Hebrews 4
4
CHAPTIR FOWR.
The ever‐bidin rest oʼ God is still to the fore for the believer.
1Lat us than hae fear, least at ony time — thoʼ thar be a promise left oʼ enterin intil his Rest — ony frae ʼmang ye soud come short oʼt.
2For to us has the Joyfuʼ‐message been gien, eʼen as to them; but the word oʼ their hearin did them nae gude, they no makin their sels ane in faith wiʼ thae that hearkenʼt.
3For we that hae had faith div enter intil the #4:3 It wasna rest frae wark, but rest frae dool and sin God was promisin: and that Rest is still to the fore!Rest; conform to what he has said, “As I did sweer iʼ my wrath, they sanna enter intil my Rest!” thoʼ the warks war aʼ endit frae the fundation oʼ the yirth.
4For he has said in a place, anent the seeventh day, thus: “And God restit on the seeventh day, frae aʼ his warks.”
5And in this place again, “Gif they sal enter intil my Rest!”
6Sae, seein it is left ower for some to enter intilʼt, and they wha afore had the Joyfuʼ‐message deliverʼt to them enterʼt‐na in, on accoont oʼ thrawartness.
7He still marks oot a certain day, sayin by Dauvid — eʼen eftir sae lang a time as that — juist like as it had been said afore: “The day, gin aiblins ye hear his voice, mak‐na hard yere hearts!”
8For gin Joshua had gien “Rest” to them, he wadna iʼ that case hae been speakin, eftir thae things, oʼ anither day.
9Sae thar is bein left ower a Sabbath‐keepin for aʼ the folk oʼ God!
10For he that enterʼt intil his rest, he eke has restit frae aʼ his warks, as God did frae his.
11Lat us than gie aʼ tent to enter intil that “Rest”; least ony ane faʼs, iʼ the same example oʼ thrawartness.
12For Godʼs word is leevin and michty, keener nor a twa‐edged sword, thringin throwe to the pairtin oʼ saul and spirit, oʼ joints and marrow; and gleg at discernin the airtins and ettlins oʼ the heart.
13And thar isna a creatit thing that can be hidden frae his sicht; but aʼ things are nakit and laid bare to the een oʼ him wham we hae to do wiʼ.
14Haein than a great Heigh‐Priest, wha has gane up throwe the heevens, Jesus, the Son oʼ God, lat us haud siccar oor confession!
15For we haena a Heigh‐Priest that hasna a brither‐feelin wiʼ oor weaknesses; but ane wha was tempit in aʼ the likeness oʼ oorsels, yet wantin sin.
16Lat us, than, draw nar wiʼ freedom oʼ speech to the thron oʼ tender‐love; that we may obteen mercie, and find favor to help us in oor need!
ទើបបានជ្រើសរើសហើយ៖
Hebrews 4: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.