Ebikorwa 19
19
OLUGENDO LWA KASATU LWA PAULO. — PAULO NAYOLEKERERA MYAKA IBILI EFWEZI.
1Mbe aho Apolo yaliga ali Korinti, Paulo ka yarabire mu nsi z’oluguru, nahika Efwezi, nasangayo abahemba bandi. 2Nabagambira ati: Si, ka mwekirize, mukahabwa Mwoyo Mutakatifu? Bonene nibamugambira bati: Itwe titwahulire okw’aliho Mwoyo Mutakatifu, hona pai. 3Kandi wenene ati: Mukabatizibwa batisimu ki? Bonene bati: Batisimu ya Yohana. 4Paulo nagira ati: Yohana akabatiza batisimu yo kutamwa, nabagambira bekirize aliza ha numa ye, niwe Yezu. 5Ka bahulire ebyo, nibabatizibwa mw’izina ly’Omukama Yezu. 6Paulo ka yabatereho emikono, Mwoyo Mutakatifu nabezaho, nibafumora endimi zindi, nibalaga eby’ obusyo. 7Bona hamo baliga bali kuti baseza ikumi na babili.
8Mbe nataha mw’isomero, nafumora mezi asatu, atakutina, nayolekerera namanyisya obukama bwa Mungu. 9Nawe abandi ka bagumire bakabura kwikiriza nibagaya omuhanda gw’Omukama mu meso g’abantu, nabarugamo, nasororamo abahemba, nayolekerera buli lunaku mw’isomero lya Tirani ogwo. 10Ebyo bikamara myaka ibili, nibatamwa abaliga batwire Aziya bona nibahulira ekigambo ch’Omukama, buli Bayahudi n’abasenzi.
11Mungu akakola amahano gatamize n’omukono gwa Paulo; 12abarwere baleterwaga ebitambala n’enkoba bya ha ngingo ze, endwara nizibarugaho, emyoyo mibi nizihuruka. 13N’abandi bo mu Bayahudi bayengezi abalahiliraga amasitani, nibaroza kugambira izina ly’Omukama Yezu abaliga bali n’emyoyo mibi, nibagira bati: Nabalahirira Yezu, owe Paulo akwolekerera. 14Baliga bali bana musanzu b’Omuyahudi ogwo Seva, omusaserdoti mukuru, nibo bagizire batyo. 15Nawe omwoyo gw’obuyaga nigusubamo nigubagambira guti: Yezu nkumumanya, na Paulo nkumumanya: nawe imwe muli baha? 16Omuntu ayaliga ali na sitani ibi muno nabachumira nasingaho babili, nabarwana atyo, nibatamwa nibahuruka mu nzu omwo bali busa, kai bahutere.
17Ekigambo echo nikimanywa Abayahudi bona n’abasenzi abaliga batwire Efwezi; abo bona nibakwatw’obutini, kai izina ly’Omukama Yezu nilikuzibwa. 18Bengi bo mu baliga bekirize bakeza kwikiriza no kugamba ebikorwa byabo. 19Bengi abaliga bali bafumu nibaleta ebitabo byabo nibabyocha, bona basumbire; nibabara obuguzi bwabyo, nibasanga efweza z’edenari bihumbi makumi atanu#19, 19 Ni kuti shilingi bihumbi makumi atanu.. 20Nicho ekigambo cha Mungu chakuzire mani kityo, kandi nikiguma.
EFWEZI NEGOMERA PAULO. — OMWANDIKI NAHUMUZA EMBAGA.
21Ebyo ka byahwere, Paulo nayetegeka mu Mwoyo kuraba Masedoniya n’Akaya kugenda Yeruzalemu, nagira ati: Ka ndiba nahikire kuliya, ndi no kuza kusura Roma. 22Mbe natumaho babili bo mu bahemba be, Timote n’Erasto, kuza Masedoniya, wenene nasigara Aziya mwanya muke. 23Nawe obugome, obwabereho ha bw’omuhanda gw’Omukama, mu naku ezo bwaliga butali buke. 24Kuba omuntu ogwo, izina lye Demetri, omuhesi w’efweza, yagiraga obuzu bw’efweza bw’ekimungukazi Diana, nanibira abakozi b’emilimo ebintu bingi. 25Nabasoroza n’abaliga bali b’omwoga gutyo, nagira ati: Baseza mwe, mukumanya okwo mu bubuya bunu nimwo tukwihiramo ebitutungire; 26kandi mukwehulirira nimwebonera, kai ti kunu honka Efwezi, nawe n’Aziya kihwa yona, okwo Paulo onu akukongya embaga ningi nagihindura, nagira ati: Tihaliyo bamungu abakukorwa emikono z’abantu. 27Ti mulimo gwetu gwonka ogukwiza kufwa, nawe n’isomero ly’omukurukazi Diana lyona elililenganisibwa busa chonka, kandi n’ikuzo lye lilitandika kuhwaho, owe Aziya yona ekuhabudu, n’ensi yona. 28Ka bahulire ebyo, nibafunzibwa ebiniga, nibayoma nibagira bati: Mukuru ni Diana w’Abanefwezi! 29Echaro nikizura eyombo; nibachuma mutima gumo nibaza mu teatro#19, 29 “Teatro” ni hantu aho abantu basumbiraga kutegeka hamo kulora obuzano., Gayo n’Aristarko Abanamasedoniya, abezabo Paulo, nibakwatwa. 30Paulo yayendaga kwesyaka mu bantu, abahemba nibamwangira. 31Kai abandi bo mu bakuru b’Aziya, abaliga bali banwani be, nibatuma abantu hali wenene nibamulembereza, aleke kwesagara mu teatro. 32Abandi nibayomba gandi, abandi gandi, kuba embaga yaliga eli tobangu, banamwingi tibamanyaga echo baliga basumbirire. 33Nibeha Alekisandri mu mbaga, Abayahudi nibamusindikira obusyo; Alekisandri nabatigisya n’omukono, besize, yayendaga kusomborera abantu. 34Ka bamanyire okw’ali Muyahudi, amalaka ga bona nigagambira hamo kuti saha ibili, nibayomba bati: Mukuru ni Diana w’Abanefwezi!
35Omwandiki wo mu charo ka yamazire kuhumuz’embaga, nagira ati: Baseza mwe, Banefwezi, mu bantu atakumanya ni ga okw’echaro ch’Abanefwezi kikuhabudu omukurukazi Diana, muhara wa Yovi? 36Mbe, obwo ebyo bitakuhakanwa, muli no kuchulera no kukola buli kintu chesagazi. 37Kuba mwaleta abantu banu chonka batahenire, kandi batazumire ekimungukazi chanu. 38Mbe Demetri n’ababuya abo ali nabo, raba bali n’ekigambo n’omuntu wena wena, entongana ziliho, n’abalamuzi baliho: nibachulirane. 39Raba muli n’ensonga z’ekigambo kindi, hona kikuhicha kulamurwa mu mukobo gwingene. 40Kuba tuli mu ntambala yo kulegwa obugome kubera ebya lero, obwo tutali n’ensonga zihikire zo kusombora obusumbi bunu. Ka yamazire kugamba ebyo, nasindika embaga kugenda.
ទើបបានជ្រើសរើសហើយ៖
Ebikorwa 19: KED1946
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.
Ebikorwa 19
19
OLUGENDO LWA KASATU LWA PAULO. — PAULO NAYOLEKERERA MYAKA IBILI EFWEZI.
1Mbe aho Apolo yaliga ali Korinti, Paulo ka yarabire mu nsi z’oluguru, nahika Efwezi, nasangayo abahemba bandi. 2Nabagambira ati: Si, ka mwekirize, mukahabwa Mwoyo Mutakatifu? Bonene nibamugambira bati: Itwe titwahulire okw’aliho Mwoyo Mutakatifu, hona pai. 3Kandi wenene ati: Mukabatizibwa batisimu ki? Bonene bati: Batisimu ya Yohana. 4Paulo nagira ati: Yohana akabatiza batisimu yo kutamwa, nabagambira bekirize aliza ha numa ye, niwe Yezu. 5Ka bahulire ebyo, nibabatizibwa mw’izina ly’Omukama Yezu. 6Paulo ka yabatereho emikono, Mwoyo Mutakatifu nabezaho, nibafumora endimi zindi, nibalaga eby’ obusyo. 7Bona hamo baliga bali kuti baseza ikumi na babili.
8Mbe nataha mw’isomero, nafumora mezi asatu, atakutina, nayolekerera namanyisya obukama bwa Mungu. 9Nawe abandi ka bagumire bakabura kwikiriza nibagaya omuhanda gw’Omukama mu meso g’abantu, nabarugamo, nasororamo abahemba, nayolekerera buli lunaku mw’isomero lya Tirani ogwo. 10Ebyo bikamara myaka ibili, nibatamwa abaliga batwire Aziya bona nibahulira ekigambo ch’Omukama, buli Bayahudi n’abasenzi.
11Mungu akakola amahano gatamize n’omukono gwa Paulo; 12abarwere baleterwaga ebitambala n’enkoba bya ha ngingo ze, endwara nizibarugaho, emyoyo mibi nizihuruka. 13N’abandi bo mu Bayahudi bayengezi abalahiliraga amasitani, nibaroza kugambira izina ly’Omukama Yezu abaliga bali n’emyoyo mibi, nibagira bati: Nabalahirira Yezu, owe Paulo akwolekerera. 14Baliga bali bana musanzu b’Omuyahudi ogwo Seva, omusaserdoti mukuru, nibo bagizire batyo. 15Nawe omwoyo gw’obuyaga nigusubamo nigubagambira guti: Yezu nkumumanya, na Paulo nkumumanya: nawe imwe muli baha? 16Omuntu ayaliga ali na sitani ibi muno nabachumira nasingaho babili, nabarwana atyo, nibatamwa nibahuruka mu nzu omwo bali busa, kai bahutere.
17Ekigambo echo nikimanywa Abayahudi bona n’abasenzi abaliga batwire Efwezi; abo bona nibakwatw’obutini, kai izina ly’Omukama Yezu nilikuzibwa. 18Bengi bo mu baliga bekirize bakeza kwikiriza no kugamba ebikorwa byabo. 19Bengi abaliga bali bafumu nibaleta ebitabo byabo nibabyocha, bona basumbire; nibabara obuguzi bwabyo, nibasanga efweza z’edenari bihumbi makumi atanu#19, 19 Ni kuti shilingi bihumbi makumi atanu.. 20Nicho ekigambo cha Mungu chakuzire mani kityo, kandi nikiguma.
EFWEZI NEGOMERA PAULO. — OMWANDIKI NAHUMUZA EMBAGA.
21Ebyo ka byahwere, Paulo nayetegeka mu Mwoyo kuraba Masedoniya n’Akaya kugenda Yeruzalemu, nagira ati: Ka ndiba nahikire kuliya, ndi no kuza kusura Roma. 22Mbe natumaho babili bo mu bahemba be, Timote n’Erasto, kuza Masedoniya, wenene nasigara Aziya mwanya muke. 23Nawe obugome, obwabereho ha bw’omuhanda gw’Omukama, mu naku ezo bwaliga butali buke. 24Kuba omuntu ogwo, izina lye Demetri, omuhesi w’efweza, yagiraga obuzu bw’efweza bw’ekimungukazi Diana, nanibira abakozi b’emilimo ebintu bingi. 25Nabasoroza n’abaliga bali b’omwoga gutyo, nagira ati: Baseza mwe, mukumanya okwo mu bubuya bunu nimwo tukwihiramo ebitutungire; 26kandi mukwehulirira nimwebonera, kai ti kunu honka Efwezi, nawe n’Aziya kihwa yona, okwo Paulo onu akukongya embaga ningi nagihindura, nagira ati: Tihaliyo bamungu abakukorwa emikono z’abantu. 27Ti mulimo gwetu gwonka ogukwiza kufwa, nawe n’isomero ly’omukurukazi Diana lyona elililenganisibwa busa chonka, kandi n’ikuzo lye lilitandika kuhwaho, owe Aziya yona ekuhabudu, n’ensi yona. 28Ka bahulire ebyo, nibafunzibwa ebiniga, nibayoma nibagira bati: Mukuru ni Diana w’Abanefwezi! 29Echaro nikizura eyombo; nibachuma mutima gumo nibaza mu teatro#19, 29 “Teatro” ni hantu aho abantu basumbiraga kutegeka hamo kulora obuzano., Gayo n’Aristarko Abanamasedoniya, abezabo Paulo, nibakwatwa. 30Paulo yayendaga kwesyaka mu bantu, abahemba nibamwangira. 31Kai abandi bo mu bakuru b’Aziya, abaliga bali banwani be, nibatuma abantu hali wenene nibamulembereza, aleke kwesagara mu teatro. 32Abandi nibayomba gandi, abandi gandi, kuba embaga yaliga eli tobangu, banamwingi tibamanyaga echo baliga basumbirire. 33Nibeha Alekisandri mu mbaga, Abayahudi nibamusindikira obusyo; Alekisandri nabatigisya n’omukono, besize, yayendaga kusomborera abantu. 34Ka bamanyire okw’ali Muyahudi, amalaka ga bona nigagambira hamo kuti saha ibili, nibayomba bati: Mukuru ni Diana w’Abanefwezi!
35Omwandiki wo mu charo ka yamazire kuhumuz’embaga, nagira ati: Baseza mwe, Banefwezi, mu bantu atakumanya ni ga okw’echaro ch’Abanefwezi kikuhabudu omukurukazi Diana, muhara wa Yovi? 36Mbe, obwo ebyo bitakuhakanwa, muli no kuchulera no kukola buli kintu chesagazi. 37Kuba mwaleta abantu banu chonka batahenire, kandi batazumire ekimungukazi chanu. 38Mbe Demetri n’ababuya abo ali nabo, raba bali n’ekigambo n’omuntu wena wena, entongana ziliho, n’abalamuzi baliho: nibachulirane. 39Raba muli n’ensonga z’ekigambo kindi, hona kikuhicha kulamurwa mu mukobo gwingene. 40Kuba tuli mu ntambala yo kulegwa obugome kubera ebya lero, obwo tutali n’ensonga zihikire zo kusombora obusumbi bunu. Ka yamazire kugamba ebyo, nasindika embaga kugenda.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.