Ebikorwa 22
22
PAULO NAROBYA AKAHINDUKIRE KE N’OBUTUMWA BWE.
1Imwe bana betu, kunu batata, muhulire hati ebyo nkwetonda hal’imwe. 2Ka bahulire nabafumorera olulimi lw’ekiyahudi, nibayongera kwesiza. 3Nagira ati: Ine ndi muntu Muyahudi, nkazalirwa Tarsi ya Silisiya, ninkulira mu charo munu, nkayolekererwa mu maguru ga Gamalyeli ebikomereze by’Ekilagiro cha batata, nkata amani ha Kilagiro, nk’okwo imwe muli lero mwena; 4nkanaranaza abantu b’omuhanda gunu#22, 4 Nibo abantu abarubaga edini ya Yezu Kristu. kuhika ha lufu, nkaboha ninsagara mw’ibohero abaseza n’abakazi, 5nk’okwo nkumanyisibwa omusaserdoti mukuru n’abagurusi bona, abampere ebaruwa ha batabani betu ba Damasko, kuza kwenda abaliga baliyo no kubaleta Yeruzalemu babohire, banaranazibwe. 6Mbe aho naliga nkigenda, nahikire hehi na Damasko mw’ihangwe, aho omwanga mwingi niguruga mw’igulu nigunezonga; 7ningwa ha nsi, nimpulira ilaka nilingambira liti: Sauli, Sauli, okunnaranaliza ki? 8Ine ninsubamo nti: N’iwe ga, Mukama wange? Nangambira ati: N’ine Yezu Omunazareti, owe okunaranaza. 9Abo naliga ndi nabo bakabona omwanga, nawe ilaka ly’ayafumoraga n’ene tibalihulire. 10Ningira nti: Nkore ki, Mukama wange? Omukama nangambira ati: Imuka, ogende Damasko; okwo niyo balakugambira byona eby’oli no kukola. 11Obw’omwanga gw’olumuli olwo gwaliga gumpumize, abezasu nibankwata omukono, nimpika Damasko. 12Omuntu ogwo Ananiya, ayahichaga Ekilagiro, akumukire mu Bayahudi bona abaliga batwireyo, 13nanizaho, nayemerera nangambira ati: Sauli, mwana wetu, lora. Mu katungu ako nimmubona. 14Wenene nagira ati: Mungu wa batata niwe akusozire, omanye ebyo akwenda, obone Omutakatifu, kandi ohulire ilaka elikuruga mu kanwa ke: 15kuba oliba mu bantu embona ye y’ebyo wabwene n’ebyo wahulire. 16Kai hati werizibwa ki? Imuka, obatizibwe, onabye ebiheno byawe notenge izina lye.
17Mbe aho naliga nasubire Yeruzalemu ninsoma mw’eklezia, itima nilikuka, 18nimmubona nangambira ati: Yanguha, ruga Yeruzalemu bwangu, kuba tibakwikiriza eby’olabagambira hal’ine. 19Ine ningira nti: Mukama wange, bonene bakumanya okwo nabataga mw’ibohero nimbatereza mu masomero, abaliga nibakwikiriza; 20n’okwo ensagama ya Stefano, embona yawe, yaseseka ndiho, ninkunda, nindinda emyenda z’abesi be. 21Nangambira ati: Genda, kuba ine nkwiza kukutuma mu mahanga hara.
22Baliga nibamuhuliriza kuhika ha kigambo echo, nawe aho nibayerez’amalaka gabo nibagira bati: Omuntu atyo nimumwihe mu nsi, kuba tahikire kulama. 23Mbe ka bayombire, no kunag’emyenda zabo no kutuntumur’enkungu oluguru, 24omukuru w’abasirikale nalagira kumusagara mu mukobo no kumutez’ensanzu no kumunaranaza, niho amanye echo bamuyombereraga batyo. 25Ka bamazire kumuboha n’enkoba, Paulo nagambira omukuru w’abasirikale igana ayaliga aliho ati: Si timukuzibirwa kutez’amasanzu omuntu Munaroma, kai kunu atakalamwirwe? 26Omukuru w’abasirikale igana ka yahulire atyo, nagenda ha mukuru wabo, namutengera nagira ati: Okwenda kugira ota? kuba ogu ni muntu Munaroma. 27Omukuru ogwo nairira hehi nagira ati: Raba oli Munaroma, nongambire? Wenene nagira ati: Yee. 28Omukuru ogwo nasubamo ati: Ine obunaroma obwo nkabubonesibwa kukwata ebintu bingi. Paulo nagira ati: Ine ndi nabwo mu buzarwa. 29Mbe aho abaliga nibamunaranaza nibamurugaho; omukuru wabo wena natina, ka yamanyire okwo ali Munaroma, obwo yaliga amubohire. 30Bwire kucha akayenda kumanya kuzimazima echo Abayahudi baliga bamuzunanisize, namusurumura; nalagira abasaserdoti n’abalamuzi bona kusumba, naleta Paulo, namwemereza hagati yabo.
ទើបបានជ្រើសរើសហើយ៖
Ebikorwa 22: KED1946
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.
Ebikorwa 22
22
PAULO NAROBYA AKAHINDUKIRE KE N’OBUTUMWA BWE.
1Imwe bana betu, kunu batata, muhulire hati ebyo nkwetonda hal’imwe. 2Ka bahulire nabafumorera olulimi lw’ekiyahudi, nibayongera kwesiza. 3Nagira ati: Ine ndi muntu Muyahudi, nkazalirwa Tarsi ya Silisiya, ninkulira mu charo munu, nkayolekererwa mu maguru ga Gamalyeli ebikomereze by’Ekilagiro cha batata, nkata amani ha Kilagiro, nk’okwo imwe muli lero mwena; 4nkanaranaza abantu b’omuhanda gunu#22, 4 Nibo abantu abarubaga edini ya Yezu Kristu. kuhika ha lufu, nkaboha ninsagara mw’ibohero abaseza n’abakazi, 5nk’okwo nkumanyisibwa omusaserdoti mukuru n’abagurusi bona, abampere ebaruwa ha batabani betu ba Damasko, kuza kwenda abaliga baliyo no kubaleta Yeruzalemu babohire, banaranazibwe. 6Mbe aho naliga nkigenda, nahikire hehi na Damasko mw’ihangwe, aho omwanga mwingi niguruga mw’igulu nigunezonga; 7ningwa ha nsi, nimpulira ilaka nilingambira liti: Sauli, Sauli, okunnaranaliza ki? 8Ine ninsubamo nti: N’iwe ga, Mukama wange? Nangambira ati: N’ine Yezu Omunazareti, owe okunaranaza. 9Abo naliga ndi nabo bakabona omwanga, nawe ilaka ly’ayafumoraga n’ene tibalihulire. 10Ningira nti: Nkore ki, Mukama wange? Omukama nangambira ati: Imuka, ogende Damasko; okwo niyo balakugambira byona eby’oli no kukola. 11Obw’omwanga gw’olumuli olwo gwaliga gumpumize, abezasu nibankwata omukono, nimpika Damasko. 12Omuntu ogwo Ananiya, ayahichaga Ekilagiro, akumukire mu Bayahudi bona abaliga batwireyo, 13nanizaho, nayemerera nangambira ati: Sauli, mwana wetu, lora. Mu katungu ako nimmubona. 14Wenene nagira ati: Mungu wa batata niwe akusozire, omanye ebyo akwenda, obone Omutakatifu, kandi ohulire ilaka elikuruga mu kanwa ke: 15kuba oliba mu bantu embona ye y’ebyo wabwene n’ebyo wahulire. 16Kai hati werizibwa ki? Imuka, obatizibwe, onabye ebiheno byawe notenge izina lye.
17Mbe aho naliga nasubire Yeruzalemu ninsoma mw’eklezia, itima nilikuka, 18nimmubona nangambira ati: Yanguha, ruga Yeruzalemu bwangu, kuba tibakwikiriza eby’olabagambira hal’ine. 19Ine ningira nti: Mukama wange, bonene bakumanya okwo nabataga mw’ibohero nimbatereza mu masomero, abaliga nibakwikiriza; 20n’okwo ensagama ya Stefano, embona yawe, yaseseka ndiho, ninkunda, nindinda emyenda z’abesi be. 21Nangambira ati: Genda, kuba ine nkwiza kukutuma mu mahanga hara.
22Baliga nibamuhuliriza kuhika ha kigambo echo, nawe aho nibayerez’amalaka gabo nibagira bati: Omuntu atyo nimumwihe mu nsi, kuba tahikire kulama. 23Mbe ka bayombire, no kunag’emyenda zabo no kutuntumur’enkungu oluguru, 24omukuru w’abasirikale nalagira kumusagara mu mukobo no kumutez’ensanzu no kumunaranaza, niho amanye echo bamuyombereraga batyo. 25Ka bamazire kumuboha n’enkoba, Paulo nagambira omukuru w’abasirikale igana ayaliga aliho ati: Si timukuzibirwa kutez’amasanzu omuntu Munaroma, kai kunu atakalamwirwe? 26Omukuru w’abasirikale igana ka yahulire atyo, nagenda ha mukuru wabo, namutengera nagira ati: Okwenda kugira ota? kuba ogu ni muntu Munaroma. 27Omukuru ogwo nairira hehi nagira ati: Raba oli Munaroma, nongambire? Wenene nagira ati: Yee. 28Omukuru ogwo nasubamo ati: Ine obunaroma obwo nkabubonesibwa kukwata ebintu bingi. Paulo nagira ati: Ine ndi nabwo mu buzarwa. 29Mbe aho abaliga nibamunaranaza nibamurugaho; omukuru wabo wena natina, ka yamanyire okwo ali Munaroma, obwo yaliga amubohire. 30Bwire kucha akayenda kumanya kuzimazima echo Abayahudi baliga bamuzunanisize, namusurumura; nalagira abasaserdoti n’abalamuzi bona kusumba, naleta Paulo, namwemereza hagati yabo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.