Galatians 6
6
CHAPTIR SAX.
Hoo to walk, and what to glorie in.
1Brethren, gin aiblins a man be betrayʼt intil a faut, ye wha are spiritual recover sic a ane iʼ the spirit oʼ canniness; lookin to yersel, least ye yersel be tempit.
2Uphaud ye ane anitherʼs burdens, sae sal ye perform the Law oʼ Christ.
3For gin a man thinks he is something, whan he is naething, he is but deceivin his sel in his ain mind.
4But lat ilka man test his ain wark; and than sal he hae pleasur in himsel allenarlie, and no in what anither thinks.
5For ilka man sal cairry his ain back‐burden.
6Nane‐the‐less, lat him that is instructit iʼ the Word hae #6:6 Thoʼ Paul threeps that they wha declare the Gude‐word soud hae their breid oot oʼ the Gude‐word (1 Cor. 9:14), he dis it in a modest way, that he micht‐na seem to be seekin for his sel. Here he caʼs it “fellowship.”fellowship wiʼ him that instructs, in aʼ gude things.
7Dinna deceive yer sels; God isna to be mocked; for what a man saws, the same sall he shear;
8For he that saws till his ain flesh, oot oʼ the flesh sal hae corruption; but he wha saws to the Spirit, oot oʼ the Spirit sal hae Life‐for‐aye.
9But in doin what is weel, lat us no be cuisten‐doon; for in due time we sal reap, gin we gie‐na‐up.
10Sae than, eʼen as we hae openins, lat us work what is gude toward aʼ men, special toward the hoosehauld oʼ the Faith.
11(See wiʼ sic muckle letters I wrate tʼye, wiʼ my ain haun!)
12As monie as wad mak a bonnie schaw iʼ the flesh, they wad gar ye be circumceesed, only that they soudna dree persecution for the Cross oʼ Christ.
13For no eʼen they wha hae become circumceesed are their sels observin the Law, but they wad hae ye circumceesed, that they micht boast theirsels in your flesh.
14But wiʼ me, lat it be far frae boastin, gin it be‐na in the cross oʼ oor Lord Jesus Christ, throwe wham the warld to me is crucifyʼt, and I to the warld.
15For in Christ Jesus naither circumceesion is onything, nor uncircumceesion, but a new creation.
16And till as mony as are gaun on by this rule, peace and mercy on them, and on the Israʼl oʼ God!
17For the lave, lat nane gie me fash; for I bear aboot in my body the brands oʼ the Lord Jesus!
18Oor Lord Jesus Christʼs favor wiʼ yere spirit, brethren! Amen!
ទើបបានជ្រើសរើសហើយ៖
Galatians 6: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.