१ ठेसलोनिकि 1
1
1ठिस्सालोनिकिबिऎ मान्डालिबि आपा निवाँहाङ् हाङ् पारभु येसु खिरिस्बि चुक्मिहा बुबुनुसाचि, काङा पावल, सिल्भानस#१:१ सॆःक्ढुङ्पामि साब्चिराबि चुऎ सिलास नुङ् ग सिल्भानस एक्क याॽमि रेम। खोम् निङ् सिल्भानस हाङ् सिलास लोमॆ हिच्चि निङ् चुआ। हाङ् टिमोठिऎ ग साब्चिरा साप्हाङ्मॆ पाइकुङ्का। आन्नाबि नाम्नावाँ नुङ् सान्टि लिर।
ठिसालोनिकिबिऎ निवाँयुङ् लॆखुबाचिम् हिङ्खामा
2काङ्कॆ आन्ना चोब्न काङ्कामि पारठानाबि मिॽलाक्चिम् हाङ् आन्नामि लागि निवाँहाङ् हानाम्स ओहाक् पिकुङ्का। 3हाङ् निवाँहाङ् नुङ् कानिम् आपामि ङारिङ् हाङ् कानिम् पारभु येसु खिरिस्टबि चुऎ आन्नामि निवाँयुङ्मि योम्पक्, नाम्नाम् पिसिसॆ लॆःॽमिम्पा योम्पक् हाङ् आस मिम्मिम्पाबि आन्ना हुङ्हिखुबा लिमिम्पा खानावाँ हानाम्स मिॽलाकुङ्का।
4मान्ठाभनॆ काङ्कॆ लेकुङ्का बुबुनुसाचि, निवाँहाङ्ऎ नाम्नाम् पिसिटानि हाङ् आन्ना सॆःक्डानि, 5मान्ठाभनॆ काङ्कॆ आन्ना खेम्मिॽमिम्पा नुऎ खानावाँ साम्देन्पि टे हॆॽनॆ, टर चॆक्मावा नुङ् सॆङ्सॆङॆ लावाबि हाङ् साङ्का मॆड्डिङ् टाआ। हाङ् काङ्का आन्नामि लुम्पि चुइङ्कार आन्नामि लागिॽन मान्टहाङ् पेनिङ्कॆ कामानुङ् आन्नॆ लेकाम्नि। 6आन्ना काङ्का हाङ् पारभु टिङ्खुबा लिसानि मान्ठाभनॆ डुखाबि सङ्क सॆङ्सॆङॆ लावाबाङ् चेन्चासे पिॽमिम्पा नुऎ खानावाँ टिङाम्नि। 7मसॆ आन्ना माकेडोनियाबिहा होइढा ठालबि हाङ् आखाइया लोमॆ ठवाँबिहा निवाँयुङ् लॆखुबा चोब्नमि लागि टिङ्मा लॆऎ याॽमि लिडानि। 8मान्ठाभनॆ आन्नाबाङ् पारभुमि खानावाँ माकेडोनिया नुङ् आखाइयाबि टे हॆॽनॆ, टर डिरिक् ठालबि निवाँहाङ्पि आन्नॆ लॆःॽमिम्पा निवाँयुङ् फुःबक्डाम्नि। मसॆ काङ्कॆ गमि बारेबि माङ्स लोमा मॆपाब्। 9मान्ठाभनॆ मान्टहाङ् आन्नॆ काङ्का नुःर लॆटाचिम् हाङ् मुर्टि चुङ्मा याइसे हिङ्चाखुबा चाइबानऎ निवाँहाङ् चुङ्सि ऎम्पकानिहा लोमॆ खोचिऎन इकुचि, 10हाङ् पारुबाङ्ऎ खोम् पासा येसु हुङुकाम्नि, निवाँहाङ्ऎ खो सिखॆम्पाबाङ् हिङ्पमिट्टु। म येसुऎ टाऎ निवाँहाङ्मि सिरिबाङ् फागुकि।
ទើបបានជ្រើសរើសហើយ៖
१ ठेसलोनिकि 1: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society