1 Corinthians 14
14
CHAPTIR FOWRTEEN.
Speakin wiʼ tongues; and hoo the Kirk may hae a blessin oot oʼt.
1Follow ye eftir Love: yet be ye fain to hae spiritual gifts; but amang them aʼ, that ye may prophesy.
2For he that speaks wiʼ anither tongue, isna speakin to men, but to God; for nane listens to him; still, iʼ the Spirit he is speakin deep things.
3But he that is prophesying is speakin to men for their strenthenin, exhortation, and comfort.
4He that speaks wiʼ a tongue is strenthenin his sel; but he that prophesies is strenthenin the Kirk.
5Hoobeit, I desire ye to be speakin wiʼ tongues, but mair that ye may prophesy; for heigher is he that prophesies than he wha speaks wiʼ tongues — unless indeed he expone it, that the Kirk may be strenthened.
6And noo, brethren, gin I come to ye speakin wiʼ tongues, what better sal ye be, gin I divna speak to ye aither by revelation, or wiʼ wisdom, or by preachin, or by exponin?
7And sae eʼen things no leevin, giean oot a soond, be it pipe or harp, gin they dinna mak a differ in the notes, hoo sal it be kent what is piped or what is harped?
8For gin the trumpet gie a wafflin soond, wha wull pit on his graith for the fecht?
9And sae ye, gin ye gie‐na speech weel‐kent, hoo sal it be up‐taen? for ye wull be speakin to the air.
10Thar may be an unco‐mony tongues in the warld, and no ane wantin sense.
11Gin than I ken‐na the meanin oʼ the tongue, I sal be to him wha is speakin like ane fremd; and he that is speakin, fremd to me.
12Sinʼ than ye be fain to hae Spirit‐gifts, seek that ye may be forrit in strenthenin the Kirk.
13And sae, lat him wha speaks wiʼ a tongue, pray that he may expone it.
14For gin I be prayin in a tongue, my spirit is prayin, but my mind isna nourishʼt.
15What than? I wull pray in the spirit, but I wad eke pray wiʼ the understandin: I wull praise wiʼ the spirit, but I wad eke praise wiʼ the understandin!
16Els, gin aiblins ye be blessin iʼ the spirit, hoo sal he that is wantin in gifts say the “Amen,” at yere giean oʼ thanks? sinʼ he kens‐na what ye are sayin!
17For ye are indeed giean thanks weel, but the ither isna strenthenʼt!
18I gie thanks to God that I speak wiʼ tongues mair nor aʼ oʼ ye.
19But in the Kirk I wad raither speak fyve words wiʼ my understaunin, that I micht gie ithers lear, than myriads oʼ words in a tongue!
20Brethren, be‐na bairns in yere understaunins: but in aʼ that is base be ye bairns, while in yere understaunins be ye men.
21Iʼ the Law thar is putten‐doon, “Wiʼ ither tongues and ither lips, speak I to this folk; and no eʼen sae wull they listen to me, says the Lord.”
22Sae that tongues are for a testimonie, no to thae that hae faith, but to thae wantin faith: but prophecie isna for thae that are wantin faith, but for they wha hae faith.
23For gin the hail Kirk come thegither for the ae thing, and aʼ be speakin wiʼ tongues, and thar come in men ungiftit, or wantin faith, wull they no report ye are wud?
24But gin aiblins aʼ are prophesyin, and thar come in ane wantin faith, or wantin gifts, he is convictit by aʼ; he is pruvʼd by aʼ; the secrets oʼ his heart are made kent;
25And, faʼin doon on his face, he wull adore God, declarin that God is in ye indeed!
26Hoo, than, isʼt, brethren? Whaneʼer ye come thegither, ilk ane has a psalm, or an exhortation, or a revelation, or a tongue, or an interpretation: lat aʼ things be dune for up‐biggin.
27Gin it be in a tongue, lat it be wiʼ twa, or at maist by thrie, by turns; and lat ane be exponin.
28But gif thar be nane to expone, lat him be quate iʼ the kirk: to himsel lat him be speakin — and to God.
29And as to the prophets, lat twa #14:29 John Knox recommendit sic meetins “for prophesyin”; sae he caʼd them: and that twa, or at maist thrie, only, soud speak, and then gang oot, till the lave had pronounced on what they had brocht forrit. It wasna dune by oor Scots folk; but was gude advice, nane‐the‐less.speak, or thrie, and lat the ithers discern.
30But gin aiblins to anither a revelation is made as he is sittin, lat the first be quate:
31For ane by ane ye can aʼ prophesy, that aʼ may learn, and aʼ hae consolation.
32And the spirits oʼ the prophets are ruled by the prophets.
33For God isna a God oʼ tulzies, but oʼ peace; as in aʼ the kirks oʼ the saunts.
34As for the wives, lat them be quate iʼ the kirks; for it isna allooʼd them to be speakin, but lat them be in submission, eʼen as says the Law.
35But gin they wad fain learn onything, lat them speir at their ain husbands at hame; for it isna seemly for a wife to be speakin iʼ the kirk.
36Wasʼt frae you that the word oʼ God gaeʼd oot? or to you allenarlie did it come?
37Gin ony ane judges he is a prophet, or spiritual, lat him say that the things I am writing to ye are the Lordʼs words.
38But gin ony ane is ignorant anent this, lat him bide ignorant.
39Sae than, brethren, be fain to prophesy, and forbid‐na to speak wiʼ tongues;
40But lat aʼ things be dune decently and in order.
ទើបបានជ្រើសរើសហើយ៖
1 Corinthians 14: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.