Ebikorwa 28
28
BALI H’EZINGA LYA MELITA. — PAULO NAHIKA ROMA.
1Ka twakizire, niho nitumanya okwo izinga likwetwa liti: Melita. Obufura obwo abasenzi batugirire ti buke; 2bakahemba omuliro nibatwihamo obutiti twena, kuba enzula yagwaga, n’embeho. 3Paulo ka yakobakobize obusagate bw’obukwi, akabunaga mu muliro, enzoka nechumibwamo omuliro, neyezongerera ha mukono gwa Paulo. 4Abasenzi ka babwene enzoka emwezongerere ha mukono, nibagambirana bati: Waza! omuntu onu ni mwisi, yakira mu nanza, nawe enzigu tizimuleka kulama. 5Nawe wenene nasingisiza enzoka mu muliro, no kuhutazibwa nangu. 6Bonene bachwaga bati: Akwiza kuzimba, aichure yagwire ha nsi nafwa; ka balindirireho katungu, kubona okwo alahutara nangu, nibachoka, nibagira bati: ni kimungu.
7Aho haliga haliho ensambu y’omukuru wo mw’izinga, izina lye Publi, ayaliga atusagere owe natuchuma kuzima naku isatu. 8Mbe aho ise Publi naba wo kulimbikwa omuswiza n’ensese. Paulo nataha mu nzu ye; ka yamazire kulembereza no kumutaho emikono, namukiza. 9Ebyo ka byabere bityo, aba h’ezinga bona abaliga bali n’endwara nibeza nibakizibwa. 10Bakatukuza n’ikuzo lingi, ka twayenzire kubuga, nibatuhikiramo ebyo twaliga nitwenda.
11Ka harabireho mezi asatu, nitubuga mu bwato bw’Alekisandriya, obwaliga buli h’ezinga mu naku z’ekitiko, bwaliga butonirweho olususo lw’abana b’amarongo Kastori na Polukisi. 12Ka twagobire Sirakuza, nitumarayo naku isatu. 13Kurug’ aho nitubarama, nitugoba Regi; olunaku lumo niluhwa, amalimbe nigahemba, olunaku lwa kabili nitugoba Putoli, 14aho nitusangaho abetu, nibatusaba kumaraho nabo naku musanzu; tutyo nituhika Roma. 15Abetu ka batuhulize, nibeza kutwesungana kuhika mw’iguliro ly’Api na Bilabobisatu. Paulo ka yababwene, nasima Mungu, naguma.
16Ka twahikire Roma, Paulo nahabwa kwikara wenka n’omusirikale, omulinzi we. 17Ka harabireho naku isatu, nasumby’abakuru b’Abayahudi; ka basumbire, nabagambira ati: Baseza bana betu, ine nkabohwa Yeruzalemu, nibandeta mu ngaro z’Abanaroma, naho ntahenere ihanga lyetu hamo ntungwa za batata betu. 18Ka bamazire kumbuza, bayendaga kunsurumula, obwo hal’ine haliga hataliho entambala n’emo yo kunitira. 19Nawe Abayahudi ka bayangire, nintamwa ninambaza Kaizari, nawe naliga ntali n’ekigambo cho kuchulira ihanga lyetu. 20Nich’echo nayenderaga kubabonaho no kufumoraho n’emwe; nawe ha bwo kutegeza kwa Israeli nicho nazingererwe emiguha zinu. 21Bonene nibamugambira bati: Itwe titwabwene ebaruwa z’ebigambo byawe kuruga Buyahudi, kai hona tihaliho omuntu mu betu ayezire kugamba hamo kukulega kigambo kibi. 22Nawe tukwenda kuhulira hal’iwe eby’okutekateka, kuba twagambirwe okwo ebigambo by’edini enu bikuhakanwa hona hona.
23Ka bamazire kumulaganisya olunaku, banamwingi nibeza omwo yalalaga, akabolekerera namanyisya obukama bwa Mungu, nabahaniriza mu bya Yezu na mu Kilagiro cha Musa n’abalagi, kuruga kanencha kuhika kebazo. 24Abandi bakekiriza ebyagambirwe, abandi tibekirize. 25Bonene ka babuzire kuhulirizanya bonka, nibarugaho, Paulo nagamba ekigambo kimo, ati: Waza! Mwoyo Mutakatifu akafumorera kuzima mu kanwa ka Izaiya omulagi, nagambira batata 26ati: Roko mw’ihanga eli, obagambire oti: Mukuhuliza okutwi, kunu mutakusombokerwa, kai mulilora, hona mutakubona; 27kuba omutima gw’abantu abo guzitohire, bakuhuliza, amatwi galengahere, bakanagiriz’ameso gabo, baleke kubona n’ameso, no kuhulira n’amatwi, no kusombokerwa n’omutima, no kuhinduka, ntabakiza#28, 27 Lora Matayo 13, 16.. 28Mbe nimumanye okw’obuchunguzi bunu bwa Mungu bwasagerwe mu mahanga, kai bonene balihulira. 29Ka yafumwere ebyo, Abayahudi nibamurugaho, nibahakanisyanya muno bonene bonka.
30Akamarayo myaka ibili mu nzu eyo yaliga asumbiremo, yayanankuraga bona abatahaga mu nzu ye, 31namanyisya obukama bwa Mungu, nayolekerera eby’Omukama Yezu Kristu n’obwesige bwingi, atakuzibirwa#28, 31 Mu mwaka gwa 67 abatakatifu Petro na Paulo nibetirw’edini nibafwa lunaku lumo. Omutakatifu Petro bakamulega ha musalaba buchuli, omutwe nigulora ifwo ha nsi. Omutakatifu Paulo nibamutem’ebicha n’embanda..
ទើបបានជ្រើសរើសហើយ៖
Ebikorwa 28: KED1946
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.
Ebikorwa 28
28
BALI H’EZINGA LYA MELITA. — PAULO NAHIKA ROMA.
1Ka twakizire, niho nitumanya okwo izinga likwetwa liti: Melita. Obufura obwo abasenzi batugirire ti buke; 2bakahemba omuliro nibatwihamo obutiti twena, kuba enzula yagwaga, n’embeho. 3Paulo ka yakobakobize obusagate bw’obukwi, akabunaga mu muliro, enzoka nechumibwamo omuliro, neyezongerera ha mukono gwa Paulo. 4Abasenzi ka babwene enzoka emwezongerere ha mukono, nibagambirana bati: Waza! omuntu onu ni mwisi, yakira mu nanza, nawe enzigu tizimuleka kulama. 5Nawe wenene nasingisiza enzoka mu muliro, no kuhutazibwa nangu. 6Bonene bachwaga bati: Akwiza kuzimba, aichure yagwire ha nsi nafwa; ka balindirireho katungu, kubona okwo alahutara nangu, nibachoka, nibagira bati: ni kimungu.
7Aho haliga haliho ensambu y’omukuru wo mw’izinga, izina lye Publi, ayaliga atusagere owe natuchuma kuzima naku isatu. 8Mbe aho ise Publi naba wo kulimbikwa omuswiza n’ensese. Paulo nataha mu nzu ye; ka yamazire kulembereza no kumutaho emikono, namukiza. 9Ebyo ka byabere bityo, aba h’ezinga bona abaliga bali n’endwara nibeza nibakizibwa. 10Bakatukuza n’ikuzo lingi, ka twayenzire kubuga, nibatuhikiramo ebyo twaliga nitwenda.
11Ka harabireho mezi asatu, nitubuga mu bwato bw’Alekisandriya, obwaliga buli h’ezinga mu naku z’ekitiko, bwaliga butonirweho olususo lw’abana b’amarongo Kastori na Polukisi. 12Ka twagobire Sirakuza, nitumarayo naku isatu. 13Kurug’ aho nitubarama, nitugoba Regi; olunaku lumo niluhwa, amalimbe nigahemba, olunaku lwa kabili nitugoba Putoli, 14aho nitusangaho abetu, nibatusaba kumaraho nabo naku musanzu; tutyo nituhika Roma. 15Abetu ka batuhulize, nibeza kutwesungana kuhika mw’iguliro ly’Api na Bilabobisatu. Paulo ka yababwene, nasima Mungu, naguma.
16Ka twahikire Roma, Paulo nahabwa kwikara wenka n’omusirikale, omulinzi we. 17Ka harabireho naku isatu, nasumby’abakuru b’Abayahudi; ka basumbire, nabagambira ati: Baseza bana betu, ine nkabohwa Yeruzalemu, nibandeta mu ngaro z’Abanaroma, naho ntahenere ihanga lyetu hamo ntungwa za batata betu. 18Ka bamazire kumbuza, bayendaga kunsurumula, obwo hal’ine haliga hataliho entambala n’emo yo kunitira. 19Nawe Abayahudi ka bayangire, nintamwa ninambaza Kaizari, nawe naliga ntali n’ekigambo cho kuchulira ihanga lyetu. 20Nich’echo nayenderaga kubabonaho no kufumoraho n’emwe; nawe ha bwo kutegeza kwa Israeli nicho nazingererwe emiguha zinu. 21Bonene nibamugambira bati: Itwe titwabwene ebaruwa z’ebigambo byawe kuruga Buyahudi, kai hona tihaliho omuntu mu betu ayezire kugamba hamo kukulega kigambo kibi. 22Nawe tukwenda kuhulira hal’iwe eby’okutekateka, kuba twagambirwe okwo ebigambo by’edini enu bikuhakanwa hona hona.
23Ka bamazire kumulaganisya olunaku, banamwingi nibeza omwo yalalaga, akabolekerera namanyisya obukama bwa Mungu, nabahaniriza mu bya Yezu na mu Kilagiro cha Musa n’abalagi, kuruga kanencha kuhika kebazo. 24Abandi bakekiriza ebyagambirwe, abandi tibekirize. 25Bonene ka babuzire kuhulirizanya bonka, nibarugaho, Paulo nagamba ekigambo kimo, ati: Waza! Mwoyo Mutakatifu akafumorera kuzima mu kanwa ka Izaiya omulagi, nagambira batata 26ati: Roko mw’ihanga eli, obagambire oti: Mukuhuliza okutwi, kunu mutakusombokerwa, kai mulilora, hona mutakubona; 27kuba omutima gw’abantu abo guzitohire, bakuhuliza, amatwi galengahere, bakanagiriz’ameso gabo, baleke kubona n’ameso, no kuhulira n’amatwi, no kusombokerwa n’omutima, no kuhinduka, ntabakiza#28, 27 Lora Matayo 13, 16.. 28Mbe nimumanye okw’obuchunguzi bunu bwa Mungu bwasagerwe mu mahanga, kai bonene balihulira. 29Ka yafumwere ebyo, Abayahudi nibamurugaho, nibahakanisyanya muno bonene bonka.
30Akamarayo myaka ibili mu nzu eyo yaliga asumbiremo, yayanankuraga bona abatahaga mu nzu ye, 31namanyisya obukama bwa Mungu, nayolekerera eby’Omukama Yezu Kristu n’obwesige bwingi, atakuzibirwa#28, 31 Mu mwaka gwa 67 abatakatifu Petro na Paulo nibetirw’edini nibafwa lunaku lumo. Omutakatifu Petro bakamulega ha musalaba buchuli, omutwe nigulora ifwo ha nsi. Omutakatifu Paulo nibamutem’ebicha n’embanda..
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.