M. Marko 1
1
1CHIYAMBI cha evangelo ya Yesu Kristo, Mwana wa Mlungu.
2Nga ni mkwilembewera mwa Isaya muŵirizi,
Ŵona, nuitanguzya nkalamba yangu pantanzi pa menso pako,
Yamene iti ize isalazye njira yako;
3Lizu la wokuwa mmalambo,
Wamizyani katera njira ya Asikuru,
Lungamikani miseo yake;
4echiza Yohana, uyo enzobatiza mmalambo noŵirizya ubatizo woyaruka mitima kolekera viipa. 5Nipo efuma emuyila ŵonse a ku charo cha Yudaya na ŵonse a ku Yerusalemi, ebatiziwa na yeve mkamana Yordani kusokolola viipa vyaŵo. 6Naye Yohana enzovwala masako a ngamila na chikoŵe cha nkanda muluunda mwake, enzekulya vipaso na uchi wa ku sanga. 7Eŵirizya echiti, Akuza pavuli pangu uyo ni ena mpamvu zyopula neo, unisawamila neo kuŵerama kumangulula nsinga zya nkwaŵilo zyake. 8Nimbatizani neo na manzi, sembe uyo azambatizeni na Mzimu Mtuŵa.
9Lomba yenzepo mmazuŵa ŵala kuti Yesu echiza kufuma ku Nazarete wa mGalilaya ebatiziwa na Yohana mu Yordani. 10Lomba pano apa akatumpuke mmanzi eŵona makumbi apanduka na Mzimu kumsi kila nga ni nkunda: 11na lizu lifuma mmakumbi lakuti, Niwe Mwana wangu wotemweka, unutemwa nawe.
12Naye Mzimu epuvyomuutusyira ku malambo. 13Naye enzonkala mmalambo masiku makumi ŵane, Satana enzomuyezya, enze pamo na nyama zya msanga, na malaika enzomtumikila.
14Lomba Yohana akapunziwe Yesu echiza mGalilaya kuŵirizya evangelo ya Mlungu 15na kuti, Nsita yasilizika, ufumu wa Mlungu wafwikila: yarukani mitima, imvwileni evangelo.
16Penzolamba yeve mmbali mwa chimana cha Galilaya eŵaŵona Simoni na Andreya, mkwaŵo wa Simoni, enzopoza kombe mchimana: pakuti ŵenze ŵokasya masaŵi. 17Yesu eŵauzya, Izani pavuli pangu, nane nize nimchisyeni ŵokasya ŵantu. 18Naŵo lombalomba eŵasiya akombe nomkonka yeve. 19Yeve naye pechipulapo patonto eŵaŵona Yakobo, mwana wa Zebedayo, na Yohana mkwaŵo, ŵeve naŵo ŵenze mu wato ŵenzoŵila akombe. 20Lomba pano apa eŵaita: naŵo esiya ausu waŵo Zebedayo mu wato pamo na alumbwana ŵolalika, nomkonka yeve.
21Nipo eloŵa ŵeve mKapernaumi; naye lombalomba zuŵa la sabata eloŵa msunagoge nosambizya. 22Naŵo ezizwa na mayeruzyo ŵake; pakuti eŵasambizya nga ni ana nsaka, wosali nga ni alembi aŵo yai. 23Lomba msunagoge mwaŵo mwenze muntu ana mzimu wa lunsa, ekuwa 24echiti, Seo na mweo tatemwana syani, mwe Yesu wa mNazarete? kansi mwazoticheneka? namziŵani nimwe ŵani, nimwe Wozila wa Mlungu. 25Naye Yesu euuzya, Myalala; fumamo muli uyu. 26Nipo mzimu wa lunsa wimpandula, wilila na malizu akuru nofumamo mwake. 27Naŵo ezizwa ŵonse, tetyo ni pechikonshana ŵeka echiti, Ichi ni chinji? ati mayeruzyo alomba! na vizo uyu oiuzya chukanga mizimu ya lunsa, nayo yummvwila. 28Nipo mbili yake iŵirikila mmalo monse mcharo chonse cha Galilaya chozunguluka.
29Nipo lomba pano apa pechifumamo ŵeve msunagoge eloŵa yeve mnanda ya Simoni na Andreya pamo na Yakobo na Yohana. 30Lomba anyavyalawake a Simoni enzelele wolwala mutu; naŵo epuvyomuuzya zyake: 31naye echiza emkata kwanja nomuusya; na ntenda imleka, naye eŵatumikila.
32Lomba mchingulo zuŵa likati syoo eŵatwala kwake ŵonse ŵolwala na aŵo ŵokulamwa viŵanda. 33Munzi wonse wilongana pa mulyango. 34Naye epozya anyinji ŵolwala na ntenda zya mtundumtundu, nofumyamo viŵanda vinyinji; ntevizomezya viŵanda kuti vilaŵire, pakuti vimziŵa.
35Nipo mmawa mwake usikusiku euka, efuma echiya ku sanga nolomba kwamene uko. 36Lomba Simoni na aŵo ŵenze naye pamo emsenselela; 37emfwanga nomuuzya, Ŵonse omsakani. 38Naye enena naŵo, Tiyeni kumbi ku minzi iri pafupi apa, nikaŵirizyeko nako, pakuti kwa ichi ni kwinizila. 39Nipo eloŵa mmasunagoge mwaŵo mGalilaya monse, enzoŵirizya nofumya viŵanda.
40Lomba echiza kwake wa manzonzo, empapatira emfukamila nonena naye, Kati mupangwa mnganipozye. 41Naye echita chifundo, etambulula kwanja kwake nomkumya nomuuzya, Nupangwa; upozyewe. 42Lombalomba manzonzo emsiya, naye epozyewa. 43Yeve emuuzisya nomsuzula lomba pano 44nomuuzya, Ŵona usanena kantu ku muntu ali wonse: lomba nkoya, ukalilangizye ku wansembe, notira kopola kwako vintu vyechinena Musa, viŵe untoni kwaŵo. 45Sembe yeve efuma, eyamboŵirizya ngako noŵira mbila, tetyo Yesu ni pechilekoloŵamo soti pasweta mmunzi, enze panja padera pa tyala: naŵo kufumira monsemonse echiza kwake.
ទើបបានជ្រើសរើសហើយ៖
M. Marko 1: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.
M. Marko 1
1
1CHIYAMBI cha evangelo ya Yesu Kristo, Mwana wa Mlungu.
2Nga ni mkwilembewera mwa Isaya muŵirizi,
Ŵona, nuitanguzya nkalamba yangu pantanzi pa menso pako,
Yamene iti ize isalazye njira yako;
3Lizu la wokuwa mmalambo,
Wamizyani katera njira ya Asikuru,
Lungamikani miseo yake;
4echiza Yohana, uyo enzobatiza mmalambo noŵirizya ubatizo woyaruka mitima kolekera viipa. 5Nipo efuma emuyila ŵonse a ku charo cha Yudaya na ŵonse a ku Yerusalemi, ebatiziwa na yeve mkamana Yordani kusokolola viipa vyaŵo. 6Naye Yohana enzovwala masako a ngamila na chikoŵe cha nkanda muluunda mwake, enzekulya vipaso na uchi wa ku sanga. 7Eŵirizya echiti, Akuza pavuli pangu uyo ni ena mpamvu zyopula neo, unisawamila neo kuŵerama kumangulula nsinga zya nkwaŵilo zyake. 8Nimbatizani neo na manzi, sembe uyo azambatizeni na Mzimu Mtuŵa.
9Lomba yenzepo mmazuŵa ŵala kuti Yesu echiza kufuma ku Nazarete wa mGalilaya ebatiziwa na Yohana mu Yordani. 10Lomba pano apa akatumpuke mmanzi eŵona makumbi apanduka na Mzimu kumsi kila nga ni nkunda: 11na lizu lifuma mmakumbi lakuti, Niwe Mwana wangu wotemweka, unutemwa nawe.
12Naye Mzimu epuvyomuutusyira ku malambo. 13Naye enzonkala mmalambo masiku makumi ŵane, Satana enzomuyezya, enze pamo na nyama zya msanga, na malaika enzomtumikila.
14Lomba Yohana akapunziwe Yesu echiza mGalilaya kuŵirizya evangelo ya Mlungu 15na kuti, Nsita yasilizika, ufumu wa Mlungu wafwikila: yarukani mitima, imvwileni evangelo.
16Penzolamba yeve mmbali mwa chimana cha Galilaya eŵaŵona Simoni na Andreya, mkwaŵo wa Simoni, enzopoza kombe mchimana: pakuti ŵenze ŵokasya masaŵi. 17Yesu eŵauzya, Izani pavuli pangu, nane nize nimchisyeni ŵokasya ŵantu. 18Naŵo lombalomba eŵasiya akombe nomkonka yeve. 19Yeve naye pechipulapo patonto eŵaŵona Yakobo, mwana wa Zebedayo, na Yohana mkwaŵo, ŵeve naŵo ŵenze mu wato ŵenzoŵila akombe. 20Lomba pano apa eŵaita: naŵo esiya ausu waŵo Zebedayo mu wato pamo na alumbwana ŵolalika, nomkonka yeve.
21Nipo eloŵa ŵeve mKapernaumi; naye lombalomba zuŵa la sabata eloŵa msunagoge nosambizya. 22Naŵo ezizwa na mayeruzyo ŵake; pakuti eŵasambizya nga ni ana nsaka, wosali nga ni alembi aŵo yai. 23Lomba msunagoge mwaŵo mwenze muntu ana mzimu wa lunsa, ekuwa 24echiti, Seo na mweo tatemwana syani, mwe Yesu wa mNazarete? kansi mwazoticheneka? namziŵani nimwe ŵani, nimwe Wozila wa Mlungu. 25Naye Yesu euuzya, Myalala; fumamo muli uyu. 26Nipo mzimu wa lunsa wimpandula, wilila na malizu akuru nofumamo mwake. 27Naŵo ezizwa ŵonse, tetyo ni pechikonshana ŵeka echiti, Ichi ni chinji? ati mayeruzyo alomba! na vizo uyu oiuzya chukanga mizimu ya lunsa, nayo yummvwila. 28Nipo mbili yake iŵirikila mmalo monse mcharo chonse cha Galilaya chozunguluka.
29Nipo lomba pano apa pechifumamo ŵeve msunagoge eloŵa yeve mnanda ya Simoni na Andreya pamo na Yakobo na Yohana. 30Lomba anyavyalawake a Simoni enzelele wolwala mutu; naŵo epuvyomuuzya zyake: 31naye echiza emkata kwanja nomuusya; na ntenda imleka, naye eŵatumikila.
32Lomba mchingulo zuŵa likati syoo eŵatwala kwake ŵonse ŵolwala na aŵo ŵokulamwa viŵanda. 33Munzi wonse wilongana pa mulyango. 34Naye epozya anyinji ŵolwala na ntenda zya mtundumtundu, nofumyamo viŵanda vinyinji; ntevizomezya viŵanda kuti vilaŵire, pakuti vimziŵa.
35Nipo mmawa mwake usikusiku euka, efuma echiya ku sanga nolomba kwamene uko. 36Lomba Simoni na aŵo ŵenze naye pamo emsenselela; 37emfwanga nomuuzya, Ŵonse omsakani. 38Naye enena naŵo, Tiyeni kumbi ku minzi iri pafupi apa, nikaŵirizyeko nako, pakuti kwa ichi ni kwinizila. 39Nipo eloŵa mmasunagoge mwaŵo mGalilaya monse, enzoŵirizya nofumya viŵanda.
40Lomba echiza kwake wa manzonzo, empapatira emfukamila nonena naye, Kati mupangwa mnganipozye. 41Naye echita chifundo, etambulula kwanja kwake nomkumya nomuuzya, Nupangwa; upozyewe. 42Lombalomba manzonzo emsiya, naye epozyewa. 43Yeve emuuzisya nomsuzula lomba pano 44nomuuzya, Ŵona usanena kantu ku muntu ali wonse: lomba nkoya, ukalilangizye ku wansembe, notira kopola kwako vintu vyechinena Musa, viŵe untoni kwaŵo. 45Sembe yeve efuma, eyamboŵirizya ngako noŵira mbila, tetyo Yesu ni pechilekoloŵamo soti pasweta mmunzi, enze panja padera pa tyala: naŵo kufumira monsemonse echiza kwake.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.