१ ठेसलोनिकि मिःक्म खानावाँ
मिःक्म खानावाँ
ठेसलोनिका चाइ रोमि हाङ्डाम्मि माकॆडनिया लोमॆ हाङ्टेम्मि ढ्या हाटा लॆटा। पावल फिलिप्पिबाङ टाआहाङ गुबि याॽमिचि येसुबि निवाँयुङ् लॆखुबा मुसुचि। टर आक्कुबि याहुडिचिऎ पावल काइर लॆपकुचि हाङ् पावलऎ इकुवॆ नुऎ खानावाँबि याॽमिचिऎ निवाँयुङ् लॆःॽमिम्पा माखाङ्हिसुचि। मसॆ पावल ठेसलोनिकिबाङ बेरियापोट्टि खॆॽमासिट्टा। हाङ् डॆङपि खो कोरेन्ठि लोमॆ ठावाँबि टामार खोनुङ् सोरि योम्पक मुखुबा टिमोठिबाङ् ठेसलोनिकिबिहा मान्डालिमि बारेबि खानावाँ खेमु।
ग याॽलऎ साब्चिरा चाइ पावलऎ ठेसलोनिकाबिहा मान्डालिचि निवाँयुङपि चॆक्मावा पिॽमाम् लागि साब्हाङ्मिम्पा लॆटु। गुबि खोसॆ आक्खाचिम् निवाँयुङ् नुङ् नाम्नावाँमि लागि ओहाक पिकुचि। हाङ् खो आक्खाचिनुङ् चुमार मान्ट लॆटॆ लोमॆ इकुचि। हाङ् ठेसलोनिकिबिऎ मान्डालिबि खिरिस्ट बाखाटेम्पि टाऎ खानावाँमि बारेबि आम्पक्डाहा खानावाँ इकु। माल् खिरिस्ट टामाबाङ् याॽलन सिखॆखुबाचिऎ हानाम्स आसिखॆखुबा हिङ्खामा टक्चाकुचॆ? लोमॆ हाङ् खिरिस्ट हानाम् टाऎ लोमॆ खानावाँमि बारेबि इकु। हाङ् खिरिस्ट टाःरढारि हुक् बॆक्ठामानुङ् पेन्खुबा याॽमिचि हॆॽनॆ, टर योम्पक् मुचाखुबा याॽमिचि लिसानॆ कामानुङ् लोकुचि।
गुबि चुहा खानावाँ
याॽलऎ खानावाँ १:१
ओहाक नुङ खोचि ठेॽमिम्पा १:२-३:१३
खिरिस्टियान मान्टहाङ् पाइमॆ लोमॆ खानावाँ ४:१-१२
खिरिस्ट टामॆ खानावाँ ४:१३-५:११
डॆङ्पिऎ खानावाँ ५:१२-२२
लुक्पिम्पा खानावाँ ५:२३-२८
ទើបបានជ្រើសរើសហើយ៖
१ ठेसलोनिकि मिःक्म खानावाँ: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society