सॆःक्ढुङ्पा 18
18
पावल कोरेन्ठि हाटाबि
1आक्क डॆङ्पि पावलऎ एठेन्स याइडाउहाङ् कोरेन्ठि हाटाबि खारा। 2खोसॆ आक्कुबि पोन्टास लोमॆ ठालबि जान्म लिमिम्पा आकिला निङ् लॆखुबा एक्क याहुडि चुबु। आकिला हहन इटालिबाङ् खोम् खिम्टाङ्मा पिरिस्किला नुङ् आक्कुबि टामिम्पा लॆटा, मान्ठाभनॆ ढ्या हाङ् क्लाउडियसऎ चोब्न याहुडिचि रोम हाटाबाङ् खाइटानॆ कामानुङ् लोमिम्पा लॆटामि। पावल खोचि चुब्सि खारा। 3हाङ् आकिला नुङ् पिरिस्किला रक्न खो सङ्क खिम् खाप्मॆ चेः डाक्खुबा लिमिम्पासॆ पावल खोचिनुङ् सोरि पेन्से योम्पक् मुसा। 4हाङ् चोब्न नाचामॆ डिना खो याहुडिचि खोम्ठाम् खिम्पि खारा हाङ् डिरिक् याहुडि नुङ् गिरिक्चिऎ येसुबि निवाँयुङ् लॆटुचिर कामानुङ् आक्खाचिनुङ् खानावाँ इयुक्सा।
5ह सिलास नुङ् टिमोठि माकेडोनिया लोमॆ ठालबाङ् उङाचि, हाङ् पावल नुऎ खानावाँ खेम्मिॽमॆ योम्पक्पि पुरा लागालिसा। खोसॆ याहुडिचि येसुन खिरिस्ट कामानुङ् चुमॆक्सङ् पिट्टुचि। 6टर याहुडिचिऎ खो काइर लॆःॽमनुङ् वोसुचि। मसॆ पावलऎ खोम् चेः फाप्मानुङ्#१८:६ ग चेः फाप्मॆ लोमॆ खानावाँ याहुडि चालाना रक्न एक्कसे होइक लाङ्काम्नुङ् हःयॆबाङ् खोनुङ् साम्बान्ढा माङ्स माआ लोमार लॆःॽमॆ एक्क चिन्ना रेम। आक्खाचि लोसुचि, “येसु निवाँयुङ् मालॆम्पामि आब्डिक् आन्नाबिॽन सिॽल। गुबि काम् माङ्स आब्डिक् माआ। हयॆबाङ् मर काङा होइढा हॆॽनिबारेक्चिबि नुऎ खानावाँ खेम्मिसि खॆःॽङ।”
7हाङ् पावल आक्कबाङ् आम्पकाहाङ् निवाँहाङ्मि किसिमाबि पेन्खुबा एक्क टिटस युस्टास लोमॆ गिरिक याॽमिमि खिम्पि खारा। आक्कमि खिम् याहुडिचि खोम्ठाम् खिम् कॆक्पि चुआ। 8हाङ् किरिस्पस लोमॆ याहुडिचि खोम्ठाम् खिम्पिऎ टुङ्घङ्पा नुङ् खोम् खिम्पिहा चोब्न याॽमिचिऎ निवाँयुङ् लॆटुचि। गरहाङ्न कोरेन्ठि हाटाबिहा डिरिक् होइढा याॽमिचिऎ पावलमि खानावाँ खेमुचिहाङ् निवाँयुङ् लॆटुचि हाङ् बाप्टिस्मा लासामि।
9युटा सेम्माङ्पि पारभुऎ पावल गर लोसु, “आना आकिसिऎ टर नुऎ खानावाँ खेम्मिॽमा आयाइटॆ हाङ् यङ् ऎउगॆ। 10मान्ठाभनॆ काङा आनानुङ् चुःॽङा, हाङ् आसॆस आना रग्हिमिनि हाङ् चोटा टिमा हेसुचिनि, मान्ठाभनॆ ग हाटाबि काम् डिरिक् याॽमिचि चुक्मि।” 11हाङ् पावल आक्कुबि निवाँहाङ्मि खानावाँ चिन्मानुङ् एक्क निङ् नुङ् ठुक्चि माइना पेना।
12हाङ् गाल्लियो लोमॆ याॽमि आखाइया लोमॆ ठालबिऎ टुङ्घङ्पा लिमार, याहुडिचिऎ पावल रःग्मॆ खानावाँबि एक्क निवाँ मुसुचि। हाङ् पावल लाबुचि हाङ् न्यायॆ लॆःॽमॆ ठालबि लाटॆटुचि। 13हाङ् गर लोसुचि, “ग याॽमिऎ कानिम् यायेॽमा नुङ् टङ्नॆ निवाँहाङ् चुङ्सि याॽमिचि ठेप्पक्डुचि।”
14पावल यामुमा ठाबाक्मिम्पा लॆटा। गाल्लियोऎ आक्खा याहुडिचि लोसुचि, “ओ याहुडिचि, इग याॽमिऎ यिक्मिम्पा काइसॆ खानावाँ हाङ् काइसॆ योम्पक् लिमिम्पाभा कॆ आन्नामि खानावाँ खेम्माहाङ् न्यायॆ लॆःॽमान लॆटा। 15टर ग खानावाँ ग साम्डेन् हाङ् निङ् नुङ् आन्नामि यायेॽमामि बारेबि लिमिम्पासॆ, कॆ न्यायॆ लॆःॽङानि, आन्नॆॽन न्यायॆ लॆटाम्नॆ।” 16हाङ् खोसॆ आक्खाचि न्यायॆ लॆठाम् खिम्बाङ् यिक्पहाङ्सुचि। 17ह चोप्पसॆ याहुडिचि खोम्ठाम् खिम्पिऎ टुङ्घङ्पा सोस्ठेनिस लाबुचि हाङ् न्यायॆ लॆठाम् खिम् कॆक्पिन रगुचि। टर गाल्लियोऎ माखेमिन्ट लॆटु।
पावल एन्टिओखबि ऎन्टामिम्पा
18पावल कोरेन्ठिबि निवाँयुङ् लॆखुबा बुबुनुसाचिनुङ् डिरिक् डिना पेना। हाङ् खोचि याइडामानुङ् किन्किरिया हाटाबि खाराहाङ् याॽल हिक्मिम्पा चुप्लाङ् रक्न खोसॆ टाङाक् खोसु। हाङ् सिरिया लोमॆ ठालबि पॆरॆरॆमामि लाम् लिसे खारा। खोनुङ् पिरिस्किला हाङ् खोम् खिम्टाङ्पा आक्बिला सङ्क चुआचि। 19खोचि एफिसस हाटाबि टाआमि, हाङ् पावलऎ पिरिस्किला नुङ् आक्बिला आक्कुबि याइडाउ। टर खो चाइ एफिससबिऎ याहुडि खोम्ठाम् खिम्पि खाराहाङ् याहुडिचि नुङ् कॆ इमिम्पा खानावाँ चाइबानऎ कामानुङ् इबकुचि। 20याहुडिचिऎ खो एक्क हिप्चि डिना खोचिनुङ्न पेनॆ कामानुङ् लोसुचि। टर पावल पेन्मा माखासि। 21टर आक्खचिनुङ् फाक्से पावलऎ लोसुचि, “निवाँहाङ्मि निवाँ लिसा हाङ्ग काङा आन्नाबि ऎन्टाङा।” हाङ् खो एफिससबाङ् योवाखङ्पि ठाङाहाङ् खाइटा।
22आक्कबाङ् खो काइसरिया हाटाबि टाआ हाङ् यारुसालेम्पिटु खारा। हाङ् आक्कुबिहा निवाँयुङ् लॆखुबा बुबुनुसाचि स्यामिटुचि, हाङ् एन्टिओखबि युसा।
23एन्टिओखबि एक्क हिच्चि डिना पेनाहाङ् पावल गालाटिया हाङ् फिरिगिया लोमॆ ठालबिहा लाम् लाम्ढुसे डिरिक् ठाल वाइमानुङ् निवाँयुङ् लॆखुबा चोब्न टिङ्खुबाचि निवाँयुङ्बि चॆकुवॆ मुसुचि।
अप्पोलोस एफिसस हाटाबि
24आक्रल अलेक्जेन्डरिया हाटाबि जान्म लिमिम्पा अप्पोलोस लोमॆ एक्क याहुडि एफिससबि टाआ। खो काम्नुःर याम्मा हेखुबा हाङ् निवाँनेन् साब्चिरामि बारेबि एट्टान निवाँ चुऎ याॽमि लॆटा। 25खो पारभुमि लाम्मि बारेबिऎ हिङ्खामामि खानावाँ नुःर चिन्मिम्पा याॽमि लॆटा, हाङ् खो निवाँबि चेन्चासे खोसॆ याॽमिचि येसुमि बारेबि यामुमानुङ् चिन्युक्सुचि। खो आक्रक्मा याॽमि लॆटा हाङ्स खोसॆ युहान्नाऎ पिॽमिम्पा बाप्टिस्मा टेःॽन लेॽमिम्पा लॆटा। 26खो याहुडिचि खोम्ठाम् खिम्पि डिरिक् यामुबक्का। खोम् खानावाँ खेमाचुहाङ् पिरिस्किला हाङ् आक्बिलाऎ अप्पोलोस उम्चि खिम्पि सेराचु। हाङ् निवाँहाङ्मि लाम्फुमि हिङ्खामामि खानावाँ नुःर चिनाचु।
27आक्क डॆङ्पि अप्पोलोसऎ आखाइया ठालबि खॆॽमा मिनु। हाङ् एफिससबिहा बुबुनुसाचिऎ सङ्क खो आँटा पिट्टुचि हाङ् आखाइयाबिहा निवाँयुङ् लॆखुबाचि “आन्नाबि अप्पोलोस टामॆ पाइ, नुःर लॆटाम्नॆ” कामानुङ् पाङ्हाङ्सुचि। खो आक्कुबि टाआहाङ् निवाँहाङ्मि नाम्नावाँबाङ् निवाँयुङ् लॆखुबा बुबुनुसाचि डिरिक् मुबाकुचि। 28मान्ठाभनॆ खोसॆ याॽमिचिम् लुम्पि आक्कुबिहा याहुडिचिम् खानावाँ चाइबानऎ हॆॽनॆ कामानुङ् खाङ्मिटुचि हाङ् येसुन फाक्खुबा खिरिस्ट कामानुङ् खाङ्मिटुचि।
ទើបបានជ្រើសរើសហើយ៖
सॆःक्ढुङ्पा 18: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
सॆःक्ढुङ्पा 18
18
पावल कोरेन्ठि हाटाबि
1आक्क डॆङ्पि पावलऎ एठेन्स याइडाउहाङ् कोरेन्ठि हाटाबि खारा। 2खोसॆ आक्कुबि पोन्टास लोमॆ ठालबि जान्म लिमिम्पा आकिला निङ् लॆखुबा एक्क याहुडि चुबु। आकिला हहन इटालिबाङ् खोम् खिम्टाङ्मा पिरिस्किला नुङ् आक्कुबि टामिम्पा लॆटा, मान्ठाभनॆ ढ्या हाङ् क्लाउडियसऎ चोब्न याहुडिचि रोम हाटाबाङ् खाइटानॆ कामानुङ् लोमिम्पा लॆटामि। पावल खोचि चुब्सि खारा। 3हाङ् आकिला नुङ् पिरिस्किला रक्न खो सङ्क खिम् खाप्मॆ चेः डाक्खुबा लिमिम्पासॆ पावल खोचिनुङ् सोरि पेन्से योम्पक् मुसा। 4हाङ् चोब्न नाचामॆ डिना खो याहुडिचि खोम्ठाम् खिम्पि खारा हाङ् डिरिक् याहुडि नुङ् गिरिक्चिऎ येसुबि निवाँयुङ् लॆटुचिर कामानुङ् आक्खाचिनुङ् खानावाँ इयुक्सा।
5ह सिलास नुङ् टिमोठि माकेडोनिया लोमॆ ठालबाङ् उङाचि, हाङ् पावल नुऎ खानावाँ खेम्मिॽमॆ योम्पक्पि पुरा लागालिसा। खोसॆ याहुडिचि येसुन खिरिस्ट कामानुङ् चुमॆक्सङ् पिट्टुचि। 6टर याहुडिचिऎ खो काइर लॆःॽमनुङ् वोसुचि। मसॆ पावलऎ खोम् चेः फाप्मानुङ्#१८:६ ग चेः फाप्मॆ लोमॆ खानावाँ याहुडि चालाना रक्न एक्कसे होइक लाङ्काम्नुङ् हःयॆबाङ् खोनुङ् साम्बान्ढा माङ्स माआ लोमार लॆःॽमॆ एक्क चिन्ना रेम। आक्खाचि लोसुचि, “येसु निवाँयुङ् मालॆम्पामि आब्डिक् आन्नाबिॽन सिॽल। गुबि काम् माङ्स आब्डिक् माआ। हयॆबाङ् मर काङा होइढा हॆॽनिबारेक्चिबि नुऎ खानावाँ खेम्मिसि खॆःॽङ।”
7हाङ् पावल आक्कबाङ् आम्पकाहाङ् निवाँहाङ्मि किसिमाबि पेन्खुबा एक्क टिटस युस्टास लोमॆ गिरिक याॽमिमि खिम्पि खारा। आक्कमि खिम् याहुडिचि खोम्ठाम् खिम् कॆक्पि चुआ। 8हाङ् किरिस्पस लोमॆ याहुडिचि खोम्ठाम् खिम्पिऎ टुङ्घङ्पा नुङ् खोम् खिम्पिहा चोब्न याॽमिचिऎ निवाँयुङ् लॆटुचि। गरहाङ्न कोरेन्ठि हाटाबिहा डिरिक् होइढा याॽमिचिऎ पावलमि खानावाँ खेमुचिहाङ् निवाँयुङ् लॆटुचि हाङ् बाप्टिस्मा लासामि।
9युटा सेम्माङ्पि पारभुऎ पावल गर लोसु, “आना आकिसिऎ टर नुऎ खानावाँ खेम्मिॽमा आयाइटॆ हाङ् यङ् ऎउगॆ। 10मान्ठाभनॆ काङा आनानुङ् चुःॽङा, हाङ् आसॆस आना रग्हिमिनि हाङ् चोटा टिमा हेसुचिनि, मान्ठाभनॆ ग हाटाबि काम् डिरिक् याॽमिचि चुक्मि।” 11हाङ् पावल आक्कुबि निवाँहाङ्मि खानावाँ चिन्मानुङ् एक्क निङ् नुङ् ठुक्चि माइना पेना।
12हाङ् गाल्लियो लोमॆ याॽमि आखाइया लोमॆ ठालबिऎ टुङ्घङ्पा लिमार, याहुडिचिऎ पावल रःग्मॆ खानावाँबि एक्क निवाँ मुसुचि। हाङ् पावल लाबुचि हाङ् न्यायॆ लॆःॽमॆ ठालबि लाटॆटुचि। 13हाङ् गर लोसुचि, “ग याॽमिऎ कानिम् यायेॽमा नुङ् टङ्नॆ निवाँहाङ् चुङ्सि याॽमिचि ठेप्पक्डुचि।”
14पावल यामुमा ठाबाक्मिम्पा लॆटा। गाल्लियोऎ आक्खा याहुडिचि लोसुचि, “ओ याहुडिचि, इग याॽमिऎ यिक्मिम्पा काइसॆ खानावाँ हाङ् काइसॆ योम्पक् लिमिम्पाभा कॆ आन्नामि खानावाँ खेम्माहाङ् न्यायॆ लॆःॽमान लॆटा। 15टर ग खानावाँ ग साम्डेन् हाङ् निङ् नुङ् आन्नामि यायेॽमामि बारेबि लिमिम्पासॆ, कॆ न्यायॆ लॆःॽङानि, आन्नॆॽन न्यायॆ लॆटाम्नॆ।” 16हाङ् खोसॆ आक्खाचि न्यायॆ लॆठाम् खिम्बाङ् यिक्पहाङ्सुचि। 17ह चोप्पसॆ याहुडिचि खोम्ठाम् खिम्पिऎ टुङ्घङ्पा सोस्ठेनिस लाबुचि हाङ् न्यायॆ लॆठाम् खिम् कॆक्पिन रगुचि। टर गाल्लियोऎ माखेमिन्ट लॆटु।
पावल एन्टिओखबि ऎन्टामिम्पा
18पावल कोरेन्ठिबि निवाँयुङ् लॆखुबा बुबुनुसाचिनुङ् डिरिक् डिना पेना। हाङ् खोचि याइडामानुङ् किन्किरिया हाटाबि खाराहाङ् याॽल हिक्मिम्पा चुप्लाङ् रक्न खोसॆ टाङाक् खोसु। हाङ् सिरिया लोमॆ ठालबि पॆरॆरॆमामि लाम् लिसे खारा। खोनुङ् पिरिस्किला हाङ् खोम् खिम्टाङ्पा आक्बिला सङ्क चुआचि। 19खोचि एफिसस हाटाबि टाआमि, हाङ् पावलऎ पिरिस्किला नुङ् आक्बिला आक्कुबि याइडाउ। टर खो चाइ एफिससबिऎ याहुडि खोम्ठाम् खिम्पि खाराहाङ् याहुडिचि नुङ् कॆ इमिम्पा खानावाँ चाइबानऎ कामानुङ् इबकुचि। 20याहुडिचिऎ खो एक्क हिप्चि डिना खोचिनुङ्न पेनॆ कामानुङ् लोसुचि। टर पावल पेन्मा माखासि। 21टर आक्खचिनुङ् फाक्से पावलऎ लोसुचि, “निवाँहाङ्मि निवाँ लिसा हाङ्ग काङा आन्नाबि ऎन्टाङा।” हाङ् खो एफिससबाङ् योवाखङ्पि ठाङाहाङ् खाइटा।
22आक्कबाङ् खो काइसरिया हाटाबि टाआ हाङ् यारुसालेम्पिटु खारा। हाङ् आक्कुबिहा निवाँयुङ् लॆखुबा बुबुनुसाचि स्यामिटुचि, हाङ् एन्टिओखबि युसा।
23एन्टिओखबि एक्क हिच्चि डिना पेनाहाङ् पावल गालाटिया हाङ् फिरिगिया लोमॆ ठालबिहा लाम् लाम्ढुसे डिरिक् ठाल वाइमानुङ् निवाँयुङ् लॆखुबा चोब्न टिङ्खुबाचि निवाँयुङ्बि चॆकुवॆ मुसुचि।
अप्पोलोस एफिसस हाटाबि
24आक्रल अलेक्जेन्डरिया हाटाबि जान्म लिमिम्पा अप्पोलोस लोमॆ एक्क याहुडि एफिससबि टाआ। खो काम्नुःर याम्मा हेखुबा हाङ् निवाँनेन् साब्चिरामि बारेबि एट्टान निवाँ चुऎ याॽमि लॆटा। 25खो पारभुमि लाम्मि बारेबिऎ हिङ्खामामि खानावाँ नुःर चिन्मिम्पा याॽमि लॆटा, हाङ् खो निवाँबि चेन्चासे खोसॆ याॽमिचि येसुमि बारेबि यामुमानुङ् चिन्युक्सुचि। खो आक्रक्मा याॽमि लॆटा हाङ्स खोसॆ युहान्नाऎ पिॽमिम्पा बाप्टिस्मा टेःॽन लेॽमिम्पा लॆटा। 26खो याहुडिचि खोम्ठाम् खिम्पि डिरिक् यामुबक्का। खोम् खानावाँ खेमाचुहाङ् पिरिस्किला हाङ् आक्बिलाऎ अप्पोलोस उम्चि खिम्पि सेराचु। हाङ् निवाँहाङ्मि लाम्फुमि हिङ्खामामि खानावाँ नुःर चिनाचु।
27आक्क डॆङ्पि अप्पोलोसऎ आखाइया ठालबि खॆॽमा मिनु। हाङ् एफिससबिहा बुबुनुसाचिऎ सङ्क खो आँटा पिट्टुचि हाङ् आखाइयाबिहा निवाँयुङ् लॆखुबाचि “आन्नाबि अप्पोलोस टामॆ पाइ, नुःर लॆटाम्नॆ” कामानुङ् पाङ्हाङ्सुचि। खो आक्कुबि टाआहाङ् निवाँहाङ्मि नाम्नावाँबाङ् निवाँयुङ् लॆखुबा बुबुनुसाचि डिरिक् मुबाकुचि। 28मान्ठाभनॆ खोसॆ याॽमिचिम् लुम्पि आक्कुबिहा याहुडिचिम् खानावाँ चाइबानऎ हॆॽनॆ कामानुङ् खाङ्मिटुचि हाङ् येसुन फाक्खुबा खिरिस्ट कामानुङ् खाङ्मिटुचि।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society