Romans 14
14
CHAPTIR FOWRTEEN.
The eatin oʼ meat, and the keepin oʼ days: see ye that it is dune for the sake oʼ the Lord, and no for the sake oʼ contention!
1And forby: ane that is weak iʼ the faith tak ye in, and no for the sake oʼ doots and disputes.
2Ane, indeed, in his faith can eat aʼ things; anither, wha is weak, eats what is vegetable.
3Lat‐na the eatin ane despise him that eats‐na; and lat‐na him that eats‐na condemn him that eats; for God receives him.
4Wha are ye that are judgin a fremʼd aneʼs servant? he sall staun or faʼ till his ain maister; but he sal be made to staun; for God is strang to up‐haud him.
5Ane, indeed, thinks mair oʼ ae day nor anither; whauras anither thinks muckle oʼ ilka day — lat ilk ane be well‐perswadit in his ain mind.
6He that regairds the day, regairds it to the Lord; and he that eats, eats to the Lord, for he gies thanks to God: and he that eats‐na, to the Lord he absteens, and gies thanks to God.
7For no ane oʼ us leeves to his ain sel; and no ane oʼ us dees to his ain sel.
8For baith, gin aiblins we leeve, we leeve to the Lord; and gin aiblins we dee, we dee to the Lord; sae than, gif we leeve, or gif we dee, we are the Lordʼs.
9For, ettlin thus, Christ baith deeʼt and raise again, that he micht hae the lordship ower the deid and the leevin.
10But ye, why soud ye condemn yere brither? Or ye, why soud ye lichtlie yere brither? For we sal aʼ present oorsels at Godʼs Judgment‐seat.
11For it is putten‐doon: “As I leeve, says the Lord, ‘To me sal lout ilka knee, and to God sal ilka tongue confess!’ ”
12And sae ilka ane oʼ us sal for himsel gie an account to God.
13Sae, nae mair lat us be judgin ane anither, but this discern ye raither — no to pit a stumblin‐clog afore yere brither; or a girn.
14I ken, and hae become perswadit by the Lord Jesus, that #14:14 Sae the Lord perswadit Paul; and sae he perswadit Peter (Acts x. 15). But gin a britherʼs weak conscience airts anither gate, we mauna condemn him; but be cannie wiʼ him.naething is unclean oʼ itsel; only till him wha is reckonin onything to be unclean, till him it bude be unclean.
15Noo, gif ower your meat yere brither is grieved — nae mair are ye gangin in love — dinna wiʼ yere eatin destroy that ane for wham Christ deeʼt!
16Lat na yere gude be ill‐spoken oʼ.
17For Godʼs kingdom isna eatin and drinkin, but holiness and peace, and rejoicin in Holie Spirit.
18For ane that is sae doin service to Christ, is weel‐pleasin to God, and acceptit oʼ men.
19The things oʼ peace, than, are we pursuin; and the things that are for oor common up‐biggin.
20For the sake oʼ meat, be‐na undoin Godʼs wark. Aʼ things, indeed, are clean; but it is ill for the man wha eats wiʼ cause oʼ stumblin.
21It is a grand thing no to eat flesh, nor to drink wine, nor to do onything whaurin yere brither is gart to stumble, or is snared, or is made feckless.
22And ye, what faith ye hae, hae it to yersel afore God! Weel is he wha condemns‐na his ain sel in what he appruves.
23But he that maks a distinction atween meats is condemned gif he eat, for it wasna oʼ faith; for what isna oʼ faith is sin.
ទើបបានជ្រើសរើសហើយ៖
Romans 14: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.
