1 Timothy 1
1
CHAPTIR ANE.
Paul minds him oʼ what he had tellʼt him: and than speaks oʼ Godʼs mercie till his sel.
1Paul, an Apostle oʼ Jesus Christ, by commaun oʼ God the Faither, and Jesus Christ, oor Lord.
2To Timothy, my true bairn iʼ the faith: tender love, mercie, peace, frae God oor Faither, and Jesus Christ oor Lord.
3Eʼen as I entreatit ye to bide still in Ephesus, whilst I gaed intil Macedonia, that ye soud chairge a wheen no to be teachin anither gate,
4Nor yet giean heed to silly auld tales and endless pedigrees; whilk in truth rin intil nevir‐endin quaistens, raither than a gude stewardship for God that is in faith.
5But the end oʼ the commaun is love, oot oʼ a pure heart, and a clean conscience, and a leal faith;
6Whilk some, haein missed the mark, gaed agley into idle havers;
7Wha wad be teachers oʼ the Law, no understaunin the things they war sayin, or anent whilk they war stoutly affirmin.
8But we ken that the Law is gude, gin a man mak use oʼt in a lawfuʼ mainner.
9Kennin this, that to a just man the Law isna laid doon, but to lawless and disobedient anes, ungodly and sinfuʼ, irreligious and profane, slayers oʼ faithers and slayers oʼ mithers, blude‐shedders,
10Lecherers, sodomites, man?-?stealers, leears, mansworn anes; and gin thar be onything mair, contrar to halesome doctrine;
11Conform to the Gude‐word oʼ the glorie oʼ the blessed God, whilk was committed to my keepin.
12Unco thanks hae I to him wha enablʼt me — Christ Jesus oor Lord — in that he esteemʼd me leal, pittin me intil the service,
13Thoʼ I was ance a blasphemer, and a persecutor, and a hater; nane‐the‐less, I gat mercie, for that I had dune it throwe ignorance, in unbelief.
14But aboon aʼ measur was the tender‐love oʼ oor Lord, wiʼ faith and love; that whilk is in Christ Jesus.
15Leal the word! and wordie oʼ aʼ takin‐till ane, “That Christ Jesus cam into the world, sinners to save!” oʼ wham a chieftain am I!
16But I wan mercie on this accoont, that in me, as a chieftain, Christ Jesus micht schaw forth his unco lang‐tholin, for a paittern for thae wha wad pit faith in him for life everlastin.
17Noo to the King oʼ the ages, uncorruptible, unseen, the Ae God, be honor and glorie for evir and evir, Amen!
18This chairge gie I tʼye, my bairn Timothy: conform to the prophecies gaun afore on ye, that ye micht fecht the noble war.
19Haudin lealness and a clean conscience; whilk some castin frae them, hae as to the faith made ship‐wreck;
20Oʼ wham is Hymeneus and Aylsander, wham I gied ower to #1:20 The words are gey like 1 Cor. 5:5; and the process is the same — pittin them back, oot oʼ the Kirk, intil Sautanʼs kingdom [the warld], till, discipline haein wrocht a gude wark in them, they micht be looten back again intil the Kirk.Sautan, that they micht learn no to blaspheme.
ទើបបានជ្រើសរើសហើយ៖
1 Timothy 1: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.