Markut 6
6
Ba si rak Yesu Nazarat
(Matta 13:53-58; Luka 4:16-30)
1Yesu a̱ wwon ka̱bvwa iya a̱ brek a̱ ba i ka̱nkrang nu ka. Na̱won pfong nu na a̱n tssup. 2Nom pfwi a a̱ wu krang ba, na̱ nat bat a̱duwa, a̱ nwa zzek ba̱nyet ba. Ba̱nyet a̱ tung ba̱gingang. Ba bu hok zzek nu na a̱ yya ka̱hat ba̱gingang. Ba nwa zzim, “A̱ si myyam nkyang ani ke? A̱nzan taka̱i bvwo na̱ bu byyi na ni? A̱ bo yya ni a̱n yya a̱cecet nkyang ani? 3A̱nye nu a̱ yet kafinta nu o? Wwon a̱naa nu nu ban yei Maryamu. Ba̱wumbeyang nu ba mba yet Yakubu bu Yosi bu Yahuda bu Siman o? Ba̱nap nu ba ma a̱ shyi kyi ba̱ njit.” Ba ku rak.
4Yesu a̱ hywa da̱ mba, “Da ma a̱ntyok tyyei ba̱ryat Ka̱za, kozan ka̱bvwa na̱n nat a̱ na sang dyep ba, se i ka̱nkrang nu, bu ka̱bvwa ba̱wumbeyang nu.”
5Rot a̱mi, ka̱ yemi na̱ maai yya kyang ka̱hat ba, se bu ba̱nyet nhywu ba̱ ya yring na̱ ba̱ sai mbvak a̱ ba̱ creng. 6Yesu a̱ yya ka̱hat ba̱gingang ka̱sak ka ba wi wrak ka̱ryong ni.
Yesu a̱ tom ba̱pfong nu swak bu ba̱hwa
(Matta 10:5-15; Luka 9:1-6)
Na̱ drok ka̱ yemi a̱ nwai na̱mankrang a̱ zzek ba̱nyet ba. 7Wwon a̱ yei ba̱pfong nu ba swak bu ba̱hwa. A̱ ba̱ tssop ba̱ hwa-hwa, a̱ si bo ba̱ ryi cet trung a̱ka̱tuk tswa. 8A̱ hywa da̱ mba, “Yi ryok sook kyang ba, se bu shan ka̱cyet. Yi ryok sook kyangya ba; i ryok breng a̱doma naai ba; i ryok nat bu dibvwo krum ba. 9Yi tyyi a̱kpatak, ma ryok sook ba̱tro ba̱hwa ba.” 10A̱ bo hywa da̱ mba, “Ka̱ryi ka yi si nwa ba ya gwai i, yi swat ka̱ yemi se yi bu wwon ka̱nkrang ka. 11Ka̱ryi ka yi si nwa ba rak ya gwai ni a̱ si bo rak ya hok a ni, yi ba̱ gbaat dibvuk a̱tak nyin ti i seyak, ba ga bvwo a̱ka̱tukyya mba nu.”
12Ba̱pfong ba a̱ nat a̱ tyyei ba̱nyet ba ba wwon a̱ka̱tukyya mba nu. 13A̱ trung a̱ka̱tuk tswa di ba̱nyet ba̱gingang, a̱ kon ba̱nyet nhywu ba̱gingang dihywu, a̱ ba̱ creng.
Dikwu Yohana A̱yya Baptisma
(Matta 14:1-12; Luka 9:7-9)
14Hirudut, A̱gwam, a̱ hok nkhang Yesu, rot koyan a̱ yin ku bvwo. Ba̱yanyet a̱ nwa ryat di Yohana A̱yya Baptisma nu a̱ shyek, nkpa a̱n byyi na̱ ka n yya ntaka̱i nkyang a ni.
15Ba̱yanyet a̱ hywa, “Kaai, Yohana ba; Iliya a̱mi.”
Ba̱yanyet a̱ ton a̱ hywa, “A̱ntyok tyyei ba̱ryat Ka̱za n nyyai a̱mi a̱ shyek.”
16Hirudut a̱ bu hok a̱ hywa, “Yohana nu, n tyyi ba tun diccu nu ti ni, nu a̱ bo shyek.” 17-18Hirudut a̱ yin byyi a̱wumba, ba yin ku yei Filibut. Filibut a̱ byyi a̱mbyring ba ku yei Hirudiya. Hirudut a̱ tun Hirudiya di Filibut a̱n yya a̱mbyring nu. Yohana a̱ ku tyyei a̱ hywa, “Ku myyim a bvwa a̱mbyring a̱wumba nwan ba.” Rot a̱mi Hirudut a̱ tyyi ba pyyem Yohana a̱ si tyyi a jaru.
19Hirudiya a̱ nwa pfong diryen bu Yohana, a̱ cat ryen ku hywat, ma a̱ shya ba, 20rot Hirudut a̱ yin pfong ka̱wun Yohana ba̱t rot a̱ yi bvwo Yohana a̱ yet a̱tsatsak a̱yin a̱ bo yet a̱ntyok tyyei ba̱ryat Ka̱za. Na̱ ku nyyak. A̱ cat ku pfong kozan ka̱ram, ma rya nu na i myyi ba rot kyang a Yohana na̱ ku tyyei i.
21Ka̱tuk ka̱yaan ba shyi an dihywa ka̱tuk mbyin Hirudut, ba̱cecet nsoja, bu ba̱cecet ba̱nyet mpfong gwamnati, bu ba̱cecet ba̱yanyet ka̱byen Galili ka a̱ tung. Hirudiya a̱ shya kyang a na̱ cat i. 22Ka̱neyang Hirudiya a̱ nwa a̱ song a̱ta̱ssi Hirudut bu ba̱yecen ba. Ba hok shok ba̱t. Hirudut a̱ hywa di ka̱neyang ka, “N tyyei kyang a a cat i. Bu kyang a a hywa ni, n ni na̱ ryi da̱ nkpa.” 23A̱ nwa ssing a̱ yya, “Ko kpikpit ka̱byen dityok nzuk a a cat n ni na̱ ryi.”
24Ka̱neyang ka a̱ wruk a̱ si zzim a̱naa nka nu, Hirudiya, “A̱nzan n ni naai?”
A̱naa nu a̱ hywa, “Diccu Yohana A̱yya Baptisma.”
25Ka̱neyang ka a̱ brek ba ahwa a̱ ba di Hirudut, a̱gwam u. A̱ bu hywa da̱ nu, “N cat kyang yaan ba, se bu diccu Yohana A̱yya Baptisma i kukon.”
26Rya Hirudut i byyan ba̱t, ma a̱ byyi ryen rak ba rot a̱ ka̱n shyi a̱ta̱ssi ba̱yecen ba di bu kyang a ka naai ni a̱ ni wrak. 27Rot a̱mi na̱ tom a̱dogari ba ahwa na̱ nat ka̱yat jaru ka a̱ si tun diccu Yohana ti. 28Na̱ ba bu diccu Yohana ti i kukon a̱ bu wrak ka̱neyang ka, ka nat a̱ si wrak a̱naa nka nu. 29Na̱won pfong Yohana na ba bu hok a̱ ba a̱ bu sook kom Yohana na a̱ si nyat.
Yesu a̱ tssung ba̱nyet ncyi kop tsson ka̱ram ka̱yring
(Matta 14:13-21; Luka 9:10-17; Yohana 6:1-14)
30Ba̱pfong swak bu ba̱hwa Yesu ba a̱ brek a̱ ba da̱ nu, a̱ bu ku tyyei sa̱rei nkyang a ba si yya ni, bu nkyang a ba si zzek i. 31Ba̱nyet ba̱gingang ba cong a̱ bvwot. Yesu bu na̱won pfong nu na ma a̱ shya ka̱ram ya kyangya ba. Na̱ hywa di na̱won pfong a, “Yi ba zi yen sseng a̱za̱gbang a̱yring, ka̱bvwa ka sang a̱yin ni, yi yem pfwi ba̱ cincong.” 32Ba nwa kpongo a̱ naat ka̱bvwa ka a̱yin na̱n shyi ni ba.
33Ba̱nyet ba̱gingang a̱ ba̱ ryi ba naat a̱ ba̱ ryi a̱ bvwong. Ba drok sa̱rei na̱mankrang a a̱ sook bu gyep a ncyi a̱ si yet ka̱son Yesu bu na̱won pfong nu na. 34Na̱ wruk a kpongo nu a̱ ryi ba̱nyet ba ba̱gingang, a̱ hok dizot mba ba̱t rot ba ryi di bvon-tsaap ji sang a̱ntyok a̱tsaai i. Na̱ nwa ba̱ zzek nkyang ba̱gingang. 35Nom a ku bu tyak, na̱won pfong nu na a̱ nat da̱ nu a̱ si hywa, “Ka̱bvwa kani a̱ yet ka̱yit, nom a naa ni tyyai. 36Ba̱ ryok ba ga nat sa̱rei mba i na̱mankrang a ni a̱ ga si kwei nkyangya na ba ni ya ni mbvak mba.”
37Yesu a̱ hywa da̱ mba, “Nyin ni ba̱ ryi kyang a ba ni ya ni!”
Ba hywa da̱ nu, “A cat zi nat si kwei nkyang krum pfong nom ncyi swa bu ba̱ ryi ba yaa?”
38Yesu a̱ hywa da̱ mba, “Burodi mang yi byyi? Yi nat si cyang i ryi.”
Ba si cyang a̱ hywa da̱ nu, “Pfon, bu hwon swa.”
39Na̱ tyyi ba̱nyet ba sa̱rei a̱ sswak a tswa-tswa a shrim ba̱pyyi nu. 40Ba sswak a tswa-tswa nu, ba̱yanyet nswak mpfo-pfon, ba̱yanyet cyi-cyi. 41Yesu a̱ sook a̱kukwang burodi na ba̱na pfon, bu hwon swa ji, a̱ yrek a̱ssi nu na ntazwa a̱ gwai Ka̱za. A̱ sam burodi na a̱ wrak na̱won pfong nu na ba ka ba̱nyet ba. A̱ bo ka ba̱nyet ba hwon ji sa̱rei mba. 42Sa̱rei mba, koyan a̱ ya a̱ swa! 43Na̱won pfong a a̱ tung nkpikpit burodi na bu hwon ji, a̱ tyyi a̱ hywaai na̱nshang swak bu na̱hwa. 44Ba̱nyet ba a̱ yin za kyangya na ni, ba̱ntyok ncyi kop tsson a̱ yin shyi.
Yesu a̱ cong tazwa ba̱shekwot
(Matta 14:22-23; Yohana 6:15-21)
45Ba bu tyak, Yesu a̱ tun na̱won pfong nu na ba byyek a̱ ka̱shyi a̱ma̱nyyi Baitsaida, ka̱ tun ba̱nyet ba a̱ si ba̱ tssup. 46Ba̱nyet ba ba bu nat na̱ wrak tsok ji a̱ naai Ka̱za. 47Ka̱jenshring ka ka ka̱n yya, a̱kpongo nu na̱won pfong a ba nwa ni a̱ tat a̱katyyi kei ka. Ka̱ram iya Yesu na̱ shyi sseng mbeyang kei ka ba̱ diyin. 48Na̱ ryi na̱won pfong nu na ba shyi a̱ ka̱bvung bu ruk kpongo nu rot wun yin ba̱ hywap bvwot i riryim. Ka̱ram ka ka bvei a̱shong a̱ntson, Yesu a̱ nwa ka̱cyet tazwa ba̱shekwot ka a̱ ba̱ swrap. 49Ba bu brak a̱ ku ryi anye a̱ninyet a̱ sook nkun a̱ krok, 50rot ba hok ka̱wun ba̱gingang.
Yesu a̱ ba̱ yei, a̱ hywa da̱ mba, “Yi gbung rya! Nzuk a̱mi. Yi ryok hok ka̱wun ba.” 51Wwon na̱ nwa a̱kpongo nu ba̱ mba. Bu nwa nu na wun na i pfwi hywap a. Sa̱rei mba ba yya ka̱hat, 52rot ba yi bvwo diwat ti Yesu na̱n ba̱ tssung di kyangya na a̱mi ni ba; rot a̱huhwa mba nu a̱ rat.
Yesu a̱ creng ba̱nyet nhywu a Janisarata
(Matta 14:34-36)
53Ba bu byyek a̱ ba ka̱ma̱nyyi Janisarata, a̱ rop kpongo nu ka̱ yemi. 54Ba bu bvwot ka̱bvwa kpongo ka ba̱nyet a̱ ryi Yesu a̱ bvwong. 55Ba̱nyet ba̱gingang a̱ nwai cong da̱ nu. A̱ cong bu ba̱nyet nhywu ko ke na̱m brak i ka̱byen ka; ba kok ba̱yanyet an kyang myyi mba na a̱ cong i di Yesu. 56Sa̱rei na̱bvwa na Yesu na̱ nwai ni, ba saai ba̱nyet nhywu ba an tunga na, da̱ a̱cecet na̱nkrang da̱ a̱cwwang di na̱bvwa a̱keyak. Ba̱nyet ba cong bu ba̱nyet nhywu ba ni a̱ ku naai na̱ ryok ba ra bu bvak a̱tro nu na ma. Sa̱rei ba̱nyet ba a̱ ra ni a̱ creng.
ទើបបានជ្រើសរើសហើយ៖
Markut 6: kaj
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Wycliffe Bible Translators, Inc. All rights reserved.
Markut 6
6
Ba si rak Yesu Nazarat
(Matta 13:53-58; Luka 4:16-30)
1Yesu a̱ wwon ka̱bvwa iya a̱ brek a̱ ba i ka̱nkrang nu ka. Na̱won pfong nu na a̱n tssup. 2Nom pfwi a a̱ wu krang ba, na̱ nat bat a̱duwa, a̱ nwa zzek ba̱nyet ba. Ba̱nyet a̱ tung ba̱gingang. Ba bu hok zzek nu na a̱ yya ka̱hat ba̱gingang. Ba nwa zzim, “A̱ si myyam nkyang ani ke? A̱nzan taka̱i bvwo na̱ bu byyi na ni? A̱ bo yya ni a̱n yya a̱cecet nkyang ani? 3A̱nye nu a̱ yet kafinta nu o? Wwon a̱naa nu nu ban yei Maryamu. Ba̱wumbeyang nu ba mba yet Yakubu bu Yosi bu Yahuda bu Siman o? Ba̱nap nu ba ma a̱ shyi kyi ba̱ njit.” Ba ku rak.
4Yesu a̱ hywa da̱ mba, “Da ma a̱ntyok tyyei ba̱ryat Ka̱za, kozan ka̱bvwa na̱n nat a̱ na sang dyep ba, se i ka̱nkrang nu, bu ka̱bvwa ba̱wumbeyang nu.”
5Rot a̱mi, ka̱ yemi na̱ maai yya kyang ka̱hat ba, se bu ba̱nyet nhywu ba̱ ya yring na̱ ba̱ sai mbvak a̱ ba̱ creng. 6Yesu a̱ yya ka̱hat ba̱gingang ka̱sak ka ba wi wrak ka̱ryong ni.
Yesu a̱ tom ba̱pfong nu swak bu ba̱hwa
(Matta 10:5-15; Luka 9:1-6)
Na̱ drok ka̱ yemi a̱ nwai na̱mankrang a̱ zzek ba̱nyet ba. 7Wwon a̱ yei ba̱pfong nu ba swak bu ba̱hwa. A̱ ba̱ tssop ba̱ hwa-hwa, a̱ si bo ba̱ ryi cet trung a̱ka̱tuk tswa. 8A̱ hywa da̱ mba, “Yi ryok sook kyang ba, se bu shan ka̱cyet. Yi ryok sook kyangya ba; i ryok breng a̱doma naai ba; i ryok nat bu dibvwo krum ba. 9Yi tyyi a̱kpatak, ma ryok sook ba̱tro ba̱hwa ba.” 10A̱ bo hywa da̱ mba, “Ka̱ryi ka yi si nwa ba ya gwai i, yi swat ka̱ yemi se yi bu wwon ka̱nkrang ka. 11Ka̱ryi ka yi si nwa ba rak ya gwai ni a̱ si bo rak ya hok a ni, yi ba̱ gbaat dibvuk a̱tak nyin ti i seyak, ba ga bvwo a̱ka̱tukyya mba nu.”
12Ba̱pfong ba a̱ nat a̱ tyyei ba̱nyet ba ba wwon a̱ka̱tukyya mba nu. 13A̱ trung a̱ka̱tuk tswa di ba̱nyet ba̱gingang, a̱ kon ba̱nyet nhywu ba̱gingang dihywu, a̱ ba̱ creng.
Dikwu Yohana A̱yya Baptisma
(Matta 14:1-12; Luka 9:7-9)
14Hirudut, A̱gwam, a̱ hok nkhang Yesu, rot koyan a̱ yin ku bvwo. Ba̱yanyet a̱ nwa ryat di Yohana A̱yya Baptisma nu a̱ shyek, nkpa a̱n byyi na̱ ka n yya ntaka̱i nkyang a ni.
15Ba̱yanyet a̱ hywa, “Kaai, Yohana ba; Iliya a̱mi.”
Ba̱yanyet a̱ ton a̱ hywa, “A̱ntyok tyyei ba̱ryat Ka̱za n nyyai a̱mi a̱ shyek.”
16Hirudut a̱ bu hok a̱ hywa, “Yohana nu, n tyyi ba tun diccu nu ti ni, nu a̱ bo shyek.” 17-18Hirudut a̱ yin byyi a̱wumba, ba yin ku yei Filibut. Filibut a̱ byyi a̱mbyring ba ku yei Hirudiya. Hirudut a̱ tun Hirudiya di Filibut a̱n yya a̱mbyring nu. Yohana a̱ ku tyyei a̱ hywa, “Ku myyim a bvwa a̱mbyring a̱wumba nwan ba.” Rot a̱mi Hirudut a̱ tyyi ba pyyem Yohana a̱ si tyyi a jaru.
19Hirudiya a̱ nwa pfong diryen bu Yohana, a̱ cat ryen ku hywat, ma a̱ shya ba, 20rot Hirudut a̱ yin pfong ka̱wun Yohana ba̱t rot a̱ yi bvwo Yohana a̱ yet a̱tsatsak a̱yin a̱ bo yet a̱ntyok tyyei ba̱ryat Ka̱za. Na̱ ku nyyak. A̱ cat ku pfong kozan ka̱ram, ma rya nu na i myyi ba rot kyang a Yohana na̱ ku tyyei i.
21Ka̱tuk ka̱yaan ba shyi an dihywa ka̱tuk mbyin Hirudut, ba̱cecet nsoja, bu ba̱cecet ba̱nyet mpfong gwamnati, bu ba̱cecet ba̱yanyet ka̱byen Galili ka a̱ tung. Hirudiya a̱ shya kyang a na̱ cat i. 22Ka̱neyang Hirudiya a̱ nwa a̱ song a̱ta̱ssi Hirudut bu ba̱yecen ba. Ba hok shok ba̱t. Hirudut a̱ hywa di ka̱neyang ka, “N tyyei kyang a a cat i. Bu kyang a a hywa ni, n ni na̱ ryi da̱ nkpa.” 23A̱ nwa ssing a̱ yya, “Ko kpikpit ka̱byen dityok nzuk a a cat n ni na̱ ryi.”
24Ka̱neyang ka a̱ wruk a̱ si zzim a̱naa nka nu, Hirudiya, “A̱nzan n ni naai?”
A̱naa nu a̱ hywa, “Diccu Yohana A̱yya Baptisma.”
25Ka̱neyang ka a̱ brek ba ahwa a̱ ba di Hirudut, a̱gwam u. A̱ bu hywa da̱ nu, “N cat kyang yaan ba, se bu diccu Yohana A̱yya Baptisma i kukon.”
26Rya Hirudut i byyan ba̱t, ma a̱ byyi ryen rak ba rot a̱ ka̱n shyi a̱ta̱ssi ba̱yecen ba di bu kyang a ka naai ni a̱ ni wrak. 27Rot a̱mi na̱ tom a̱dogari ba ahwa na̱ nat ka̱yat jaru ka a̱ si tun diccu Yohana ti. 28Na̱ ba bu diccu Yohana ti i kukon a̱ bu wrak ka̱neyang ka, ka nat a̱ si wrak a̱naa nka nu. 29Na̱won pfong Yohana na ba bu hok a̱ ba a̱ bu sook kom Yohana na a̱ si nyat.
Yesu a̱ tssung ba̱nyet ncyi kop tsson ka̱ram ka̱yring
(Matta 14:13-21; Luka 9:10-17; Yohana 6:1-14)
30Ba̱pfong swak bu ba̱hwa Yesu ba a̱ brek a̱ ba da̱ nu, a̱ bu ku tyyei sa̱rei nkyang a ba si yya ni, bu nkyang a ba si zzek i. 31Ba̱nyet ba̱gingang ba cong a̱ bvwot. Yesu bu na̱won pfong nu na ma a̱ shya ka̱ram ya kyangya ba. Na̱ hywa di na̱won pfong a, “Yi ba zi yen sseng a̱za̱gbang a̱yring, ka̱bvwa ka sang a̱yin ni, yi yem pfwi ba̱ cincong.” 32Ba nwa kpongo a̱ naat ka̱bvwa ka a̱yin na̱n shyi ni ba.
33Ba̱nyet ba̱gingang a̱ ba̱ ryi ba naat a̱ ba̱ ryi a̱ bvwong. Ba drok sa̱rei na̱mankrang a a̱ sook bu gyep a ncyi a̱ si yet ka̱son Yesu bu na̱won pfong nu na. 34Na̱ wruk a kpongo nu a̱ ryi ba̱nyet ba ba̱gingang, a̱ hok dizot mba ba̱t rot ba ryi di bvon-tsaap ji sang a̱ntyok a̱tsaai i. Na̱ nwa ba̱ zzek nkyang ba̱gingang. 35Nom a ku bu tyak, na̱won pfong nu na a̱ nat da̱ nu a̱ si hywa, “Ka̱bvwa kani a̱ yet ka̱yit, nom a naa ni tyyai. 36Ba̱ ryok ba ga nat sa̱rei mba i na̱mankrang a ni a̱ ga si kwei nkyangya na ba ni ya ni mbvak mba.”
37Yesu a̱ hywa da̱ mba, “Nyin ni ba̱ ryi kyang a ba ni ya ni!”
Ba hywa da̱ nu, “A cat zi nat si kwei nkyang krum pfong nom ncyi swa bu ba̱ ryi ba yaa?”
38Yesu a̱ hywa da̱ mba, “Burodi mang yi byyi? Yi nat si cyang i ryi.”
Ba si cyang a̱ hywa da̱ nu, “Pfon, bu hwon swa.”
39Na̱ tyyi ba̱nyet ba sa̱rei a̱ sswak a tswa-tswa a shrim ba̱pyyi nu. 40Ba sswak a tswa-tswa nu, ba̱yanyet nswak mpfo-pfon, ba̱yanyet cyi-cyi. 41Yesu a̱ sook a̱kukwang burodi na ba̱na pfon, bu hwon swa ji, a̱ yrek a̱ssi nu na ntazwa a̱ gwai Ka̱za. A̱ sam burodi na a̱ wrak na̱won pfong nu na ba ka ba̱nyet ba. A̱ bo ka ba̱nyet ba hwon ji sa̱rei mba. 42Sa̱rei mba, koyan a̱ ya a̱ swa! 43Na̱won pfong a a̱ tung nkpikpit burodi na bu hwon ji, a̱ tyyi a̱ hywaai na̱nshang swak bu na̱hwa. 44Ba̱nyet ba a̱ yin za kyangya na ni, ba̱ntyok ncyi kop tsson a̱ yin shyi.
Yesu a̱ cong tazwa ba̱shekwot
(Matta 14:22-23; Yohana 6:15-21)
45Ba bu tyak, Yesu a̱ tun na̱won pfong nu na ba byyek a̱ ka̱shyi a̱ma̱nyyi Baitsaida, ka̱ tun ba̱nyet ba a̱ si ba̱ tssup. 46Ba̱nyet ba ba bu nat na̱ wrak tsok ji a̱ naai Ka̱za. 47Ka̱jenshring ka ka ka̱n yya, a̱kpongo nu na̱won pfong a ba nwa ni a̱ tat a̱katyyi kei ka. Ka̱ram iya Yesu na̱ shyi sseng mbeyang kei ka ba̱ diyin. 48Na̱ ryi na̱won pfong nu na ba shyi a̱ ka̱bvung bu ruk kpongo nu rot wun yin ba̱ hywap bvwot i riryim. Ka̱ram ka ka bvei a̱shong a̱ntson, Yesu a̱ nwa ka̱cyet tazwa ba̱shekwot ka a̱ ba̱ swrap. 49Ba bu brak a̱ ku ryi anye a̱ninyet a̱ sook nkun a̱ krok, 50rot ba hok ka̱wun ba̱gingang.
Yesu a̱ ba̱ yei, a̱ hywa da̱ mba, “Yi gbung rya! Nzuk a̱mi. Yi ryok hok ka̱wun ba.” 51Wwon na̱ nwa a̱kpongo nu ba̱ mba. Bu nwa nu na wun na i pfwi hywap a. Sa̱rei mba ba yya ka̱hat, 52rot ba yi bvwo diwat ti Yesu na̱n ba̱ tssung di kyangya na a̱mi ni ba; rot a̱huhwa mba nu a̱ rat.
Yesu a̱ creng ba̱nyet nhywu a Janisarata
(Matta 14:34-36)
53Ba bu byyek a̱ ba ka̱ma̱nyyi Janisarata, a̱ rop kpongo nu ka̱ yemi. 54Ba bu bvwot ka̱bvwa kpongo ka ba̱nyet a̱ ryi Yesu a̱ bvwong. 55Ba̱nyet ba̱gingang a̱ nwai cong da̱ nu. A̱ cong bu ba̱nyet nhywu ko ke na̱m brak i ka̱byen ka; ba kok ba̱yanyet an kyang myyi mba na a̱ cong i di Yesu. 56Sa̱rei na̱bvwa na Yesu na̱ nwai ni, ba saai ba̱nyet nhywu ba an tunga na, da̱ a̱cecet na̱nkrang da̱ a̱cwwang di na̱bvwa a̱keyak. Ba̱nyet ba cong bu ba̱nyet nhywu ba ni a̱ ku naai na̱ ryok ba ra bu bvak a̱tro nu na ma. Sa̱rei ba̱nyet ba a̱ ra ni a̱ creng.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Wycliffe Bible Translators, Inc. All rights reserved.