Ebikorwa 15
15
EMPAKA YO KUSARWA. — OMUTEGEKO GWA YERUZALEMU. — OLUGENDO LWA KABILI LWA PAULO.
1Abandi nibaruga Buyahudi nibalengetuka kwolekerera batabani babo bati: Mutasazirwe, nk’okwo entungwa za Musa zili, timukuhicha kuchunguka. 2Nihabaho enombo ningi hali Paulo na Barnaba, nibabahakanisya, nibasora Paulo na Barnaba n’abandi muli bonene, bagende ha Ntumwa n’abakuru Yeruzalemu kubuza ebigambo ebyo. 3Mbe bonene nibasendekerezibwa Eklezia, nibaraba Fenisiya na Samariya, nibarobya ebyo kuhinduka kw’abasenzi, nibaletera batabani bona kusemererwa kwingi. 4Mbe ka bahikire Yeruzalemu, nibayanankurwa Eklezia n’Entumwa n’abagurusi, nibatenga ebyo Mungu yakozire nabo. 5Abandi bo mu butagani bw’Abafarizayo abekirize nibemuka nibagira bati: Abasenzi balagirwe kusarwa no kuhich’Ekilagiro cha Musa.
6Entumwa n’abagurusi nibakoba kutegeka ekigambo echo. 7Mbe ka habereho empaka ningi, Petro naimuka nabagambira ati: Bozo mwe, bana betu, mukumanya okwo kuruga mu naku za kara Mungu yansozire mul’itwe, niho abasenzi bahulire Evanjeli no kugikiriza mu kanwa kange. 8Kandi Mungu akumanya emitima, akabamanyisya nabaha Mwoyo Mutakatifu nk’etwe; 9tiyasorwere kintu mul’itwe na bonene, nayez’emitima zabo no kwikiriza. 10Mbe hati mukuloreza ki Mungu nimutwekereza ebicha by’abahemba enkomyo eyo batata n’etwe tutahikize kutegula? 11Nawe tukekiriza kuchungurwa enema y’Omukama wetu Yezu Kristu nka bonene. 12Embaga yona nebuzya; nibahuliriza Paulo na Barnaba nibarobya amahano n’ebikumyo ebyo Mungu yakozire na bonene mu basenzi. 13Ka bamazire kubuzya, Yakobo nasubamo nagira ati: Baseza bana betu, nimumpulirize. 14Simoni akatenga okwo ha butandikiro Mungu yasozire naiha mu basenzi ihanga nalihereza h’ezina lye. 15Ebyo bikwatene n’ebigambo by’abalagi nk’okwo byandikirwe biti: 16Kumara ndisuba kwiza, ndisuba kwombeka enzu ya Daudi eyakambukire; ndisuba kwombeka enkambulira yayo no kusuba kugyemereza, 17abantu abasigere bahige Omukama, kai amahanga gona ago izina lyange lyatengirwemo, Omukama akafumora nabikola. 18Omukama akumanya omulimo gwe kuruga ira lyona. 19Nicho nkulamulira nti: abasenzi abakuhindukira hali Mungu baleke kunaranazibwa, 20nawe tubandikire bazire obulofu bw’ebimungu, n’obusihani, n’enyama zo kunigwa, n’echamba. 21Kuba kuruga kara Musa ali n’abantu mu buli charo, abamwolekereraga buli sabato mu masomero, omwo basomeraga ebitabo bye.
22Aho Entumwa n’abagurusi n’Eklezia yona nibayenda kusora abaseza muli bonene no kubatuma Antyokiya hamo na Paulo na Barnaba: Yuda, mu chesongoro bati: Barsaba, na Sila, abaseza nfura mu bezabo; 23nibandika nibabaha enandiko zinu: Entumwa n’abagurusi batabani babo, buhoro ha batabani betu b’amahanga, abali Antyokiya na Siriya na Silisiya. 24Obwo tuhulire okw’abandi mul’itwe, abo tutatumire, bababihirize n’ebigambo nibatamy’emitima zanu, 25tukategeka hamo nitusoramo abantu, tubatume hal’imwe hamo n’abo tukwenda muno ba Barnaba na Paulo, 26abantu abazumire obuzima bwabo ha bw’ezina ly’Omukama wetu Yezu Kristu. 27Mbe twatuma Yuda na Sila, nibo balabagambiza omunwa ebigambo ebyo byonene. 28Kuba si ni kuzima hali Mwoyo Mutakatifu na hal’itwe, tuleke kubatwekereza omutegulo ogukukira ebisasire, binu: 29muzire enyama y’ebitambo by’ebimungu, n’echamba, n’enyama zo kunigwa, n’eby’obusihani; mukazir’ ebyo, mukukola kuzima. Buche!
30Mbe abatumirwe abo nibalengetuka Antyokiya, nibasumby’embaga, nibabaha olwandiko. 31Ka balusomire, nibasemerezibwa ekihumuzo echo. 32Yuda na Sila, obwo na bonene baliga bali balagi, bakahumuza batabani babo n’ebigambo bingi no kubagumisya. 33Ka bamazireyo naku nke, batabani babo nibabasindika n’omulebo kuza hali baliya abaliga babatumire. 34Nawe Sila nabona okwo kwikalirayo kuli kuzima; Yuda wenka niwe naba wo kugenda Yeruzalemu. 35Kandi Paulo na Barnaba nibekalira Antyokiya, nibolekerera, nibamanyisya ekigambo ch’Omukama hamo n’abandi bengi.
36Enaku noro ka zarabireho, Paulo nagambira Barnaba ati: Tusube mu byaro byona ebyo twayolekereremo ekigambo ch’Omukama, tusure abana betu okwo bali. 37Nawe Barnaba yayendaga baze na Yohana, owe bayetaga bati: Marko. 38Nawe Paulo namugambira baleke kuza nage, obwo yatagene nabo Panfiliya n’obwo atagenzire nabo mu milimo. 39Mbe nihabaho mpaka, nibatamwa nibatagana, Barnaba natwara Marko, nasyabara kuza Sipriya, 40kandi Paulo nasoramo Sila, nagenda, batabani babo nibamusindika mu kisa cha Mungu. 41Nazongorora muli Siriya na Silisiya, nagumisya Eklezia, nalagira kuhich’ebilagiro by’Entumwa n’eby’abagurusi.
ទើបបានជ្រើសរើសហើយ៖
Ebikorwa 15: KED1946
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.
Ebikorwa 15
15
EMPAKA YO KUSARWA. — OMUTEGEKO GWA YERUZALEMU. — OLUGENDO LWA KABILI LWA PAULO.
1Abandi nibaruga Buyahudi nibalengetuka kwolekerera batabani babo bati: Mutasazirwe, nk’okwo entungwa za Musa zili, timukuhicha kuchunguka. 2Nihabaho enombo ningi hali Paulo na Barnaba, nibabahakanisya, nibasora Paulo na Barnaba n’abandi muli bonene, bagende ha Ntumwa n’abakuru Yeruzalemu kubuza ebigambo ebyo. 3Mbe bonene nibasendekerezibwa Eklezia, nibaraba Fenisiya na Samariya, nibarobya ebyo kuhinduka kw’abasenzi, nibaletera batabani bona kusemererwa kwingi. 4Mbe ka bahikire Yeruzalemu, nibayanankurwa Eklezia n’Entumwa n’abagurusi, nibatenga ebyo Mungu yakozire nabo. 5Abandi bo mu butagani bw’Abafarizayo abekirize nibemuka nibagira bati: Abasenzi balagirwe kusarwa no kuhich’Ekilagiro cha Musa.
6Entumwa n’abagurusi nibakoba kutegeka ekigambo echo. 7Mbe ka habereho empaka ningi, Petro naimuka nabagambira ati: Bozo mwe, bana betu, mukumanya okwo kuruga mu naku za kara Mungu yansozire mul’itwe, niho abasenzi bahulire Evanjeli no kugikiriza mu kanwa kange. 8Kandi Mungu akumanya emitima, akabamanyisya nabaha Mwoyo Mutakatifu nk’etwe; 9tiyasorwere kintu mul’itwe na bonene, nayez’emitima zabo no kwikiriza. 10Mbe hati mukuloreza ki Mungu nimutwekereza ebicha by’abahemba enkomyo eyo batata n’etwe tutahikize kutegula? 11Nawe tukekiriza kuchungurwa enema y’Omukama wetu Yezu Kristu nka bonene. 12Embaga yona nebuzya; nibahuliriza Paulo na Barnaba nibarobya amahano n’ebikumyo ebyo Mungu yakozire na bonene mu basenzi. 13Ka bamazire kubuzya, Yakobo nasubamo nagira ati: Baseza bana betu, nimumpulirize. 14Simoni akatenga okwo ha butandikiro Mungu yasozire naiha mu basenzi ihanga nalihereza h’ezina lye. 15Ebyo bikwatene n’ebigambo by’abalagi nk’okwo byandikirwe biti: 16Kumara ndisuba kwiza, ndisuba kwombeka enzu ya Daudi eyakambukire; ndisuba kwombeka enkambulira yayo no kusuba kugyemereza, 17abantu abasigere bahige Omukama, kai amahanga gona ago izina lyange lyatengirwemo, Omukama akafumora nabikola. 18Omukama akumanya omulimo gwe kuruga ira lyona. 19Nicho nkulamulira nti: abasenzi abakuhindukira hali Mungu baleke kunaranazibwa, 20nawe tubandikire bazire obulofu bw’ebimungu, n’obusihani, n’enyama zo kunigwa, n’echamba. 21Kuba kuruga kara Musa ali n’abantu mu buli charo, abamwolekereraga buli sabato mu masomero, omwo basomeraga ebitabo bye.
22Aho Entumwa n’abagurusi n’Eklezia yona nibayenda kusora abaseza muli bonene no kubatuma Antyokiya hamo na Paulo na Barnaba: Yuda, mu chesongoro bati: Barsaba, na Sila, abaseza nfura mu bezabo; 23nibandika nibabaha enandiko zinu: Entumwa n’abagurusi batabani babo, buhoro ha batabani betu b’amahanga, abali Antyokiya na Siriya na Silisiya. 24Obwo tuhulire okw’abandi mul’itwe, abo tutatumire, bababihirize n’ebigambo nibatamy’emitima zanu, 25tukategeka hamo nitusoramo abantu, tubatume hal’imwe hamo n’abo tukwenda muno ba Barnaba na Paulo, 26abantu abazumire obuzima bwabo ha bw’ezina ly’Omukama wetu Yezu Kristu. 27Mbe twatuma Yuda na Sila, nibo balabagambiza omunwa ebigambo ebyo byonene. 28Kuba si ni kuzima hali Mwoyo Mutakatifu na hal’itwe, tuleke kubatwekereza omutegulo ogukukira ebisasire, binu: 29muzire enyama y’ebitambo by’ebimungu, n’echamba, n’enyama zo kunigwa, n’eby’obusihani; mukazir’ ebyo, mukukola kuzima. Buche!
30Mbe abatumirwe abo nibalengetuka Antyokiya, nibasumby’embaga, nibabaha olwandiko. 31Ka balusomire, nibasemerezibwa ekihumuzo echo. 32Yuda na Sila, obwo na bonene baliga bali balagi, bakahumuza batabani babo n’ebigambo bingi no kubagumisya. 33Ka bamazireyo naku nke, batabani babo nibabasindika n’omulebo kuza hali baliya abaliga babatumire. 34Nawe Sila nabona okwo kwikalirayo kuli kuzima; Yuda wenka niwe naba wo kugenda Yeruzalemu. 35Kandi Paulo na Barnaba nibekalira Antyokiya, nibolekerera, nibamanyisya ekigambo ch’Omukama hamo n’abandi bengi.
36Enaku noro ka zarabireho, Paulo nagambira Barnaba ati: Tusube mu byaro byona ebyo twayolekereremo ekigambo ch’Omukama, tusure abana betu okwo bali. 37Nawe Barnaba yayendaga baze na Yohana, owe bayetaga bati: Marko. 38Nawe Paulo namugambira baleke kuza nage, obwo yatagene nabo Panfiliya n’obwo atagenzire nabo mu milimo. 39Mbe nihabaho mpaka, nibatamwa nibatagana, Barnaba natwara Marko, nasyabara kuza Sipriya, 40kandi Paulo nasoramo Sila, nagenda, batabani babo nibamusindika mu kisa cha Mungu. 41Nazongorora muli Siriya na Silisiya, nagumisya Eklezia, nalagira kuhich’ebilagiro by’Entumwa n’eby’abagurusi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published in 1946 by the White Fathers. Published online with the permission of the White Fathers.