Markut 8
8
Yesu a̱ tssung ba̱nyet ncyi kop nyaai
(Matta 15:32-39)
1Ba̱ a̱zi nom iya ba̱nyet ba̱gingang a̱ bo tung, di ba byyi nkyangya ba. Yesu a̱ yei na̱won pfong nu na ka̱rek ka̱yring, 2a̱ hywa da̱ mba, “N pfong dizot ba̱nyet ti ni ba̱gingang. Nom tat naani ba shyi ba̱ nzuk, ba byyi kyangya naani ba. 3Ki n ba̱ tun ba nat bu cihywat, ba̱yanyet a̱ ni cak a̱ kwi a̱zi ryen, rot ba̱yanyet mba a̱ nyyai gba̱gbang.”
4Na̱won pfong nu na a̱ ku zzim a̱ hywa, “Ke ka̱yit kani zi nin shya kyangya na ni maai ka̱tswa ba̱nyet kani ni?”
5Yesu a̱ ba̱ zzim, “A̱kukwang burodi a̱ mang yi shyi mi?”
Ba hywa, “A̱kukwang a̱tiyring.”
6Yesu a̱ tyyi ba̱nyet ba ba swrang ka̱byen. Wwon na̱ sook a̱kukwang burodi nu, a̱ gwai Ka̱za mi, a̱ si sam burodi na a̱ wrak na̱won pfong nu na ba ka ba̱nyet ba, sa̱rei mba. 7Ba bo shyi bu hwon ba̱ cincong. Yesu a̱ bo gwai Ka̱za mi, a̱ tyyi na̱won pfong nu na a̱ bo ka ba̱nyet ba. 8Ba̱nyet ba a̱ yin za ni, a̱ yin yet cyi kop nyaai. Sa̱rei mba ba ya swei. 9Na̱won pfong a a̱ si kok na̱nshang a̱tiyring a̱ tyyi nkpikpit a a̱n hywaai. Yesu a̱ si ba̱ tun koyan a̱ pyyem ryen ka̱ryi nu. 10Wwon nu na̱ drok ka̱ yemi ba ahwa bu na̱won pfong nu na ba nwa kpongo a̱ nat i ka̱byen Dalmanuta.
Ba̱nyet Farisa a̱ cat Yesu a̱ ba̱ yya nkyang ka̱hat
(Matta 16:1-4)
11Ba̱yanyet ka̱yat ba̱nyet Farisa a̱ ba di Yesu, a̱ bu nwa ya a̱cecet ba̱ nu. Ba cat ku tssem. Ba hywa di se na̱ yya nkyang nyyai Tazwa. 12Yesu a̱ shek sso, a̱ hywa da̱ mba, “A̱nzan a̱n byyi ba̱nyet zamani ba ni ba nwa bu cat cyang nkyang ka̱hat nyyai Tazwa? N ya tyyei ba̱t za̱m, ba ni ryi kyang ba!”
13A̱ ba̱ wwon ka̱ yemi a̱ brek a̱ nwa a̱kpongo nu a̱ byei a̱ naat ka̱ma̱nyyi yaan ni.
Yisti ba̱nyet Farisa bu Hirudut
(Matta 16:5-12)
14Ashe na̱won pfong a a̱ bring sook burodi na a̱ maai. Ba cyang ka̱yat kpongo ka a̱ si shya ba byyi dikwang burodi bu tiyring. 15Ba shyi naat a Yesu a̱ hywa da̱ mba, “Yi cam, yi ta̱rwam bu yisti a̱nying Hirudut bu ba̱nyet Farisa nu.”
16Ba nwa ryat ba̱ mba-mba, a̱ hywa, “A̱ hywa a̱mi rot zi shyi bu burodi ba.”
17Yesu a̱ bvwo kyang a ba ryat i. A̱ ba̱ zzim a̱ hywa da̱ mba, “A̱nzan a̱n byyi yin dyat ba̱ryat sang burodi? A̱huhwa nu a̱ ka̱ ya maai baa? A̱nzan a̱ ba ndya nyin na? 18Yi byyi a̱ssi, a̱nzan a̱ ya bvwo cyang a? Yi byyi a̱pfo, a̱nzan a̱ ya bvwo pfong a? Yi bu byyi yring kyang baa? 19Yi yring ba̱nyet ncyi kop tsson ba zi yin tssung da̱ a̱kukwang burodi a̱pfon a ni ee? Nkpikpit a zi bvat i yet na̱nshang na̱mang?”
Ba hywa, “Swak ba̱ hwa.”
20Yesu a̱ bo ba̱ zzim, “Zi si bu tssung ba̱nyet ncyi kop nyaai da̱ a̱kukwang burodi a̱tiyring ka̱ni? Kpikpit a i hywaai na̱nshang na̱mang?”
Ba hywa, “Na̱nshang a̱tiyring.”
21Yesu a̱ bo hywa, “Nyin ba bu ri shyi ba̱ a̱huhwa nu zin sang burodi ni ee?”
Yesu a̱ creng a̱ntyok a̱tutwan Baitsaida
22Ba si nwa Baitsaida, ba̱yanyet a̱ nyyai ba̱ a̱ntyok a̱tutwan a̱ ba mi, a̱ bu naai Yesu na̱ ku byram. 23Yesu a̱ yrek bvak a̱ntyok a̱tutwan na. A̱ ku kwak ba wruk ka̱yat ka̱nkrang ka. Ba si tat, Yesu a̱ ku hyuk ba̱ncwwa a a̱ssi na, a̱ ku sak mbvak a a̱ ku zzim, “A ryi kyang o?”
24A̱ntyok a̱ywu a̱ cyang, a̱ hywa, “Ee, n dyi ba̱nyet, ma ba ryi di na̱kon na cong ni.”
25Yesu a̱ bo brek di mbvak a a̱ sak a a̱ssi nu na, a̱ntyok a̱tutwan nu a̱ yrang a̱ssi na a̱ cyang di cet, a̱ ryi na̱ cyang ba̱zizrak. 26Yesu a̱ ku tun, a̱ hywa, “Da̱ nat ka̱ryi. Bvu ryok hyok ka̱nkrang ka ba.”
Bitut a̱ tun ka̱nu a̱ wrak Yesu
(Matta 16:13-20; Luka 9:18-21)
27Yesu bu na̱won pfong nu na a̱ drok ka̱ yemi a̱ nwa na̱mankrang Kaisariya Filibi. A̱zi ryen ka na̱ ba̱ zzim, a̱ hywa, “Ba̱nyet ba a̱ na n yei a̱nyan na̱ra?”
28Ba hywa, “Ba̱yanyet a̱ na̱ yei Yohana A̱yya Baptisma, ba̱yanyet da̱ a yet Iliya, ba̱nyet ba̱yaan a̱ na̱ yei ba̱ a̱ntyok tyyei ba̱ryat Ka̱za.”
29Na̱ bo ba̱ zzim, “To, nyin hwa, yi na n yei a̱nyan?”
Bitut a̱ hywa, “Nwan yet Kristi (a̱tuba nu Ka̱za ka tssa ni).”
30Yesu a̱ ba̱ gbang a̱ hywa, “Nde, yi ryok tyyei a̱yin ba.”
Yesu a̱ tyyei ka̱bvung ka na̱ ni sswa ni a̱ bu tat dikwu nu
(Matta 16:21-28; Luka 9:22-27)
31Wwon a̱ si nwa zzek na̱won pfong nu na, a̱ hywa, “Nzuk, Ka̱won A̱neywu, n ni sswa ka̱bvung. Ba̱nekwo bu ba̱cecet ba̱gado Ka̱za ba bu sa̱rei ba̱malam Truwang ba a̱ ni rak n dyi. Ba ni n hywat, ma ka̱tuk nom tat n bo ni shyek.” 32Yesu a̱ ryat ba̱ mba ba̱zizrak. Bitut a̱ ku kwwat a̱za̱gbang a̱yring a̱ hywa da̱ nu, “Ryok ryat a̱mi ba. Kyang ni cong ni n dyi a̱mi?” 33Yesu a̱ brek a̱ bu cyang kpikpit na̱won pfong nu na, a̱ kam Bitut a̱ hywa, “Tyong kyi Ka̱ta̱nyrang ba̱ka̱wei. A rak hok hywak Ka̱za se bu nying a̱neywu.”
34Yesu a̱ yei ba̱nyet ba a̱ tung i, a̱nta̱mak bu na̱won pfong nu na, a̱ hywa da̱ mba, “A̱yin nu a̱ cat ba ba̱ nzuk i, se na̱ jing diccu nu, a̱ cot ka̱teyang nu na a̱ n tssup. 35Rot, a̱yin nu a̱ kwan zwang san diccu nu ni a̱ ni hwan, ma a̱yin nu a̱ rak diccu nu a̱ wwon an bvak nzuk i bu Ka̱sham Ba̱ryat ka ni, nu a̱ ni kaat. 36A̱nzan a̱yin na̱ nin tun, ka̱ cat shya ka̱sa ka ni sa̱rei a̱ ryin sucet nu na? A̱ nin tun kyang ba. 37Kyang n shyi maai a̱yin na̱ ni wrak a̱n san sso nu ba. 38A̱yin nu a̱ pfong nsum ya yei a̱nzuuk ni, a̱ bo a̱ pfong nsum san ba̱ryat nzuk ba a a̱ka̱tuk ka̱ram a̱ni ni bu ka̱ram wipfong ka̱wun Ka̱za kani ni, nzuk meyang n ma̱ ni hok nsum ku yei a̱nzuuk ka̱ram ka nzuk Ka̱won A̱neywu n ma̱ nwa n ba ka̱yat dityok a̱tyyi nzuk ka ni, bu ba̱pfong Ka̱za ba ni.”
ទើបបានជ្រើសរើសហើយ៖
Markut 8: kaj
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Wycliffe Bible Translators, Inc. All rights reserved.
Markut 8
8
Yesu a̱ tssung ba̱nyet ncyi kop nyaai
(Matta 15:32-39)
1Ba̱ a̱zi nom iya ba̱nyet ba̱gingang a̱ bo tung, di ba byyi nkyangya ba. Yesu a̱ yei na̱won pfong nu na ka̱rek ka̱yring, 2a̱ hywa da̱ mba, “N pfong dizot ba̱nyet ti ni ba̱gingang. Nom tat naani ba shyi ba̱ nzuk, ba byyi kyangya naani ba. 3Ki n ba̱ tun ba nat bu cihywat, ba̱yanyet a̱ ni cak a̱ kwi a̱zi ryen, rot ba̱yanyet mba a̱ nyyai gba̱gbang.”
4Na̱won pfong nu na a̱ ku zzim a̱ hywa, “Ke ka̱yit kani zi nin shya kyangya na ni maai ka̱tswa ba̱nyet kani ni?”
5Yesu a̱ ba̱ zzim, “A̱kukwang burodi a̱ mang yi shyi mi?”
Ba hywa, “A̱kukwang a̱tiyring.”
6Yesu a̱ tyyi ba̱nyet ba ba swrang ka̱byen. Wwon na̱ sook a̱kukwang burodi nu, a̱ gwai Ka̱za mi, a̱ si sam burodi na a̱ wrak na̱won pfong nu na ba ka ba̱nyet ba, sa̱rei mba. 7Ba bo shyi bu hwon ba̱ cincong. Yesu a̱ bo gwai Ka̱za mi, a̱ tyyi na̱won pfong nu na a̱ bo ka ba̱nyet ba. 8Ba̱nyet ba a̱ yin za ni, a̱ yin yet cyi kop nyaai. Sa̱rei mba ba ya swei. 9Na̱won pfong a a̱ si kok na̱nshang a̱tiyring a̱ tyyi nkpikpit a a̱n hywaai. Yesu a̱ si ba̱ tun koyan a̱ pyyem ryen ka̱ryi nu. 10Wwon nu na̱ drok ka̱ yemi ba ahwa bu na̱won pfong nu na ba nwa kpongo a̱ nat i ka̱byen Dalmanuta.
Ba̱nyet Farisa a̱ cat Yesu a̱ ba̱ yya nkyang ka̱hat
(Matta 16:1-4)
11Ba̱yanyet ka̱yat ba̱nyet Farisa a̱ ba di Yesu, a̱ bu nwa ya a̱cecet ba̱ nu. Ba cat ku tssem. Ba hywa di se na̱ yya nkyang nyyai Tazwa. 12Yesu a̱ shek sso, a̱ hywa da̱ mba, “A̱nzan a̱n byyi ba̱nyet zamani ba ni ba nwa bu cat cyang nkyang ka̱hat nyyai Tazwa? N ya tyyei ba̱t za̱m, ba ni ryi kyang ba!”
13A̱ ba̱ wwon ka̱ yemi a̱ brek a̱ nwa a̱kpongo nu a̱ byei a̱ naat ka̱ma̱nyyi yaan ni.
Yisti ba̱nyet Farisa bu Hirudut
(Matta 16:5-12)
14Ashe na̱won pfong a a̱ bring sook burodi na a̱ maai. Ba cyang ka̱yat kpongo ka a̱ si shya ba byyi dikwang burodi bu tiyring. 15Ba shyi naat a Yesu a̱ hywa da̱ mba, “Yi cam, yi ta̱rwam bu yisti a̱nying Hirudut bu ba̱nyet Farisa nu.”
16Ba nwa ryat ba̱ mba-mba, a̱ hywa, “A̱ hywa a̱mi rot zi shyi bu burodi ba.”
17Yesu a̱ bvwo kyang a ba ryat i. A̱ ba̱ zzim a̱ hywa da̱ mba, “A̱nzan a̱n byyi yin dyat ba̱ryat sang burodi? A̱huhwa nu a̱ ka̱ ya maai baa? A̱nzan a̱ ba ndya nyin na? 18Yi byyi a̱ssi, a̱nzan a̱ ya bvwo cyang a? Yi byyi a̱pfo, a̱nzan a̱ ya bvwo pfong a? Yi bu byyi yring kyang baa? 19Yi yring ba̱nyet ncyi kop tsson ba zi yin tssung da̱ a̱kukwang burodi a̱pfon a ni ee? Nkpikpit a zi bvat i yet na̱nshang na̱mang?”
Ba hywa, “Swak ba̱ hwa.”
20Yesu a̱ bo ba̱ zzim, “Zi si bu tssung ba̱nyet ncyi kop nyaai da̱ a̱kukwang burodi a̱tiyring ka̱ni? Kpikpit a i hywaai na̱nshang na̱mang?”
Ba hywa, “Na̱nshang a̱tiyring.”
21Yesu a̱ bo hywa, “Nyin ba bu ri shyi ba̱ a̱huhwa nu zin sang burodi ni ee?”
Yesu a̱ creng a̱ntyok a̱tutwan Baitsaida
22Ba si nwa Baitsaida, ba̱yanyet a̱ nyyai ba̱ a̱ntyok a̱tutwan a̱ ba mi, a̱ bu naai Yesu na̱ ku byram. 23Yesu a̱ yrek bvak a̱ntyok a̱tutwan na. A̱ ku kwak ba wruk ka̱yat ka̱nkrang ka. Ba si tat, Yesu a̱ ku hyuk ba̱ncwwa a a̱ssi na, a̱ ku sak mbvak a a̱ ku zzim, “A ryi kyang o?”
24A̱ntyok a̱ywu a̱ cyang, a̱ hywa, “Ee, n dyi ba̱nyet, ma ba ryi di na̱kon na cong ni.”
25Yesu a̱ bo brek di mbvak a a̱ sak a a̱ssi nu na, a̱ntyok a̱tutwan nu a̱ yrang a̱ssi na a̱ cyang di cet, a̱ ryi na̱ cyang ba̱zizrak. 26Yesu a̱ ku tun, a̱ hywa, “Da̱ nat ka̱ryi. Bvu ryok hyok ka̱nkrang ka ba.”
Bitut a̱ tun ka̱nu a̱ wrak Yesu
(Matta 16:13-20; Luka 9:18-21)
27Yesu bu na̱won pfong nu na a̱ drok ka̱ yemi a̱ nwa na̱mankrang Kaisariya Filibi. A̱zi ryen ka na̱ ba̱ zzim, a̱ hywa, “Ba̱nyet ba a̱ na n yei a̱nyan na̱ra?”
28Ba hywa, “Ba̱yanyet a̱ na̱ yei Yohana A̱yya Baptisma, ba̱yanyet da̱ a yet Iliya, ba̱nyet ba̱yaan a̱ na̱ yei ba̱ a̱ntyok tyyei ba̱ryat Ka̱za.”
29Na̱ bo ba̱ zzim, “To, nyin hwa, yi na n yei a̱nyan?”
Bitut a̱ hywa, “Nwan yet Kristi (a̱tuba nu Ka̱za ka tssa ni).”
30Yesu a̱ ba̱ gbang a̱ hywa, “Nde, yi ryok tyyei a̱yin ba.”
Yesu a̱ tyyei ka̱bvung ka na̱ ni sswa ni a̱ bu tat dikwu nu
(Matta 16:21-28; Luka 9:22-27)
31Wwon a̱ si nwa zzek na̱won pfong nu na, a̱ hywa, “Nzuk, Ka̱won A̱neywu, n ni sswa ka̱bvung. Ba̱nekwo bu ba̱cecet ba̱gado Ka̱za ba bu sa̱rei ba̱malam Truwang ba a̱ ni rak n dyi. Ba ni n hywat, ma ka̱tuk nom tat n bo ni shyek.” 32Yesu a̱ ryat ba̱ mba ba̱zizrak. Bitut a̱ ku kwwat a̱za̱gbang a̱yring a̱ hywa da̱ nu, “Ryok ryat a̱mi ba. Kyang ni cong ni n dyi a̱mi?” 33Yesu a̱ brek a̱ bu cyang kpikpit na̱won pfong nu na, a̱ kam Bitut a̱ hywa, “Tyong kyi Ka̱ta̱nyrang ba̱ka̱wei. A rak hok hywak Ka̱za se bu nying a̱neywu.”
34Yesu a̱ yei ba̱nyet ba a̱ tung i, a̱nta̱mak bu na̱won pfong nu na, a̱ hywa da̱ mba, “A̱yin nu a̱ cat ba ba̱ nzuk i, se na̱ jing diccu nu, a̱ cot ka̱teyang nu na a̱ n tssup. 35Rot, a̱yin nu a̱ kwan zwang san diccu nu ni a̱ ni hwan, ma a̱yin nu a̱ rak diccu nu a̱ wwon an bvak nzuk i bu Ka̱sham Ba̱ryat ka ni, nu a̱ ni kaat. 36A̱nzan a̱yin na̱ nin tun, ka̱ cat shya ka̱sa ka ni sa̱rei a̱ ryin sucet nu na? A̱ nin tun kyang ba. 37Kyang n shyi maai a̱yin na̱ ni wrak a̱n san sso nu ba. 38A̱yin nu a̱ pfong nsum ya yei a̱nzuuk ni, a̱ bo a̱ pfong nsum san ba̱ryat nzuk ba a a̱ka̱tuk ka̱ram a̱ni ni bu ka̱ram wipfong ka̱wun Ka̱za kani ni, nzuk meyang n ma̱ ni hok nsum ku yei a̱nzuuk ka̱ram ka nzuk Ka̱won A̱neywu n ma̱ nwa n ba ka̱yat dityok a̱tyyi nzuk ka ni, bu ba̱pfong Ka̱za ba ni.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Wycliffe Bible Translators, Inc. All rights reserved.