Mark 5
5
Sa Naaḻanan
(Mat. 8:28-34; Luk. 8:26-39)
1Pune sadi, pinagatupan da Jesus we dummoḻmang inggana'ḵ dummatongda'tte saḵubna'd Gerasa. 2Lummogsad ḵad aḵ Jesus atte bangka, inabot ni laḻaḵi ye naaḻanane naḻpu'tte lilibbonane 3nangig-igaw sidi. Naippun paat ḵallabbong maḵaibaḻud, taḵon ay nu ḵawadanda. 4Te nangampigaonda ḵinawadan imana ya ḵinanselan da suḵina yaḵon awwayna gosat atta ḵawad si imana ya piniḵaḵna da ḵanselna. Naippun os maḵaipugod ḵan siya te amod de ḵosdoḻna. 5Inaḻgaw ḵan nilabi, umoy anggaḵagaḵay si lilibbonan ya sa bebbelege ambogbogga ya sinugasugatna long-agna'tta batu.
6Intapna ḵad aḵ Jesus, nanoddaḵe ummoy niyabot woḵ nanalluḵu si sinagungna. 7Pun ḵananae napapḵaaw, “Anii! Ngaipaḵa umali ḵan saḵon? Siḵa'ḵ Jesus we Abeng ni Ḵangatuwane Apudyus! Ibagam ḵappos ḵan Apudyus ta adina saḵon dusaon!” 8Imbagana ḵaḵnat te innilan ḵad Jesus sadi ye laḻaḵi, ḵananae namaḻyaw, “Siḵae aḻan, ḵumassadḵa!”
9Pun ḵanan Jesus we nangimus ḵan siya, “Ngai ngadannu?”
Ḵanana, “Nilibu te amod ḵani.” 10Pun inḵasinna nandagdagu ḵan Jesus we adina oḵyan pos paḻyawon dida'tte sadi ye ili.
11Inninggaw da amode boḻoḵ we ansubsubuḵ atte tagada. 12Pun ḵanan da aḻane nandagdagu, “Ibuunnu ḵappos diḵani'tta andi ye boḻoḵ ta lumnoḵ ḵani ḵan dida.”
13Ḵanan Jesus, “On, inḵayu!” Pun tummoḵwaḻda'tte laḻaḵi woḵ nillumnoḵda'tta boḻoḵ. Nangwa ḵad da boḻoḵ, nandoḵdoḵasdae nan-osog woḵ naottagda'tte etpang pun naanudda si baybay. Sa amuamung ni iyapda, batug di duwallibu.
14Da nanangḵon ḵad atta boḻoḵ, ummawidda woḵ ummoyda imbaga si siyudad ya da ili. Pun da umili, ummoyda ta ilanda bos nu ngai naḵwa. 15Dummatongda ḵad si igaw Jesus, inniladae tutuḵdu sadi ye laḻaḵi ye naaḻanan. Nansilup ḵan nanggodong somsomoḵna. Pun naḵimtanda. 16Da nangila, inugudda'tta tagu de naḵwa'tte naaḻanan ya da adu we boḻoḵ. 17Pun insaḻaddae nandagdagu ḵan Jesus ta tenana ilida. 18Summaḵyat ḵad aḵ Jesus si bangka, daguse ummoy laḻaḵi ye napaḻyawan da aḻan woḵ nandagdagu we mibuḻun ḵan dida. 19Yaḵon ummadin Jesus woḵ ḵanana ḵan siya, “Inḵan atta buḻbuḻunnu ya ibagam ḵadagun Apu ya sa ḵingwana ḵan siḵa.” 20Pun ḵesan woḵ ummoy nanggaḵay atta simpuḻu we siyudade saḵub ni Decapolis woḵ imbagabagana da ḵingwan Jesus ḵan siya. Pun nataag da losane nangngoḻ atta imbagana.
Sa Bubai Ya Sa Abeng Jairus
(Mat. 9:18-26; Luk. 8:40-56)
21Nipauli ḵad aḵ Jesus we dummoḻmang, inaligummun da amoamode tagu'tte taḻantag ni baybay. 22Pun annat aḵ Jairus we osa'tta pangat ni sinagoga. Innilana ḵad ay aḵ Jesus, nanalluḵu si sinagungna, 23woḵ nandagdagu. Ḵanana, “Awad de abengḵu we bubai ye madam-an matoy. Awwaynu ḵappos ta inḵa ipatay imam ḵan siya ta lumin-awa ta matagu.” 24Pun nibuḻun aḵ Jesus woḵ nansussulig da amoamode nibuḻun.
25Pune sadi, inninggaw os bubai ye dumaḻadaḻa'tte nasawaḻan aḵ duwae tawon. 26Nampaḵaḻam atta adu we an-aagas ḵan siya ya naaminan yaḵon naippun naḵaagas atte saḵitna. Sa naḵwa, dummallu saḵitna. 27Dingngoḻna ḵad mipanggob ḵan Jesus, ummoy nidoga'tta adu we tagu si odogan Jesus woḵ tindoḵna silupna. 28Te ḵanana'tte somsomoḵna, “Taḵon ay nu abuse tokkoḵ silupna, lumin-awaaḵ.”
29Pun naḵaginoḵ daḻana woḵ giniḵnanae lummin-awa. 30Pun daguse nallangḻanga'ḵ Jesus atta tagu te giniḵnanae tummoḵwaḻ ḵabooḻana woḵ ḵanana, “Ngai nandoḵ atte silupḵu?”
31Ḵanan da disipuluna, “Ilam ose amoamod da nansussulig! Ngaipam imuson nu ngai nandoḵ atte silupnu?” 32Aḵ Jesus ḵad, nallangḻanga ta ilana nu ngai nandoḵ si silupna. 33Gapu ta inigammun ni bubai da naḵwa ḵan siya, ummadani ye amilpilpil si ḵimutna woḵ nanalluḵu si sinagung Jesus. Pun imbagana da losane ḵatuttuwaane naḵwa ḵan siya.
34Ḵanan Jesus ḵan siya, “Abengḵu, gapu'tte pammatim ḵan saḵon, bummaḻuḵa. Inḵan lumin-awa somsomoḵnu ḵad adipun ogon mipauli saḵitnu.”
35Sa nangibag-ana'tte bubai, nadanatong da udume naḻpu si boḻoy da Jairus. Pun ḵananda ḵan siya, “Adim ogon taḵtaḵon aḵ Mistulu te natoy abengnu.”
36Aḵ Jesus ḵad, ining-ingngana imbagada woḵ ḵanana ḵan Jairus, “Adiḵa maḵimut, abus amatiḵa.” 37Adimpun Jesus iyyunude awad mibuḻun ḵan siya, abus aḵ Peter ya da James ḵan John we ansunud. 38Dummatongda ḵad aḵ ḵuwan da Jairus, innilana da amode tagu we sin-oomoḻ ḵan sin-iibil. 39Nillumnoḵ aḵ Jesus woḵ ḵanana, “Ngaipa ḵayu sin-oomoḻ ḵan sin-iibil? Sa annate abenge bubai, daḵampun aḵ natoy. Nasuyope abus.”
40Pun inem-emesda. Pun pinaḻawan Jesus dida woḵ inayagana da ama ḵan inan ni abeng ya da disipuluna ta lumnoḵda'tte igaw ni abeng. 41Pune sadi, innonnana imana woḵ ḵanana'tte ugudda, “Talitha koum.” Sa piona ugudon, “Babaḻasang, bumangonḵa.” 42Natanaḵdog woḵ isaḻadnae anaddaḻan. Sa babaḻasang nasawaḻan aḵ duwa tawonna.
Pun da losane nangila, amod pagay nantataagda. 43Imbilibilin Jesus ḵan didae adida ug-uggudon atta ngaiman da naḵwa woḵ ḵanana bos, “Ittanyu'ḵ ḵanona.”
ទើបបានជ្រើសរើសហើយ៖
Mark 5: kml
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Translators Association of the Philippines (TAP), All rights reserved.
Mark 5
5
Sa Naaḻanan
(Mat. 8:28-34; Luk. 8:26-39)
1Pune sadi, pinagatupan da Jesus we dummoḻmang inggana'ḵ dummatongda'tte saḵubna'd Gerasa. 2Lummogsad ḵad aḵ Jesus atte bangka, inabot ni laḻaḵi ye naaḻanane naḻpu'tte lilibbonane 3nangig-igaw sidi. Naippun paat ḵallabbong maḵaibaḻud, taḵon ay nu ḵawadanda. 4Te nangampigaonda ḵinawadan imana ya ḵinanselan da suḵina yaḵon awwayna gosat atta ḵawad si imana ya piniḵaḵna da ḵanselna. Naippun os maḵaipugod ḵan siya te amod de ḵosdoḻna. 5Inaḻgaw ḵan nilabi, umoy anggaḵagaḵay si lilibbonan ya sa bebbelege ambogbogga ya sinugasugatna long-agna'tta batu.
6Intapna ḵad aḵ Jesus, nanoddaḵe ummoy niyabot woḵ nanalluḵu si sinagungna. 7Pun ḵananae napapḵaaw, “Anii! Ngaipaḵa umali ḵan saḵon? Siḵa'ḵ Jesus we Abeng ni Ḵangatuwane Apudyus! Ibagam ḵappos ḵan Apudyus ta adina saḵon dusaon!” 8Imbagana ḵaḵnat te innilan ḵad Jesus sadi ye laḻaḵi, ḵananae namaḻyaw, “Siḵae aḻan, ḵumassadḵa!”
9Pun ḵanan Jesus we nangimus ḵan siya, “Ngai ngadannu?”
Ḵanana, “Nilibu te amod ḵani.” 10Pun inḵasinna nandagdagu ḵan Jesus we adina oḵyan pos paḻyawon dida'tte sadi ye ili.
11Inninggaw da amode boḻoḵ we ansubsubuḵ atte tagada. 12Pun ḵanan da aḻane nandagdagu, “Ibuunnu ḵappos diḵani'tta andi ye boḻoḵ ta lumnoḵ ḵani ḵan dida.”
13Ḵanan Jesus, “On, inḵayu!” Pun tummoḵwaḻda'tte laḻaḵi woḵ nillumnoḵda'tta boḻoḵ. Nangwa ḵad da boḻoḵ, nandoḵdoḵasdae nan-osog woḵ naottagda'tte etpang pun naanudda si baybay. Sa amuamung ni iyapda, batug di duwallibu.
14Da nanangḵon ḵad atta boḻoḵ, ummawidda woḵ ummoyda imbaga si siyudad ya da ili. Pun da umili, ummoyda ta ilanda bos nu ngai naḵwa. 15Dummatongda ḵad si igaw Jesus, inniladae tutuḵdu sadi ye laḻaḵi ye naaḻanan. Nansilup ḵan nanggodong somsomoḵna. Pun naḵimtanda. 16Da nangila, inugudda'tta tagu de naḵwa'tte naaḻanan ya da adu we boḻoḵ. 17Pun insaḻaddae nandagdagu ḵan Jesus ta tenana ilida. 18Summaḵyat ḵad aḵ Jesus si bangka, daguse ummoy laḻaḵi ye napaḻyawan da aḻan woḵ nandagdagu we mibuḻun ḵan dida. 19Yaḵon ummadin Jesus woḵ ḵanana ḵan siya, “Inḵan atta buḻbuḻunnu ya ibagam ḵadagun Apu ya sa ḵingwana ḵan siḵa.” 20Pun ḵesan woḵ ummoy nanggaḵay atta simpuḻu we siyudade saḵub ni Decapolis woḵ imbagabagana da ḵingwan Jesus ḵan siya. Pun nataag da losane nangngoḻ atta imbagana.
Sa Bubai Ya Sa Abeng Jairus
(Mat. 9:18-26; Luk. 8:40-56)
21Nipauli ḵad aḵ Jesus we dummoḻmang, inaligummun da amoamode tagu'tte taḻantag ni baybay. 22Pun annat aḵ Jairus we osa'tta pangat ni sinagoga. Innilana ḵad ay aḵ Jesus, nanalluḵu si sinagungna, 23woḵ nandagdagu. Ḵanana, “Awad de abengḵu we bubai ye madam-an matoy. Awwaynu ḵappos ta inḵa ipatay imam ḵan siya ta lumin-awa ta matagu.” 24Pun nibuḻun aḵ Jesus woḵ nansussulig da amoamode nibuḻun.
25Pune sadi, inninggaw os bubai ye dumaḻadaḻa'tte nasawaḻan aḵ duwae tawon. 26Nampaḵaḻam atta adu we an-aagas ḵan siya ya naaminan yaḵon naippun naḵaagas atte saḵitna. Sa naḵwa, dummallu saḵitna. 27Dingngoḻna ḵad mipanggob ḵan Jesus, ummoy nidoga'tta adu we tagu si odogan Jesus woḵ tindoḵna silupna. 28Te ḵanana'tte somsomoḵna, “Taḵon ay nu abuse tokkoḵ silupna, lumin-awaaḵ.”
29Pun naḵaginoḵ daḻana woḵ giniḵnanae lummin-awa. 30Pun daguse nallangḻanga'ḵ Jesus atta tagu te giniḵnanae tummoḵwaḻ ḵabooḻana woḵ ḵanana, “Ngai nandoḵ atte silupḵu?”
31Ḵanan da disipuluna, “Ilam ose amoamod da nansussulig! Ngaipam imuson nu ngai nandoḵ atte silupnu?” 32Aḵ Jesus ḵad, nallangḻanga ta ilana nu ngai nandoḵ si silupna. 33Gapu ta inigammun ni bubai da naḵwa ḵan siya, ummadani ye amilpilpil si ḵimutna woḵ nanalluḵu si sinagung Jesus. Pun imbagana da losane ḵatuttuwaane naḵwa ḵan siya.
34Ḵanan Jesus ḵan siya, “Abengḵu, gapu'tte pammatim ḵan saḵon, bummaḻuḵa. Inḵan lumin-awa somsomoḵnu ḵad adipun ogon mipauli saḵitnu.”
35Sa nangibag-ana'tte bubai, nadanatong da udume naḻpu si boḻoy da Jairus. Pun ḵananda ḵan siya, “Adim ogon taḵtaḵon aḵ Mistulu te natoy abengnu.”
36Aḵ Jesus ḵad, ining-ingngana imbagada woḵ ḵanana ḵan Jairus, “Adiḵa maḵimut, abus amatiḵa.” 37Adimpun Jesus iyyunude awad mibuḻun ḵan siya, abus aḵ Peter ya da James ḵan John we ansunud. 38Dummatongda ḵad aḵ ḵuwan da Jairus, innilana da amode tagu we sin-oomoḻ ḵan sin-iibil. 39Nillumnoḵ aḵ Jesus woḵ ḵanana, “Ngaipa ḵayu sin-oomoḻ ḵan sin-iibil? Sa annate abenge bubai, daḵampun aḵ natoy. Nasuyope abus.”
40Pun inem-emesda. Pun pinaḻawan Jesus dida woḵ inayagana da ama ḵan inan ni abeng ya da disipuluna ta lumnoḵda'tte igaw ni abeng. 41Pune sadi, innonnana imana woḵ ḵanana'tte ugudda, “Talitha koum.” Sa piona ugudon, “Babaḻasang, bumangonḵa.” 42Natanaḵdog woḵ isaḻadnae anaddaḻan. Sa babaḻasang nasawaḻan aḵ duwa tawonna.
Pun da losane nangila, amod pagay nantataagda. 43Imbilibilin Jesus ḵan didae adida ug-uggudon atta ngaiman da naḵwa woḵ ḵanana bos, “Ittanyu'ḵ ḵanona.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Translators Association of the Philippines (TAP), All rights reserved.