Markut 7
7
Digado ba̱tyyi
(Matta 15:1-9)
1Ma ba̱nyet Farisa bu ba̱malam truwang ba̱yaan a̱ ba nyyai Urushalima. A̱ bu tyong a̱ krang Yesu. 2Ba ryi na̱won pfong Yesu na̱yaan ba ya kyangya ba̱ shishik mbvak, rot ba tssu mbvak di ka̱sak ka ba̱nyet Farisa na ban hywa di ba tssu ni ba.
( 3Rot ba̱nyet Farisa bu kpikpit ba̱nyet Yahuda na ba tssup bu zzek ba̱tyyi mba na, a̱yin mba a̱ ri ya kyangya ba, se a̱ tssu mbvak nu na ka̱sak ka ba̱tyyi mba ba ba yin ba̱ zzek i. 4Di ba ni brek i tunga a̱ bu ya kyang ba, se ba yen ya tssu. A̱ bo tssup twrang ba̱ nzi taka̱i, nying ji ba shya di ba̱tyyi mba ba ni, da̱ni di tssu a̱ryei bu a̱cicyi, ba̱ a̱ron, ka̱ram ka̱yaan ma se ba tssu a̱ngbrak kwai.)
5Rot a̱mi ba̱nyet Farisa na bu ba̱malam truwang ba a̱ zzim Yesu, a̱ hywa, “A̱nzan a̱n byyi na̱won pfong nwan na ban dak tssup digado ba̱tyyi njit ti, ba shyi bu ya kyangya ba̱ a̱shishik mbvak?”
6Yesu a̱ hywa da̱ mba, “Kyang a Ishaya na̱ ryat a̱wwon tazwa nyin ka ni ku yet ka̱ryong. A̱ yin hywa di yi yet ba̱jyem ba̱nyet tyong a̱ssi; da̱ni di na̱ yin jem i, Ka̱za a̱ ku tyyei a̱ hywa,
‘Ba̱nyet ba ni a̱ ni n dyep bu di na̱nu mba,
ma mpfwa mba na shyi gba̱gbang ba̱ nzuk.
7Sujada ji ba n yya mi ni byyi shok ba,
rot ba zzek nkyang a ba̱nyet ba cat i
a̱ wa wwon ba̱ryat Ka̱za ba.’ ”
8Yesu a̱ hywa da̱ mba, “Yi rak hok kyang a Ka̱za ka ya tyyei ni, i wu nwa bu ssang zzek ba̱nyet.”
9Yesu a̱ bo ya ka̱son, a̱ hywa da̱ mba, “Ee-la! Yi wu bvwo rak ba̱ryat Ka̱za ba i gi breng tada nyin. 10Ki zzek Musa na a̱mi yi tssup, a̱ yin ya kam a̱ hywa da̱ nyin, ‘Koyan a̱ tyong a̱tyyi nu ba̱ a̱naa nu,’ a̱ bo hywa, ‘A̱yin nu a̱ tok a̱tyyi nu a̱u a̱naa nu ni, ba ni ku hywat.’ 11-12Nyin i wu zzek di wei, di ka̱ a̱yin a̱ byyi kyang a na̱ nin brang a̱tyyi nu ko a̱naa nu ni, ma a̱ kpo yei Korban (nkpa yet ‘A̱nying Ka̱za’), nyin ban ku bvwo da̱ a̱ ryok brang a̱tyyi nu nu ba̱ a̱naa nu nu ba. 13Ma n ya tyyei, ki yi yya a̱mi, yi tyyei ka̱sak ka yin dak zzek Ka̱za na ni se twrang nyin ji yi zzek ba̱nyet ba ni, bu kpikpit nkyang tada nyin na.”
Nkyang a tyei a̱neywu di shishik ni
(Matta 15:10-20)
14Yesu a̱ bo yei ba̱nyet ka̱tung ba, a̱ hywa da̱ mba, “Yi rot a̱pfo i hok ansham. 15Kyang a nwai ka̱yat a̱yin ni ku ku tyyi di shishik ba, se kyang a wwut ka̱yat a̱yin ni. [ 16A̱yin nu a̱ byyi a̱pfo pfong i na̱ hok!”]
17Ka̱ram ka na̱n drok a̱ wwon ba̱nyet ba ni, na̱won pfong nu na a̱ cong ba̱ nu, ba nat ka̱ryi ka̱yaan. Na̱won pfong nu na a̱ ku zzim misali kyang a na̱ tyyei ka̱tung ka ni. 18Yesu a̱ hywa da̱ mba, “Ashe yi ra̱u kpikpit ba̱nyet a da̱ za̱ncyi baa? Kyang a n nwa a̱yin ni nkpa ku tyei dishishik ti ba, 19rot ku nwai i pfwa nu ba, ma ku cong ka̱hwa i si seyak wruk.” (Diccu ba̱ryat tinti yet, kyangya n shyi yet nying rak a̱neywu ba.)
20A̱ si bo ya ka̱son a̱ hywa da̱ mba, “Kyang a wwut da̱ a̱yin ni nkpa a̱mi tyei dishishik ti. 21Rot, kyang a a̱yin na̱ hwa ka̱yat mpfwa nu ka ni nkpa a̱mi na cong bu ku tyyi a̱ka̱tukyya nu, da̱ni di tsang, bu hywaai ba̱nyet, 22bu dikan-a̱naan, bu ka̱pfwa, bu a̱ka̱tuk nkyang nzaan, bu diraa, bu na̱kpot, bu swam, bu agunahwa, bu cat ya-yet bu samwai. 23Sa̱rei a̱ka̱tuk nkyang ani na nyyai ka̱yat mpfwa a̱yin a̱ sin tyyi na̱n brak a̱ tyyi a̱shishik a̱yin.”
A̱mbyring a̱yaan a̱ tyyi rya
(Matta 15:21-28)
24Na̱ bo drok ka̱ yemi a̱ nat Sur bu Saida. A̱ si nwa ka̱ryi ka̱yaan a̱ cat a̱yin a̱ bvwo da̱n shyi ba. Ma ku na ni nyat ba. 25A̱mbyring a̱yaan a̱ byyi ka̱bacincong ka̱neyang ka shyi ba̱ a̱ka̱tuk tswa. A̱ hok nkhang Yesu a̱ ba ba̱ gigik a̱ bu kpa a̱ta̱ssi nu. 26A̱mbyring u a̱ yet ka̱won Helenawa, a̱ nyyai Fonishiya ka̱byen Siriya. A̱ nat naai Yesu na̱ tun a̱ka̱tuk tswa nu ka̱neyang ka. 27Yesu a̱ hywa da̱ nu, “Yen dyok na̱won na a̱ swei, ku myyim ba sook kyangya da̱won na a̱ ta na̱bvwu mi ba.”
28A̱mbyring a̱ywu a̱ hywa, “Ee, ku yet ka̱ryong, ma a̱nying nu a̱ kwei ka̱tak tebur ka ni na̱bvwu na nna a̱ na ya a̱ yemi.”
29Yesu a̱ hywa, “Rot kyang a a hywa ni, brek nat ka̱ryi! A̱ka̱tuk tswa nu a̱ wwon ka̱won nwan ka.”
30Na̱ ma̱n brek a̱ nat ka̱ryi a̱ si shya ka̱baneyang ka ka myyi, a̱ka̱tuk tswa nu na̱ ka̱n wruk.
Yesu a̱ creng momom
31Yesu a̱ drok nyyai Sur ka a̱ brak a̱ hyok Saida a̱ ni wruk Dikafolit a̱ nat kei Galili ti. 32Ba̱yanyet a̱ ba bu momom di Yesu a̱ naai Yesu na̱ ku sak bvak. 33Yesu a̱ ku kwwat a̱ wruk i ka̱yat ba̱nyet ka. A̱ tyyi na̱ta̱hrung nu na ka̱yat a̱pfo nu ka, a̱ hywuk ba̱ncwwa, a̱ tyyi ka̱ta̱hrung ka a̱n da diryem nu ti. 34A̱ si yrek a̱ssi nu na a̱n cyang tazwa, a̱ shek sso, a̱ hywa di momom u, “Effatha”, nkpa yet, “Yrang!”
35Bu hywa na a̱mi a̱pfo na a̱ yrang, ka̱nu ka a̱ tat. Na̱ nwa ba̱ryat ba̱zizrak. 36Yesu a̱ ba̱ gbang di ba ryok tyyei a̱yin ba. Ma gbang a na̱ ba̱ gbang i ku wi tyyi ba wa ntyyi ka̱ssi bu kok ba̱nyet ba mi. 37Ba̱nyet ba a̱ hok i, a̱ yya ka̱hat a̱ hywa, “A̱ yya kozan kyang ansham. A̱ tyei ba̱momom ba ryat, a̱ bo tyei ba̱nyet diran ba ma ba pfong!”
ទើបបានជ្រើសរើសហើយ៖
Markut 7: kaj
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Wycliffe Bible Translators, Inc. All rights reserved.
Markut 7
7
Digado ba̱tyyi
(Matta 15:1-9)
1Ma ba̱nyet Farisa bu ba̱malam truwang ba̱yaan a̱ ba nyyai Urushalima. A̱ bu tyong a̱ krang Yesu. 2Ba ryi na̱won pfong Yesu na̱yaan ba ya kyangya ba̱ shishik mbvak, rot ba tssu mbvak di ka̱sak ka ba̱nyet Farisa na ban hywa di ba tssu ni ba.
( 3Rot ba̱nyet Farisa bu kpikpit ba̱nyet Yahuda na ba tssup bu zzek ba̱tyyi mba na, a̱yin mba a̱ ri ya kyangya ba, se a̱ tssu mbvak nu na ka̱sak ka ba̱tyyi mba ba ba yin ba̱ zzek i. 4Di ba ni brek i tunga a̱ bu ya kyang ba, se ba yen ya tssu. A̱ bo tssup twrang ba̱ nzi taka̱i, nying ji ba shya di ba̱tyyi mba ba ni, da̱ni di tssu a̱ryei bu a̱cicyi, ba̱ a̱ron, ka̱ram ka̱yaan ma se ba tssu a̱ngbrak kwai.)
5Rot a̱mi ba̱nyet Farisa na bu ba̱malam truwang ba a̱ zzim Yesu, a̱ hywa, “A̱nzan a̱n byyi na̱won pfong nwan na ban dak tssup digado ba̱tyyi njit ti, ba shyi bu ya kyangya ba̱ a̱shishik mbvak?”
6Yesu a̱ hywa da̱ mba, “Kyang a Ishaya na̱ ryat a̱wwon tazwa nyin ka ni ku yet ka̱ryong. A̱ yin hywa di yi yet ba̱jyem ba̱nyet tyong a̱ssi; da̱ni di na̱ yin jem i, Ka̱za a̱ ku tyyei a̱ hywa,
‘Ba̱nyet ba ni a̱ ni n dyep bu di na̱nu mba,
ma mpfwa mba na shyi gba̱gbang ba̱ nzuk.
7Sujada ji ba n yya mi ni byyi shok ba,
rot ba zzek nkyang a ba̱nyet ba cat i
a̱ wa wwon ba̱ryat Ka̱za ba.’ ”
8Yesu a̱ hywa da̱ mba, “Yi rak hok kyang a Ka̱za ka ya tyyei ni, i wu nwa bu ssang zzek ba̱nyet.”
9Yesu a̱ bo ya ka̱son, a̱ hywa da̱ mba, “Ee-la! Yi wu bvwo rak ba̱ryat Ka̱za ba i gi breng tada nyin. 10Ki zzek Musa na a̱mi yi tssup, a̱ yin ya kam a̱ hywa da̱ nyin, ‘Koyan a̱ tyong a̱tyyi nu ba̱ a̱naa nu,’ a̱ bo hywa, ‘A̱yin nu a̱ tok a̱tyyi nu a̱u a̱naa nu ni, ba ni ku hywat.’ 11-12Nyin i wu zzek di wei, di ka̱ a̱yin a̱ byyi kyang a na̱ nin brang a̱tyyi nu ko a̱naa nu ni, ma a̱ kpo yei Korban (nkpa yet ‘A̱nying Ka̱za’), nyin ban ku bvwo da̱ a̱ ryok brang a̱tyyi nu nu ba̱ a̱naa nu nu ba. 13Ma n ya tyyei, ki yi yya a̱mi, yi tyyei ka̱sak ka yin dak zzek Ka̱za na ni se twrang nyin ji yi zzek ba̱nyet ba ni, bu kpikpit nkyang tada nyin na.”
Nkyang a tyei a̱neywu di shishik ni
(Matta 15:10-20)
14Yesu a̱ bo yei ba̱nyet ka̱tung ba, a̱ hywa da̱ mba, “Yi rot a̱pfo i hok ansham. 15Kyang a nwai ka̱yat a̱yin ni ku ku tyyi di shishik ba, se kyang a wwut ka̱yat a̱yin ni. [ 16A̱yin nu a̱ byyi a̱pfo pfong i na̱ hok!”]
17Ka̱ram ka na̱n drok a̱ wwon ba̱nyet ba ni, na̱won pfong nu na a̱ cong ba̱ nu, ba nat ka̱ryi ka̱yaan. Na̱won pfong nu na a̱ ku zzim misali kyang a na̱ tyyei ka̱tung ka ni. 18Yesu a̱ hywa da̱ mba, “Ashe yi ra̱u kpikpit ba̱nyet a da̱ za̱ncyi baa? Kyang a n nwa a̱yin ni nkpa ku tyei dishishik ti ba, 19rot ku nwai i pfwa nu ba, ma ku cong ka̱hwa i si seyak wruk.” (Diccu ba̱ryat tinti yet, kyangya n shyi yet nying rak a̱neywu ba.)
20A̱ si bo ya ka̱son a̱ hywa da̱ mba, “Kyang a wwut da̱ a̱yin ni nkpa a̱mi tyei dishishik ti. 21Rot, kyang a a̱yin na̱ hwa ka̱yat mpfwa nu ka ni nkpa a̱mi na cong bu ku tyyi a̱ka̱tukyya nu, da̱ni di tsang, bu hywaai ba̱nyet, 22bu dikan-a̱naan, bu ka̱pfwa, bu a̱ka̱tuk nkyang nzaan, bu diraa, bu na̱kpot, bu swam, bu agunahwa, bu cat ya-yet bu samwai. 23Sa̱rei a̱ka̱tuk nkyang ani na nyyai ka̱yat mpfwa a̱yin a̱ sin tyyi na̱n brak a̱ tyyi a̱shishik a̱yin.”
A̱mbyring a̱yaan a̱ tyyi rya
(Matta 15:21-28)
24Na̱ bo drok ka̱ yemi a̱ nat Sur bu Saida. A̱ si nwa ka̱ryi ka̱yaan a̱ cat a̱yin a̱ bvwo da̱n shyi ba. Ma ku na ni nyat ba. 25A̱mbyring a̱yaan a̱ byyi ka̱bacincong ka̱neyang ka shyi ba̱ a̱ka̱tuk tswa. A̱ hok nkhang Yesu a̱ ba ba̱ gigik a̱ bu kpa a̱ta̱ssi nu. 26A̱mbyring u a̱ yet ka̱won Helenawa, a̱ nyyai Fonishiya ka̱byen Siriya. A̱ nat naai Yesu na̱ tun a̱ka̱tuk tswa nu ka̱neyang ka. 27Yesu a̱ hywa da̱ nu, “Yen dyok na̱won na a̱ swei, ku myyim ba sook kyangya da̱won na a̱ ta na̱bvwu mi ba.”
28A̱mbyring a̱ywu a̱ hywa, “Ee, ku yet ka̱ryong, ma a̱nying nu a̱ kwei ka̱tak tebur ka ni na̱bvwu na nna a̱ na ya a̱ yemi.”
29Yesu a̱ hywa, “Rot kyang a a hywa ni, brek nat ka̱ryi! A̱ka̱tuk tswa nu a̱ wwon ka̱won nwan ka.”
30Na̱ ma̱n brek a̱ nat ka̱ryi a̱ si shya ka̱baneyang ka ka myyi, a̱ka̱tuk tswa nu na̱ ka̱n wruk.
Yesu a̱ creng momom
31Yesu a̱ drok nyyai Sur ka a̱ brak a̱ hyok Saida a̱ ni wruk Dikafolit a̱ nat kei Galili ti. 32Ba̱yanyet a̱ ba bu momom di Yesu a̱ naai Yesu na̱ ku sak bvak. 33Yesu a̱ ku kwwat a̱ wruk i ka̱yat ba̱nyet ka. A̱ tyyi na̱ta̱hrung nu na ka̱yat a̱pfo nu ka, a̱ hywuk ba̱ncwwa, a̱ tyyi ka̱ta̱hrung ka a̱n da diryem nu ti. 34A̱ si yrek a̱ssi nu na a̱n cyang tazwa, a̱ shek sso, a̱ hywa di momom u, “Effatha”, nkpa yet, “Yrang!”
35Bu hywa na a̱mi a̱pfo na a̱ yrang, ka̱nu ka a̱ tat. Na̱ nwa ba̱ryat ba̱zizrak. 36Yesu a̱ ba̱ gbang di ba ryok tyyei a̱yin ba. Ma gbang a na̱ ba̱ gbang i ku wi tyyi ba wa ntyyi ka̱ssi bu kok ba̱nyet ba mi. 37Ba̱nyet ba a̱ hok i, a̱ yya ka̱hat a̱ hywa, “A̱ yya kozan kyang ansham. A̱ tyei ba̱momom ba ryat, a̱ bo tyei ba̱nyet diran ba ma ba pfong!”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Wycliffe Bible Translators, Inc. All rights reserved.