फिलिप्पि मिःक्म खानावाँ
मिःक्म खानावाँ
ग साब्चिरा पावलऎ फिलिप्पि हाटाबि चुऎ मान्डालि साप्मिम्पा लॆटा। फिलिप्पि चाइ माकेडोनिया लोमॆ रोमि हाङ्डाम्मि एक्क भाग लॆटा। ग साब्चिरा साब्मार पावल चाइ सॆक्चिम्पि सिॽमिम्पा लॆटा हाङ् ऎॽवा खिरिस्टियानचिऎन सङ्क काइर लोमानुङ् खो निवाँबि चाइखॆॽमिटुचि। आक्रल फिलिप्पिमि मान्डालिबि हुन्नहा खानावाँ फुबॽमॆसिसा। मसॆ आक्क खानावाँबाङ् पावल याक्टाखॆॽमिम्पा लॆटा। टर पावलऎ येसु खिरिस्टबि लॆःॽमिम्पा निवाँयुङ्न चाइबानऎ कामानुङ् खोसॆ लोकु।
ग साब्चिरा चाइ फिलिप्पिबिहा निवाँयुङ् लॆखुबाचि ओहाक् पिॽमाम् लागि साप्मिम्पा लॆटा। पावल डुखाबि सिॽमार खोचिऎ पाइबाक्मिम्पा लॆटुचि। मसॆ डुखाबि सङ्क उम्चि निवाँ चॆकुवॆ मुमाम् लागि पावलऎ ग साब्चिरा साबुचि। पावलऎ ग साब्चिराबि खोचि कायङ्पा लॆङ्मॆ हॆॽनॆ, टर मिःछुॽमा लॆङ्मॆ खानावाँ चिनुकुचि। खिरिस्टबि निवाँयुङ् लॆखुबाचि निवाँहाङ्ऎ उम्चङ् हिङ्खामा पिकुचि। आक्क खानावाँ चाइ खोचि याहुडिचिम् यायेॽमा रक्न पाइमिम्पासॆ हॆॽनॆ, टर निवाँयुङ्बाङ् टक्चामिम्पा कामानुङ् लोकुचिमि।
ग साब्चिराऎ एक्क खिरिस्टियानऎ उम् निवाँयुङ्बाङ् ऎॽवा चेन्चासे काम्नुहा खानावाँ टक्चाकिहा लोमॆ इःकु हाङ् पावलऎ फिलिप्पिबि चुःक्मिहा निवाँयुङ् लॆखुबा बुबुनानुसाचि एट्टान नाम्नाम् पिसिमिम्पा खानावाँ इःकु।
गुबि चुहा खानावाँ
मिःक्म खानावाँ १:१-११
पावलमि खोप्चिनाँवाँ १:१२-२६
खिरिस्टबि चुऎ हिङ्खामा १:२७-२:१८
टिमोठि नुङ् इपाफोरोडिटास २:१९-३०
सिच्चाखुबाचि हाङ् किॽमालुऎबाङ् हिङ्चामॆ खानावाँ ३:१-४:९
पावल नुङ् फिलिप्पिबिहा लाङ्काम्चि ४:१०-२०
लुक्पिॽमिम्पा खानावाँ ४:२१-२३
ទើបបានជ្រើសរើសហើយ៖
फिलिप्पि मिःक्म खानावाँ: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society