Ebikorwa 18
18
PAULO ALI KORINTI; BENGI NIBAHINDUKA. — PAULO NIBAMULEGA HALI GALIYO.
1Ebyo ka byahwereho, Paulo naruga Ateni, naiza Korinti. 2Nasangayo Omuyahudi ogwo, izina lye Akwila, azalirwe Ponto, ayamaraga kuruga Italiya n’omukazi we Prisila, (kuba Klodi yaliga ateremo omuku, Abayahudi bona baruge Roma), nabagendaho. 3Obwo baliga bali b’omwoga gumo, naikara owabo, nakol’emilimo: baliga bali b’omwoga gwo kubazir’amahema. 4Buli sabato yafumoraga mu masomero, natenga izina ly’Omukama Yezu, nahabura Abayahudi n’Abagereki. 5Nawe Sila na Timote ka barugire Masedoniya, Paulo nagumy’ekigambo, namanyisya Abayahudi okwo Yezu ali Kristu. 6Bonene ka bamuhakanisize no kuzuma Mungu, nakunkumura ebizwaro bye, nabagira ati: Ensagama yanu ebere ha mitwe zanu; ine tindi na ntambala, kuruga hati negenderaga mu basenzi. 7Nafurukayo okwo, nataha mu nzu y’omwozo ogwo, mutini wa Mungu, izina lye Tito Yusto, ow’enzu ye yaliga ehagatene n’isomero. 8Krispi, omukuru w’isomero, naikiriza Omukama n’eka ye yona; na banamwingi bo mu Banakorinti bakahulira nibekiriza, nibabatizibwa. 9Omukama nabonekera Paulo mu kiro namugambira ati: Leka kutina, nawe fumora, otabuzya; 10kuba ine ndi n’ewe, tihaliyo muntu alakuyogayoga kwenda kukuhutaza, kuba si ndi n’abantu bengi mu charo munu. 11Mbe akamarayo mwaka gumo n’amezi mukaga nayolekerera muli bonene ekigambo cha Mungu.
12Aho Galiyo yaliga ali mulamuzi w’Akaya, Abayahudi nibemukiramo Paulo mutima gumo, nibamusagara mw’ilamuliro, 13nibagira bati: Onu akukongy’abantu, bakuze Mungu, baleke Ekilagiro. 14Paulo akitandika kwasamy’akanwa, Galiyo nagambira Abayahudi ati: Hakiba haliho ekigambo kibi, hamo entambala mpango, imwe baseza Bayahudi, nakubahulirize kuzima; 15nawe raba ebyo bili by’ebigambo n’amazina n’Ekilagiro chanu, imwe abene mulabona: ine tinkwenda kuba mulamuzi wabyo. 16Naberucha mw’ilamuliro. 17Bona nibakwataho Sostene, omukuru w’isomero, nibamuterera mw’ilamuliro; Galiyo tiyasasirwe kintu muli ebyo.
PAULO NALENGETUKA ANTYOKIYA. — PAULO NAYOLEKERERA EFWEZI.
18Paulo akasuba kumarayo naku ningi, nakesyanya na batabani babo, nasyabara kuza Siriya, (ali na Prisila na Akwila); yaliga yayemwere omutwe Kenkerea, kuba yaliga ali n’ekilahiro. 19Nahika Efwezi, niyo nabasiga. Wenene nataha mw’isomero, naba wo kuhakana n’Abayahudi. 20Naho bamusabire asube kwikarayo kukiraho, tiyakunzire; 21akabalaga nagira ati: Mungu k’alayenda, ndisuba kwiza hal’imwe; naruga Efwezi. 22Nalengetuka Kaizariya, nanegera kubwacha Eklezia ya Yeruzalemu, nalengetuka Antyokiya. 23Ka yamazireyo naku nke, naimuka kugenda, naraba ensi emo emo Galasiya na Frigiya, nagumisya abahemba bona.
24Omuyahudi ogwo, izina lye Apolo, muzalirwa w’Alekisandriya, museza muromi, mumanyi w’Enandiko, naiza Efwezi. 25Omuntu ogwo yaliga ayolekererwe omuhanda gw’Omukama; nayaka mu mutima, natenga nayolekerera kuzimazima ebyaliga bili hali Yezu, kunu namanya batisimu ya Yohana yonka. 26Natandika n’obwesige kufumora mw’isomero. Prisila n’Akwila ka bamuhulire, nibamutwara nibamusomborera kuzimazima omuhanda gw’Omukama. 27Ka yayenzire kuza Akaya, batabani babo abaliga bamuhabwire nibayandikira abahemba, bamwanankure. Ka yahikireyo, nahwera muno abaliga nibekiriza; 28kuba yaliga nasinga Abayahudi ha bweru, nayoleka mu Nandiko okwo Yezu ali Kristu.
ទើបបានជ្រើសរើសហើយ៖
Ebikorwa 18: KED1946
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.
Ebikorwa 18
18
PAULO ALI KORINTI; BENGI NIBAHINDUKA. — PAULO NIBAMULEGA HALI GALIYO.
1Ebyo ka byahwereho, Paulo naruga Ateni, naiza Korinti. 2Nasangayo Omuyahudi ogwo, izina lye Akwila, azalirwe Ponto, ayamaraga kuruga Italiya n’omukazi we Prisila, (kuba Klodi yaliga ateremo omuku, Abayahudi bona baruge Roma), nabagendaho. 3Obwo baliga bali b’omwoga gumo, naikara owabo, nakol’emilimo: baliga bali b’omwoga gwo kubazir’amahema. 4Buli sabato yafumoraga mu masomero, natenga izina ly’Omukama Yezu, nahabura Abayahudi n’Abagereki. 5Nawe Sila na Timote ka barugire Masedoniya, Paulo nagumy’ekigambo, namanyisya Abayahudi okwo Yezu ali Kristu. 6Bonene ka bamuhakanisize no kuzuma Mungu, nakunkumura ebizwaro bye, nabagira ati: Ensagama yanu ebere ha mitwe zanu; ine tindi na ntambala, kuruga hati negenderaga mu basenzi. 7Nafurukayo okwo, nataha mu nzu y’omwozo ogwo, mutini wa Mungu, izina lye Tito Yusto, ow’enzu ye yaliga ehagatene n’isomero. 8Krispi, omukuru w’isomero, naikiriza Omukama n’eka ye yona; na banamwingi bo mu Banakorinti bakahulira nibekiriza, nibabatizibwa. 9Omukama nabonekera Paulo mu kiro namugambira ati: Leka kutina, nawe fumora, otabuzya; 10kuba ine ndi n’ewe, tihaliyo muntu alakuyogayoga kwenda kukuhutaza, kuba si ndi n’abantu bengi mu charo munu. 11Mbe akamarayo mwaka gumo n’amezi mukaga nayolekerera muli bonene ekigambo cha Mungu.
12Aho Galiyo yaliga ali mulamuzi w’Akaya, Abayahudi nibemukiramo Paulo mutima gumo, nibamusagara mw’ilamuliro, 13nibagira bati: Onu akukongy’abantu, bakuze Mungu, baleke Ekilagiro. 14Paulo akitandika kwasamy’akanwa, Galiyo nagambira Abayahudi ati: Hakiba haliho ekigambo kibi, hamo entambala mpango, imwe baseza Bayahudi, nakubahulirize kuzima; 15nawe raba ebyo bili by’ebigambo n’amazina n’Ekilagiro chanu, imwe abene mulabona: ine tinkwenda kuba mulamuzi wabyo. 16Naberucha mw’ilamuliro. 17Bona nibakwataho Sostene, omukuru w’isomero, nibamuterera mw’ilamuliro; Galiyo tiyasasirwe kintu muli ebyo.
PAULO NALENGETUKA ANTYOKIYA. — PAULO NAYOLEKERERA EFWEZI.
18Paulo akasuba kumarayo naku ningi, nakesyanya na batabani babo, nasyabara kuza Siriya, (ali na Prisila na Akwila); yaliga yayemwere omutwe Kenkerea, kuba yaliga ali n’ekilahiro. 19Nahika Efwezi, niyo nabasiga. Wenene nataha mw’isomero, naba wo kuhakana n’Abayahudi. 20Naho bamusabire asube kwikarayo kukiraho, tiyakunzire; 21akabalaga nagira ati: Mungu k’alayenda, ndisuba kwiza hal’imwe; naruga Efwezi. 22Nalengetuka Kaizariya, nanegera kubwacha Eklezia ya Yeruzalemu, nalengetuka Antyokiya. 23Ka yamazireyo naku nke, naimuka kugenda, naraba ensi emo emo Galasiya na Frigiya, nagumisya abahemba bona.
24Omuyahudi ogwo, izina lye Apolo, muzalirwa w’Alekisandriya, museza muromi, mumanyi w’Enandiko, naiza Efwezi. 25Omuntu ogwo yaliga ayolekererwe omuhanda gw’Omukama; nayaka mu mutima, natenga nayolekerera kuzimazima ebyaliga bili hali Yezu, kunu namanya batisimu ya Yohana yonka. 26Natandika n’obwesige kufumora mw’isomero. Prisila n’Akwila ka bamuhulire, nibamutwara nibamusomborera kuzimazima omuhanda gw’Omukama. 27Ka yayenzire kuza Akaya, batabani babo abaliga bamuhabwire nibayandikira abahemba, bamwanankure. Ka yahikireyo, nahwera muno abaliga nibekiriza; 28kuba yaliga nasinga Abayahudi ha bweru, nayoleka mu Nandiko okwo Yezu ali Kristu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.