Ebikorwa 21
21
PAULO NAHIKA YERUZALEMU. — NAYANANKURWA ABAHEMBA. — NAKWATIRWA MW’EKLEZIA.
1Mbe ka twasyabere tukatagana nabo, nitugoba Kosi muhanda gumo, kai bwire kucha nituhika Rodo, kuruga okwo nituhika Patara; 2nitusangaho obwato obwayambukaga kuza Fenisiya, nituhanamamo nitusyabara. 3Ka twalolere Sipro, nitugisiga obumoso, nitubuga kuza Siriya, nitugoba Tiro, kuba okwo niyo obwato bwahikurulira empura. 4Tukasangayo abahemba, nitumarayo naku musanzu; nibagambira Paulo mu Mwoyo, aleke kunegera Yeruzalemu. 5Enaku ka zahikire, nitugenda, nibatusendekereza bona n’abakazi n’abana, nibatwambuch’echaro; nitutez’ebizwi ha chambu, nitusoma. 6Mbe ka twamazire kukesyanya, nituhanama mu bwato, bonene nibasuba owabo.
7Itwe ka twasyabere kuruga Tiro, nitugoba Pitolema; nitubwacha batabani betu nitusiba nabo lunaku lumo. 8Bwire kucha nitwerera, nituhika Kaizariya, nituza mu nzu ya Filipo, omwolekerezi w’Evanjeli, ayaliga ali omo wo mu bandi musanzu, nituba bo kwikara owe. 9Yaliga ali n’abana b’obuhara bana babikira, balagikazi. 10Ka twamazireyo naku nke, omulagi omo, izina lye Agabi, naiza kuruga Buyahudi. 11Ka yatuhikireho, natwar’olukoba lwa Paulo, nalwebohya amaguru n’emikono, nagira ati: Mwoyo Mutakatifu yagira ati: Omuntu kana lukoba lunu nikwo Abayahudi balimuboha batyo Yeruzalemu, balimuhereza mu ngaro z’abasenzi. 12Itwe n’abaliga baliho aho, ka twahulire tutyo, nitumulembereza aleke kunegera Yeruzalemu. 13Aho Paulo nasubamo nagira ati: Kubaki kulira no kumpendagur’omutima? Kuba ine tinemere kubohwa kwonka, nawe nemere no kufwera Yeruzalemu ha bw’ezina ly’Omukama Yezu. 14Ka twasingirwe kumuchora, nituchulera, nitugira tuti: Bigirwe eby’Omukama akwenda. 15Enaku ezo ka zarabireho, tukamara kwetegeka, nitunegera Yeruzalemu. 16N’abandi bo mu bahemba nibaruga Kaizariya, nituza nabo, nibatusagara owa Munasoni Omunasipriya, omuhemba wa kara, niyo nituba bo kusumbira.
17Ka twahikire Yeruzalemu, batabani betu nibatwanankura no kusemererwa. 18Bwire kucha Paulo nagenda n’etwe omwa Yakobo, omwo abagurusi bona baliga bekobyenye. 19Ka yamazire kubabwacha, narobeza kimo kimo ebyo Mungu yakozire mu basenzi n’omukono gwe. 20Bonene ka bahulire, nibakuza Mungu, kai nibamugambira bati: Okubona, mwana wetu, okwo bili bihumbi bingi mu Buyahudi abakwikiriza; kai bona bakutaho amani mu Kilagiro. 21Bakakuhulira okw’okwolekerera Abayahudi abali mu mahanga kuruga hali Musa wabo, nobagambira kulekera kusara abana babo, no kulekera kuruba entugwa zabo. 22Mbe kai ni kiha? Nikwo embaga eli no kusumba; kuba balihuliza okwo wezire. 23Mbe nokore ebyo tukukugambira. Tuli n’abantu bana abalahire ekilahiro; 24nobatware, oyeyeze nabo, obakwatire ebintu bahiche kumwa isoke; niho bona bamanye okwo ebyo bahulire hal’iwe bili by’endimi, nawe okwo iwe wena okuhich’Ekilagiro. 25Eby’ abo mu mahanga abakwikiriza, twandikire nitulamula bazire ebikutambirwa ebimungu, n’echamba, n’enyama zo kunigwa, n’eby’obusihani. 26Aho Paulo natwar’abantu abo, nayeyeza nabo bwire kucha, nataha mw’eklezia, namanyisya enaku ezo balayezibwa n’ezo balahereza omuherezo gwa buli muntu.
27Enaku musanzu ka zahikire, Abayahudi abaliga barugire Aziya ka bamubwene mw’eklezia, nibasohereza embaga yona, nibamukwata nibayomba bati: 28Imwe baseza Banaisraeli, mutuzune! Onu niwe omuntu akwolekerera embaga yona hona hona nahakanisya abantu eby’Ekilagiro n’eklezia enu, kandi atahize n’abasenzi mw’eklezia, nahena obuturo bunu butakatifu. 29Kuba baliga babwene mu kikale Trofimo Omunefwezi ali nage, nibachwa bati: Paulo yamutahya mw’eklezia. 30Ekikale chona nikihaha, abantu bona nibasumba lwiruko; nibakwata Paulo nibamuhurucha mw’eklezia, aho honka emilyango nizikingwa. 31Baliga nibayenda kumwita, omukuru wa kohoroti#21, 31 Lora Matayo 27, 27. nahulira okwo Yeruzalemu yona egomire. 32Aho n’aho natwara abasirikale n’abakuru babo, nabahururira. Ka babwene omukuru ogwo ali n’abasirikale, nibalekera kutera Paulo. 33Aho omukuru ogwo nairira hehi namukwata, nalagira kumuboha n’emikufu ibili, mbe nabuza echo ali n’echo yakozire. 34Nawe mu mbaga abandi bayombaga gandi, abandi gandi. Ka yatamibwe eyombo, akabura kusombokerwa, nalagira kumusagara mu mukobo. 35Ka yahikire ha lwego lwa ha mulyango, mbe yabaturwa abasirikale kuber’amani g’abantu. 36Kuba embaga y’abantu yarubaga ha numa, nibayomba bati: Nimumwiheho. 37Paulo ka yayenzire kutahibwa mu mukobo, nagambira omukuru w’abasirikale ati: Nkuhicha kukutengeraho ekigambo? Onu ati: Okumanya ekigereki? 38Iwe toli Omunamisri ogwo ayemukize obugome izwerizweri hanu, nosagara mw’iswa abantu betani bihumbi bina? 39Paulo namugambira ati: Ine ndi Muyahudi, muntu wa Tarsi ya Silisiya, mutuzi w’echaro ekikumanywa kuzima. Nawe nkukulembereza, onfuhe kufumoraho n’abantu. 40Ogwo namusindika, Paulo nayemerera ha lwego, natigisy’abantu n’omukono. Nihabaho kwesiza kuhango, nafumora mu lulimi lw’ekiyahudi, nagira ati:
ទើបបានជ្រើសរើសហើយ៖
Ebikorwa 21: KED1946
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.
Ebikorwa 21
21
PAULO NAHIKA YERUZALEMU. — NAYANANKURWA ABAHEMBA. — NAKWATIRWA MW’EKLEZIA.
1Mbe ka twasyabere tukatagana nabo, nitugoba Kosi muhanda gumo, kai bwire kucha nituhika Rodo, kuruga okwo nituhika Patara; 2nitusangaho obwato obwayambukaga kuza Fenisiya, nituhanamamo nitusyabara. 3Ka twalolere Sipro, nitugisiga obumoso, nitubuga kuza Siriya, nitugoba Tiro, kuba okwo niyo obwato bwahikurulira empura. 4Tukasangayo abahemba, nitumarayo naku musanzu; nibagambira Paulo mu Mwoyo, aleke kunegera Yeruzalemu. 5Enaku ka zahikire, nitugenda, nibatusendekereza bona n’abakazi n’abana, nibatwambuch’echaro; nitutez’ebizwi ha chambu, nitusoma. 6Mbe ka twamazire kukesyanya, nituhanama mu bwato, bonene nibasuba owabo.
7Itwe ka twasyabere kuruga Tiro, nitugoba Pitolema; nitubwacha batabani betu nitusiba nabo lunaku lumo. 8Bwire kucha nitwerera, nituhika Kaizariya, nituza mu nzu ya Filipo, omwolekerezi w’Evanjeli, ayaliga ali omo wo mu bandi musanzu, nituba bo kwikara owe. 9Yaliga ali n’abana b’obuhara bana babikira, balagikazi. 10Ka twamazireyo naku nke, omulagi omo, izina lye Agabi, naiza kuruga Buyahudi. 11Ka yatuhikireho, natwar’olukoba lwa Paulo, nalwebohya amaguru n’emikono, nagira ati: Mwoyo Mutakatifu yagira ati: Omuntu kana lukoba lunu nikwo Abayahudi balimuboha batyo Yeruzalemu, balimuhereza mu ngaro z’abasenzi. 12Itwe n’abaliga baliho aho, ka twahulire tutyo, nitumulembereza aleke kunegera Yeruzalemu. 13Aho Paulo nasubamo nagira ati: Kubaki kulira no kumpendagur’omutima? Kuba ine tinemere kubohwa kwonka, nawe nemere no kufwera Yeruzalemu ha bw’ezina ly’Omukama Yezu. 14Ka twasingirwe kumuchora, nituchulera, nitugira tuti: Bigirwe eby’Omukama akwenda. 15Enaku ezo ka zarabireho, tukamara kwetegeka, nitunegera Yeruzalemu. 16N’abandi bo mu bahemba nibaruga Kaizariya, nituza nabo, nibatusagara owa Munasoni Omunasipriya, omuhemba wa kara, niyo nituba bo kusumbira.
17Ka twahikire Yeruzalemu, batabani betu nibatwanankura no kusemererwa. 18Bwire kucha Paulo nagenda n’etwe omwa Yakobo, omwo abagurusi bona baliga bekobyenye. 19Ka yamazire kubabwacha, narobeza kimo kimo ebyo Mungu yakozire mu basenzi n’omukono gwe. 20Bonene ka bahulire, nibakuza Mungu, kai nibamugambira bati: Okubona, mwana wetu, okwo bili bihumbi bingi mu Buyahudi abakwikiriza; kai bona bakutaho amani mu Kilagiro. 21Bakakuhulira okw’okwolekerera Abayahudi abali mu mahanga kuruga hali Musa wabo, nobagambira kulekera kusara abana babo, no kulekera kuruba entugwa zabo. 22Mbe kai ni kiha? Nikwo embaga eli no kusumba; kuba balihuliza okwo wezire. 23Mbe nokore ebyo tukukugambira. Tuli n’abantu bana abalahire ekilahiro; 24nobatware, oyeyeze nabo, obakwatire ebintu bahiche kumwa isoke; niho bona bamanye okwo ebyo bahulire hal’iwe bili by’endimi, nawe okwo iwe wena okuhich’Ekilagiro. 25Eby’ abo mu mahanga abakwikiriza, twandikire nitulamula bazire ebikutambirwa ebimungu, n’echamba, n’enyama zo kunigwa, n’eby’obusihani. 26Aho Paulo natwar’abantu abo, nayeyeza nabo bwire kucha, nataha mw’eklezia, namanyisya enaku ezo balayezibwa n’ezo balahereza omuherezo gwa buli muntu.
27Enaku musanzu ka zahikire, Abayahudi abaliga barugire Aziya ka bamubwene mw’eklezia, nibasohereza embaga yona, nibamukwata nibayomba bati: 28Imwe baseza Banaisraeli, mutuzune! Onu niwe omuntu akwolekerera embaga yona hona hona nahakanisya abantu eby’Ekilagiro n’eklezia enu, kandi atahize n’abasenzi mw’eklezia, nahena obuturo bunu butakatifu. 29Kuba baliga babwene mu kikale Trofimo Omunefwezi ali nage, nibachwa bati: Paulo yamutahya mw’eklezia. 30Ekikale chona nikihaha, abantu bona nibasumba lwiruko; nibakwata Paulo nibamuhurucha mw’eklezia, aho honka emilyango nizikingwa. 31Baliga nibayenda kumwita, omukuru wa kohoroti#21, 31 Lora Matayo 27, 27. nahulira okwo Yeruzalemu yona egomire. 32Aho n’aho natwara abasirikale n’abakuru babo, nabahururira. Ka babwene omukuru ogwo ali n’abasirikale, nibalekera kutera Paulo. 33Aho omukuru ogwo nairira hehi namukwata, nalagira kumuboha n’emikufu ibili, mbe nabuza echo ali n’echo yakozire. 34Nawe mu mbaga abandi bayombaga gandi, abandi gandi. Ka yatamibwe eyombo, akabura kusombokerwa, nalagira kumusagara mu mukobo. 35Ka yahikire ha lwego lwa ha mulyango, mbe yabaturwa abasirikale kuber’amani g’abantu. 36Kuba embaga y’abantu yarubaga ha numa, nibayomba bati: Nimumwiheho. 37Paulo ka yayenzire kutahibwa mu mukobo, nagambira omukuru w’abasirikale ati: Nkuhicha kukutengeraho ekigambo? Onu ati: Okumanya ekigereki? 38Iwe toli Omunamisri ogwo ayemukize obugome izwerizweri hanu, nosagara mw’iswa abantu betani bihumbi bina? 39Paulo namugambira ati: Ine ndi Muyahudi, muntu wa Tarsi ya Silisiya, mutuzi w’echaro ekikumanywa kuzima. Nawe nkukulembereza, onfuhe kufumoraho n’abantu. 40Ogwo namusindika, Paulo nayemerera ha lwego, natigisy’abantu n’omukono. Nihabaho kwesiza kuhango, nafumora mu lulimi lw’ekiyahudi, nagira ati:
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.