Ebikorwa 26
26
PAULO HA MESO G’AGRIPA. — BATI: NI MUSAZI, KUMARA BATI: TALI NA NTAMBALA.
1Aho Agripa nagambira Paulo ati: Tokuzibirwa kwetonganira iwe omwene. Mbe Paulo nikwo kugorora omukono, natandika kurobya ebyo kwetonganira, ati: 2Kasinge Rugaba Agripa, mu bigambo byona ebyo Abayahudi bakunchulira, nkwesima muno obwo nahicha kwetonganira mu meso gawe lero, 3muno muno obw’okumanya byona, n’entungwa n’ebigambo ebili mu Bayahudi; mbe nicho nkukusabira oyemere kumpuliriza. 4Mbe obulame bwange kuruga ha mwaruko, obwaliga buli mw’ihanga lyange muli Yeruzalemu kuruga ha butandikiro, Abayahudi bona babumanyire; 5bakumanya kuruga kara, raba nibenda kumanyisya, okwo ine nahikize kuzima ebigambo by’obukobe obusingire bw’edini yetu, ndi Mufarizayo. 6Hati nimerere mu lukale kuba nkutegeza emilago ezo Mungu yalagene na batata; 7mu milago ezo nimwo enganda zetu ikumi n’ebili zategezaga kuhika, nibahabudu mu kiro na musana: ha bwo kutegeza okwo nicho nkulegirwa Abayahudi, Rugaba. 8Imwe mukwangibwa ki okwo Mungu akuzokora abafu? 9Ine naliga nayetekatekaga koto okwo ndi no kurwana mani izina lya Yezu Omunazareti. 10Ebyo nibyo nakozire Yeruzalemu, kai nakingira abatakatifu bengi mw’ibohero, obuhicha mbwihire ha bakuru b’abasaserdoti; baitwaga, n’ene nkunzire. 11Nabarananazaga kengi mu masomero gona, nimbasiniriza kuzuma Mungu: kai hona olusaro lwange nilugenda nilukana, nimbanaranaza na mu byaro bigeni. 12Hatyo aho naliga ningenda Damasko, ndi n’obutumwa, nsindikirwe abasaserdoti bakuru, 13Rugaba, mw’ihangwe hagati, mu muhanda nimbona omwanga niguruga mw’igulu, nigukira omwanga gw’izoba, nigunezonga mbazu zona, ine n’abo naliga ndi nabo. 14Mbe ka twagwire ha nsi twena, nimpulira ilaka nilingambira mu lulimi lw’ekiyahudi liti: Sauli, Sauli, okunnaranaliza ki? Kigumire hal’iwe kusibira ihinzyo. 15Ine aho ningira nti: N’iwe ga si, Mukama wange? Omukama nagira ati: N’ine Yezu, owe okunaranaza. 16Mbe imuka, oimereze amaguru gawe; kuba echo nakubonekerera ni kukuta ha mulimo gwo kumanyizya ebyo wabona n’ebyo ndikubonekera, 17ndikuchungula mu bantu na mu mahanga ago nkukutumaho hati 18kuburur’ameso gabo, bahinduke kuruga mu mwirima kusuba ha lumuli, kuruga mu buhicha bwa sitani kuza hali Mungu; babone kukizibwa kw’ebiheno n’omugabo mu batakatifu, ha bwo kwikiriza mul’ine. 19Lama, Rugaba Agripa, nich’echo ntabulire kwikiriza kubonekerwa kwo mw’igulu; 20nawe nkabandiza hali banu ba Damasko, na Yeruzalemu, na mu nsi yona ya Buyahudi, na mu mahanga, kwolekerera batamw’ebiheno, basube hali Mungu, nibakora ebikorwa bihikire byo kwenaranaza. 21Nich’echo Abayahudi bankwatire mw’eklezia, nibahiga kunita. 22Nawe, obwo Mungu yampwezire, nimerere kuhika ha lunaku lwa lero, nimmanyisya abato n’abakuru, ntakugamba kindi, bitali ebyo abalagi bagambire na Musa, bati: Bilibaho: 23okwo Kristu alisasibwa, n’okwo niwe ali wo kutandika kuzoka mu bafu, niwe alimanyisiza ihanga n’abasenzi omwanga.
24Yaliga akifumora ebyo nayetonganira, Festo nabotoka n’ilaka ihango ati: Si wasara, Paulo; obweyegi bwingi bwawe bwakusazya. 25Paulo nasubamo ati: Ine tinkusara, Rugaba Festo olasingire; nawe nkufumora ebikomereze n’ebingene. 26Kuba omukama akubimanya, owe nkufumorera ngumire; nkuchwa nti: tihaliho kigambo ekiserekire hali wenene, kuba si muli byonene tihaliho n’ekimo echakolerwe ha lubazu. 27Si okwikiriza eby’abalagi, Rugaba Agripa? Nkumanya okw’okwikiriza. 28Agripa nagambira Paulo ati: Hasagaho hanoro wakumpere kuba mukristu. 29Onu Paulo ati: Nkusaba hali Mungu hatasaga hanoro na hahango, t’iwe wenka, nawe na bona abahulira lero, babe nk’okwo ine ndi, raba si emiguha zinu. 30Aho omukama naimuka n’omutware na Benerike n’abaliga bekere nabo. 31Ka barugireho, nibagambirana nibagira bati: Tihaliho ech’omuntu onu yakozire ekihikire cho kumwitira hamo kumuboha. 32Agripa nagambira Festo ati: Omuntu onu yakuhikize kusurumurwa, akiba atayambeze Kaizari.
ទើបបានជ្រើសរើសហើយ៖
Ebikorwa 26: KED1946
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.
Ebikorwa 26
26
PAULO HA MESO G’AGRIPA. — BATI: NI MUSAZI, KUMARA BATI: TALI NA NTAMBALA.
1Aho Agripa nagambira Paulo ati: Tokuzibirwa kwetonganira iwe omwene. Mbe Paulo nikwo kugorora omukono, natandika kurobya ebyo kwetonganira, ati: 2Kasinge Rugaba Agripa, mu bigambo byona ebyo Abayahudi bakunchulira, nkwesima muno obwo nahicha kwetonganira mu meso gawe lero, 3muno muno obw’okumanya byona, n’entungwa n’ebigambo ebili mu Bayahudi; mbe nicho nkukusabira oyemere kumpuliriza. 4Mbe obulame bwange kuruga ha mwaruko, obwaliga buli mw’ihanga lyange muli Yeruzalemu kuruga ha butandikiro, Abayahudi bona babumanyire; 5bakumanya kuruga kara, raba nibenda kumanyisya, okwo ine nahikize kuzima ebigambo by’obukobe obusingire bw’edini yetu, ndi Mufarizayo. 6Hati nimerere mu lukale kuba nkutegeza emilago ezo Mungu yalagene na batata; 7mu milago ezo nimwo enganda zetu ikumi n’ebili zategezaga kuhika, nibahabudu mu kiro na musana: ha bwo kutegeza okwo nicho nkulegirwa Abayahudi, Rugaba. 8Imwe mukwangibwa ki okwo Mungu akuzokora abafu? 9Ine naliga nayetekatekaga koto okwo ndi no kurwana mani izina lya Yezu Omunazareti. 10Ebyo nibyo nakozire Yeruzalemu, kai nakingira abatakatifu bengi mw’ibohero, obuhicha mbwihire ha bakuru b’abasaserdoti; baitwaga, n’ene nkunzire. 11Nabarananazaga kengi mu masomero gona, nimbasiniriza kuzuma Mungu: kai hona olusaro lwange nilugenda nilukana, nimbanaranaza na mu byaro bigeni. 12Hatyo aho naliga ningenda Damasko, ndi n’obutumwa, nsindikirwe abasaserdoti bakuru, 13Rugaba, mw’ihangwe hagati, mu muhanda nimbona omwanga niguruga mw’igulu, nigukira omwanga gw’izoba, nigunezonga mbazu zona, ine n’abo naliga ndi nabo. 14Mbe ka twagwire ha nsi twena, nimpulira ilaka nilingambira mu lulimi lw’ekiyahudi liti: Sauli, Sauli, okunnaranaliza ki? Kigumire hal’iwe kusibira ihinzyo. 15Ine aho ningira nti: N’iwe ga si, Mukama wange? Omukama nagira ati: N’ine Yezu, owe okunaranaza. 16Mbe imuka, oimereze amaguru gawe; kuba echo nakubonekerera ni kukuta ha mulimo gwo kumanyizya ebyo wabona n’ebyo ndikubonekera, 17ndikuchungula mu bantu na mu mahanga ago nkukutumaho hati 18kuburur’ameso gabo, bahinduke kuruga mu mwirima kusuba ha lumuli, kuruga mu buhicha bwa sitani kuza hali Mungu; babone kukizibwa kw’ebiheno n’omugabo mu batakatifu, ha bwo kwikiriza mul’ine. 19Lama, Rugaba Agripa, nich’echo ntabulire kwikiriza kubonekerwa kwo mw’igulu; 20nawe nkabandiza hali banu ba Damasko, na Yeruzalemu, na mu nsi yona ya Buyahudi, na mu mahanga, kwolekerera batamw’ebiheno, basube hali Mungu, nibakora ebikorwa bihikire byo kwenaranaza. 21Nich’echo Abayahudi bankwatire mw’eklezia, nibahiga kunita. 22Nawe, obwo Mungu yampwezire, nimerere kuhika ha lunaku lwa lero, nimmanyisya abato n’abakuru, ntakugamba kindi, bitali ebyo abalagi bagambire na Musa, bati: Bilibaho: 23okwo Kristu alisasibwa, n’okwo niwe ali wo kutandika kuzoka mu bafu, niwe alimanyisiza ihanga n’abasenzi omwanga.
24Yaliga akifumora ebyo nayetonganira, Festo nabotoka n’ilaka ihango ati: Si wasara, Paulo; obweyegi bwingi bwawe bwakusazya. 25Paulo nasubamo ati: Ine tinkusara, Rugaba Festo olasingire; nawe nkufumora ebikomereze n’ebingene. 26Kuba omukama akubimanya, owe nkufumorera ngumire; nkuchwa nti: tihaliho kigambo ekiserekire hali wenene, kuba si muli byonene tihaliho n’ekimo echakolerwe ha lubazu. 27Si okwikiriza eby’abalagi, Rugaba Agripa? Nkumanya okw’okwikiriza. 28Agripa nagambira Paulo ati: Hasagaho hanoro wakumpere kuba mukristu. 29Onu Paulo ati: Nkusaba hali Mungu hatasaga hanoro na hahango, t’iwe wenka, nawe na bona abahulira lero, babe nk’okwo ine ndi, raba si emiguha zinu. 30Aho omukama naimuka n’omutware na Benerike n’abaliga bekere nabo. 31Ka barugireho, nibagambirana nibagira bati: Tihaliho ech’omuntu onu yakozire ekihikire cho kumwitira hamo kumuboha. 32Agripa nagambira Festo ati: Omuntu onu yakuhikize kusurumurwa, akiba atayambeze Kaizari.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.