सॆःक्ढुङ्पा 17
17
ठेसलोनिका हाटाबि
1ह पावल नुङ् सिलास एम्फिपोलिस नुङ् एप्पोलोनिया लोमॆ ठाल लिसे ठेसलोनिका लोमॆ हाटाबि टाआचि। आक्कुबि एक्क याहुडिचि खोम्ठाम् खिम् चुआ। 2याॽलऎ उम् चालाना रक्न पावल आक्क याहुडिचि खोम्ठाम् खिम्पि टाआ। हाङ् सुम्चि नाचामॆ डिनाढारि आक्कुबिहा याॽमिचि नुङ् निवाँनेन् साब्चिराबाङ् काम्नुःर खानावाँ इसा। 3खोसॆ आक्खाचि खानावाँ इसे हाङ् चुमॆक्सङ् पिस्से गरहाङ् लेसुचि, “फाक्खुबा खिरिस्ट हाङ्ऎ डुखा आङ्मा हाङ् सिखॆम्पाबाङ् हिङ्पक्मान लॆटा। हाङ् कॆ खेम्मिॽमॆ पाइमिम्पा म येसुन फाक्खुबा खिरिस्ट हाङ् यो।” 4हाङ् एक्क हिप्पा याहुडिचिऎ खोम् खानावाँ खेमुचिहाङ् निवाँयुङ् लॆटुचि, हाङ् पावल नुङ् सिलास पोट्टा टङ्पकामि। गरहाङ्न निवाँहाङ् नुङ् किसिखुबा डिरिक् गिरिक्चि हाङ् निङ् चुचाखुबा मेॽनुङ्माचि निवाँयुङ् लॆःॽमानुङ् पावल नुङ् टङामि।
5टर होइढा याहुडिचि खोचिनुङ् याक्चाबक्कुचि। मसॆ खोचिऎ हाटाबिहा काइसा याॽमिचि खोमुचिहाङ् हाटाबि खिमॆटुमॆ योम्पक् लॆःॽमा चोम्पकुचि। खोचिऎ पावल नुङ् सिलास याॽमिचिम् लुम्पि लाटॆॽमाम् लागि येसोनमि खिम्मि लङ्भॆरॆङ्मा किल्लाह्ङ्सुचि। 6टर खोचिऎ आक्कुबि पावल नुङ् सिलास मायक्टकुचि। मसॆ यासोन हाङ् होइढा निवाँयुङ् लॆखुबाचि सॆस्से सॆस्से हाटामि टुङ्घङ्पाचिबि लाटॆटुचि। हाङ् गरहाङ् याकासामि, “बाखाटेम् यङ्पमिक्खुबा इघा याॽमिचि, ह गुबि सङ्क टाडामि। 7आक्खाचि ग यासोनऎ उम् खिम्पि नुःर लॆडुचि। हाङ् खोचि चोब्नऎ रोमि ढ्या हाङ्मि खानावाँ चेन्से, येसु लोमॆ होइकन हाङ् चु कामानुङ् काग्मि।” 8ग खानावाँ खेमुचिहाङ् हाटाबिहा टुङ्घङ्पाचि हाङ् याॽमिचि माङ् ह माङ् मिनामि। 9हाङ् खोचिऎ यासोन हाङ् होइढा निवाँयुङ् लॆखुबाचि ह गरक्मा योम्पक् यिगिङ्कानि कामानुङ् कामिटुचि हाङ् लेॽहाङ्सुचि।
बेरिया हाटाबि
10हाङ् नाम् किक्खॆॽमा अक्सि निवाँयुङ् लॆखुबा बुबुनुसाचिऎ पावल नुङ् सिलास बेरिया हाटा पोट्टि पाङ्हाङ्सुचि। खोचि आक्कुबि टाआचिहाङ् याहुडिचि खोम्ठाम् खिम्पि खाराचि। 11बेरियाबिहा याॽमिचि ठेसलोनिकेबिऎ याॽमिचिबाङ् ऎॽनिम् नुऎ लॆटामि। खोचिऎ एट्टान नुःर निवाँ टिमानुङ् पावलमि खानावाँ खेमुचि। हाङ् पावलऎ लोमिम्पा खानावाँ चाइबानऎ रु हॆॽनॆ कामानुङ् चोब्न डिना निवाँनेन् साब्चिरा खाङ्युक्सुचि। 12मसॆ आक्खाचिबि डिरिक् याहुडिचिऎ निवाँयुङ् लॆटुचि। हाङ् निङ् चुचाखुबा डिरिक् गिरिक् मेॽनुङ्माचि नुङ् वाठाङ्पाचिऎ सङ्क निवाँयुङ् लॆटुचि।
13टर ठेसलोनिकाबिहा याहुडिचिऎ बेरियाबि सङ्क पावलऎ निवाँहाङ्मि खानावाँ खेम्मिॽमे पाइकुचि लोमॆ लेटकुचि। खोचि आक्कुबि सङ्क टाआमि हाङ् हुन्न याॽमिचि ठेप्पक्से पावल नुङ् सिलास काइर लॆसि याॽमिचि चोम्पकुचि। 14हाङ् मरक्लन निवाँयुङ् लॆखुबाचिऎ पावल पॆरॆरॆमा कॆक्पिऎ लाम्फु पोट्टा पाङ्हाङ्सुचि। टर सिलास नुङ् टिमोठि हिप्पान बेरियाबि पेनाचि। 15ह पावल चिःक्टिडासि खॆॽमिम्पा याॽमिचिऎ खो एठेन्स लोमॆ ठालढारि चिःक्टिडाउचि। हाङ् पावलऎ सिलास नुङ् टिमोठि सॆॽलॽन का चुब्सि डाप्चिर कामानुङ् लोहाङ्सुचि। हाङ् खोचि बेरियाबि ऎम्पकामि।
एठेन्स हाटाबि
16पावलऎ एठेन्सबि सिलास नुङ् टिमोठि हुङ्मे सिसुचिर, हाटाबि मुरटि टे खाङुहाङ् खोम् निवाँबि एट्टान डुखा मिनु। 17मसॆ खो याहुडिचि खोम्ठाम् खिम्पिऎ याहुडिचि नुङ् हाङ् निवाँहाङ्मि किसिमाबि पेन्खुबा गिरिक्चिनुङ् हाङ् हाटाबि हानाम्स खॆस्से टासे लॆखुबा याॽमिचि नुङ् येसुमि बारेबि खानावाँ इयुक्सा।
18हाङ् आक्कुबि इपिक्युरिचि हाङ् इस्टोइकिमि खानावाँ लेक्खुबा एक्क हिप्पा याॽमिचिऎ पावल चुबुचि, हाङ् खोनुङ् खानावाँबि खिसामि। ऎॽवासॆ खो “गसॆ पॆरॆङ्पॆरॆङ् माङ् इकुवॆ?” कामानुङ् लोसुचि। हाङ् होइढचिऎ चाइ “गग उम्चङ्ऎ निवाँहाङ्मि खानावाँ इखुबार लॆ” कामानुङ् लोसुचि। मान्ठाभनॆ पावलऎ येसु हाङ् सिखॆम्पाबाङ् हिङ्पॽमॆ बारेबिऎ नुऎ खानावाँ खेम्मिॽमे पाइटुचि।
19हाङ् खोचिऎ पावल आरियोपागस लोमॆ गिरिक् टुङ्घङ्पाचि खोम्ठाम् ठालबि लाखॆटुचि। हाङ् गर कामनुङ् सिमुचि, “आनॆ इमिम्पा उम्चङ् खानावाँ काङ्कॆ सङ्क वाप्हिकुङ्कॆ रु? 20आनॆ ग काङ्काम् लुम्पि आक्खॆॽमा लुऎ खानावाँ लाटॆडुना। मसॆ ग खानावाँऎ लोमा यकुवॆ माङ्र कामानुङ् लेमा मिनुकिङ्का।” 21(मान्ठाभनॆ एठेन्सबिहा चोब्न याॽमिचि हाङ् होइक हाङ्टेम्बाङ् टासे आक्कुबि पेन्मिम्पा याॽमिचि हानाम्स उम्चङ् खानावाँ इमानुङ् खेम्मा हॆङ्युङ्सामि)।
22मसॆ पावल अरियोपागसमि लुम्पि येप्पकाहाङ् लोसुचि, “आन्ना एठेन्सबि पेन्खुबा याॽमिचि, कॆ आन्नॆ निवाँनेन् खानावाँ नेन्चाकाम्नि कामानुङ् लेटकुङ। 23मान्ठाभनॆ आन्नामि हाटाबि वाइसे खॆॽमार, आन्नॆ चुङ्काम्नॆ खानावाँ सङ्क नुःर खाङुङ। कॆ गरक्मा साॽमिम्पा एक्क युङ्ठङ् सङ्क खाङुङ्, आक्कुबि ‘लेनॆ निवाँहाङ्मि लागि टिमिम्पा’ कामानुङ् साप्मिम्पा लॆटा। मसॆ आन्नॆ माङ् चाइ मलेॽरे चुङ्काम्नि, मन कॆ आन्ना इकानि।
24“बाखाटेम् हाङ् आक्कुबि चुहा चोब्न ठका मुखुबा निवाँहाङ्न पारु हाङ् बाखाटेम्मि पारभु यो। खो याॽमिचिऎ हुगॆ मुमिम्पा निवाँहाङ्मि खिम्पि पेन्नि। 25हाङ् याॽमिचिऎ खो माङ्स मुबाक्मा पाब्नि, मान्ठाभनॆ खोसॆॽन चोब्न याॽमिचि हिङ्खामा, सक्मा हाङ् चोब्न पाबुआ ठका पिकुचि। 26खोसॆ नः एक्क याॽमिबाङ् चोब्न याॽमिचिम् हॆॽनिबारेक्चि मुसुचि। हाङ् बाखाटेम् भोरि पेन्मिटुचि, हाङ् आक्खाचि हाम्पि हाङ् हानाम् पेम्मा लॆऎ लोमॆ सङ्क टङ्पिटुचि। 27याॽमिचिऎ काङा यक्ङामिर, मिॽलाङामिर हाङ् भॆट्टॽङामिर कामानुङ् निवाँहाङ् आक्र लॆटु। हाङ्स खो कानिबाङ् एट्टा मॆअङ् लॆःॽनि। 28(एक्क याॽमिऎ गर लोडु, मान्ठाभनॆ कानि खोबाङ्न हिङ्चाकि हाङ् पाइकि हाङ् खोबि चुकि)। गमि बारेबि आन्नाम्न एक्क हिप्पा काबिचिऎ गर काडामि, ‘चाइबन काङ्का खोम् पिसानासाचि रेम।’
29“मसॆ कानि निवाँहाङ्मि पिसानासा लिमिम्पासॆ, निवाँहाङ् याॽमिचिऎ निवाँ टिसे डुप्मिम्पा फिःइया, सिः हाङ् लुङ्कॽवामि मुर्टि रक्मा लॆ मिम्मा फॆन्नि। 30निवाँहाङ्ऎ याॽलि माङ्स मालेॽरे लॆःॽमिम्पा काइसॆ योम्पक्पि निवाँ माटिसु, टर ह चोब्न ठालबिहा याॽमिचि उम्चि काइसॆ योम्पक्बाङ् ऎम्पक्मिर कामानुङ् का। 31मान्ठाभनॆ चोब्न याॽमिचि न्यायॆ लॆःॽमॆ डिना निवाँहाङ्ऎ मिस्सिःॽडु। हाङ् म डिना खोसॆ सॆःक्मिम्पा एक्क याॽमिबाङ् बाखाटेम्पिहा चोब्न याॽमिचि खोम् निवाँनेन् आनुसारॆ न्यायॆ लॆकु। ग खानावाँमि चुमॆक्सङ्मि लागि निवाँहाङ्ऎ खो सिखेम्पाबाङ् हिङ्पमिडु।”
32सिखॆम्पाबाङ् हिङ्पमॆ लोमॆ खेमुचि हाङ् एक्क हिप्पाऎ पावल यिचाबिट्टुचि। टर होइढाचिऎ “आनाम् खानावाँ फेरि सङ्क खेम्कुङ्का” कामानुङ् लोसुचि। 33हाङ् पावल आक्खाचिम् लुम्पाङ् आम्पका हाङ् खाइटा। 34हाङ् एक्क हिप्पा याॽमिचिऎ निवाँयुङ् लॆटुचि, हाङ् पावल टिङ्पकुचि। आक्खाचिबि अरियोपागस लोमॆ गिरिक् टुङ्घङ्पाचि खोम्ठाम् ठालबिऎ एक्क डियनुसियास लोमॆ याॽमि नुङ् डामारिस लोमॆ एक्क मेॽनुङ्मा लॆटाचि। आक्कुबि होइढाचिऎ सङ्क निवाँयुङ् लॆटुचि।
ទើបបានជ្រើសរើសហើយ៖
सॆःक्ढुङ्पा 17: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
सॆःक्ढुङ्पा 17
17
ठेसलोनिका हाटाबि
1ह पावल नुङ् सिलास एम्फिपोलिस नुङ् एप्पोलोनिया लोमॆ ठाल लिसे ठेसलोनिका लोमॆ हाटाबि टाआचि। आक्कुबि एक्क याहुडिचि खोम्ठाम् खिम् चुआ। 2याॽलऎ उम् चालाना रक्न पावल आक्क याहुडिचि खोम्ठाम् खिम्पि टाआ। हाङ् सुम्चि नाचामॆ डिनाढारि आक्कुबिहा याॽमिचि नुङ् निवाँनेन् साब्चिराबाङ् काम्नुःर खानावाँ इसा। 3खोसॆ आक्खाचि खानावाँ इसे हाङ् चुमॆक्सङ् पिस्से गरहाङ् लेसुचि, “फाक्खुबा खिरिस्ट हाङ्ऎ डुखा आङ्मा हाङ् सिखॆम्पाबाङ् हिङ्पक्मान लॆटा। हाङ् कॆ खेम्मिॽमॆ पाइमिम्पा म येसुन फाक्खुबा खिरिस्ट हाङ् यो।” 4हाङ् एक्क हिप्पा याहुडिचिऎ खोम् खानावाँ खेमुचिहाङ् निवाँयुङ् लॆटुचि, हाङ् पावल नुङ् सिलास पोट्टा टङ्पकामि। गरहाङ्न निवाँहाङ् नुङ् किसिखुबा डिरिक् गिरिक्चि हाङ् निङ् चुचाखुबा मेॽनुङ्माचि निवाँयुङ् लॆःॽमानुङ् पावल नुङ् टङामि।
5टर होइढा याहुडिचि खोचिनुङ् याक्चाबक्कुचि। मसॆ खोचिऎ हाटाबिहा काइसा याॽमिचि खोमुचिहाङ् हाटाबि खिमॆटुमॆ योम्पक् लॆःॽमा चोम्पकुचि। खोचिऎ पावल नुङ् सिलास याॽमिचिम् लुम्पि लाटॆॽमाम् लागि येसोनमि खिम्मि लङ्भॆरॆङ्मा किल्लाह्ङ्सुचि। 6टर खोचिऎ आक्कुबि पावल नुङ् सिलास मायक्टकुचि। मसॆ यासोन हाङ् होइढा निवाँयुङ् लॆखुबाचि सॆस्से सॆस्से हाटामि टुङ्घङ्पाचिबि लाटॆटुचि। हाङ् गरहाङ् याकासामि, “बाखाटेम् यङ्पमिक्खुबा इघा याॽमिचि, ह गुबि सङ्क टाडामि। 7आक्खाचि ग यासोनऎ उम् खिम्पि नुःर लॆडुचि। हाङ् खोचि चोब्नऎ रोमि ढ्या हाङ्मि खानावाँ चेन्से, येसु लोमॆ होइकन हाङ् चु कामानुङ् काग्मि।” 8ग खानावाँ खेमुचिहाङ् हाटाबिहा टुङ्घङ्पाचि हाङ् याॽमिचि माङ् ह माङ् मिनामि। 9हाङ् खोचिऎ यासोन हाङ् होइढा निवाँयुङ् लॆखुबाचि ह गरक्मा योम्पक् यिगिङ्कानि कामानुङ् कामिटुचि हाङ् लेॽहाङ्सुचि।
बेरिया हाटाबि
10हाङ् नाम् किक्खॆॽमा अक्सि निवाँयुङ् लॆखुबा बुबुनुसाचिऎ पावल नुङ् सिलास बेरिया हाटा पोट्टि पाङ्हाङ्सुचि। खोचि आक्कुबि टाआचिहाङ् याहुडिचि खोम्ठाम् खिम्पि खाराचि। 11बेरियाबिहा याॽमिचि ठेसलोनिकेबिऎ याॽमिचिबाङ् ऎॽनिम् नुऎ लॆटामि। खोचिऎ एट्टान नुःर निवाँ टिमानुङ् पावलमि खानावाँ खेमुचि। हाङ् पावलऎ लोमिम्पा खानावाँ चाइबानऎ रु हॆॽनॆ कामानुङ् चोब्न डिना निवाँनेन् साब्चिरा खाङ्युक्सुचि। 12मसॆ आक्खाचिबि डिरिक् याहुडिचिऎ निवाँयुङ् लॆटुचि। हाङ् निङ् चुचाखुबा डिरिक् गिरिक् मेॽनुङ्माचि नुङ् वाठाङ्पाचिऎ सङ्क निवाँयुङ् लॆटुचि।
13टर ठेसलोनिकाबिहा याहुडिचिऎ बेरियाबि सङ्क पावलऎ निवाँहाङ्मि खानावाँ खेम्मिॽमे पाइकुचि लोमॆ लेटकुचि। खोचि आक्कुबि सङ्क टाआमि हाङ् हुन्न याॽमिचि ठेप्पक्से पावल नुङ् सिलास काइर लॆसि याॽमिचि चोम्पकुचि। 14हाङ् मरक्लन निवाँयुङ् लॆखुबाचिऎ पावल पॆरॆरॆमा कॆक्पिऎ लाम्फु पोट्टा पाङ्हाङ्सुचि। टर सिलास नुङ् टिमोठि हिप्पान बेरियाबि पेनाचि। 15ह पावल चिःक्टिडासि खॆॽमिम्पा याॽमिचिऎ खो एठेन्स लोमॆ ठालढारि चिःक्टिडाउचि। हाङ् पावलऎ सिलास नुङ् टिमोठि सॆॽलॽन का चुब्सि डाप्चिर कामानुङ् लोहाङ्सुचि। हाङ् खोचि बेरियाबि ऎम्पकामि।
एठेन्स हाटाबि
16पावलऎ एठेन्सबि सिलास नुङ् टिमोठि हुङ्मे सिसुचिर, हाटाबि मुरटि टे खाङुहाङ् खोम् निवाँबि एट्टान डुखा मिनु। 17मसॆ खो याहुडिचि खोम्ठाम् खिम्पिऎ याहुडिचि नुङ् हाङ् निवाँहाङ्मि किसिमाबि पेन्खुबा गिरिक्चिनुङ् हाङ् हाटाबि हानाम्स खॆस्से टासे लॆखुबा याॽमिचि नुङ् येसुमि बारेबि खानावाँ इयुक्सा।
18हाङ् आक्कुबि इपिक्युरिचि हाङ् इस्टोइकिमि खानावाँ लेक्खुबा एक्क हिप्पा याॽमिचिऎ पावल चुबुचि, हाङ् खोनुङ् खानावाँबि खिसामि। ऎॽवासॆ खो “गसॆ पॆरॆङ्पॆरॆङ् माङ् इकुवॆ?” कामानुङ् लोसुचि। हाङ् होइढचिऎ चाइ “गग उम्चङ्ऎ निवाँहाङ्मि खानावाँ इखुबार लॆ” कामानुङ् लोसुचि। मान्ठाभनॆ पावलऎ येसु हाङ् सिखॆम्पाबाङ् हिङ्पॽमॆ बारेबिऎ नुऎ खानावाँ खेम्मिॽमे पाइटुचि।
19हाङ् खोचिऎ पावल आरियोपागस लोमॆ गिरिक् टुङ्घङ्पाचि खोम्ठाम् ठालबि लाखॆटुचि। हाङ् गर कामनुङ् सिमुचि, “आनॆ इमिम्पा उम्चङ् खानावाँ काङ्कॆ सङ्क वाप्हिकुङ्कॆ रु? 20आनॆ ग काङ्काम् लुम्पि आक्खॆॽमा लुऎ खानावाँ लाटॆडुना। मसॆ ग खानावाँऎ लोमा यकुवॆ माङ्र कामानुङ् लेमा मिनुकिङ्का।” 21(मान्ठाभनॆ एठेन्सबिहा चोब्न याॽमिचि हाङ् होइक हाङ्टेम्बाङ् टासे आक्कुबि पेन्मिम्पा याॽमिचि हानाम्स उम्चङ् खानावाँ इमानुङ् खेम्मा हॆङ्युङ्सामि)।
22मसॆ पावल अरियोपागसमि लुम्पि येप्पकाहाङ् लोसुचि, “आन्ना एठेन्सबि पेन्खुबा याॽमिचि, कॆ आन्नॆ निवाँनेन् खानावाँ नेन्चाकाम्नि कामानुङ् लेटकुङ। 23मान्ठाभनॆ आन्नामि हाटाबि वाइसे खॆॽमार, आन्नॆ चुङ्काम्नॆ खानावाँ सङ्क नुःर खाङुङ। कॆ गरक्मा साॽमिम्पा एक्क युङ्ठङ् सङ्क खाङुङ्, आक्कुबि ‘लेनॆ निवाँहाङ्मि लागि टिमिम्पा’ कामानुङ् साप्मिम्पा लॆटा। मसॆ आन्नॆ माङ् चाइ मलेॽरे चुङ्काम्नि, मन कॆ आन्ना इकानि।
24“बाखाटेम् हाङ् आक्कुबि चुहा चोब्न ठका मुखुबा निवाँहाङ्न पारु हाङ् बाखाटेम्मि पारभु यो। खो याॽमिचिऎ हुगॆ मुमिम्पा निवाँहाङ्मि खिम्पि पेन्नि। 25हाङ् याॽमिचिऎ खो माङ्स मुबाक्मा पाब्नि, मान्ठाभनॆ खोसॆॽन चोब्न याॽमिचि हिङ्खामा, सक्मा हाङ् चोब्न पाबुआ ठका पिकुचि। 26खोसॆ नः एक्क याॽमिबाङ् चोब्न याॽमिचिम् हॆॽनिबारेक्चि मुसुचि। हाङ् बाखाटेम् भोरि पेन्मिटुचि, हाङ् आक्खाचि हाम्पि हाङ् हानाम् पेम्मा लॆऎ लोमॆ सङ्क टङ्पिटुचि। 27याॽमिचिऎ काङा यक्ङामिर, मिॽलाङामिर हाङ् भॆट्टॽङामिर कामानुङ् निवाँहाङ् आक्र लॆटु। हाङ्स खो कानिबाङ् एट्टा मॆअङ् लॆःॽनि। 28(एक्क याॽमिऎ गर लोडु, मान्ठाभनॆ कानि खोबाङ्न हिङ्चाकि हाङ् पाइकि हाङ् खोबि चुकि)। गमि बारेबि आन्नाम्न एक्क हिप्पा काबिचिऎ गर काडामि, ‘चाइबन काङ्का खोम् पिसानासाचि रेम।’
29“मसॆ कानि निवाँहाङ्मि पिसानासा लिमिम्पासॆ, निवाँहाङ् याॽमिचिऎ निवाँ टिसे डुप्मिम्पा फिःइया, सिः हाङ् लुङ्कॽवामि मुर्टि रक्मा लॆ मिम्मा फॆन्नि। 30निवाँहाङ्ऎ याॽलि माङ्स मालेॽरे लॆःॽमिम्पा काइसॆ योम्पक्पि निवाँ माटिसु, टर ह चोब्न ठालबिहा याॽमिचि उम्चि काइसॆ योम्पक्बाङ् ऎम्पक्मिर कामानुङ् का। 31मान्ठाभनॆ चोब्न याॽमिचि न्यायॆ लॆःॽमॆ डिना निवाँहाङ्ऎ मिस्सिःॽडु। हाङ् म डिना खोसॆ सॆःक्मिम्पा एक्क याॽमिबाङ् बाखाटेम्पिहा चोब्न याॽमिचि खोम् निवाँनेन् आनुसारॆ न्यायॆ लॆकु। ग खानावाँमि चुमॆक्सङ्मि लागि निवाँहाङ्ऎ खो सिखेम्पाबाङ् हिङ्पमिडु।”
32सिखॆम्पाबाङ् हिङ्पमॆ लोमॆ खेमुचि हाङ् एक्क हिप्पाऎ पावल यिचाबिट्टुचि। टर होइढाचिऎ “आनाम् खानावाँ फेरि सङ्क खेम्कुङ्का” कामानुङ् लोसुचि। 33हाङ् पावल आक्खाचिम् लुम्पाङ् आम्पका हाङ् खाइटा। 34हाङ् एक्क हिप्पा याॽमिचिऎ निवाँयुङ् लॆटुचि, हाङ् पावल टिङ्पकुचि। आक्खाचिबि अरियोपागस लोमॆ गिरिक् टुङ्घङ्पाचि खोम्ठाम् ठालबिऎ एक्क डियनुसियास लोमॆ याॽमि नुङ् डामारिस लोमॆ एक्क मेॽनुङ्मा लॆटाचि। आक्कुबि होइढाचिऎ सङ्क निवाँयुङ् लॆटुचि।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society