Romans 13
13
CHAPTIR THIRTEEN.
The saunt is a gude citizen; and walks iʼ the licht.
1Lat ilka saul submit itsel to the protection oʼ the public authoritie. For thar is nae authoritie but by God; thae existin, exist by God.
2Sae he that sets his sel again the authoritie sets his sel again the ordinance oʼ God: and they that oppose sal receive condemnation.
3For rulers are‐na a fear to gude warks, but to the ill. But wad ye no be fleyʼt oʼ the authoritie? Dae ye that whilk is gude, and ye sal hae praise oʼ the same.
4For he is Godʼs servant tʼye, for that whilk is gude. But gin aiblins ye are doin ill, hae fear; for he disna cairry the sword for nocht. For Godʼs servant is he, punishin wiʼ wrath him wha practeeses ill.
5And sae thar is a need oʼ submittin yersels, no only on accoont oʼ the wrath, but eke on accoont oʼ conscience.
6For sae pey ye tribute as weel: for Godʼs ceevil servants are they, takin tent to this vera thing.
7Render, than, to aʼ their #13:7 The dues oʼ Government are taxes and quate behavior; the dues oʼ my neebor are what I wad like him to do to me; and aboon aʼ this, is a braid warld that nae man enters, only God! My haun for my freends; my back for the burden oʼ life; but my knee for God alane!dues; tribute to wham tribute; tax to wham tax; fear to wham fear; honor to wham honor.
8Awe nae man ocht, save love to ane anither; for he wha loʼes the ither fills up the Law.
9Thus: “Ye canna commit adultery; Ye sanna commit murder; Ye sanna steal; Ye sanna covet”; and gin thar be ony ither commandment, it is summed up iʼ this word, namely: “Ye sal loʼe yere neebor as yer sel!”
10Love to aneʼs neebor works nae ill; love tharfor, is the pith oʼ the Law.
11And, kennin the time, that it is an ʼoor eʼen noo for us to wauken oot oʼ sleep: for noo is oor salvation narer‐haun than whan we first believed:
12The nicht is far gane; the dawin comes on. Pit we awa, than, the warks oʼ darkness, and lat us tak the wapins oʼ licht!
13Lat us work, honorably, as in the licht oʼ day: no in bruilzies and druckenness, no in lewdness and wantonness, no in castins‐oot and envyin.
14But pit ye on the Lord Jesus Christ; and hae nae trokin wiʼ the flesh and its corrupt desires.
ទើបបានជ្រើសរើសហើយ៖
Romans 13: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.
