ខគម្ពីរពេញនិយមពី Galatians 6

ចែក​រំលែក

But in doin what is weel, lat us no be cuisten‐doon; for in due time we sal reap, gin we gie‐na‐up.

Sae than, eʼen as we hae openins, lat us work what is gude toward aʼ men, special toward the hoosehauld oʼ the Faith.

Uphaud ye ane anitherʼs burdens, sae sal ye perform the Law oʼ Christ.

Dinna deceive yer sels; God isna to be mocked; for what a man saws, the same sall he shear

For he that saws till his ain flesh, oot oʼ the flesh sal hae corruption; but he wha saws to the Spirit, oot oʼ the Spirit sal hae Life‐for‐aye.

Brethren, gin aiblins a man be betrayʼt intil a faut, ye wha are spiritual recover sic a ane iʼ the spirit oʼ canniness; lookin to yersel, least ye yersel be tempit.

For gin a man thinks he is something, whan he is naething, he is but deceivin his sel in his ain mind. But lat ilka man test his ain wark; and than sal he hae pleasur in himsel allenarlie, and no in what anither thinks. For ilka man sal cairry his ain back‐burden.