M. Marko 2
2
1LOMBA yeve apo pechiloŵa soti mKapernaumi akapite masiku ŵambi kwimvwika kuti ali mng'anda. 2Nipo elongana anyinji, tetyo ni pechisoŵa malo lomba, inde na pa mulyango kumo: naye elilaŵira naŵo lizu. 3Nipo echiza enzomtwala muntu olwala manjenje otembewa na ŵane. 4Naŵo pekwiŵakanga kumpanamila chikomo cha winji esankulula mtenje penze yeve: lomba akaugumule echisisya chisampi chenzelelepo wa manjenje. 5Yesu naye poŵona mvwano waŵo emuuzya wa manjenje, Mwanawe, viipa vyako vyalekelewa. 6Lomba ŵenzepo ŵambi a alembi enzenkezi palapa enzolingilila mmitima mwaŵo, 7Ni chinji uyu muntu pakulaŵira teti? omchitira Mlungu msikila: ni ŵani angalekere viipa sembe umo, ni Mlungu? 8Lomba pano apa Yesu pakumvwa mu mtima mwake kuti olingilila tetyo ŵeka na ŵeka elaŵira naŵo, Ni vinji pamulingilila ivi vintu mmitima mwanu? 9Chipepu ni chini, kumnenera wa manjenje, Viipa vyako vyalekelewa; kano kunena, Uka, chiimye chisampi chako uyende? 10Ningamziŵe kuti Mwana wa muntu ali na nsaka pano pansi yolekera viipa (emuuzya wa manjenje), 11Nukunenera weo, Uka, chiimye chisampi chako, nkoya ku ng'anda kwako. 12Naye lombalomba euka, echiimya chisampi chake nofumapo pa menso pa aŵo ŵonse; tetyo ni pechizizwa ŵonse nomchitira Mlungu mchinzi wakuti, Tikaliye noviŵonapo vintu nga ni ivi.
13Lomba yeve efumapo soti kuya mmbali mwa chimana; na liumba lonse lilongana kwake, naye eŵasambizya. 14Naye popita emuŵona Levi mwana wa Alifayo enzenkezi posonkera msonko enena naye, Nikonke neo. Naye eima nomkonka. 15Nipo yenzepo kuti penzenkezi yeve pa chakulya mnanda yake, ŵosonkesya na ŵoponta anyinji enzenkezi pamo na Yesu na asambili ŵake: pakuti enze anyinji emkonka. 16Nipo alembi a Afarisayo pomuŵona akulya pamo na ŵoponta na ŵosonkesya aŵo elaŵira naŵo asambili ŵake, Uyu akulya na kumwa pamo na ŵosonkesya na ŵoponta. 17Naye Yesu akamvwe eŵanenera, Aŵo ali mpamvu ntosaka ng'anga, sembe aŵo olwala niŵo; ntenichiza kwaita ŵolungama sembe ŵoponta.
18Lomba asambili a Yohana na Afarisayo enzolitana vyakulya: naŵo akaze emnenera, Ni chinji asambili ŵa Yohana na asambili ŵa Afarisayo pakulitana vyakulya, sembe asambili ŵanu pasalitana vyakulya? 19Yesu echiti kuli ŵeve, Kansi ŵana a ng'anda yolinguli angalitane vyakulya mtenzi pakalipo? mtenzi pakali naŵo pamo ntangalitane vyakulya. 20Sembe mazuŵa aaze ŵati alondewe kwaŵo mtenzi uyo, ni pati alitane vyakulya siku lila. 21Paliye muntu otimilizya chigamba cha nyula yalomba pa mwinjira wachomba: pambi iyo yusakosinka chintumbwi ingafumyepo, yalomba yupazukira kumo na yachomba, na kupazuka kukula. 22Paliye muntu otiramo mvinyu walomba mmankomwa achomba: pambi mvinyu ungaŵapulisye mankomwa, na mvinyu ungachenekeke na mankomwa kumo: lomba otiramo mvinyu walomba mmankomwa alero.
23Lomba yenzepo kuti penzopita yeve pakati pa minda ya mapira zuŵa la sabata asambili ŵake poyenda eyambolengula visanku vya mapira. 24Afarisayo emnenera, Ŵonani, aŵa ochitiranji zuŵa la sabata chila chosazomereka kuchita? 25Yeve enena naŵo, Mwati mnapende kansi chechichita Davide pechisoŵelwa na kumvwa njala, yeve na aŵo ŵenze naye pamo? 26Chakuti eloŵa mng'anda ya Mlungu, peenze mkuru wa wansembe Abiyataro, elyamo mitanda yolangizyiwa yamene isawamila kulyewa na ŵantu, sembe na ansembe ŵeka, soti eŵapako aŵo ŵenze naye pamo? 27Naye eŵanenera, Sabata lichitiwa mlandu wa ŵantu, nte ŵantu mlandu wa sabata: 28teti Mwana wa muntu ni paali mwine wa sabata.
ទើបបានជ្រើសរើសហើយ៖
M. Marko 2: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.
M. Marko 2
2
1LOMBA yeve apo pechiloŵa soti mKapernaumi akapite masiku ŵambi kwimvwika kuti ali mng'anda. 2Nipo elongana anyinji, tetyo ni pechisoŵa malo lomba, inde na pa mulyango kumo: naye elilaŵira naŵo lizu. 3Nipo echiza enzomtwala muntu olwala manjenje otembewa na ŵane. 4Naŵo pekwiŵakanga kumpanamila chikomo cha winji esankulula mtenje penze yeve: lomba akaugumule echisisya chisampi chenzelelepo wa manjenje. 5Yesu naye poŵona mvwano waŵo emuuzya wa manjenje, Mwanawe, viipa vyako vyalekelewa. 6Lomba ŵenzepo ŵambi a alembi enzenkezi palapa enzolingilila mmitima mwaŵo, 7Ni chinji uyu muntu pakulaŵira teti? omchitira Mlungu msikila: ni ŵani angalekere viipa sembe umo, ni Mlungu? 8Lomba pano apa Yesu pakumvwa mu mtima mwake kuti olingilila tetyo ŵeka na ŵeka elaŵira naŵo, Ni vinji pamulingilila ivi vintu mmitima mwanu? 9Chipepu ni chini, kumnenera wa manjenje, Viipa vyako vyalekelewa; kano kunena, Uka, chiimye chisampi chako uyende? 10Ningamziŵe kuti Mwana wa muntu ali na nsaka pano pansi yolekera viipa (emuuzya wa manjenje), 11Nukunenera weo, Uka, chiimye chisampi chako, nkoya ku ng'anda kwako. 12Naye lombalomba euka, echiimya chisampi chake nofumapo pa menso pa aŵo ŵonse; tetyo ni pechizizwa ŵonse nomchitira Mlungu mchinzi wakuti, Tikaliye noviŵonapo vintu nga ni ivi.
13Lomba yeve efumapo soti kuya mmbali mwa chimana; na liumba lonse lilongana kwake, naye eŵasambizya. 14Naye popita emuŵona Levi mwana wa Alifayo enzenkezi posonkera msonko enena naye, Nikonke neo. Naye eima nomkonka. 15Nipo yenzepo kuti penzenkezi yeve pa chakulya mnanda yake, ŵosonkesya na ŵoponta anyinji enzenkezi pamo na Yesu na asambili ŵake: pakuti enze anyinji emkonka. 16Nipo alembi a Afarisayo pomuŵona akulya pamo na ŵoponta na ŵosonkesya aŵo elaŵira naŵo asambili ŵake, Uyu akulya na kumwa pamo na ŵosonkesya na ŵoponta. 17Naye Yesu akamvwe eŵanenera, Aŵo ali mpamvu ntosaka ng'anga, sembe aŵo olwala niŵo; ntenichiza kwaita ŵolungama sembe ŵoponta.
18Lomba asambili a Yohana na Afarisayo enzolitana vyakulya: naŵo akaze emnenera, Ni chinji asambili ŵa Yohana na asambili ŵa Afarisayo pakulitana vyakulya, sembe asambili ŵanu pasalitana vyakulya? 19Yesu echiti kuli ŵeve, Kansi ŵana a ng'anda yolinguli angalitane vyakulya mtenzi pakalipo? mtenzi pakali naŵo pamo ntangalitane vyakulya. 20Sembe mazuŵa aaze ŵati alondewe kwaŵo mtenzi uyo, ni pati alitane vyakulya siku lila. 21Paliye muntu otimilizya chigamba cha nyula yalomba pa mwinjira wachomba: pambi iyo yusakosinka chintumbwi ingafumyepo, yalomba yupazukira kumo na yachomba, na kupazuka kukula. 22Paliye muntu otiramo mvinyu walomba mmankomwa achomba: pambi mvinyu ungaŵapulisye mankomwa, na mvinyu ungachenekeke na mankomwa kumo: lomba otiramo mvinyu walomba mmankomwa alero.
23Lomba yenzepo kuti penzopita yeve pakati pa minda ya mapira zuŵa la sabata asambili ŵake poyenda eyambolengula visanku vya mapira. 24Afarisayo emnenera, Ŵonani, aŵa ochitiranji zuŵa la sabata chila chosazomereka kuchita? 25Yeve enena naŵo, Mwati mnapende kansi chechichita Davide pechisoŵelwa na kumvwa njala, yeve na aŵo ŵenze naye pamo? 26Chakuti eloŵa mng'anda ya Mlungu, peenze mkuru wa wansembe Abiyataro, elyamo mitanda yolangizyiwa yamene isawamila kulyewa na ŵantu, sembe na ansembe ŵeka, soti eŵapako aŵo ŵenze naye pamo? 27Naye eŵanenera, Sabata lichitiwa mlandu wa ŵantu, nte ŵantu mlandu wa sabata: 28teti Mwana wa muntu ni paali mwine wa sabata.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.