Ha Banaroma 1
1
OBUTUMWA BWA PAULO.
1Paulo, muhereza wa Yezu Kristu, akwetwa Ntumwa, ayasororerwe Evanjeli ya Mungu, 2eyo yaliga alagire mbele n’abalagi mu Nandiko Ntakatifu, 3eby’ Omwana we, ayamuzalirwe mu luganda lwa Daudi, ha bw’engingo; 4ayanyamirwe abe Mwana wa Mungu mu mani, ha bw’omwoyo gw’obutakatifu, kubera kuzoka kwe mu bafu, Yezu Kristu, Omukama wetu, 5ayatuhere enema n’obutumwa, niho amahanga gona gahulire kwikiriza, mw’izina lye; 6muli bonene imwe mwena mulimo, obwo mwayesirwe Yezu Kristu: 7hali banu bona abali Roma, abendwa ba Mungu, abakwetwa batakatifu. Enema ebe n’emwe n’omulebo, ogukuruga hali Mungu, Tata wetu, n’Omukama Yezu Kristu.
OMWEGONGI BWE BWO KUZA ROMA.
8Ka ntandike kusima Mungu wange, ha bwa Yezu Kristu, ha mwanya gwanu, obwo kwikiriza kwanu kukumanywa mu nsi zona. 9Kuba Mungu, owe nkukolera mu mwoyo gwange mw’Evanjeli y’Omwana we, ni mbona yange y’okwo nkubezuka obutayosa 10mu sala zange, ninsaba bucha bucha mbone omwanya, Mungu k’alayenda, gwo kubahikaho. 11Kuba nkwegonga kubabona, mbabonere enema y’omwoyo, mpiche kubagumisya; 12nikwo kugira nti: niho, tukaba hamo twena, kuhumuzanya mu kwikiriza kwetu, okwo tukobere. 13Mbe, bana betu, tinkwenda mubule kumanya okwo netegekire kengi kubagendaho, ninzibirwa kuhika lero, mbone ebirabo na mul’imwe, nka mu mahanga gandi. 14Nkutongwa Abagereki n’Abanamahanga, ab’obwenge n’abatakumanya kintu. 15Hatyo, ha bwange, nkwegonga kubolekerera Evanjeli, imwe mwena abali Roma.
KWIKIRIZA MUNGU NA YEZU KRISTU.
16Kuba ine tinkukorerw’ensoni Evanjeli#1, 16 Paulo mutakatifu akwenda kugamba ati: Tinkukorerw’ensoni kwolekerera Evanjeli ya Yezu, ayalegirwe ha musalaba, naho hali mu kikale kikuru, na mu bahango na mu bakuru hona.: kuba niyo eli mani ga Mungu, agakuchungura abakwikiriza bona, kutandikira ha Bayahudi, kandi n’Abagereki#1, 16 Mungu akwenda kuchungur’abantu bona b’amahanga gona: tibo Abayahudi bonka pai, nk’okwo bonene baliga nibatekateka.. 17Kuba ekusurura obuhikire bwa Mungu#1, 17 “Obuhikire bwa Mungu”, nibw’obuhikire obukuruga hali Mungu wenene, nibwiza mu mitima z’abantu bazima kubatakatifuza., obukuruga mu kwikiriza nibumalizibwa muli kwonene, nk’okwo chandikirwe kiti: Omuzima akutungwa kwikiriza#1, 17 Obuhikire bw’omuntu muzima bukuletwa kwikiriza: nibw’obutandikiro bw’obuhikire bwona, kandi bukwongerera no kwikiriza kwonene.. 18Hatyo ebiniga bya Mungu bikuruga mw’igulu nibigwera obutekiriza n’obutahikire bw’abantu abakuyangira obumanyi bwa Mungu mu butahikire#1, 18 Ebigambo ebyo bikumanyisya ebinaranazo ebikwizir’abantu abatakuhulira Mungu, munomuno abatakwenda kwikiriza edini ekomereze. — Mu Baruwa enu yona Paulo akusombora okwo obuhikire bukuruga mu kwikiriza, nawe mu Kilagiro cha Musa chonka pai.; 19kuba ebya Mungu ebikumanywa byabatulirwa; Mungu wenene niwe yababimanyisize. 20Kuba ebitakubonwa muli wenene bikabonekera kurug’obuhangi bw’ensi mu bumanyi bw’ebihangwa; nikwo n’obuhicha bwe bw’era lyona na bumungu bwe: mbe hatyo tibali na nsonga#1, 20 Abantu tibali na nsonga yo kubura kwikiriza Mungu, obwo Wenene akwemanyisiza mu bihangwa bye: bona bakuhicha kumumanya muli byonene., 21obwo, bamanyire Mungu, bakabura kumuha ikuzo limuhikire, nibabura kumusima; nawe nibatumatuma mu bitekateko byabo, kai omutima gwabo nigusara nigwizura omwirima. 22Nibegira betegereza, kunu basiruhere; 23nibahindura ikuzo lya Mungu atahinduka, kikaba kisusano ch’omuntu muhinduki, n’ech’enoni, n’ebintu by’amaguru ana, n’ech’enzoka#1, 23 Abatali na dini bakuhabudu ebihangwa byona, nibaleka Mungu wenene.. 24Nicho Mungu yabanagirire obwegongi bw’omutima gwabo n’obusihani, hatyo nibehemura abene ha ngingo zabo, 25kuba bakahindura obukomereza bwa Mungu kuba bubehi, nibahabudu nibakolera ekihangwa ha mwanya gw’Omuhangi, akukuzibwa mu myaka n’emyaka. Amina.
ENTUNGWA MBI Z’ABASENZI.
26Nicho Mungu yabasindikirire mu bwoyi bw’ensoni; kuba abakazi babo bakaleka kukola ebyo batura nibakola, bakole ebitakorwa. 27Nikwo batyo n’abaseza, bakaleka kukola n’omukazi nk’ebilagirwe, nibaligirana abene bonka, nibakola eby’ensoni, abaseza n’abaseza, nibahabwa batyo muli bonene omuhero oguhikire obuhabi bwabo. 28Mbe obwo babuzire kwoleka okwo bamanyire Mungu, Mungu nabasindika mu ntungwa z’obuyaga, nibakola ebitengene: 29bezwire obubi bwona, obuyaga, obusihani, obununu, obuhungu; bezwire ichubi, obwisi, enkungana, obuzigi, entungwa mbi; bali bachwelerezi, 30babehereza, bahate ba Mungu, b’olubwa, bekuza, b’echemo, bazumbuzi bw’obubi, bagome b’abazere, 31basiru, batali na nsoni, nali bwenzi nali kisa. 32Naho bamanyire obuhikire bwa Mungu, tibasombokerwe okw’abakukola ebyo bahikire kufwa, kai abakubikora bonka pai, nawe n’abakusima abakubikora.
ទើបបានជ្រើសរើសហើយ៖
Ha Banaroma 1: KED1946
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.
