हिबुरु मिःक्म खानावाँ
मिःक्म खानावाँ
ग साब्चिरा डुखाबि सिॽमिम्पा खिरिस्टियनचिऎ येसुबि लॆःॽमिम्पा निवाँयुङ् ऎयाइटुचिर कामानुङ् साप्मिम्पा लॆटा। ग साब्चिरा साप्खुबॆ आक्खा डुखाबि सिॽमिम्पा खिरिस्टियानचि येसु खिरिस्ट चाइबानऎ हाङ् निवाँहाङ्मि खाङ्मुऎ रुपा यो कामानुङ् उम्चि निवाँयुङ्पि चॆकुवॆ मुकुचि। खोसॆ ग साब्चिराबि सुम्चि खानावाँ इकु। (१) येसु चाइ निवाँहाङ्मि हानाम्स लुक्खॆॽनॆ पासा। म येसुऎ एट्टान डुखा आङ्मानुङ् निवाँहाङ् आपाऎ लोमिम्पा मान्टहाङ् खेम्मा लॆऎ लोमॆ चिनु। खो निवाँहाङ्मि पासा लिमिम्पासॆ खो निवाँहाङ्मि खानावाँ लोखुबाचि, निवाँखाटॆखुबाचि हाङ् मोसाबाङ्स टुङ्घङ्पा रेम। (२) निवाँहाङ्ऎ येसु चाइ याॽलिहा चोब्बाङ् ढ्या याटाङपाचिबाङ्स ढ्या कामानुङ् इडु। (३) येसुबि निवाँयुङ लॆखुबा याॽमि हिङ्वा, किसिमॆ खानावाँ हाङ् सिखॆॽमॆ खानावाँबाङ् हिङ्पःक्मि हाङ् खो चोब्बाङ् ढ्या याटाङ्पाऎ चाइबान हिङ्वाबाङ् फागुकि। याहुडि चालाना नुङ् पोसुचि सङटिॽमॆ योम्पक् ग फाग्मॆ लोमॆ खानावाँमि लवा टेःॽन यो।
हाङ् ग साब्चिरामि एपङ्ऎ अढ्येबि साब्चिरा साप्खुबॆ इस्राएलिचिमि एक्क हिप्पा निङ् चुखुबा याॽमिचिऎ मान्टहाङ् निवाँयुङ् लॆःॽमिम्पा लॆटुचॆ मरहाङ्न निवाँयुङ्पि लागालिढाङ्सानॆ कामानुङ् लोकु। हाङ् एपङ्हि आढ्येबि मान्टक्मा डुखा आङ्मा सिट्टा हाङ्स येसुबि चोब्न खानावाँ आङ्से येसु टिङ्मा लॆ कामानुङ् लोकु। हाङ् ग साब्चिरामि डॆङ्पि मान्टहाङ् पाइमा लॆऎ लोमॆ नुःर इःकु।
गुबि चुहा खानावाँ
खिरिस्ट निवाँहाङ्मि चाइबानऎ रुपा १:१-३
निवाँखाटॆखुबाचि बाङ्स खिरिस्ट चाइ टुङ्घङ्पा १:४-२:१८
खिरिस्ट चाइ मोसा हाङ् यहोसु बाङ्स टुङ्घङ्पा ३:१-४:१३
खिरिस्ट चोब्बाङ् ढ्या याटाङ्पा ४:१४-७:२८
खिरिस्ट चुप्लाङ्बाङ् ढ्या ८:१-९:२२
खिरिस्ट सङ्टिमिम्पा ९:२३-१०:३९
निवाँयुङ् ११:१-१२:२९
निवाँहाङ् चेन्चामिॽमॆ खानावाँ १३:१-१९
लुक्पिॽमा ठाबाक्मिम्पा पारठाना १३:२०-२१
लुक्पिॽमा खानावाँ १३:२२-२५
ទើបបានជ្រើសរើសហើយ៖
हिबुरु मिःक्म खानावाँ: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society