Mark 4
4
Sa Pani Atte Nawwagawag Si Bukoḻ
(Mat. 13:1-9; Luk. 8:4-8)
1Sin-aḻgawan ḵad, ummoy aḵ Jesus atte taḻantag ni baybay ta antuttudu. Gapu ta amoamod da nangaligummu ḵan siya, ummoy tummuḵdu'tte bangka'tte sissiyae inggaw da tagu si taḻantag. 2Nantuttudu ḵan dida'tta adu we banage impanina woḵ ḵanana, 3“Dongngonyu! Inninggaw tagu we ummoy nawwagawag si buḵoḻ. 4Iwwagawagna ḵad, naottag udum atte daḻan woḵ ummoy da sissiwit tinuḵtuḵan. 5Da udume buḵoḻe niwagawag, naottagda'tte bibbisil. Taḵon ay nu tummubuda, 6dummingit ḵad ay init naḻ-uyda woḵ naḻanguda te naippun ḵon lamutda. 7Da udum ḵad ose buḵoḻ, naottagda si laslasi woḵ taḵon ay nu tummubuda, nidisan tummubu da lasi woḵ pinsoḻda da muḻa ta adida dumaḵoḻ, pun naippun bungada. 8Da udume buḵoḻ, naottagda'tte alluta. Tummubuda woḵ namungada, da udum namungada'ḵ sintuḵlumpuḻu, sin-oonompuḻu ya da udum singgagasut.” 9Pun ḵanan Jesus we nangiyanungus, “Diḵayu we andodongngoḻ, sosomḵonyu da dingngoḻyu.”
Sa Panggob Da Pani
(Mat. 13:10-17; Luk. 8:9-10)
10Ummoyon ḵad da adu we tagu, natenan da nasawaḻan aḵ duwae disipuluna ya da udume nitun-ud ḵan Jesus. Pun ḵananda, “Ngai pion ni sadi ye pani ḵanan?” 11Ḵanan Jesus, “Diḵayu ḵad, nipaigammu da banage adipun nipaigammu si awe mipanggob atte ampangatan Apudyus. Da udum ḵad, abus ipaniḵ 12ta taḵon ay nu iillanda, adidapun maḵaimatun ya taḵon ay nu dodongngonda, adidapun maawatan. Te nu maawatanda, ambabawida nin atta basuḻda ta ansinagungda ḵan Apudyus ya mapakawanda. Siya gapunae ipaniḵe antuttudu ḵan dida.”#4:12 Isaiah 6:9-10.
Sa Pion Ni Pani Atte Nawwagawag Si Bukoḻ Ḵanan
(Mat. 13:18-23; Luk. 18:11-15)
13Pun ḵanan Jesus ḵan dida, “Ngaipayu adi maawatan annae pani? Nu adiyu maawatan ḵaḵna, ngai ḵad ain inonyu we angigammu'tta udume ipaniḵ? 14Annaya pion ni pani ḵanan. Sa buḵoḻe niwagawag, siya Ugud Apudyus. 15Da naottag atte daḻan, mipanida'tta tagu we dongngonda Ugud Apudyus. Ḵad umoy aḵ Satan ya ḵinaanna da Ugud Apudyus we dingngoḻda. 16Da naottage buḵoḻ atte bibbisil, isuda da tagu we sillalaylayade angawat si Ugud Apudyus we dingngoḻda, 17yaḵon adipun nillumnoḵ atta somsomoḵda. Amatida'ḵ sin-aḵitan ḵad nu dumatong ampaḵaḻamanda baḵon nu mapadasda gapu'tte amatiyanda si Ugud Apudyus, daguse iwaḻangda pammatida ḵan Apudyus. 18Da naottag atte laslasi, isuda da tagu we dongngonda Ugud Apudyus. 19Yaḵon gapu'tta binimbinsawda'tta biyagda si annae lubung ya piondae bumaḵnang ya da udume amaamayonda, adidapun tungaguwon ugude dingngoḻda ḵad adipun mabaliwan da ugalida. 20Da naottag ḵad atte alluta, isuda da tagu we dongngonda Ugud Apudyus ya namatida ḵad ḵoonda da adu we ambaḻu we banage mas-oman Apudyus we isun da muḻae amunga'ḵ adu. Awad da amunga'ḵ sintuḵlumpuḻu, da udum sin-oonompuḻu ya awad da singgagasut.”
Sa Pani Mipanggob Si Silaw
(Mat. 5:15; Luk. 8:16-18; 11:33)
21Unipun, ḵanan os Jesus we nangipani, “Awad ḵamman tagu'ḵ tonggana silaw ya illonoḵna ya laḵḵobana bos si aḵḵubaw? Baḵon nu iggana'tte dugun ni ḵama? Iggana si sasap-aḻan ni silaw ta allangḻang. 22Te da losane mitataḻu baḵon nu da daampun maigammu sinsadi, mipaigammu si umali ye aḻgaw. 23Diḵayu we andodongngoḻ, sosomḵonyu da dingngoḻyu.”
24Ḵanan os Jesus, “Imuḻayu'tta pusuyu da annae ibagaḵ. Te nu ḵoonyu ḵaḵnat, amo maawatanyu ya amo dog-an Apudyus igammuyu. 25Te sa anuttuwa si dingngoḻna, amo madog-an igammuna. Yaḵon sa tagu we adinapun ḵoon dingngoḻna, taḵon ay da awad ḵan siya, misopsop maḵaan.”
Sa Tumubuwan Ni Bukoḻ
26Pune sadi, ḵanan os Jesus we nangipani, “Sa ampangatan Apudyus mipani'tte tagu we ummoy nammuḻa'ḵ buḵoḻ si umana. 27Sa masuyopana'tta labi ya bumangonana'tta bigbigat, midisan bumngis da buḵoḻe immuḻana ya dummaḵoḻda. Yaḵon sa inon ni muḻae dumaḵoḻ, ippun igammun ni nammuḻa. 28Ḵad sa lutae mismu amadaḵoḻ atta muḻa. Umunae matubuwan ḵad amusbus inggana'ḵ maotong. 29Ḵad nu maḻ-um, aniyona.”
Sa Pani Atte Buḵoḻ Ni Mustasa
(Mat. 13:31-34; Luk. 13:18-19)
30Pun ḵanan Jesus, “Ngai nin ay angipaniyaḵ atte ampangatan Apudyus? Ngai nin ay mipaniyana? 31Isuna buḵoḻ ni mustasae nimuḻa. Sa buḵoḻ ni mustasa ḵapeetan atta losane kalasin di buḵoḻ sina'd luta. 32Yaḵon nu mimuḻa ya dumaḵoḻ, ambalin aḵ ḵataḵnangan atta losane matipoy. Danaḵḵoḻ da pangana ya sumuḵbutan da sissiwit.”#4:32 Sa kalasin ni mustasae nimuḻa'tta ilin da Judyu daḵodaḵoḻ nu sa nimuḻa sina'd Philippines. Sa ḵataḵnangan umoye 12 feet.
33Amoamod da impanin Jesus we nangituttudu'tte Ugud Apudyus. Nantuttudu'tta lamogda maawatan. 34Pasigna impani ye nantuttudu ḵan dida. Abusda ḵad atta disipuluna, impaḵaawatna ḵan dida.
Sa Bibbid Ya Da Tupiyaḵ
(Mat. 8:23-27; Luk. 8:22-25)
35Mummasdom ḵad, ḵanan Jesus atta disipuluna, “Intaḵu dumoḻmang.” 36Pun naḵalugan da disipuluna'tte bangkae inninggawan Jesus woḵ tinenanda da tagu. Inninggaw os da nambangkae nibuḻun ḵan dida. 37Pune sadi, inniggana ampigsapigsae bibbid woḵ nilaḵbungan ni tupiyaḵ bangkada, pun tigangayda milisob. 38Aḵ Jesus ḵad, namungane nasuyop si odogan ni bangka. Pun binangon da disipuluna woḵ ḵananda, “Anaḵay! Mistulu, adimpun ḵamman ambiyangan nu matoy taḵu?”
39Nabanangon woḵ ḵananae namilin atte bibbid, “Guminoḵḵa!” Ḵanana bos atta tupiyaḵ, “Guminoḵ ḵayu!” Pun gumminoḵ bibbid ya da tupiyaḵ. Pun bummaḻu taḻun. 40Ḵanana'tta disipuluna, “Ngaipa ḵayu maḵimut? Ippun ḵamman pammatiyu inggana sinsadi?”
41Naḵimtanda woḵ ḵananda losan, “Ngai nin ay anna? Taḵon ay bibbid ya da tupiyaḵ tumuttuwada'tta ibagana.”
ទើបបានជ្រើសរើសហើយ៖
Mark 4: kml
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Translators Association of the Philippines (TAP), All rights reserved.
Mark 4
4
Sa Pani Atte Nawwagawag Si Bukoḻ
(Mat. 13:1-9; Luk. 8:4-8)
1Sin-aḻgawan ḵad, ummoy aḵ Jesus atte taḻantag ni baybay ta antuttudu. Gapu ta amoamod da nangaligummu ḵan siya, ummoy tummuḵdu'tte bangka'tte sissiyae inggaw da tagu si taḻantag. 2Nantuttudu ḵan dida'tta adu we banage impanina woḵ ḵanana, 3“Dongngonyu! Inninggaw tagu we ummoy nawwagawag si buḵoḻ. 4Iwwagawagna ḵad, naottag udum atte daḻan woḵ ummoy da sissiwit tinuḵtuḵan. 5Da udume buḵoḻe niwagawag, naottagda'tte bibbisil. Taḵon ay nu tummubuda, 6dummingit ḵad ay init naḻ-uyda woḵ naḻanguda te naippun ḵon lamutda. 7Da udum ḵad ose buḵoḻ, naottagda si laslasi woḵ taḵon ay nu tummubuda, nidisan tummubu da lasi woḵ pinsoḻda da muḻa ta adida dumaḵoḻ, pun naippun bungada. 8Da udume buḵoḻ, naottagda'tte alluta. Tummubuda woḵ namungada, da udum namungada'ḵ sintuḵlumpuḻu, sin-oonompuḻu ya da udum singgagasut.” 9Pun ḵanan Jesus we nangiyanungus, “Diḵayu we andodongngoḻ, sosomḵonyu da dingngoḻyu.”
Sa Panggob Da Pani
(Mat. 13:10-17; Luk. 8:9-10)
10Ummoyon ḵad da adu we tagu, natenan da nasawaḻan aḵ duwae disipuluna ya da udume nitun-ud ḵan Jesus. Pun ḵananda, “Ngai pion ni sadi ye pani ḵanan?” 11Ḵanan Jesus, “Diḵayu ḵad, nipaigammu da banage adipun nipaigammu si awe mipanggob atte ampangatan Apudyus. Da udum ḵad, abus ipaniḵ 12ta taḵon ay nu iillanda, adidapun maḵaimatun ya taḵon ay nu dodongngonda, adidapun maawatan. Te nu maawatanda, ambabawida nin atta basuḻda ta ansinagungda ḵan Apudyus ya mapakawanda. Siya gapunae ipaniḵe antuttudu ḵan dida.”#4:12 Isaiah 6:9-10.
Sa Pion Ni Pani Atte Nawwagawag Si Bukoḻ Ḵanan
(Mat. 13:18-23; Luk. 18:11-15)
13Pun ḵanan Jesus ḵan dida, “Ngaipayu adi maawatan annae pani? Nu adiyu maawatan ḵaḵna, ngai ḵad ain inonyu we angigammu'tta udume ipaniḵ? 14Annaya pion ni pani ḵanan. Sa buḵoḻe niwagawag, siya Ugud Apudyus. 15Da naottag atte daḻan, mipanida'tta tagu we dongngonda Ugud Apudyus. Ḵad umoy aḵ Satan ya ḵinaanna da Ugud Apudyus we dingngoḻda. 16Da naottage buḵoḻ atte bibbisil, isuda da tagu we sillalaylayade angawat si Ugud Apudyus we dingngoḻda, 17yaḵon adipun nillumnoḵ atta somsomoḵda. Amatida'ḵ sin-aḵitan ḵad nu dumatong ampaḵaḻamanda baḵon nu mapadasda gapu'tte amatiyanda si Ugud Apudyus, daguse iwaḻangda pammatida ḵan Apudyus. 18Da naottag atte laslasi, isuda da tagu we dongngonda Ugud Apudyus. 19Yaḵon gapu'tta binimbinsawda'tta biyagda si annae lubung ya piondae bumaḵnang ya da udume amaamayonda, adidapun tungaguwon ugude dingngoḻda ḵad adipun mabaliwan da ugalida. 20Da naottag ḵad atte alluta, isuda da tagu we dongngonda Ugud Apudyus ya namatida ḵad ḵoonda da adu we ambaḻu we banage mas-oman Apudyus we isun da muḻae amunga'ḵ adu. Awad da amunga'ḵ sintuḵlumpuḻu, da udum sin-oonompuḻu ya awad da singgagasut.”
Sa Pani Mipanggob Si Silaw
(Mat. 5:15; Luk. 8:16-18; 11:33)
21Unipun, ḵanan os Jesus we nangipani, “Awad ḵamman tagu'ḵ tonggana silaw ya illonoḵna ya laḵḵobana bos si aḵḵubaw? Baḵon nu iggana'tte dugun ni ḵama? Iggana si sasap-aḻan ni silaw ta allangḻang. 22Te da losane mitataḻu baḵon nu da daampun maigammu sinsadi, mipaigammu si umali ye aḻgaw. 23Diḵayu we andodongngoḻ, sosomḵonyu da dingngoḻyu.”
24Ḵanan os Jesus, “Imuḻayu'tta pusuyu da annae ibagaḵ. Te nu ḵoonyu ḵaḵnat, amo maawatanyu ya amo dog-an Apudyus igammuyu. 25Te sa anuttuwa si dingngoḻna, amo madog-an igammuna. Yaḵon sa tagu we adinapun ḵoon dingngoḻna, taḵon ay da awad ḵan siya, misopsop maḵaan.”
Sa Tumubuwan Ni Bukoḻ
26Pune sadi, ḵanan os Jesus we nangipani, “Sa ampangatan Apudyus mipani'tte tagu we ummoy nammuḻa'ḵ buḵoḻ si umana. 27Sa masuyopana'tta labi ya bumangonana'tta bigbigat, midisan bumngis da buḵoḻe immuḻana ya dummaḵoḻda. Yaḵon sa inon ni muḻae dumaḵoḻ, ippun igammun ni nammuḻa. 28Ḵad sa lutae mismu amadaḵoḻ atta muḻa. Umunae matubuwan ḵad amusbus inggana'ḵ maotong. 29Ḵad nu maḻ-um, aniyona.”
Sa Pani Atte Buḵoḻ Ni Mustasa
(Mat. 13:31-34; Luk. 13:18-19)
30Pun ḵanan Jesus, “Ngai nin ay angipaniyaḵ atte ampangatan Apudyus? Ngai nin ay mipaniyana? 31Isuna buḵoḻ ni mustasae nimuḻa. Sa buḵoḻ ni mustasa ḵapeetan atta losane kalasin di buḵoḻ sina'd luta. 32Yaḵon nu mimuḻa ya dumaḵoḻ, ambalin aḵ ḵataḵnangan atta losane matipoy. Danaḵḵoḻ da pangana ya sumuḵbutan da sissiwit.”#4:32 Sa kalasin ni mustasae nimuḻa'tta ilin da Judyu daḵodaḵoḻ nu sa nimuḻa sina'd Philippines. Sa ḵataḵnangan umoye 12 feet.
33Amoamod da impanin Jesus we nangituttudu'tte Ugud Apudyus. Nantuttudu'tta lamogda maawatan. 34Pasigna impani ye nantuttudu ḵan dida. Abusda ḵad atta disipuluna, impaḵaawatna ḵan dida.
Sa Bibbid Ya Da Tupiyaḵ
(Mat. 8:23-27; Luk. 8:22-25)
35Mummasdom ḵad, ḵanan Jesus atta disipuluna, “Intaḵu dumoḻmang.” 36Pun naḵalugan da disipuluna'tte bangkae inninggawan Jesus woḵ tinenanda da tagu. Inninggaw os da nambangkae nibuḻun ḵan dida. 37Pune sadi, inniggana ampigsapigsae bibbid woḵ nilaḵbungan ni tupiyaḵ bangkada, pun tigangayda milisob. 38Aḵ Jesus ḵad, namungane nasuyop si odogan ni bangka. Pun binangon da disipuluna woḵ ḵananda, “Anaḵay! Mistulu, adimpun ḵamman ambiyangan nu matoy taḵu?”
39Nabanangon woḵ ḵananae namilin atte bibbid, “Guminoḵḵa!” Ḵanana bos atta tupiyaḵ, “Guminoḵ ḵayu!” Pun gumminoḵ bibbid ya da tupiyaḵ. Pun bummaḻu taḻun. 40Ḵanana'tta disipuluna, “Ngaipa ḵayu maḵimut? Ippun ḵamman pammatiyu inggana sinsadi?”
41Naḵimtanda woḵ ḵananda losan, “Ngai nin ay anna? Taḵon ay bibbid ya da tupiyaḵ tumuttuwada'tta ibagana.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Translators Association of the Philippines (TAP), All rights reserved.