Ebikorwa 16
16
PAULO NAGENDA MASEDONIYA NA TIMOTE. — NAYOLEKERERA MU NSI YA FILIPI.
1Mbe nahika Derbe na Listra. Okwo haliga haliyo omuhemba ogwo, izina lye Timote, mwana w’Omuyahudikazi mwikiriza, ise ali musenzi. 2Ogwo nasimwa batabani babo abaliga bali Listra na Ikoniya. 3Paulo nayenda kuza nage; ka yamutwere, namusara ha bw’Abayahudi abaliga bali okwo; kuba bona bamanyaga okwo ise yaliga ali musenzi. 4Mbe ka bazongorwere ebyaro, babahaga kuhich’ebilagiro ebyaliga biterweho Entumwa n’abagurusi, abaliga bali Yeruzalemu. 5Eklezia nizigumisibwa mu kwikiriza, kai nibayongeza obukumi buli lunaku.
6Bakiraba Frigiya na mu nsi ya Galatiya, nibazibirwa Mwoyo Mutakatifu kwolekerera ekigambo cha Mungu muli Aziya. 7Ka bahikire Mizya, nibaroza kuza Bitiniya; nawe Omwoyo gwa Yezu tigwabasindikireyo. 8Mbe nibaraba Mizya, nibalengetuka Troa; 9mu kiro Paulo nabonekerwa. Nabona omuseza ogwo Munamasedoniya aimerere, namusaba nagira ati: Noize Masedoniya, otuzune. 10Mbe ka yabonekerwe, aho n’aho nituhiga kugenda Masedoniya, nitumanya kuzima okwo Mungu yatwesire kuza kubolekerera Evanjeli.
11Nitusyabara kuruga Troa nitugorora muhanda gumo, nitugoba Samotrasiya, bwire kucha nituhika Neapoli, 12kuruga okwo nituhika Filipi, echaro cho kutandika cha Masedoniya, kitwerwe Roma. Mu charo echo nitumarayo naku noro. 13Ha lunaku lwa sabato nituhuruka mw’ilembo h’esazi hehi n’omugera, niyo haliga hasusene kusomera; ka twekere, nitwolekerera abakazi abaliga basumbireho. 14Omukazi ogwo, izina lye Lidya, ayaguzaga emyenda z’amabara ga mutuku, wo mu charo cha Tyatira, mutini wa Mungu, natuhulira: Omukama yamukingwire omutima ahulirize ebyagambwaga Paulo. 15Ka yabatizibwe n’ab’enzu ye, nasaba nagira ati: Raba nimundenga muti: akwikiriza Omukama, nimwize mwikare mu nzu yange. Natusiniriza.
16Aho twaliga nitugenda kulembereza, omuharakazi ogwo, ayaliga ali n’omwoyo Pitoni, natubugangana; yaliga yabonere besebugeni ebintu bingi n’amafubo ge. 17Naruba Paulo n’etwe nahamuka nagira ati: Abantu banu ni beru ba Mungu asingire, nibo bakubagambira omuhanda gwo kuchunguka. 18Nagira atyo naku ningi. Nawe Paulo nahinduka abihirirwe, nagambira omwoyo ogwo ati: Mw’izina lya Yezu Kristu nkukulagira omurugeho. Nigumurugamo mu katungu ako. 19Besebugeni ka babwene okwo kutegeza kwabo kw’ebintu kwabarugaho, nibakwata Paulo na Sila, nibabasagara mw’iguliro ha bakuru; 20nibabaleta ha balamuzi, nibagira bati: Abantu banu bakugomesya echaro chetu; ni Bayahudi, 21kandi bakwolekerera entungwa ezo tuzibirwe kuruba no kukola, obwo tuli Banaroma. 22Abantu nibabemukiraho; abalamuzi nibabatemuza enkanzu zabo, nibabasindika kuterw’amasanzu. 23Ka bamazire kubatera obuhuta bwingi, nibabasagara mw’ibohero, nibakomereza omulinzi kubalinda kuzima. 24Ogwo ka yahulire ekilagiro echo, nabasagara mw’ibohero lyo mu nda, nabata amaguru mw’iti.
NIBASURUMURWA IHANO. — OMULINZI WABO NABATIZIBWA. — BWIRE KUCHA NIBAKINGULIRWA.
25Mu kiro mw’itumbi Paulo na Sila baliga nibalembereza nibakuza Mungu; embohe zindi nizibahuliriza. 26Aho honka ensi netengeta muno, oluhazu lw’ibohero nilutengesibwa; kachwi n’ako emilyango zona nizikinguka, emiguha za bona nizisurumurwa. 27Omulinzi w’embohe ka yasisimukire, akabona emilyango z’ibohero zikingwire, nasoromorayo embanda, nayenda kweita, nachwa ati: embohe zachwire. 28Paulo nahamuka n’ilaka ihango nagira ati: Otehutaza; kuba tuliho twena hanu. 29Nasaba kumulikirwa, natahamo nachundw’ olumazi, nagwa mu maguru ga Paulo na Sila; 30nabahurucha hanza nagira ati: Bakuru bange, ngire nta, niho mpiche kuchunguka? 31Bonene nibamugambira bati: Noikirize Omukama Yezu Kristu, niho ochunguke n’eka yawe yona. 32Nibamutengera ekigambo ch’Omukama, na bona abaliga bali mu ka ye. 33Nabatwara mu saha egyo mu kiro, nabanaby’obuhuta, aho honka nabatizibwa wenene n’eka ye yona. 34Ka yabasagere mu nzu ye, nabaha ebilyo, nasemererwa n’abo mu nzu ye bona, obwo yekirize Mungu.
35Obwire ka bwachere, abalamuzi nibatuma abarugaruga nibagira bati: Sindika abantu abo bagende. 36Omulinzi w’ibohero natengera Paulo ebigambo ebyo ati: Angu abalamuzi batuma bati: musurumurwe; mbe hati nimuhuruke, mugende n’omulebo. 37Paulo nabagambira ati: Bakatuterera ha bweru, tutalamwirwe, nibatusagara kubohwa, tuli bantu Banaroma, kai hati batuhuruche bwesereke? Tibiliba bityo; nibeze, 38bonene nibo batusurumure. Abarugaruga nibatengera abalamuzi ebigambo ebyo. Bakatinisibwa kuhulira okwo bali Banaroma; 39ka bezire, nibeyogesya, nibabahurucha, nibasaba baruge mu charo. 40Aho nibaruga mw’ibohero, nibagenda owa Lidya; nibasura batabani babo, nibabahumuza, kumara nibagenda.
ទើបបានជ្រើសរើសហើយ៖
Ebikorwa 16: KED1946
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.
Ebikorwa 16
16
PAULO NAGENDA MASEDONIYA NA TIMOTE. — NAYOLEKERERA MU NSI YA FILIPI.
1Mbe nahika Derbe na Listra. Okwo haliga haliyo omuhemba ogwo, izina lye Timote, mwana w’Omuyahudikazi mwikiriza, ise ali musenzi. 2Ogwo nasimwa batabani babo abaliga bali Listra na Ikoniya. 3Paulo nayenda kuza nage; ka yamutwere, namusara ha bw’Abayahudi abaliga bali okwo; kuba bona bamanyaga okwo ise yaliga ali musenzi. 4Mbe ka bazongorwere ebyaro, babahaga kuhich’ebilagiro ebyaliga biterweho Entumwa n’abagurusi, abaliga bali Yeruzalemu. 5Eklezia nizigumisibwa mu kwikiriza, kai nibayongeza obukumi buli lunaku.
6Bakiraba Frigiya na mu nsi ya Galatiya, nibazibirwa Mwoyo Mutakatifu kwolekerera ekigambo cha Mungu muli Aziya. 7Ka bahikire Mizya, nibaroza kuza Bitiniya; nawe Omwoyo gwa Yezu tigwabasindikireyo. 8Mbe nibaraba Mizya, nibalengetuka Troa; 9mu kiro Paulo nabonekerwa. Nabona omuseza ogwo Munamasedoniya aimerere, namusaba nagira ati: Noize Masedoniya, otuzune. 10Mbe ka yabonekerwe, aho n’aho nituhiga kugenda Masedoniya, nitumanya kuzima okwo Mungu yatwesire kuza kubolekerera Evanjeli.
11Nitusyabara kuruga Troa nitugorora muhanda gumo, nitugoba Samotrasiya, bwire kucha nituhika Neapoli, 12kuruga okwo nituhika Filipi, echaro cho kutandika cha Masedoniya, kitwerwe Roma. Mu charo echo nitumarayo naku noro. 13Ha lunaku lwa sabato nituhuruka mw’ilembo h’esazi hehi n’omugera, niyo haliga hasusene kusomera; ka twekere, nitwolekerera abakazi abaliga basumbireho. 14Omukazi ogwo, izina lye Lidya, ayaguzaga emyenda z’amabara ga mutuku, wo mu charo cha Tyatira, mutini wa Mungu, natuhulira: Omukama yamukingwire omutima ahulirize ebyagambwaga Paulo. 15Ka yabatizibwe n’ab’enzu ye, nasaba nagira ati: Raba nimundenga muti: akwikiriza Omukama, nimwize mwikare mu nzu yange. Natusiniriza.
16Aho twaliga nitugenda kulembereza, omuharakazi ogwo, ayaliga ali n’omwoyo Pitoni, natubugangana; yaliga yabonere besebugeni ebintu bingi n’amafubo ge. 17Naruba Paulo n’etwe nahamuka nagira ati: Abantu banu ni beru ba Mungu asingire, nibo bakubagambira omuhanda gwo kuchunguka. 18Nagira atyo naku ningi. Nawe Paulo nahinduka abihirirwe, nagambira omwoyo ogwo ati: Mw’izina lya Yezu Kristu nkukulagira omurugeho. Nigumurugamo mu katungu ako. 19Besebugeni ka babwene okwo kutegeza kwabo kw’ebintu kwabarugaho, nibakwata Paulo na Sila, nibabasagara mw’iguliro ha bakuru; 20nibabaleta ha balamuzi, nibagira bati: Abantu banu bakugomesya echaro chetu; ni Bayahudi, 21kandi bakwolekerera entungwa ezo tuzibirwe kuruba no kukola, obwo tuli Banaroma. 22Abantu nibabemukiraho; abalamuzi nibabatemuza enkanzu zabo, nibabasindika kuterw’amasanzu. 23Ka bamazire kubatera obuhuta bwingi, nibabasagara mw’ibohero, nibakomereza omulinzi kubalinda kuzima. 24Ogwo ka yahulire ekilagiro echo, nabasagara mw’ibohero lyo mu nda, nabata amaguru mw’iti.
NIBASURUMURWA IHANO. — OMULINZI WABO NABATIZIBWA. — BWIRE KUCHA NIBAKINGULIRWA.
25Mu kiro mw’itumbi Paulo na Sila baliga nibalembereza nibakuza Mungu; embohe zindi nizibahuliriza. 26Aho honka ensi netengeta muno, oluhazu lw’ibohero nilutengesibwa; kachwi n’ako emilyango zona nizikinguka, emiguha za bona nizisurumurwa. 27Omulinzi w’embohe ka yasisimukire, akabona emilyango z’ibohero zikingwire, nasoromorayo embanda, nayenda kweita, nachwa ati: embohe zachwire. 28Paulo nahamuka n’ilaka ihango nagira ati: Otehutaza; kuba tuliho twena hanu. 29Nasaba kumulikirwa, natahamo nachundw’ olumazi, nagwa mu maguru ga Paulo na Sila; 30nabahurucha hanza nagira ati: Bakuru bange, ngire nta, niho mpiche kuchunguka? 31Bonene nibamugambira bati: Noikirize Omukama Yezu Kristu, niho ochunguke n’eka yawe yona. 32Nibamutengera ekigambo ch’Omukama, na bona abaliga bali mu ka ye. 33Nabatwara mu saha egyo mu kiro, nabanaby’obuhuta, aho honka nabatizibwa wenene n’eka ye yona. 34Ka yabasagere mu nzu ye, nabaha ebilyo, nasemererwa n’abo mu nzu ye bona, obwo yekirize Mungu.
35Obwire ka bwachere, abalamuzi nibatuma abarugaruga nibagira bati: Sindika abantu abo bagende. 36Omulinzi w’ibohero natengera Paulo ebigambo ebyo ati: Angu abalamuzi batuma bati: musurumurwe; mbe hati nimuhuruke, mugende n’omulebo. 37Paulo nabagambira ati: Bakatuterera ha bweru, tutalamwirwe, nibatusagara kubohwa, tuli bantu Banaroma, kai hati batuhuruche bwesereke? Tibiliba bityo; nibeze, 38bonene nibo batusurumure. Abarugaruga nibatengera abalamuzi ebigambo ebyo. Bakatinisibwa kuhulira okwo bali Banaroma; 39ka bezire, nibeyogesya, nibabahurucha, nibasaba baruge mu charo. 40Aho nibaruga mw’ibohero, nibagenda owa Lidya; nibasura batabani babo, nibabahumuza, kumara nibagenda.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.