गालाटि मिःक्म खानावाँ
मिःक्म खानावाँ
येसुमि नुऎ खानावाँ फुबका हाङ् याहुडिबाङ् होइढा जाटिबिहा याॽमिचिऎ ग खानावाँबि निवाँ टिसुचि। हाङ् चाइबानऎ खिरिस्टियान लिमार मोसामि यायॆॽमा टिङ्मा लॆऎ रु पाब्निऎ कामानुङ् खानावाँ लिःबका। हाङ् पावलऎ आक्खा खानावाँ टिङ्मा पाब्नि, मान्ठाभनॆ खिरिस्टबि टामार पाबुऎ खानावाँ चाइ निवाँयुङ् रेम लोःडुचि। हाङ् निवाँयुङ्बाङ्न याॽमिचि निवाँहाङ्मि ङारिङ्पि काम्नुॽमि लोसुचि। टर गालाटि लोमॆ ठालबाङ् एक्क हिप्पा याॽमिचि टाआमि हाङ् आक्क ठाल चाइ रोमि हाङ्डाम्पिऎ एक्क ठाल लॆटा। आच्चेला ग ठाल टारकि लोमॆ हाङ्टेम्पि सि। खोचिऎ मोसामि यायॆॽमा माटिङरे ग निवाँहाङ्मि ङारिङ्पि आसास काम्नुहिमिनि कामानुङ् पावलमि खानावाँ चेन्युक्सुचि।
पावलऎ ग साब्चिरा हुन्नहा खानावाँबि फोब्डिङ् खॆःडामिहा गालाटिबिहा निवाँयुङ् लॆखुबा याॽमिचि चाइबानऎ खानावाँबि ऎम्पमिॽमाम् लागि साॽमिम्पा लॆटुचि। खोसॆ काङा चाइ खिरिस्टमि सॆक्ढुङ्पाङा यो कामानुङ् काम्नुःर लोःडुचि। हाङ् खो चाइ बाखाटेम्पिहा टुङ्घङ्पाचिऎ हॆॽनि, टर निवाँहाङ्ऎन खिरिस्टमि सॆःक्ढुङ्पा लिमाम् लागि सेःॽमिम्पा कामानुङ् लोकु। पावलऎ ग साब्चिरा होइढा जाटिचिमि लागि साप्मिम्पा यो। हाङ् डॆङ्पिहा भागबि चाइ खिरिस्टियानचि मान्टहाङ् पाइमॆ लोमॆ चाइ कानि सॆङ्सॆङॆ लावाबाङ् लाम्ढुसि हाङ्ग निवाँहाङ्मि निवाँ रक्न पाइकि लोमॆ खानावाँ इःकु।
गुबि चुहा खानावाँ
मिःक्म खानावाँ १:१-१०
पावलमि सॆःक्ढुङ्पामि ढुप्पाट्ट १:११-२:२१
निवाँहाङ्मि नाम्नावाँमि नुऎ खानावाँ ३:१-४:३१
खिरिस्टियनचि हिङ्वाबाङ् फाक्मॆ हाङ् मान्टहाङ् पाइमा लॆऎ लोमॆ खानावाँ ५:१-६:१०
लुक्पिॽमिम्पा ६:११-१८
ទើបបានជ្រើសរើសហើយ៖
गालाटि मिःक्म खानावाँ: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society