सॆःक्ढुङ्पा 16
16
टिमोठिऎ पावल नुङ् सिलास चुप्मिम्पा
1हाङ् पावल डारबि लोमॆ ठाल लिसे लुस्टाराबि टाआ। आक्कुबि टिमोठि लोमॆ एक्क टिङ्खुबा याॽमि चुआ। उम्मा निवाँयुङ् लॆखुबा याहुडि लॆटा, टर उम्पा गिरिक् हॆॽनि बारेक् लॆटा। 2लुस्टारा हाङ् आइकोनियामबिहा चोब्न निवाँयुङ् लॆखुबा बुबुनुसाचिऎ खो नुचाऎ याॽमि लोयुक्सुचि। 3पावलऎ टिमोठि सङ्क खोम् लाम्फुबि लाखॆॽमा मिट्टु, मसॆ खोसॆ याहुडिचिम् चालाना रक्न टिमोठिमि खाट्ना लॆपिटु, मान्ठाभनॆ आक्क ठालबि पेन्खुबा चोब्न याहुडिचिऎ टिमोठिमि आप्पा गिरिक् कामानुङ् लेयुङ्सुचि।
4हाङ् खोचि हाटाबिहा लाम्फुबाङ् लाम्ढुसे खॆॽमार, गॆअङ्मॆअङ्हा चोब्न निवाँयुङ् लॆखुबाचि चुबुचि हाङ् यारुसालेमबिहा सॆःक्ढुङ्पा नुङ् टुङ्घङ्पाचिऎ लोमिम्पा खानावाँ खेम्मिटुचिमि। हाङ् आक्रक्न लॆटानॆ कामानुङ् लोसुचि। 5गरहाङ् याॽमिचिम् निवाँयुङ् चॆकुवॆ लिसे खारा हाङ् चोब्न डिना निवाँयुङ्पि याॽमिचि येट्टिसे खारामि।
टोरोआसबि पावलमि सेन्चि
6सॆङ्सॆङॆ लावाऎ एसियाबि नुऎ खानावाँ खेम्मिॽमा पाब्नि लोमिम्पासॆ, पावल हाङ् खोम् लाङ्काम्चि फिरिगिया हाङ् गालाटियामि ठालबाङ् खारामि। 7खोचि माइसिया लोमॆ ठालमि कॆक्पि टाआमि, हाङ् बेठानिया लोमॆ ठालबि खॆॽमॆ निवाँ टाबिटुचि, टर येसुमि लावाऎ आक्कुबि खॆॽमा मापिट्टुचि। 8मसॆ खोचि माइसिया लोमॆ ठाल लिसे टोरोआसबि युसामि। 9आक्कुबि युटा पावलऎ एक्क सेन्चि खाङु। सेन्चिबि माकेडोनियाबिऎ एक्क याॽमि येप्ढाङ्पा लॆटा। हाङ् आक्कसॆ खो गर कामानुङ् लोढाङ्मिम्पा खेमु, “माकेडोनियाबि टाऎ हाङ् काङ्का खाङ्चिमॆ।” 10पावलऎ ग सेन्चि खाङ्म अक्सि, काङ्का माकेडोनियाबि खॆॽमा परकिङ्का। मान्ठाभनॆ आक्कुबिहा याॽमिचि नुऎ खानावाँ खेम्मिसि निवाँहाङ्ऎ काङ्का सेक्मिम्पा कामानुङ् लेसुङ्का।
लिडियाऎ पारभुबि निवाँयुङ् लॆकु
11मसॆ काङ्का टोरोआसबाङ् योवा खङ्बि ठाङिङ्का, हाङ् सामोठेरेस लोमॆ योवाऎ ऎक्मिम्पा ठालबि टाइङ्का। हाङ् वेन्डा लाम्पे नियापोलिस लोमॆ ठालबि टाइङ्का। 12आक्कबाङ् काङ्का माकेडोनिया ठालबिऎ ढ्या हाटा फिलिप्पिबि टाइङ्का। आक्क हाटाबि रोमिचिऎ हाङ्डम् लॆःॽयुक्सुचि। आक्कुबि काङ्का एक्क हिप्चि डिना पेनिङ्का।
13हाङ् नाचामॆ डिना काङ्का हाटामि टागारबाङ् आम्पकिङ्का। हाङ् पारठाना लॆःॽमॆ ठाल चु मिन्से हङ्मा कॆक्पि खारिङ्का। हाङ् आक्कुबि खोम्टि खॆडामिहा मेॽनुङ्माचि नुङ् यामुचासे पेनिङ्का।
14आक्कुबि खानावाँ खेम्खुबाचिबि एक्क लिडिया लोमॆ मेॽनुङ्मा सङ्क चुआ। खो ठियाटिरा लोमॆ ठालबिऎ याॽमि लॆटा, खो हरमक्मक्मा चेः इन्चायुक्सु। खोसॆ निवाँहाङ् चुङ्युक्सु। पावलऎ लोमिम्पा खानावाँ वाव्माम् लागि पारभुऎ लिडियामि निवाँ हेम्बक्पिट्टु हाङ् खोसॆ निवाँयुङ् लॆटु।
15हाङ् लिडिया हाङ् खोम् चोब्न खिम्पिहा याॽमिचिऎ बाप्टिस्मा लासामि। हाङ् खोसॆ काङ्का गर कामानुङ् खोम् खिम्पि सेःरिङ्का, “चाइबान आन्नॆ काङा पारभुबि निवाँयुङ् लॆखुबा नुसा कामानुङ् मिॽलाङानि हाङ्ग, काम् खिम्पि टाआनॆ हाङ् पेनानॆ।” खोसॆ काङ्का खोम् खिम्पि खॆॽमान लॆ कामानुङ् लोसिङ्का।
पावल नुङ् सिलास सॆक्चिम्पि
16इॽया काचिगा पारठाना लॆःॽमॆ ठालबि खॆॽमे सिसाचिगार योम्पक् मुखुबा एक्क लाङ्मिॽ मेॽनुङ्मा काचिगा चुब्सि टाआ। आक्क मेॽनुङ्मा नुङ् चाप्मि चॆक्मावा चुआ, म चॆक्मावाबाङ्न खोसॆ जोखाना खाङ्सॆ, उम् टुङ्घङ्पाचिम् लागि डिरिक् याङ् डुप्पियुक्सु। 17आक्कसॆ पावल नुङ् काङा गरहाङ् याकासे टिङाचिगा, “इघा याॽमिचि चोब्बाङ् ढ्या निवाँहाङ्मि योम्पक् मुखुबाचि रेम। खोचिऎ आन्ना हिङ्चामॆ लाम्मि बारेबि खानावाँ इकानि।” 18आक्क मेॽनुङ्माऎ डिरिक् डिनाढारि आक्र लॆःॽढाङ्सा। मसॆ पावल याक्चाबक्कु हाङ् मेॽनुङ्मा पोट्टा ऎम्पका हाङ् आक्क चाप् लोसु, “कॆ लोक्ना, येसु खिरिस्टमि निङ्पि ग मेॽनुङ्माबाङ् आम्पखारॆ।” मरक्लॽन आक्क चाप् मेॽनुङ्माबाङ् आम्पखारा।
19टर आक्क मेॽनुङ्मामि टुङ्घङ्पाचिऎ उम्चि याङ् डुॽमॆ लाम् लुक्खॆॽमिम्पा खाङुचि। मसॆ खोचिऎ पावल नुङ् सिलास लाबुचि, हाङ् सॆस्से हाटाबिऎ टुङ्घङ्पाचिबि लाखॆटुचि। 20खोचिऎ पावल नुङ् सिलास हाटाबिऎ टुङ्घङ्पाचिबि लाटॆटुचिहाङ् गर लोसुचि, “इघा याॽमिचि याहुडिचि यो। घाचिऎ कानिम् हाटाबिहा याॽमिचि हुन्नऎ खानावाँबि चोम्पक्मे सिःक्चु। 21खोचिऎ कानि रोमि याॽमिचिऎ यिक्मा फॆन्नॆ चालाना चिन्मॆ पाइक्चु।”
22हाङ् आक्कुबि खोम्टि खॆॽमिम्पा याॽमिचिऎ पावल नुङ् सिलास रःग्पकुचि। हाटाबिहा टुङ्घङ्पाचिऎ उम्चि चेः नाक्पिटुचि हाङ् खोचि टम्राङ्ऎ रगाम्नॆ कामानुङ् लोसुचि। 23आक्खाचिऎ पावल नुङ् सिलास एट्टान चाइर रगुचिहाङ् सॆक्चिम्पि सॆगुचि। हाङ् सॆक्चिम्पिऎ टुङ्घङ्पा गर लोसुचि, “इघाचि काम्नुःर हुङ्मिटॆचॆ।” 24गरक्मा खानावाँ खेमुहाङ् खोसॆ आक्खाचि सॆक्चिम्पिऎ चोब्बाङ् हङ्सिॽयु लाखॆटुचिहाङ् उम्चि लङ्पि ठॆङ्र टिमानुङ् युङुचिमि।
25सेन्टाराम्पा लिमार पावल नुङ् सिलास पारठाना लॆसॆ निवाँहाङ्मि साम् इमॆ पाइटाचि। म खानावाँ होइढा सॆक्ढिङ्खॆम्पाचिऎ खेम्मे सिसुचि। 26आक्रलॽन ढ्या लुक्ढिमा टाआ हाङ् सॆक्चिम्मि लाङ्पान हुम्पकु। हाङ् सॆक्चिम्मि चोब्न लम्भॆरॆङ्मा हेम्बका हाङ् चोब्नमि हिक्मिम्पा पाडाक् हेम्बखारा। 27हाङ् सॆक्चिम्पिऎ टुङ्घङ्पा हुम्पका, खोसॆ सॆक्चिम्पिऎ चोब्न लम्भॆरॆङ्मा हेम्बक्मिम्पा खाङु। हाङ् सॆक्ढिङ्खॆम्पाचि खुरिङ्खारामि हला मिनु। मसॆ खोसॆ खोम् फेया सुबिक्ट बिःक्पकु हाङ् खोसॆ उम्टाङ्पा बक्सिखॆॽमा ठाबाकु। 28टर पावलऎ याकासे खो गर लोसु, “ओ लाङ्काम्, आनॆ आम्टाङ्पान माङ्स आलॆटॆ, मान्ठाभनॆ काङ्का चोब्न गुबिॽन चुकिङ्का।”
29हाङ् आक्क सॆक्चिम्पिऎ टुङ्घङ्पाऎ ओप्ठाम ङागा, हाङ् हिरिरि पिन्से हङ्सिॽयु टाआ। हाङ् किसिमाऎ सिसिलाप्लाप् यङ्मानुङ् पावल हाङ् सिलासमि लाङ्पि पोब्ढिन्टा। 30हाङ् खोसॆ आक्खाचि बाहिर लाबकुचि हाङ् लोसुचि, “टुङ्घङ्पाचि, का हिङ्चासे हानाम्स सिखॆॽनॆ हिङ्खामा टक्चामाम् लागि माङ् लॆःॽमा लॆऎ?”
31पावल नुङ् सिलासऎ लोसाचु, “पारभु येसु निवाँयुङ् लॆटॆ, हाङ् आना हिङ्चाक्ना हाङ् गरहाङ्न आनाम् खिम्पिहाचि सङ्क हिङ्चाक्मि।” 32हाङ् आक्खाचिऎ खो हाङ् खोम् खिम्पिहा चोब्न याॽमिचि पारभुमि खानावाँ खेम्मिटुचि। 33म युटान सॆक्चिम्पिऎ टुङ्घङ्पाऎ पावल हाङ् सिलास लाखॆटुचि हाङ् उम्चि हुवा सक्पिटुचि। हाङ् मरक्लन सॆक्चिम्पिऎ टुङ्घङ्पा हाङ् उम् चोब्न खिम्पिहा याॽमिचिऎ बाप्टिस्मा लासामि। 34आक्क डॆङ्पि खोसॆ पावल नुङ् सिलास खोम् खिम्पि चिक्कॆटुचि हाङ् चामा डुङ्मा पिट्टुचि। खोसॆ हाङ् खोम् खिम्पिहा याॽमिचिऎ निवाँहाङ्बि निवाँयुङ् लॆःॽमिम्पासॆ खो एट्टान चेन्चाआ।
35वेन्डाक् लाम्पॆ नाम्सङ्मक्मि हाटाबिऎ टुङ्घङ्पाचिऎ उम्चि टिलिङ्गाचिबाङ् गर कामानुङ् सॆक्चिम्पिऎ टुङ्घङ्पाबि खानावाँ पाङ्हाङ्सुचि, “पावल नुङ् सिलास सॆक्चिम्बाङ् लाबहाक्सॆचॆ।” 36हाङ् सॆक्चिम्पिऎ टुङ्घङ्पाऎ पावल गर लोसु, “टुङ्घङ्पाचिऎ आना नुङ् सिलास खॆॽमिटॆचॆ कामानुङ् खानावाँ पाङ्हाङ्डुचि। मसॆ आन्चिना आम्पकाचॆ हाङ् नुःर खाराचॆ।”
37टर पावलऎ आक्खा टिलिङ्गाचि लोसुचि, “काङ्का रोमि यायेॽमा रक्न रोमि ढुप्पाट्ट टक्चामिम्पा याॽमिचिबि माङ्स आब्डिक् मान्भॆट्टक्मार सङ्क याॽमिचिम् लुम्पि रगिङ्का, हाङ् सॆक्चिम्पि सॆक्ढाङ्साचिम्। ह हाटाबिऎ टुङ्घङ्पाचिऎ काङ्का खुनिङ्म लेहाङ्मा यक्मिम्पा हॆ? ग खानावाँबि काङ्का खासिइङ्कानि। काङ्का लेहाङ्माम् लागि खोचिन गुबि टामा लॆःॽमि।”
38हाङ् टिलिङ्गाचिऎ टुङ्घङ्पाचि पावलऎ लोमिम्पा खानावाँ खेम्मिटुचि। ग खानावाँ खेमुचि हाङ् हाटाबिऎ टुङ्घङ्पाचिऎ पावल नुङ् सिलास रोमि याॽमिचि रे कामानुङ् वाप्टकुचि हाङ् किसिखारामि। 39हाङ् टुङ्घङ्पाचि टाआमि हाङ् खोचिनुङ् यङ्निमा ङागामि। हाङ् आक्खाचि सॆक्चिम्बाङ् बाहिर लाबाकुचि, हाङ् ग हाटाबाङ् खाइपिचिमॆ कामानुङ् लोसुचि। 40आक्क डॆङ्पि पावल नुङ् सिलास सॆक्चिम्बाङ् अम्पकाचि, हाङ् लिडियामि खिम्पि खाराचि। आक्कुबि होइढा निवाँयुङ् लॆखुबा बुबुनुसाचि सङ्क चुबुचिमि, हाङ् आक्खाचि आँटा पिट्टाचु हाङ् खाइटाचि।
ទើបបានជ្រើសរើសហើយ៖
सॆःक्ढुङ्पा 16: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
सॆःक्ढुङ्पा 16
16
टिमोठिऎ पावल नुङ् सिलास चुप्मिम्पा
1हाङ् पावल डारबि लोमॆ ठाल लिसे लुस्टाराबि टाआ। आक्कुबि टिमोठि लोमॆ एक्क टिङ्खुबा याॽमि चुआ। उम्मा निवाँयुङ् लॆखुबा याहुडि लॆटा, टर उम्पा गिरिक् हॆॽनि बारेक् लॆटा। 2लुस्टारा हाङ् आइकोनियामबिहा चोब्न निवाँयुङ् लॆखुबा बुबुनुसाचिऎ खो नुचाऎ याॽमि लोयुक्सुचि। 3पावलऎ टिमोठि सङ्क खोम् लाम्फुबि लाखॆॽमा मिट्टु, मसॆ खोसॆ याहुडिचिम् चालाना रक्न टिमोठिमि खाट्ना लॆपिटु, मान्ठाभनॆ आक्क ठालबि पेन्खुबा चोब्न याहुडिचिऎ टिमोठिमि आप्पा गिरिक् कामानुङ् लेयुङ्सुचि।
4हाङ् खोचि हाटाबिहा लाम्फुबाङ् लाम्ढुसे खॆॽमार, गॆअङ्मॆअङ्हा चोब्न निवाँयुङ् लॆखुबाचि चुबुचि हाङ् यारुसालेमबिहा सॆःक्ढुङ्पा नुङ् टुङ्घङ्पाचिऎ लोमिम्पा खानावाँ खेम्मिटुचिमि। हाङ् आक्रक्न लॆटानॆ कामानुङ् लोसुचि। 5गरहाङ् याॽमिचिम् निवाँयुङ् चॆकुवॆ लिसे खारा हाङ् चोब्न डिना निवाँयुङ्पि याॽमिचि येट्टिसे खारामि।
टोरोआसबि पावलमि सेन्चि
6सॆङ्सॆङॆ लावाऎ एसियाबि नुऎ खानावाँ खेम्मिॽमा पाब्नि लोमिम्पासॆ, पावल हाङ् खोम् लाङ्काम्चि फिरिगिया हाङ् गालाटियामि ठालबाङ् खारामि। 7खोचि माइसिया लोमॆ ठालमि कॆक्पि टाआमि, हाङ् बेठानिया लोमॆ ठालबि खॆॽमॆ निवाँ टाबिटुचि, टर येसुमि लावाऎ आक्कुबि खॆॽमा मापिट्टुचि। 8मसॆ खोचि माइसिया लोमॆ ठाल लिसे टोरोआसबि युसामि। 9आक्कुबि युटा पावलऎ एक्क सेन्चि खाङु। सेन्चिबि माकेडोनियाबिऎ एक्क याॽमि येप्ढाङ्पा लॆटा। हाङ् आक्कसॆ खो गर कामानुङ् लोढाङ्मिम्पा खेमु, “माकेडोनियाबि टाऎ हाङ् काङ्का खाङ्चिमॆ।” 10पावलऎ ग सेन्चि खाङ्म अक्सि, काङ्का माकेडोनियाबि खॆॽमा परकिङ्का। मान्ठाभनॆ आक्कुबिहा याॽमिचि नुऎ खानावाँ खेम्मिसि निवाँहाङ्ऎ काङ्का सेक्मिम्पा कामानुङ् लेसुङ्का।
लिडियाऎ पारभुबि निवाँयुङ् लॆकु
11मसॆ काङ्का टोरोआसबाङ् योवा खङ्बि ठाङिङ्का, हाङ् सामोठेरेस लोमॆ योवाऎ ऎक्मिम्पा ठालबि टाइङ्का। हाङ् वेन्डा लाम्पे नियापोलिस लोमॆ ठालबि टाइङ्का। 12आक्कबाङ् काङ्का माकेडोनिया ठालबिऎ ढ्या हाटा फिलिप्पिबि टाइङ्का। आक्क हाटाबि रोमिचिऎ हाङ्डम् लॆःॽयुक्सुचि। आक्कुबि काङ्का एक्क हिप्चि डिना पेनिङ्का।
13हाङ् नाचामॆ डिना काङ्का हाटामि टागारबाङ् आम्पकिङ्का। हाङ् पारठाना लॆःॽमॆ ठाल चु मिन्से हङ्मा कॆक्पि खारिङ्का। हाङ् आक्कुबि खोम्टि खॆडामिहा मेॽनुङ्माचि नुङ् यामुचासे पेनिङ्का।
14आक्कुबि खानावाँ खेम्खुबाचिबि एक्क लिडिया लोमॆ मेॽनुङ्मा सङ्क चुआ। खो ठियाटिरा लोमॆ ठालबिऎ याॽमि लॆटा, खो हरमक्मक्मा चेः इन्चायुक्सु। खोसॆ निवाँहाङ् चुङ्युक्सु। पावलऎ लोमिम्पा खानावाँ वाव्माम् लागि पारभुऎ लिडियामि निवाँ हेम्बक्पिट्टु हाङ् खोसॆ निवाँयुङ् लॆटु।
15हाङ् लिडिया हाङ् खोम् चोब्न खिम्पिहा याॽमिचिऎ बाप्टिस्मा लासामि। हाङ् खोसॆ काङ्का गर कामानुङ् खोम् खिम्पि सेःरिङ्का, “चाइबान आन्नॆ काङा पारभुबि निवाँयुङ् लॆखुबा नुसा कामानुङ् मिॽलाङानि हाङ्ग, काम् खिम्पि टाआनॆ हाङ् पेनानॆ।” खोसॆ काङ्का खोम् खिम्पि खॆॽमान लॆ कामानुङ् लोसिङ्का।
पावल नुङ् सिलास सॆक्चिम्पि
16इॽया काचिगा पारठाना लॆःॽमॆ ठालबि खॆॽमे सिसाचिगार योम्पक् मुखुबा एक्क लाङ्मिॽ मेॽनुङ्मा काचिगा चुब्सि टाआ। आक्क मेॽनुङ्मा नुङ् चाप्मि चॆक्मावा चुआ, म चॆक्मावाबाङ्न खोसॆ जोखाना खाङ्सॆ, उम् टुङ्घङ्पाचिम् लागि डिरिक् याङ् डुप्पियुक्सु। 17आक्कसॆ पावल नुङ् काङा गरहाङ् याकासे टिङाचिगा, “इघा याॽमिचि चोब्बाङ् ढ्या निवाँहाङ्मि योम्पक् मुखुबाचि रेम। खोचिऎ आन्ना हिङ्चामॆ लाम्मि बारेबि खानावाँ इकानि।” 18आक्क मेॽनुङ्माऎ डिरिक् डिनाढारि आक्र लॆःॽढाङ्सा। मसॆ पावल याक्चाबक्कु हाङ् मेॽनुङ्मा पोट्टा ऎम्पका हाङ् आक्क चाप् लोसु, “कॆ लोक्ना, येसु खिरिस्टमि निङ्पि ग मेॽनुङ्माबाङ् आम्पखारॆ।” मरक्लॽन आक्क चाप् मेॽनुङ्माबाङ् आम्पखारा।
19टर आक्क मेॽनुङ्मामि टुङ्घङ्पाचिऎ उम्चि याङ् डुॽमॆ लाम् लुक्खॆॽमिम्पा खाङुचि। मसॆ खोचिऎ पावल नुङ् सिलास लाबुचि, हाङ् सॆस्से हाटाबिऎ टुङ्घङ्पाचिबि लाखॆटुचि। 20खोचिऎ पावल नुङ् सिलास हाटाबिऎ टुङ्घङ्पाचिबि लाटॆटुचिहाङ् गर लोसुचि, “इघा याॽमिचि याहुडिचि यो। घाचिऎ कानिम् हाटाबिहा याॽमिचि हुन्नऎ खानावाँबि चोम्पक्मे सिःक्चु। 21खोचिऎ कानि रोमि याॽमिचिऎ यिक्मा फॆन्नॆ चालाना चिन्मॆ पाइक्चु।”
22हाङ् आक्कुबि खोम्टि खॆॽमिम्पा याॽमिचिऎ पावल नुङ् सिलास रःग्पकुचि। हाटाबिहा टुङ्घङ्पाचिऎ उम्चि चेः नाक्पिटुचि हाङ् खोचि टम्राङ्ऎ रगाम्नॆ कामानुङ् लोसुचि। 23आक्खाचिऎ पावल नुङ् सिलास एट्टान चाइर रगुचिहाङ् सॆक्चिम्पि सॆगुचि। हाङ् सॆक्चिम्पिऎ टुङ्घङ्पा गर लोसुचि, “इघाचि काम्नुःर हुङ्मिटॆचॆ।” 24गरक्मा खानावाँ खेमुहाङ् खोसॆ आक्खाचि सॆक्चिम्पिऎ चोब्बाङ् हङ्सिॽयु लाखॆटुचिहाङ् उम्चि लङ्पि ठॆङ्र टिमानुङ् युङुचिमि।
25सेन्टाराम्पा लिमार पावल नुङ् सिलास पारठाना लॆसॆ निवाँहाङ्मि साम् इमॆ पाइटाचि। म खानावाँ होइढा सॆक्ढिङ्खॆम्पाचिऎ खेम्मे सिसुचि। 26आक्रलॽन ढ्या लुक्ढिमा टाआ हाङ् सॆक्चिम्मि लाङ्पान हुम्पकु। हाङ् सॆक्चिम्मि चोब्न लम्भॆरॆङ्मा हेम्बका हाङ् चोब्नमि हिक्मिम्पा पाडाक् हेम्बखारा। 27हाङ् सॆक्चिम्पिऎ टुङ्घङ्पा हुम्पका, खोसॆ सॆक्चिम्पिऎ चोब्न लम्भॆरॆङ्मा हेम्बक्मिम्पा खाङु। हाङ् सॆक्ढिङ्खॆम्पाचि खुरिङ्खारामि हला मिनु। मसॆ खोसॆ खोम् फेया सुबिक्ट बिःक्पकु हाङ् खोसॆ उम्टाङ्पा बक्सिखॆॽमा ठाबाकु। 28टर पावलऎ याकासे खो गर लोसु, “ओ लाङ्काम्, आनॆ आम्टाङ्पान माङ्स आलॆटॆ, मान्ठाभनॆ काङ्का चोब्न गुबिॽन चुकिङ्का।”
29हाङ् आक्क सॆक्चिम्पिऎ टुङ्घङ्पाऎ ओप्ठाम ङागा, हाङ् हिरिरि पिन्से हङ्सिॽयु टाआ। हाङ् किसिमाऎ सिसिलाप्लाप् यङ्मानुङ् पावल हाङ् सिलासमि लाङ्पि पोब्ढिन्टा। 30हाङ् खोसॆ आक्खाचि बाहिर लाबकुचि हाङ् लोसुचि, “टुङ्घङ्पाचि, का हिङ्चासे हानाम्स सिखॆॽनॆ हिङ्खामा टक्चामाम् लागि माङ् लॆःॽमा लॆऎ?”
31पावल नुङ् सिलासऎ लोसाचु, “पारभु येसु निवाँयुङ् लॆटॆ, हाङ् आना हिङ्चाक्ना हाङ् गरहाङ्न आनाम् खिम्पिहाचि सङ्क हिङ्चाक्मि।” 32हाङ् आक्खाचिऎ खो हाङ् खोम् खिम्पिहा चोब्न याॽमिचि पारभुमि खानावाँ खेम्मिटुचि। 33म युटान सॆक्चिम्पिऎ टुङ्घङ्पाऎ पावल हाङ् सिलास लाखॆटुचि हाङ् उम्चि हुवा सक्पिटुचि। हाङ् मरक्लन सॆक्चिम्पिऎ टुङ्घङ्पा हाङ् उम् चोब्न खिम्पिहा याॽमिचिऎ बाप्टिस्मा लासामि। 34आक्क डॆङ्पि खोसॆ पावल नुङ् सिलास खोम् खिम्पि चिक्कॆटुचि हाङ् चामा डुङ्मा पिट्टुचि। खोसॆ हाङ् खोम् खिम्पिहा याॽमिचिऎ निवाँहाङ्बि निवाँयुङ् लॆःॽमिम्पासॆ खो एट्टान चेन्चाआ।
35वेन्डाक् लाम्पॆ नाम्सङ्मक्मि हाटाबिऎ टुङ्घङ्पाचिऎ उम्चि टिलिङ्गाचिबाङ् गर कामानुङ् सॆक्चिम्पिऎ टुङ्घङ्पाबि खानावाँ पाङ्हाङ्सुचि, “पावल नुङ् सिलास सॆक्चिम्बाङ् लाबहाक्सॆचॆ।” 36हाङ् सॆक्चिम्पिऎ टुङ्घङ्पाऎ पावल गर लोसु, “टुङ्घङ्पाचिऎ आना नुङ् सिलास खॆॽमिटॆचॆ कामानुङ् खानावाँ पाङ्हाङ्डुचि। मसॆ आन्चिना आम्पकाचॆ हाङ् नुःर खाराचॆ।”
37टर पावलऎ आक्खा टिलिङ्गाचि लोसुचि, “काङ्का रोमि यायेॽमा रक्न रोमि ढुप्पाट्ट टक्चामिम्पा याॽमिचिबि माङ्स आब्डिक् मान्भॆट्टक्मार सङ्क याॽमिचिम् लुम्पि रगिङ्का, हाङ् सॆक्चिम्पि सॆक्ढाङ्साचिम्। ह हाटाबिऎ टुङ्घङ्पाचिऎ काङ्का खुनिङ्म लेहाङ्मा यक्मिम्पा हॆ? ग खानावाँबि काङ्का खासिइङ्कानि। काङ्का लेहाङ्माम् लागि खोचिन गुबि टामा लॆःॽमि।”
38हाङ् टिलिङ्गाचिऎ टुङ्घङ्पाचि पावलऎ लोमिम्पा खानावाँ खेम्मिटुचि। ग खानावाँ खेमुचि हाङ् हाटाबिऎ टुङ्घङ्पाचिऎ पावल नुङ् सिलास रोमि याॽमिचि रे कामानुङ् वाप्टकुचि हाङ् किसिखारामि। 39हाङ् टुङ्घङ्पाचि टाआमि हाङ् खोचिनुङ् यङ्निमा ङागामि। हाङ् आक्खाचि सॆक्चिम्बाङ् बाहिर लाबाकुचि, हाङ् ग हाटाबाङ् खाइपिचिमॆ कामानुङ् लोसुचि। 40आक्क डॆङ्पि पावल नुङ् सिलास सॆक्चिम्बाङ् अम्पकाचि, हाङ् लिडियामि खिम्पि खाराचि। आक्कुबि होइढा निवाँयुङ् लॆखुबा बुबुनुसाचि सङ्क चुबुचिमि, हाङ् आक्खाचि आँटा पिट्टाचु हाङ् खाइटाचि।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society