M. Marko 3
3
1NAYE eloŵa soti msunagoge; mwenze muntu wa kwanja kofota. 2Naŵo emlolesya kati ampozye zuŵa la sabata, kuti ampe mlandu. 3Nipo emuuzya uyo wa kwanja kofota, Panama padera. 4Eŵanenera ŵeve, Kansi chuzomereka zuŵa la sabata kuchita chiweme, kano kuchita chiipa? kusunga moyo, kano kupaya? Sembe ŵeve ŵenze nuu. 5Naye akaŵaŵalazye pakupya mtima kwake ekwinyilila poyuma kwa mitima yaŵo enena naye muntu, Tambulula kwanja kwako. Ekutambulula, nako kwanja kwake kwipola. 6Naŵo Afarisayo lombalomba apa efuma nomnkalila mpembere na ŵene Herode umo mwati amchenekere.
7Lomba Yesu pamo na asambili ŵake ekwentera ku chimana: na liumba likuru lofumila ku Galilaya limkonka, na ku Yudaya, 8na ku Yerusalemi, na ku Idumaya, na kusilya lila la Yordani, na ku charo cha Turo na cha Sidoni, liumba likuru, povimvwa vikuru vyechichita limfwikila. 9Naye eŵauzya asambili ŵake kuti kawato katonto kamlinde chifukwa cha winji, ungampatikizye: 10pechipozya anyinji; tetyo ŵonse ŵenze na mazuzyo ni pechimfyandikizya kuti amkumye. 11Nayo mizimu ya lunsa pali ponse peimuŵona yenzomfukamila nosema kuti, Mwe nimwe Mwana wa Mlungu. 12Naye eichimula ngako isamsokolola.
13Lomba ekwera ku lupiri ulo noŵaita kwake ŵechipangwa yeve mwine, naŵo emuyila. 14Naye esalula kumi na aŵiri aŵonkala naye pamo, na kuti aŵasuzulile kuti akaŵirizye 15na kuŵa na vizo vyofumya viŵanda: 16na Simoni emteya zina liyake Petro; 17na Yakobo mwana wa Zebedayo, na Yohana mkwaŵo wa Yakobo, aŵa eŵateya Bowanerge, ni kuti, Ŵana a mlulumo: 18na Andreya, na Filipo, na Bartolomayo, na Mattayo, na Tomaso, na Yakobo mwana wa Alifayo, na Taddayo, na Simoni Mkanane, 19na Yuda Iskariote, uyo soti empunza.
Nipo eloŵa mnanda. 20Liumba ilo lilongana soti, tetyo na chakulya ni paliyeulye. 21Lomba anansi ŵake akamvwe teti efuma kuyomvwitila: pakuti echiti, Wafunta. 22Naŵo alembi aŵo ŵofumila ku Yerusalemi echiti, Ana Beelzebule, na kuti, Pamo na mkuru wa viŵanda ni pakuvifumya viŵanda. 23Nipo eŵaitila kwake elaŵira naŵo mmalinganizyo akuti, Nga Satana angakume tyani kufumya Satana? 24Kati ufumu ukayaŵanikana kulisusya wine weka ufumu ula ntungatang'e. 25Soti kati ng'anda ikayaŵanikana kulisusya ine yeka ng'anda ila ntingatang'e. 26Soti Satana kati akaliukira mwine yeka noyaŵiwa sangatang'e, lomba osilizika tyala. 27Paliye muntu angaloŵe mng'anda ya muntu wa mpamvu notapa vintu vyake, akakanommanga poyamba uyo muntu wa mpamvu, ni pati afunke vya mng'anda yake. 28Lezee numnenelani, Ŵana a ŵantu viipa vyaŵo vyonse vize vilekelewe, na kumsikila Mlungu kwati azachite: 29sembe ali wonse ati amchitile msikila Mzimu Mtuŵa ntati alekelewe vyaka vyonse, ana mlandu wa chiipa cha maŵero: 30pakuti echiti, Ana mzimu wa lunsa.
31Nipo echiza anyina na akwaŵo, epanama kunja etuma kwake kumuita. 32Liumba lenzenkezi pansi kumzinga; naŵo emuuzya, Ŵonani, anyina wanu na akwanu ali kunja omsakilani. 33Naye eŵayasuka echiti, Ŵama ni ŵani, na akwasu ni ŵani? 34Nipo eŵalolesisya aŵo emzinga echiti, Ŵonani ŵama na akwasu! 35Pakuti ali wonse ati aŵovichita vyakupangwa Mlungu, uyo ni mkwasu, ni mlongosi wangu, ni ŵama.
ទើបបានជ្រើសរើសហើយ៖
M. Marko 3: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.
M. Marko 3
3
1NAYE eloŵa soti msunagoge; mwenze muntu wa kwanja kofota. 2Naŵo emlolesya kati ampozye zuŵa la sabata, kuti ampe mlandu. 3Nipo emuuzya uyo wa kwanja kofota, Panama padera. 4Eŵanenera ŵeve, Kansi chuzomereka zuŵa la sabata kuchita chiweme, kano kuchita chiipa? kusunga moyo, kano kupaya? Sembe ŵeve ŵenze nuu. 5Naye akaŵaŵalazye pakupya mtima kwake ekwinyilila poyuma kwa mitima yaŵo enena naye muntu, Tambulula kwanja kwako. Ekutambulula, nako kwanja kwake kwipola. 6Naŵo Afarisayo lombalomba apa efuma nomnkalila mpembere na ŵene Herode umo mwati amchenekere.
7Lomba Yesu pamo na asambili ŵake ekwentera ku chimana: na liumba likuru lofumila ku Galilaya limkonka, na ku Yudaya, 8na ku Yerusalemi, na ku Idumaya, na kusilya lila la Yordani, na ku charo cha Turo na cha Sidoni, liumba likuru, povimvwa vikuru vyechichita limfwikila. 9Naye eŵauzya asambili ŵake kuti kawato katonto kamlinde chifukwa cha winji, ungampatikizye: 10pechipozya anyinji; tetyo ŵonse ŵenze na mazuzyo ni pechimfyandikizya kuti amkumye. 11Nayo mizimu ya lunsa pali ponse peimuŵona yenzomfukamila nosema kuti, Mwe nimwe Mwana wa Mlungu. 12Naye eichimula ngako isamsokolola.
13Lomba ekwera ku lupiri ulo noŵaita kwake ŵechipangwa yeve mwine, naŵo emuyila. 14Naye esalula kumi na aŵiri aŵonkala naye pamo, na kuti aŵasuzulile kuti akaŵirizye 15na kuŵa na vizo vyofumya viŵanda: 16na Simoni emteya zina liyake Petro; 17na Yakobo mwana wa Zebedayo, na Yohana mkwaŵo wa Yakobo, aŵa eŵateya Bowanerge, ni kuti, Ŵana a mlulumo: 18na Andreya, na Filipo, na Bartolomayo, na Mattayo, na Tomaso, na Yakobo mwana wa Alifayo, na Taddayo, na Simoni Mkanane, 19na Yuda Iskariote, uyo soti empunza.
Nipo eloŵa mnanda. 20Liumba ilo lilongana soti, tetyo na chakulya ni paliyeulye. 21Lomba anansi ŵake akamvwe teti efuma kuyomvwitila: pakuti echiti, Wafunta. 22Naŵo alembi aŵo ŵofumila ku Yerusalemi echiti, Ana Beelzebule, na kuti, Pamo na mkuru wa viŵanda ni pakuvifumya viŵanda. 23Nipo eŵaitila kwake elaŵira naŵo mmalinganizyo akuti, Nga Satana angakume tyani kufumya Satana? 24Kati ufumu ukayaŵanikana kulisusya wine weka ufumu ula ntungatang'e. 25Soti kati ng'anda ikayaŵanikana kulisusya ine yeka ng'anda ila ntingatang'e. 26Soti Satana kati akaliukira mwine yeka noyaŵiwa sangatang'e, lomba osilizika tyala. 27Paliye muntu angaloŵe mng'anda ya muntu wa mpamvu notapa vintu vyake, akakanommanga poyamba uyo muntu wa mpamvu, ni pati afunke vya mng'anda yake. 28Lezee numnenelani, Ŵana a ŵantu viipa vyaŵo vyonse vize vilekelewe, na kumsikila Mlungu kwati azachite: 29sembe ali wonse ati amchitile msikila Mzimu Mtuŵa ntati alekelewe vyaka vyonse, ana mlandu wa chiipa cha maŵero: 30pakuti echiti, Ana mzimu wa lunsa.
31Nipo echiza anyina na akwaŵo, epanama kunja etuma kwake kumuita. 32Liumba lenzenkezi pansi kumzinga; naŵo emuuzya, Ŵonani, anyina wanu na akwanu ali kunja omsakilani. 33Naye eŵayasuka echiti, Ŵama ni ŵani, na akwasu ni ŵani? 34Nipo eŵalolesisya aŵo emzinga echiti, Ŵonani ŵama na akwasu! 35Pakuti ali wonse ati aŵovichita vyakupangwa Mlungu, uyo ni mkwasu, ni mlongosi wangu, ni ŵama.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.