Ha Banaroma 2
2
ABATAKWIKIRIZA TIBALI NA NSONGA. — MUNGU TASORARA MUNTU.
1Nicho otali na nsonga, iwe muntu wena, akulamul’abandi; kuba okalamul’abandi, okwesinga iwe omwene, obw’okukola eby’okulamula. 2Kuba tukumanya okwo Mungu akulamula mu bikomereze abakukol’ebyo. 3Si, iwe akulamula abakukol’ebyo bityo, kai iwe wena nobikola, okuchwa oti: okukira ha bulamuzi bwa Mungu?#2, 3 Ebigambo ebyo bikuhika na mu bakristu abakulamula entungwa z’abasenzi nibazigaya, kai kunu bonene nibaziruba zonene bwesereke. 4Si okugaya obufura n’obwesagazi n’obusasizi bwe bwingi muno? Si obure kumanya okw’obufura bwa Mungu bukukusindika kutamwa? 5Nawe obugume bwawe n’omutima gwawe ogutatamirwe bikukanisya ebiniga ebilikwizira ha lunaku olwo ebiniga bilikusokorerwa mu bulamuzi buhikire bwa Mungu, 6alihera buli muntu wena ha bw’ebikorwa bye: 7abakuguma mu bikorwa bizima nibahiga ikuzo n’isima n’obutafwa, alibaha obulame obutahwaho; 8kai abali n’omwoyo gw’obuhakani, abakwanga kwikiriza obukomereza, nawe nibaruba obutahikire, alibehoza ebiniga n’obubihirirwa#2, 8 Ebyo bilihika ha lunaku olulihereruka, Yezu k’aliza kulamul’abantu..
9Obunale n’obuhahi bulizira buli muntu wena akukol’ amabi: wo kutandika, Omuyahudi, kandi Omugereki; 10nawe ikuzo n’isima, n’omulebo bilizira buli muntu wena akukola kuzima: wo kutandika, Omuyahudi, kandi Omugereki. 11Kuba Mungu tasorora muntu.
12Hatyo bona abaliba bahenire batali n’Ekilagiro#2, 12 “Ekilagiro” mu Baruwa enu yona kikumanyisya Omulago gw’era, kuruga Musa kuhika Yezu Kristu., balibura batali n’Ekilagiro; kai bona abaliba bahenire bali n’Ekilagiro, balilamurwa n’Ekilagiro. 13Kuba abahikire h’ameso ga Mungu t’abo abahuliz’Ekilagiro, nawe abakuhich’Ekilagiro nibo bakuba bahikire. 14Mbe abasenzi, abatali n’Ekilagiro, ka bakukola chonka ebilagirwe Ekilagiro, naho batali n’Ekilagiro, bali bonene kilagiro; 15bakwoleka okw’omulimo gw’Ekilagiro gwandikirwe mu mitima zabo, obwo ilaka ly’emitima zabo likubamanyisya, n’obw’ebitekateko byabo lunaku bikubalega, lunaku bikubakingiriza: 16ebyo bilimanyisibwa, ha bw’Evanjeli yange, olunaku olwo Mungu alilamura, ha bwa Yezu Kristu, ebiserekire by’abantu.
OBUBI BW’ABAYAHUDI.
17Nawe, iwe akwetwa Muyahudi, akuhumulira mu Kilagiro, akwekuhya hali Mungu, 18akumanya kwenda kwe, akuhicha kusorora ebisasire muno, obwo wayegesibwe Ekilagiro, 19okwekuhya nogira oti: ndi muhabuzi w’abahume, lumuli lw’abali mu mwirima, 20mwolekerezi w’abatakumanya, musomesya wa banamuto, kandi ndi n’olulengo lw’obumanyi n’obukomereza mu Kilagiro. 21Mbe iwe, akwolekerer’abandi, toyeyolekerera iwe omwene; okwolekerera oti: otaibaga, kai okwiba; 22okugira oti: otasihanaga, kai okusihana; okusesemukwa ebimungu, kai okuzuma Mungu; 23okwekuhya mu Kilagiro, kai okugora Mungu n’obutambuki bw’ebilagiro. 24Kuba izina lya Mungu, kubera imwe, likuzumwa mu mahanga, nk’okwo chandikirwe.
KUSARA KWONKA TIKUHICHA KUCHUNGUL’ABAYAHUDI.
25Kusara kukugasa nikwo, raba nohich’ebilagiro; nawe raba notambuk’ebilagiro, okusana oti henda tosazirwe. 26Mbe raba omuntu atasazirwe akuhich’ebilagiro, si, naho atasazirwe, takubarwa nk’asazirwe? 27Kai atasazirwe, akahich’ebilagiro, talikusinga iwe ayaherwe ebigambo by’Ekilagiro no kusara, okatambuk’ebilagiro? 28Kuba Omuyahudi wa kimo ti wa ha bweru, kai kusara kwa kimo ti kwa ha bweru kwo mu ngingo: 29nawe Omuyahudi wa kimo ni wo mu nda, kandi kusara kwa kimo ni kw’omutima, okukorwa ha bw’omwoyo, nawe ha bw’ebigambo by’Ekilagiro pai; ogwo ikuzo lye tiliruga mu bantu, nawe hali Mungu.
ទើបបានជ្រើសរើសហើយ៖
Ha Banaroma 2: KED1946
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.
