Ebikorwa 20
20
PAULO ALI BUGEREKI NA MASEDONIYA. — NAZORA ETIKO. — NAGENDA MILETO.
1Eyombo ka yachulere, Paulo nayeta abahemba nabahaniriza, kandi nabakesya, naimuch’olugendo lwo kuza Masedoniya. 2Ka yazongorwere mu mbazu ezo no kubahaniriza n’ebigambo bingi, nahika Bugereki; 3okwo, ka yamazireyo mezi asatu, nayenda kusyabara kuza Siriya, Abayahudi nibamutega, nayetegeka kuraba Masedoniya mu kasubire. 4Nagenda na Sopatero, mwende Piro Omunaberoya, n’Aristarko na Sekundo, Abanatesalonika, na Gayo Omunaderbe, na Timote, kandi na Tisiko na Trofimo, Abanaziya. 5Abo ka bebemberere, nibatulindira Troya.
6Enaku z’omukate gutatumbisize ka zahwereho, nitusyabara kuruga Filipi, nitwiza Troya hali bonene mu naku itanu, nitumarayo naku musanzu. 7Olunaku lwo kutandika lw’obwoyo twaliga tusumbire nitwenda kuhinzul’omukate#20, 7 Lora Matayo 28, 1., Paulo, ayayendaga kwimuch’olugendo bwire kucha, nafumora n’abahemba, nagendezaho ebigambo bye kuhika mu kiro mw’itumbi. 8Mu kano k’enzu omwo twaliga tusumbire, haliga halimo emuli ningi. 9Omusigazi ogwo, izina lye Etiko, yaliga aikere ha kalorero, Paulo ka yalehize muno ebigambo, ogwo nanagira muno, entiro ka zamukubire, nagwa ha nsi kuruga mu kano ka kasatu, nibamwimucha afwire. 10Paulo ka yahanantukire kumuzaho, namwinamira; namufumbatira, nagira ati: Muleke kubihirirwa, kuba omwoyo gwe gumulimo. 11Nanegera oluguru, nahinzul’omukate nalya, nasuba kufumora bingi kuhika obwire nibucha, niho nagenda. 12Nibaleta omusigazi ogwo nalora, nibahumuzibwa muno.
13Itwe nituhanama mu bwato nitusyabara kugenda Asoni, niyo twayendaga kwanankulira Paulo; kuba wenene nikwo yaliga alagire atyo nayenda kulibata maguru. 14Ka yatusangire Asoni, kumara kumwanankura, nituza Mitilene. 15Okwo nitusyabara, bwire kucha nituhika olubazu lwa Kiyo; olunaku lwa kabili nituza Samo, kai ka bwachere, nituhika Mileto. 16Paulo wenene yaliga ayetegekire kuraba Efwezi atagobire, aleke kwirirwa Aziya; kuba yayanguhirizaga, nk’okwo alahicha, akolere olunaku lwa Pentekoste Yeruzalemu.
17Kuruga Mileto natuma omuntu Efwezi kweta abakuru b’Eklezia. 18Ka bamuhikireho bakasumba, nabagambira ati: Imwe mukumanya kuruga olunaku lwo kutandika olwo naizire Aziya, okwo naliga ndi n’emwe naku zona, 19ninkolera Omukama n’obwekehya bwingi n’amaziga no kurozibwa, okwo naleterwe enkeruko y’Abayahudi; 20nk’okwo ntabaserekire kintu ekisasire, nkabagambira nimbolekererera ha bweru na mu maka, 21nkamanyisya Abayahudi n’abasenzi, batamwe hali Mungu, bekirize Omukama wetu Yezu Kristu. 22Lora, hati mbohirwe Omwoyo kugenda Yeruzalemu, ntakumanya ebilangweraho; 23raba si Mwoyo Mutakatifu kummanyisya buli charo nagamba okw’emiguha n’ebinaranazo bindindilire Yeruzalemu. 24Nawe tinkutinaho ebyo, kai hona obulame bwange tinkubusima kukira ine, kihango mmare olugendo lwange n’obutumwa bw’ekigambo obwo naherwe Omukama Yezu bwo kumanyisya Evanjeli y’enema ya Mungu.
25Mbe hati namanya okwo imwe mwena mutalisuba kubona obusyo bwange, imwe abo narabire owanu ninolekerera obukama bwa Mungu. 26Nicho nkubamanyisiza mwena ha lunaku lwa lero okwo ine ndi mwera ha nsagama ya bona. 27Kuba tinalekire kubagambira byona ebyategekirwe Mungu. 28Mwemanye imwe, mumanye n’embaga yona eyo Mwoyo Mutakatifu yabatereho kuba bepiskopi bo kugerera Eklezia ya Mungu, eyo yebonere n’ensagama ye. 29Ine nkumanya okwo, ine ka ndiba narugireho, emisege miruruhe zilibezira, zitakusasira ekihyo; 30kai mul’imwe mwenka halirugamo abantu abalitenga ebitarongire, bakongye abahemba bo kubaruba. 31Nich’echo muli no kulekera kunagira, nimwizuka okwo mu myaka isatu, musana na mu kiro, nkahabura buli muntu mul’ imwe, nindiliraho ntakwosa. 32Hati nabahereza hali Mungu na ha kigambo ch’enema ye, wenene akuhicha kubombekera no kubaha ekihunguro hamo n’abatakatifuzibwe bona. 33Tinayegongire efweza hamo ezahabu hamo luhu lwa muntu, nk’okwo 34n’emwe mukumanya; kuba emikono zinu zikaleta ebyaliga bisasire hal’ine na hali banu abaliga bali n’ene. 35Nkaboleka muli byona okwo, mukikola mutyo, muli no kuhwera abanogire no kwizuka ekigambo ch’Omukama Yezu, echo yagambire ati: Kuha kulimo mugisa kukira kuhabwa.
36Ka yamazire kugamba ebyo, natez’ebizwi nasoma nabo bona. 37Bona nibalira muno, nibagwa mu bicha bya Paulo nibamunwegera, 38nibabihirizibwa ekigambo echo yaliga abagambire, okwo batalisuba kubona obusyo bwe. Nibamusendekereza kuhika ha bwato.
ទើបបានជ្រើសរើសហើយ៖
Ebikorwa 20: KED1946
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.
Ebikorwa 20
20
PAULO ALI BUGEREKI NA MASEDONIYA. — NAZORA ETIKO. — NAGENDA MILETO.
1Eyombo ka yachulere, Paulo nayeta abahemba nabahaniriza, kandi nabakesya, naimuch’olugendo lwo kuza Masedoniya. 2Ka yazongorwere mu mbazu ezo no kubahaniriza n’ebigambo bingi, nahika Bugereki; 3okwo, ka yamazireyo mezi asatu, nayenda kusyabara kuza Siriya, Abayahudi nibamutega, nayetegeka kuraba Masedoniya mu kasubire. 4Nagenda na Sopatero, mwende Piro Omunaberoya, n’Aristarko na Sekundo, Abanatesalonika, na Gayo Omunaderbe, na Timote, kandi na Tisiko na Trofimo, Abanaziya. 5Abo ka bebemberere, nibatulindira Troya.
6Enaku z’omukate gutatumbisize ka zahwereho, nitusyabara kuruga Filipi, nitwiza Troya hali bonene mu naku itanu, nitumarayo naku musanzu. 7Olunaku lwo kutandika lw’obwoyo twaliga tusumbire nitwenda kuhinzul’omukate#20, 7 Lora Matayo 28, 1., Paulo, ayayendaga kwimuch’olugendo bwire kucha, nafumora n’abahemba, nagendezaho ebigambo bye kuhika mu kiro mw’itumbi. 8Mu kano k’enzu omwo twaliga tusumbire, haliga halimo emuli ningi. 9Omusigazi ogwo, izina lye Etiko, yaliga aikere ha kalorero, Paulo ka yalehize muno ebigambo, ogwo nanagira muno, entiro ka zamukubire, nagwa ha nsi kuruga mu kano ka kasatu, nibamwimucha afwire. 10Paulo ka yahanantukire kumuzaho, namwinamira; namufumbatira, nagira ati: Muleke kubihirirwa, kuba omwoyo gwe gumulimo. 11Nanegera oluguru, nahinzul’omukate nalya, nasuba kufumora bingi kuhika obwire nibucha, niho nagenda. 12Nibaleta omusigazi ogwo nalora, nibahumuzibwa muno.
13Itwe nituhanama mu bwato nitusyabara kugenda Asoni, niyo twayendaga kwanankulira Paulo; kuba wenene nikwo yaliga alagire atyo nayenda kulibata maguru. 14Ka yatusangire Asoni, kumara kumwanankura, nituza Mitilene. 15Okwo nitusyabara, bwire kucha nituhika olubazu lwa Kiyo; olunaku lwa kabili nituza Samo, kai ka bwachere, nituhika Mileto. 16Paulo wenene yaliga ayetegekire kuraba Efwezi atagobire, aleke kwirirwa Aziya; kuba yayanguhirizaga, nk’okwo alahicha, akolere olunaku lwa Pentekoste Yeruzalemu.
17Kuruga Mileto natuma omuntu Efwezi kweta abakuru b’Eklezia. 18Ka bamuhikireho bakasumba, nabagambira ati: Imwe mukumanya kuruga olunaku lwo kutandika olwo naizire Aziya, okwo naliga ndi n’emwe naku zona, 19ninkolera Omukama n’obwekehya bwingi n’amaziga no kurozibwa, okwo naleterwe enkeruko y’Abayahudi; 20nk’okwo ntabaserekire kintu ekisasire, nkabagambira nimbolekererera ha bweru na mu maka, 21nkamanyisya Abayahudi n’abasenzi, batamwe hali Mungu, bekirize Omukama wetu Yezu Kristu. 22Lora, hati mbohirwe Omwoyo kugenda Yeruzalemu, ntakumanya ebilangweraho; 23raba si Mwoyo Mutakatifu kummanyisya buli charo nagamba okw’emiguha n’ebinaranazo bindindilire Yeruzalemu. 24Nawe tinkutinaho ebyo, kai hona obulame bwange tinkubusima kukira ine, kihango mmare olugendo lwange n’obutumwa bw’ekigambo obwo naherwe Omukama Yezu bwo kumanyisya Evanjeli y’enema ya Mungu.
25Mbe hati namanya okwo imwe mwena mutalisuba kubona obusyo bwange, imwe abo narabire owanu ninolekerera obukama bwa Mungu. 26Nicho nkubamanyisiza mwena ha lunaku lwa lero okwo ine ndi mwera ha nsagama ya bona. 27Kuba tinalekire kubagambira byona ebyategekirwe Mungu. 28Mwemanye imwe, mumanye n’embaga yona eyo Mwoyo Mutakatifu yabatereho kuba bepiskopi bo kugerera Eklezia ya Mungu, eyo yebonere n’ensagama ye. 29Ine nkumanya okwo, ine ka ndiba narugireho, emisege miruruhe zilibezira, zitakusasira ekihyo; 30kai mul’imwe mwenka halirugamo abantu abalitenga ebitarongire, bakongye abahemba bo kubaruba. 31Nich’echo muli no kulekera kunagira, nimwizuka okwo mu myaka isatu, musana na mu kiro, nkahabura buli muntu mul’ imwe, nindiliraho ntakwosa. 32Hati nabahereza hali Mungu na ha kigambo ch’enema ye, wenene akuhicha kubombekera no kubaha ekihunguro hamo n’abatakatifuzibwe bona. 33Tinayegongire efweza hamo ezahabu hamo luhu lwa muntu, nk’okwo 34n’emwe mukumanya; kuba emikono zinu zikaleta ebyaliga bisasire hal’ine na hali banu abaliga bali n’ene. 35Nkaboleka muli byona okwo, mukikola mutyo, muli no kuhwera abanogire no kwizuka ekigambo ch’Omukama Yezu, echo yagambire ati: Kuha kulimo mugisa kukira kuhabwa.
36Ka yamazire kugamba ebyo, natez’ebizwi nasoma nabo bona. 37Bona nibalira muno, nibagwa mu bicha bya Paulo nibamunwegera, 38nibabihirizibwa ekigambo echo yaliga abagambire, okwo batalisuba kubona obusyo bwe. Nibamusendekereza kuhika ha bwato.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.