Hebrews 3
3
CHAPTIR THRIE.
Christ greater nor Moses, and wordie oʼ mair honor.
1Sae, holie brethren, the bidden?-?anes oʼ a heevenlie biddin, look weel at the Apostle and Heigh‐Priest oʼ oor profession, Jesus.
2Wha was leal to him wha made him priest, as was Moses in aʼ his hoose.
3For he is coontit wordie oʼ mair glorie nor Moses, by as muckle as he wha biggs the hoose has mair glorie nor the hoose.
4For ilka hoose is made by some ane; but he wha made aʼ things is God.
5And, indeed, “Moses was leal in aʼ his hoose,” as a steward, for a witness oʼ the things that war to be spoken;
6But Christ, as a Son ower his ain hoose; whase hoose are we, gin aiblins we haud siccar the freedom oʼ the promise and the glorie oʼ the hope to the end.
7Whaur‐for, eʼen as says the Holie Spirit, “The day, gin ye may hear his voice,
8“Harden‐ye‐na yere hearts, as in the bitter thrawartness, on the day oʼ temptation iʼ the desert,
9“Whan yere forbears tempit me wiʼ a test; and saw my warks forty year.
10“Sae was I sair vexed wiʼ this generation, and said, ‘Aye gang they agley iʼ their heart, and they divna ken my ways.’
11“Sae did I sweer iʼ my wrath, ‘They sal enter‐na intil my Rest!’ ”
12Tak ye tent, brethren, least at ony time thar soud be, in ony oʼ ye, a dour heart oʼ unbelief, in faʼin‐awa frae the leevin God;
13But exhort ane‐the‐ither, day by day, eʼen as lang as it is caʼd “the day,” least ony oʼ ye be hardened throwe the glamor oʼ sin.
14For gin we haud siccar tae the hinner end the beginnin oʼ oor faith, we hae come to be pairtners wiʼ Christ.
15While it is said, “The day, gin ye wull hear his voice, harden‐ye‐na yere hearts, as in the bitter thrawartness!”
16For wha wasʼt, thoʼ they heard, caused the bitterness? Na, didna aʼ thae wha cam oot oʼ Egypt by Moses?
17But wham was he sair vexed wiʼ for forty year? Wasʼt no wiʼ thae that sinned, wha fell iʼ the desert?
18And to wham swure he that they soudna enter intil his #3:18 It was a bonnie ee‐sweet land they had afore them! and yet they never saw it! God sauf us frae the dourness and thrawartness that wad come atween us and oor Canaan Aboon.Rest, but to thae wha war thrawn and dour?
19And we see they warna able to enter in for unbelief.
ទើបបានជ្រើសរើសហើយ៖
Hebrews 3: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.