१ टिमोठि मिःक्म खानावाँ
मिःक्म खानावाँ
टिमोठि एसिया लोमॆ ठालबिऎ एक्क वॆन्चा खिरिस्टियान लॆटा। खोम आमा याहुडि हाङ् आपा खिरिस्टियान लॆटा। नुऎ खानावाँ फुमॆ योम्पक्पि खो पावलनुङ सोरि लियुङसा। पावलऎ ग साब्चिरा खोन साब्डुवॆ यो।
ग साब्चिरा चोब्बाङ् याॽल मान्डालिबि बङ्चामॆ खानावाँ चिन्पम्पासॆ आक्कम खानावाँ एक्माम् लागि साब्मिम्पा रेम। गरॽऎ बङ्चामॆ खानावाँ याहुडि निवाँनेन् नेन्चाखुवाचि हाङ् हॆॽनिबारॆक्चिम निवाँ ठुटिखॆडॆ हुन्नऎ निवाँयुङमि खानावाँ चिन्पम्पा लॆटुचि। आक्खा खानावाँ चाइ बाखाटेम हिङ्वाऎ चेप्खॆडु। याॽमिचिऎ माङ्माङ् चामा फॆन्नि, भ्या लॆमा फॆन्नि गरहा खानावाँ लेमा लॆ हाङ् टे हिङ्चाकि कामानुङ चिन्युङसुचि। ग साब्चिराबि, मान्डालिबि मान्टहाङ् योम्पक लॆःॽमा लॆऎ हाङ् टुङघङपाचिबि मान्टऎ चालाना लिमा लॆऎ लोमॆ खानावाँ साब्डा। हाङ् डॆङ्पि खिरिस्टियन मान्डालिमि लागि नुऎ योम्पक मुखुबा लिमा लॆ कामानुङ लोडा।
गुबि चुहा खानावाँ
याॽलिऎ खानावाँ
मान्डालिनुङ डानामि बारेबि खानावाँ १:३-३:१६
टिमोठिमि योम्पक्मि बारेबि खानावाँ ४:१-६:२१
ទើបបានជ្រើសរើសហើយ៖
१ टिमोठि मिःक्म खानावाँ: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society