2 Thessalonians 3
3
CHAPTIR THRIE.
Some faitherly charges, as ane pairtin wiʼ his dear bairns.
1And for the lave oʼt; pray ye for us, brethren, that the Lordʼs word may be rinnin, and winnin glorie, eʼen as it dis wiʼ you.
2And that we may be saved frae forritsome and ill men; for aʼ men haena the faith.
3But faithfuʼ is the Lord, wha wull up‐bigg ye, and gaird ye frae the Ill‐ane.
4But we hae perswadit oorsels that whatna things we are giean ye in chairge, ye are baith doin and wull do.
5The Lord airt yere hearts into the love oʼ God, and into the lang‐tholin oʼ Christ!
6But we chairge ye, brethren, iʼ the name oʼ oor Lord Jesus Christ, that ye haud awa frae ony brither wha walks disorderly, and no conform to the coonsel ye had frae us.
7For ye yersels ken hoo ye soud be takin paittern by us; in that we warna disorderly amang ye:
8Naither, as a free‐gift, did we eat ony manʼs breid; but in toil and sair tholin, nicht and day workin, sae as no to be a burden on ony oʼ ye;
9No that we hadna authoritie, but that we micht mak oorsels a paittern for ye to paittern eftir us.
10For eʼen whan we war wiʼ ye, this we gar giean in chairge till ye, “That gin ony man wadna work, naither soud he eat.”
11For we hear oʼ some walkin amang ye disorderly, workin at naething, yet thrang and forritsome.
12But sic as thir we chairge and entreat iʼ the Lord Jesus, that, quately workin, they eat their ain breid.
13But ye, brethren, be‐na wearied in weel‐doin.
14But gin ony ane isna giean heed till oor word throwe this letter, remark this ane, and be‐na chief wiʼ him, that he may be shamed.
15Yet esteem‐him‐na as a fae, but coonsel him as a brither.
16And the Lord oʼ peace himsel, may he gie ye peace aye, and in aʼ ways! The Lord be wiʼ ye aʼ!
17The salutation oʼ Paul, wiʼ my ain haun; that is a token in ilka letter: sae I write.
18The tender love oʼ oor Lord Jesus Christ be wiʼ ye aʼ!
ទើបបានជ្រើសរើសហើយ៖
2 Thessalonians 3: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.