1 Corinthians 13
13
CHAPTIR THIRTEEN.
The praise oʼ love: it is like God, frae wham it comes, perfete!
1Gin aiblins I be speakin wiʼ aʼ the tongues oʼ men and oʼ Angels, and want love, I am nae mair nor dunnerin brass, or a jinglin cymbal.
2And gin I hae the gift oʼ foretellin, and ken aʼ hidden things, and aʼ lear; and gin I hae aʼ faith, sae as to gar mountains flit, but hae‐na love, I am naething.
3And gin I morsel‐oot aʼ I hae intil hungʼry monʼs, and gie up my body to the lowin fire, and hae‐na love, I am nane the better!
4Love tholes lang; is kind and cannie: love isna sellie, love vaunts?-?na itsel, isna sune upliftit;
5Demeans itsel discreetly; seeks‐na her ain: isna gien to flytin; casts nae by‐ganes.
6Joys‐na ower wrang, but alang wiʼ truth is blythe:
7Tholes aʼ things, lippens aʼ things, looks forrit to aʼ things, drees aʼ things.
8Love bides aye. But gin thar be #13:8 Prophecies and foretellins sal cease; no that they warna gude and true, but that aʼ is come to pass, and they are‐na needit.foretellins, they sal be endit; gin thar be tongues, they sal cease; gin thar be lear, it sal dwine awa.
9For we ken but in pairt, and we prophesie but in pairt.
10But whan the perfete is come, than aʼ that is in pairt sal be laid doon.
11Whan I was a bairn, I spak like a bairn, I esteemed things like a bairn, I thocht like a bairn; but noo, bein a man, I hae putten‐awa bairn‐like things.
12For noo we see but in a keekin‐gless, aʼ dimly; but than, clearly, face to face: noo, in pairt I ken; but than sal I ken, eʼen as I mysel hae been clearly kent.
13But noo, firm bides Faith, Hope, and Love, thir thrie; but Love is boonmaist oʼ them aʼ.
ទើបបានជ្រើសរើសហើយ៖
1 Corinthians 13: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.