Ebikorwa 17
17
PAULO NA SILA BALI TESALONIKA NA BEROYA. — PAULO ALI ATENI.
1Ka barabire Anfipoli n’Apoloniya, nibahika Tesalonika, okwo haliga haliyo isomero ly’Abayahudi. 2Nk’okwo Paulo yaliga amanyire, nabatahirira, namara sabato isatu nafumora nabo eby’Enandiko, 3nasombora, nayolekerera okwo Kristu yaliga ali no kusasibwa no kusuba kuzoka mu bafu; n’okw’ali Yezu, Kristu ogwo, owe nkubatengera. 4Abandi muli bonene nibekiriza nibakwatana na Paulo na Sila, n’embaga ningi y’abasenzi n’abasomi, kai n’abakazi b’abakuru kingaha. 5Nawe Abayahudi nibachuba, nibatwar’abantu bandi b’obuyaga, nibasumby’embaga, nibagomesya echaro; nibemukira enzu ya Yasoni, babahurukize embaga. 6Ka babuzire kubasanga, nibasagara Yasoni na batabani babo bandi ha bakuru b’echaro, nibayomba bati: Banu abakugomesya ensi, abezire kunu, 7Yasoni niwe nabakuma, kai abo bona bakukora ebihabene n’ebilagiro bya Kaizari, kai bakugira bati: Haliyo omukama ondi, angu Yezu. 8Nibasazy’embaga n’abakuru b’echaro abahuliraga ebyo. 9Nawe Yasoni n’abandi bona ka babahere omukwatirizo, nibabasindika kugenda.
10Aho n’aho mu kiro batabani babo nibasindika Paulo na Sila kuza Beroya. Ka bahikire, nibataha mw’isomero ly’Abayahudi. 11Abo baliga bali bazima kukira aba Tesalonika; bakayanankura ekigambo n’obwegongi bwingi, naku zona barondarondaga mu Nandiko, raba nikwo bili bityo. 12Banamwingi muli bonene nibekiriza, n’enfura z’abakazi b’abasenzi n’abaseza kingaha. 13Nawe Abayahudi ba Tesalonika ka bamanyire okwo Paulo yayolekerere Beroya ekigambo cha Mungu, nibezayo n’okwo, nibanyarambula embaga no kugigomesya. 14Mbe aho n’aho batabani babo nibasindika Paulo kugenda, ahike ha chambu; kandi Sila na Timote nibasigarayo.
15Abatwere Paulo bakamusagara nibamuhicha Ateni; ka yalagire Sila na Timote kwiza bwangu hali wenene, nibagenda. 16Paulo yaliga akibalindirira Ateni, nabihiriwa mu mwoyo gwe kubona okw’echaro kikondekere kuhabudu ebimungu. 17Mbe yaliga naroma n’Abayahudi mw’isomero n’abatinaga Mungu, kai naku zona mw’iguliro n’abasangwamoga. 18Abandi ba Epikuri#17, 18 Nibo abantu abahigaga ebikusemereza engingo zonka n’amasemererwa gazo. n’aba Stoki abafilozofi#17, 18 Abantu abo bayeguminsirizaga obusasi n’obwekuza chonka. nibahakana nage: abandi nibagira bati: Omuromaromi onu akwenda kugamba ki? kai abandi bati: Akusasana kuti henda akwolekerera ebimungu bihya; obwo yabolekereraga ebya Yezu n’ebyo kuzoka. 19Ka bamukwasire, nibamusagara mu Areopago#17, 19 Niho aho balamulirahoga mu charo ch’Ateni., nibagira bati: Si tukuhicha kusombokerwa ebihya binu eby’okwolekerera? 20Kuba okuta mu matwi getu ebihya; mbe tukwenda kumanya okwo bili. 21Abanateni bona n’abageni abaliga batwireyo baliga batali n’omwanya gw’ebindi, gutali hamo gwo kutenga hamo gwo kuhulira ebihya.
22Mbe Paulo nayemerera hagati y’Areopago nagira ati: Imwe baseza Banateni, nkubona okwo muli byona muli bantu abakukuza Mungu kukira abandi. 23Kuba nalibata nindora engasani zanu, nasanga itambiro elyandikirwe liti: Hali Mungu atakumanywa. Mbe echo mukukuza mutakumanya, nicho nkubatengera. 24Mungu ayahangire ensi yona na byona ebilimo, ogwo niwe Omukama w’igulu n’ensi, tatwire mw’eklezia ezayombekirwe emikono z’abantu, 25kandi takukolerwa mukono gw’omuntu, kuti henda akenire kintu, kai niwe naha bona obulame n’obwich’omwoyo na byona. 26Akagira oluganda lwona lw’abantu ha muntu omo, luture ha bwaransi bw’ensi yona, kandi nataho emyaka n’embibi z’obuturo bwabo, 27bahige Mungu nibababata bahiche kumubona, naho wenene atali hara na buli muntu mul’itwe. 28Kuba muli wenene nimwo tukulorera, nimwo tukwetengesiza, nimwo tuli; nk’okwo abembi bandi bo mul’imwe bagizire bati: N’etwe twena tuli luzaro lwe. 29Mbe obwo tuli bana ba Mungu, tuleke kuchwa tuti: ezahabu n’efweza n’amabale n’ensuso ebyakozirwe obubuya n’obumanyi bw’abantu bikwingana na bumungu. 30Enaku z’obutamanya obwo Mungu alazigayire, hati akugambira abantu batamwe bona na bona, hona benaranaze; 31kuba akataho olunaku olwo alilamuliraho ensi yona mu buronge, akataho omuntu ha bulamuzi obwo, akayenda bona bamwikirize, namuzora mu bafu. 32Ka bahulire ebyo kuzoka kw’abafu, abandi nibamusekerera, abandi nibagira bati: Tukusuba kukuhulira muli ebyo olundi. 33Nikwo Paulo naruga atyo hagati yabo. 34Abaseza bandi nibamwekomaho nibekiriza; muli bonene ni Dionizi Areopagita, n’omukazi, izina lye Damari, n’abandi hamo nabo.
ទើបបានជ្រើសរើសហើយ៖
Ebikorwa 17: KED1946
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.
Ebikorwa 17
17
PAULO NA SILA BALI TESALONIKA NA BEROYA. — PAULO ALI ATENI.
1Ka barabire Anfipoli n’Apoloniya, nibahika Tesalonika, okwo haliga haliyo isomero ly’Abayahudi. 2Nk’okwo Paulo yaliga amanyire, nabatahirira, namara sabato isatu nafumora nabo eby’Enandiko, 3nasombora, nayolekerera okwo Kristu yaliga ali no kusasibwa no kusuba kuzoka mu bafu; n’okw’ali Yezu, Kristu ogwo, owe nkubatengera. 4Abandi muli bonene nibekiriza nibakwatana na Paulo na Sila, n’embaga ningi y’abasenzi n’abasomi, kai n’abakazi b’abakuru kingaha. 5Nawe Abayahudi nibachuba, nibatwar’abantu bandi b’obuyaga, nibasumby’embaga, nibagomesya echaro; nibemukira enzu ya Yasoni, babahurukize embaga. 6Ka babuzire kubasanga, nibasagara Yasoni na batabani babo bandi ha bakuru b’echaro, nibayomba bati: Banu abakugomesya ensi, abezire kunu, 7Yasoni niwe nabakuma, kai abo bona bakukora ebihabene n’ebilagiro bya Kaizari, kai bakugira bati: Haliyo omukama ondi, angu Yezu. 8Nibasazy’embaga n’abakuru b’echaro abahuliraga ebyo. 9Nawe Yasoni n’abandi bona ka babahere omukwatirizo, nibabasindika kugenda.
10Aho n’aho mu kiro batabani babo nibasindika Paulo na Sila kuza Beroya. Ka bahikire, nibataha mw’isomero ly’Abayahudi. 11Abo baliga bali bazima kukira aba Tesalonika; bakayanankura ekigambo n’obwegongi bwingi, naku zona barondarondaga mu Nandiko, raba nikwo bili bityo. 12Banamwingi muli bonene nibekiriza, n’enfura z’abakazi b’abasenzi n’abaseza kingaha. 13Nawe Abayahudi ba Tesalonika ka bamanyire okwo Paulo yayolekerere Beroya ekigambo cha Mungu, nibezayo n’okwo, nibanyarambula embaga no kugigomesya. 14Mbe aho n’aho batabani babo nibasindika Paulo kugenda, ahike ha chambu; kandi Sila na Timote nibasigarayo.
15Abatwere Paulo bakamusagara nibamuhicha Ateni; ka yalagire Sila na Timote kwiza bwangu hali wenene, nibagenda. 16Paulo yaliga akibalindirira Ateni, nabihiriwa mu mwoyo gwe kubona okw’echaro kikondekere kuhabudu ebimungu. 17Mbe yaliga naroma n’Abayahudi mw’isomero n’abatinaga Mungu, kai naku zona mw’iguliro n’abasangwamoga. 18Abandi ba Epikuri#17, 18 Nibo abantu abahigaga ebikusemereza engingo zonka n’amasemererwa gazo. n’aba Stoki abafilozofi#17, 18 Abantu abo bayeguminsirizaga obusasi n’obwekuza chonka. nibahakana nage: abandi nibagira bati: Omuromaromi onu akwenda kugamba ki? kai abandi bati: Akusasana kuti henda akwolekerera ebimungu bihya; obwo yabolekereraga ebya Yezu n’ebyo kuzoka. 19Ka bamukwasire, nibamusagara mu Areopago#17, 19 Niho aho balamulirahoga mu charo ch’Ateni., nibagira bati: Si tukuhicha kusombokerwa ebihya binu eby’okwolekerera? 20Kuba okuta mu matwi getu ebihya; mbe tukwenda kumanya okwo bili. 21Abanateni bona n’abageni abaliga batwireyo baliga batali n’omwanya gw’ebindi, gutali hamo gwo kutenga hamo gwo kuhulira ebihya.
22Mbe Paulo nayemerera hagati y’Areopago nagira ati: Imwe baseza Banateni, nkubona okwo muli byona muli bantu abakukuza Mungu kukira abandi. 23Kuba nalibata nindora engasani zanu, nasanga itambiro elyandikirwe liti: Hali Mungu atakumanywa. Mbe echo mukukuza mutakumanya, nicho nkubatengera. 24Mungu ayahangire ensi yona na byona ebilimo, ogwo niwe Omukama w’igulu n’ensi, tatwire mw’eklezia ezayombekirwe emikono z’abantu, 25kandi takukolerwa mukono gw’omuntu, kuti henda akenire kintu, kai niwe naha bona obulame n’obwich’omwoyo na byona. 26Akagira oluganda lwona lw’abantu ha muntu omo, luture ha bwaransi bw’ensi yona, kandi nataho emyaka n’embibi z’obuturo bwabo, 27bahige Mungu nibababata bahiche kumubona, naho wenene atali hara na buli muntu mul’itwe. 28Kuba muli wenene nimwo tukulorera, nimwo tukwetengesiza, nimwo tuli; nk’okwo abembi bandi bo mul’imwe bagizire bati: N’etwe twena tuli luzaro lwe. 29Mbe obwo tuli bana ba Mungu, tuleke kuchwa tuti: ezahabu n’efweza n’amabale n’ensuso ebyakozirwe obubuya n’obumanyi bw’abantu bikwingana na bumungu. 30Enaku z’obutamanya obwo Mungu alazigayire, hati akugambira abantu batamwe bona na bona, hona benaranaze; 31kuba akataho olunaku olwo alilamuliraho ensi yona mu buronge, akataho omuntu ha bulamuzi obwo, akayenda bona bamwikirize, namuzora mu bafu. 32Ka bahulire ebyo kuzoka kw’abafu, abandi nibamusekerera, abandi nibagira bati: Tukusuba kukuhulira muli ebyo olundi. 33Nikwo Paulo naruga atyo hagati yabo. 34Abaseza bandi nibamwekomaho nibekiriza; muli bonene ni Dionizi Areopagita, n’omukazi, izina lye Damari, n’abandi hamo nabo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.