Ebikorwa 27
27
PAULO NASYABARA KUZA ROMA NIBEFUMA. ―NIBAGOBA MELITA NIBAKIRA BONA.
1Ka byategekirwe kubugira Paulo Italiya no kumuha n’embohe zindi omukuru w’abasirikale igana, izina lye Yuliyo, wa kohoroti ya Ogusto, 2nituhanama mu bwato bw’Adrumeta, nitutandika kusyabara nitubaramira ensi y’Aziya, Aristarko Omunasedoniya wa Tesalonika naguma ali n’etwe. 3Bwire kucha nitugoba Sidoni; Yuliyo nagirira Paulo kifura, namufuha kuza mu banwani be no kwerabirira. 4Ka twarugire aho, nitubaramira lubazu lwa Sipriya, kuba gwaliga guli muyaga gw’obutwe. 5Nitubuga mu nanza ya Silisiya na Panfiliya, nitugoba Listra, mu Lisiya; 6okwo omukuru w’abasirikale igana nasangayo obwato bw’Alekisandriya, obwabugaga kuza Italiya, naba wo kutuhikamo. 7Tukabuga mpola mpola nitumara naku ningi, nitutamwa nituhika kw’amani obusyo ya Ginido, omuyaga gutuzibire, nitubaramira izinga lya Kreta, hehi na Salomona. 8Nitubaramiraho kw’amani nitugoba mu kigobo echo bakweta bati: Kigobokizima, hehi n’aho haliga haliyo echaro echo bayetaga bati: Talasa. 9Obwo enaku zaliga zarabireho ningi, n’olugendo lw’enanza nilubiha, kuba enaku zo kusiba zaliga zarabireho, Paulo nabagambira, 10nagira ati: Imwe baseza, nabona okw’olugendo lwatandika kugir’obubi n’ebitegezi bingi, ti ha mpura yonka na ha bwato, nawe na ha myoyo zetu hona. 11Nawe omukuru w’abasirikale igana yaliga naikiriza omugobi na bakana bwato kukira ebyagambirwe Paulo. 12Kai obwo ekigobo chaliga kitasemere mu naku z’ekitiko, banamwingi nibategekerana kurugaho, baze kugoba, raba nibahicha, Fenise, ekigobo cha Kreta ekikulorera Afrika na Kori, niyo babere mu naku z’ekitiko. 13Amalimbe nigahemba kake kake, nibachwa bati: twabona ebyo sanga nitwenda, nibakura isika kuruga Asoni, nibabaramira Kreta. 14Kurabaho katungu kake, nigwihura omuyaga gw’ekihule, ogwo bakweta bati: Erakwilo; 15obwato nibukwatw’omuyaga, butakuhicha kugwemera, nitusindikira omuyaga obwato, nituyeywa. 16Nitubaramira ha kazinga ako, ako bakweta bati: Koda, nitutaho amani, niho nituhicha kuhanamya empanza. 17Ka bagihanamize, nibataho ebyo kuhwera, nibaboha obwato, obwo batinaga kunagwa Sirti; nibahanantura itanga, nibasagarwa batyo chonka. 18Obwo twaterwaga ekihure kingi, bwire kucha nibatubiza empura; 19kai olunaku lwa kasatu nibatubiza ebintu byona byo mu bwato n’emikono zabo. 20Enaku ningi izoba n’enenezi bitakubonwa, omuyaga mwingi gutwangireho, twafwire omutima, tuti: Titukikira. 21Ka bamazire naku ningi kulya nangu, niho Paulo naba wo kwemerera hagati yabo, nagira ati: Imwe baseza, mwaliga muli no kumpulira no kuleka kuruga Kreta, titwakubwene obubi bunu no kunaga bingi. 22Hati nkubagambira kugumy’emitima; kuba tihakufwaho omuntu n’omo mul’imwe, nibw’obwato bwonka. 23Kuba mumalaika wa Mungu yanbonekera mu kiro cha lero, owe ine ndi we, kai niwe nkukolera, 24nagira ati: Paulo, otatina; oli no kwemerera mu meso ga Kaizari, kandi Mungu yakuha bona ab’okubuga nabo. 25Mbe nikwo mutyo, mugumy’emitima, baseza; kuba ine nkwikiriza Mungu, nk’okwo bilaba nk’omwo nagambirirwa. 26Nawe tuli no kugoba h’ezinga limo na limo.
27Ka habere mu kiro ch’ekumi na kana, twaliga nitubuga mu nanza y’Adriya, itumbi lili hehi no kuhika, ababugi nibachwa bati: echaro chabwenwe. 28Nibatimba omwoko, nibalenga bita makumi abili; ka berireho kake kurug’aho, nibabona ebita ikumi na bitanu. 29Nibatina bati: tutabalira ha byazi, nibanag’amasika ana ha nsezi y’obwato, nibayenda obwire buche. 30Ababugi ka bayenzire kwiruka mu bwato, nibahanantura empanza nibagigwereza, kuti nibayenda kunag’amasika ha lulimi lw’obwato, 31Paulo nagambira omukuru w’abasirikale igana ati: Banu ka balabura kubera mu bwato, timukuhicha kukira. 32Aho abasirikale nibaba bo kuchwagula engoye y’empanza, nibagileka kugenda. 33Ka bwachere, Paulo nabasaba bona balye ebilyo, nagira ati: Lero ni lunaku lw’ekumi na kana, mulindirire nimusiba, kulya kalyo nangu; 34nicho nkubasabira, nimulye ebilyo ha bwo kukira kwanu, kuba tihaliho isoke lya ha mutwe gw’omuntu mul’imwe elibura. 35Ka yamazire kugamba ebyo, nakwat’omukate, nalamiriza Mungu ha meso ga bona, natandika kulya. 36Bona nibasasa, na bonene nibakwat’ebilyo. 37Abantu mu bwato twaliga tuli twena hamo magana abili na makumi musanzu na mukaga. 38Bonene ka bamazire kulya no kwiguta, nibagerura empura mu bwato, nibatubiza engano mu nanza.
39Ka bwachere, tibamanyire echaro; nawe nibabona ikonda elili n’ekigobo, aho niho nibatekateka kuza kugobya obwato, nk’okwo bakubere nibahicha. 40Ka bamazire kukur’ amasika no kugerageza engoye za h’igobero, nibayesagara mu nanza, nibataho itanga inoro ha muyaga, nibagenda ha charo. 41Obwo twaliga tuhikire ha murumo, nibagoby’obwato: olulimi lw’obwato nilusimbira, nibwikara butakutengeta, kai ensezi nefumurwa amani g’amakonzo. 42Abasirikale nibategekerana kwita embohe, hatabaho omuntu wo kuziha akeruka. 43Nawe omukuru w’abasirikale igana, obwo yayendaga kukiza Paulo, nabazibira, kandi nabalagira ati: Abakuhicha kuziha nibo batandike kugwerera no kuhika ha charo, bakire. 44Kandi abasagire, abandi nibakirira ha mpero, abandi ha bintu ebyarugaga mu bwato. Mbe abantu bona nibatamwa nibahwera ha charo.
ទើបបានជ្រើសរើសហើយ៖
Ebikorwa 27: KED1946
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.
Ebikorwa 27
27
PAULO NASYABARA KUZA ROMA NIBEFUMA. ―NIBAGOBA MELITA NIBAKIRA BONA.
1Ka byategekirwe kubugira Paulo Italiya no kumuha n’embohe zindi omukuru w’abasirikale igana, izina lye Yuliyo, wa kohoroti ya Ogusto, 2nituhanama mu bwato bw’Adrumeta, nitutandika kusyabara nitubaramira ensi y’Aziya, Aristarko Omunasedoniya wa Tesalonika naguma ali n’etwe. 3Bwire kucha nitugoba Sidoni; Yuliyo nagirira Paulo kifura, namufuha kuza mu banwani be no kwerabirira. 4Ka twarugire aho, nitubaramira lubazu lwa Sipriya, kuba gwaliga guli muyaga gw’obutwe. 5Nitubuga mu nanza ya Silisiya na Panfiliya, nitugoba Listra, mu Lisiya; 6okwo omukuru w’abasirikale igana nasangayo obwato bw’Alekisandriya, obwabugaga kuza Italiya, naba wo kutuhikamo. 7Tukabuga mpola mpola nitumara naku ningi, nitutamwa nituhika kw’amani obusyo ya Ginido, omuyaga gutuzibire, nitubaramira izinga lya Kreta, hehi na Salomona. 8Nitubaramiraho kw’amani nitugoba mu kigobo echo bakweta bati: Kigobokizima, hehi n’aho haliga haliyo echaro echo bayetaga bati: Talasa. 9Obwo enaku zaliga zarabireho ningi, n’olugendo lw’enanza nilubiha, kuba enaku zo kusiba zaliga zarabireho, Paulo nabagambira, 10nagira ati: Imwe baseza, nabona okw’olugendo lwatandika kugir’obubi n’ebitegezi bingi, ti ha mpura yonka na ha bwato, nawe na ha myoyo zetu hona. 11Nawe omukuru w’abasirikale igana yaliga naikiriza omugobi na bakana bwato kukira ebyagambirwe Paulo. 12Kai obwo ekigobo chaliga kitasemere mu naku z’ekitiko, banamwingi nibategekerana kurugaho, baze kugoba, raba nibahicha, Fenise, ekigobo cha Kreta ekikulorera Afrika na Kori, niyo babere mu naku z’ekitiko. 13Amalimbe nigahemba kake kake, nibachwa bati: twabona ebyo sanga nitwenda, nibakura isika kuruga Asoni, nibabaramira Kreta. 14Kurabaho katungu kake, nigwihura omuyaga gw’ekihule, ogwo bakweta bati: Erakwilo; 15obwato nibukwatw’omuyaga, butakuhicha kugwemera, nitusindikira omuyaga obwato, nituyeywa. 16Nitubaramira ha kazinga ako, ako bakweta bati: Koda, nitutaho amani, niho nituhicha kuhanamya empanza. 17Ka bagihanamize, nibataho ebyo kuhwera, nibaboha obwato, obwo batinaga kunagwa Sirti; nibahanantura itanga, nibasagarwa batyo chonka. 18Obwo twaterwaga ekihure kingi, bwire kucha nibatubiza empura; 19kai olunaku lwa kasatu nibatubiza ebintu byona byo mu bwato n’emikono zabo. 20Enaku ningi izoba n’enenezi bitakubonwa, omuyaga mwingi gutwangireho, twafwire omutima, tuti: Titukikira. 21Ka bamazire naku ningi kulya nangu, niho Paulo naba wo kwemerera hagati yabo, nagira ati: Imwe baseza, mwaliga muli no kumpulira no kuleka kuruga Kreta, titwakubwene obubi bunu no kunaga bingi. 22Hati nkubagambira kugumy’emitima; kuba tihakufwaho omuntu n’omo mul’imwe, nibw’obwato bwonka. 23Kuba mumalaika wa Mungu yanbonekera mu kiro cha lero, owe ine ndi we, kai niwe nkukolera, 24nagira ati: Paulo, otatina; oli no kwemerera mu meso ga Kaizari, kandi Mungu yakuha bona ab’okubuga nabo. 25Mbe nikwo mutyo, mugumy’emitima, baseza; kuba ine nkwikiriza Mungu, nk’okwo bilaba nk’omwo nagambirirwa. 26Nawe tuli no kugoba h’ezinga limo na limo.
27Ka habere mu kiro ch’ekumi na kana, twaliga nitubuga mu nanza y’Adriya, itumbi lili hehi no kuhika, ababugi nibachwa bati: echaro chabwenwe. 28Nibatimba omwoko, nibalenga bita makumi abili; ka berireho kake kurug’aho, nibabona ebita ikumi na bitanu. 29Nibatina bati: tutabalira ha byazi, nibanag’amasika ana ha nsezi y’obwato, nibayenda obwire buche. 30Ababugi ka bayenzire kwiruka mu bwato, nibahanantura empanza nibagigwereza, kuti nibayenda kunag’amasika ha lulimi lw’obwato, 31Paulo nagambira omukuru w’abasirikale igana ati: Banu ka balabura kubera mu bwato, timukuhicha kukira. 32Aho abasirikale nibaba bo kuchwagula engoye y’empanza, nibagileka kugenda. 33Ka bwachere, Paulo nabasaba bona balye ebilyo, nagira ati: Lero ni lunaku lw’ekumi na kana, mulindirire nimusiba, kulya kalyo nangu; 34nicho nkubasabira, nimulye ebilyo ha bwo kukira kwanu, kuba tihaliho isoke lya ha mutwe gw’omuntu mul’imwe elibura. 35Ka yamazire kugamba ebyo, nakwat’omukate, nalamiriza Mungu ha meso ga bona, natandika kulya. 36Bona nibasasa, na bonene nibakwat’ebilyo. 37Abantu mu bwato twaliga tuli twena hamo magana abili na makumi musanzu na mukaga. 38Bonene ka bamazire kulya no kwiguta, nibagerura empura mu bwato, nibatubiza engano mu nanza.
39Ka bwachere, tibamanyire echaro; nawe nibabona ikonda elili n’ekigobo, aho niho nibatekateka kuza kugobya obwato, nk’okwo bakubere nibahicha. 40Ka bamazire kukur’ amasika no kugerageza engoye za h’igobero, nibayesagara mu nanza, nibataho itanga inoro ha muyaga, nibagenda ha charo. 41Obwo twaliga tuhikire ha murumo, nibagoby’obwato: olulimi lw’obwato nilusimbira, nibwikara butakutengeta, kai ensezi nefumurwa amani g’amakonzo. 42Abasirikale nibategekerana kwita embohe, hatabaho omuntu wo kuziha akeruka. 43Nawe omukuru w’abasirikale igana, obwo yayendaga kukiza Paulo, nabazibira, kandi nabalagira ati: Abakuhicha kuziha nibo batandike kugwerera no kuhika ha charo, bakire. 44Kandi abasagire, abandi nibakirira ha mpero, abandi ha bintu ebyarugaga mu bwato. Mbe abantu bona nibatamwa nibahwera ha charo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.