze pa chipuna enzelele pa mseko: naŵo emuusya enena naye, Msambizi, simuŵikako mtima patutaika? 39Naye euka eifyangila mpepo echiti ku chimana, Myalala, chita cherere. Nayo mpepo itendeka, kwenze kachetechete kakuru. 40Eŵanenera, Muchitiranji mwezo? kansi na lomba kumo mkaliye na mvwano? 41Nipo ŵeve eyopa ngako, elaŵizyana umo na muyake, Nga uyu ni ŵani, akuti chukanga mpepo na chimana kumo vummvwila?
ទើបបានជ្រើសរើសហើយ៖
M. Marko 4: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.
M. Marko 4
4
1LOMBA soti etatikoyeruzya mmbali mwa chimana. Lilongana kwake liumba likuru ngako, tetyo ni pechiloŵa mu wato nonkala pa chimana; na liumba lonse lenze pasilya pafupi na chimana. 2Naye eŵasambizya vinyinji mmalinganizyo, eŵanenera mchiyeruzyo chake, 3Imvwani: Ŵonani, mkomoli efuma kuyokomera mbuto: 4nipo yenzepo pokomera kwake kuti mbuto zivake zipona mmbali mwa njira, twichiza tuni twizilya. 5Ziyake zipona penze luŵambe pamene penzeve lito linyinji; lomba pano zimera maluŵilo pakuti penzeve lito pansi: 6lomba zuŵa likakwere zichipya; na pakuti zyenzeve mizyu zifota. 7Ziyake zipona pakati pa minga, nayo minga ikakule izimyololosya, ni peziliyotwala kantu. 8Ziyake zipona pa msili uweme, zitwala zikakule notalimpa; nazyo zitwala vyotwala, ziyake makumi atatu, ziyake makumi asano na limo, ziyake makumi kumi. 9Naye echiti, Wamene ana matu akumvwa naamvwe.
10Naye penze pa yeka aŵo emfwinda pamo na aŵo kumi na aŵiri emkonsha zya malinganizyo. 11Naye eŵanenera, Kwanu chupewa chakunsei chofumu wa Mlungu: sembe kwa aŵo ali kunja vyonse vuchitiwa mmalinganizyo: 12kuti poŵona aŵone lomba asasingalwa, na pakumvwa amvwe lomba asaziŵisya; kuti kano angayaruke soti, ninga kulekelewe kwaŵo. 13Naye eŵanenera, Kansi simuziŵa ili linganizyo? mngaziŵe syani malinganizyo ŵonse? 14Mkomoli olikomola lizu. 15Aŵa ni ŵala a mmbali mwa njira mlukomerewa lizu, amene pakumvwa lomba pano akuza Satana nofumyamo lizu likomerewa mwaŵo. 16Tetyo soti aŵa ni ŵala okomerewa pa luŵambe, amene pakumvwa lizu opuvyolipokera nosekelela; 17aliye mizyu mkati mwaŵo, lomba onkala kansita, nipo akapona matamano kano kupitikishiwa chikomo cha lizu pamene apo opilingishiwa. 18Soti ayake ni ŵala okomerewa pakati pa minga; aŵa ni akumvwa lizu, 19lomba malangulusi a mcharo, na chiŵepeko cha mpango, na makumbwilo a vintu vimbine vuloŵamo nolimyololosya lizu, ni palusoŵa vyotwala. 20Soti aŵo ni ŵala ekomerewa pa msili uweme; ŵotetyo ni akumvwa lizu nolipokera, notwala vyotwala vyakufwa makumi atatu, na makumi asano na limo, na makumi kumi.
21Nipo enena naŵo, Kansi msaniko uletewa kuŵikiwa pansi pa chitundu kano mpampansi mwa malili, wosati uŵikiwe pa chifuto cha wine, ŵati? 22Pakuti paliye kantu kofisika sembe kuti kalangizyiwe; kano kechishiwa kunsei sembe kuti kavundululiwe. 23Kati ali wonse ana matu akumvwa naamvwe. 24Naye eŵauzya, Chenjerani na vimkumvwa: mlingo umulinga nawo ni wati aŵomlingiramoni namwe, nomyangizyaponi. 25Pakuti uyo ali nacho azamyangizizye: na uyo aliye, chukanga chali nacho azamlonde.
26Naye echiti, Ufumu wa Mlungu uli teti nga ni muntu omwazya mbuto pa msili; 27olala nouka usiku na mzuŵa, na mbuto zumera nokula umo mwasaziŵira mwine. 28Msili umezya weka vyotwala, poyamba msonji, nipo chisanku, pavuli pake menso ŵotumpa mchisanku. 29Sembe vikapya vyotwala lomba pano olaizya chosanjirako, pakwafwikila kuwezya.
30Naye enena, Tiulinganizye na chinji ufumu wa Mlungu? kano tiululule na linganizyo lotyani? 31Upalana na kambuto ka sinape,#4.31 Sinape ni mmera wokula chivunguvungu. ako kakakomerewa pa msili, chukanga kachepe ku mbuto zyonse ziri pa charo, 32sembe kakakomerewa kokula kakuŵa kakuru kupula mmera wonse, nosakata misambo ikuru, tetyo tuni twa mlulezi tukuzonkala mchimfule cha ine.
33Na malinganizyo ŵoteti anyinji elilaŵira naŵo lizu, umo mwechikumira kulimvwa; 34paliye linganizyo senzolaŵira naŵo: sembe asambili ŵake eŵalululira vyonse kunsei.
35Lomba siku lamene chikaze chingulo enena naŵo, Titaukile kusilya limbi. 36Naŵo elisiya liumba nomuula aye naŵo umo mwenzele mu wato. Na mawato ayakene enze naye pamo. 37Nipo chiuka chinkuka chikuru, na vikolwe vigapwila mu wato, teti lomba wato ni pewenzozula. 38Yeve mwine enze pa chipuna enzelele pa mseko: naŵo emuusya enena naye, Msambizi, simuŵikako mtima patutaika? 39Naye euka eifyangila mpepo echiti ku chimana, Myalala, chita cherere. Nayo mpepo itendeka, kwenze kachetechete kakuru. 40Eŵanenera, Muchitiranji mwezo? kansi na lomba kumo mkaliye na mvwano? 41Nipo ŵeve eyopa ngako, elaŵizyana umo na muyake, Nga uyu ni ŵani, akuti chukanga mpepo na chimana kumo vummvwila?
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.