Mark 6
6
Sa Nangidiyananda Ḵan Jesus
(Mat. 13:53-58; Luk. 4:16-30; Jhn. 4:44; 6:42)
1Pune sadi, ummoy aḵ Jesus ya da disipuluna si ili ye dummaḵoḻana. 2Dummatong ḵad umillongan, ummoy aḵ Jesus nantuttudu'tte sinagoga. Adu da nataag atte dingngoḻda woḵ ḵananda, “Dinu nin ay nangaḻ-ana'tta sana? Ngai nangaḻ-ana si laingna? Atoman da nakaskasdaawe lamogna ḵoon! 3Daḵampun ḵamman aḵ siya karpentero we abeng Mary? Daḵampun ḵamman aḵ sunudna da James, Joseph, Judas ya aḵ Simon? Daḵampun ḵamman aḵ anna da bubai ye sunudna sina?” Pun lummaweng somsomoḵda woḵ adidapun namati.
4Ḵanana ḵan dida, “Mapatgan profeta we an-uuggudon Apudyus atta udume ili yaḵon adipun mapatgan atta ḵailiyana, susunudna ya da ḵabaḻyanna.” 5Gapu ta adidapun namati, adipun nangwa'ḵ adu we nakaskasdaaw sidi, abus impatayna imana'tta aḵite nasaḵit ta maḵaan da saḵitda. 6Nataag atte ippun pammatida ḵan siya.
Sa Nangibuunan Jesus Atta Disipuluna
(Mat. 10:5-15; Luk. 9:1-6)
Pune sadi, ummoy aḵ Jesus nantuttudu'tta nampaliḵwose ili. 7Inayagana da nasawaḻan aḵ duwae disipuluna woḵ imbuunna dida sinindodwa. Innattana dida'ḵ ḵaḻabbongane amaḻyaw atta aḻan da naaḻanan, 8woḵ ḵananae namilin ḵan dida, “Adiyu awiton da ngaiman atta ayanyu malaksid da suḻḵudyu. Adiyu awiton da baḵaḻ, pilaḵ ḵan maḵan. 9Maḵwae ansandal ḵayu yaḵon adi ḵayu angawit aḵ taḵḵop ni silupyu. 10Ngaimane ammangili ḵan diḵayu si boḻoyda, iinggaw ḵayu inggana'ḵ tenanyu sadi ye ili. 11Yaḵon nu awad ili'ḵ ayanyu ya adidapun mangiliyon ḵan dongngon da ibagayu, tenanyu. Ḵad nu inḵayun, ipaḻpagyu gabu'tta dapanyu ta igammuwondae dida asi ḵigad atte madusaanda.”
12Pune sadi, ummoy da disipuluna woḵ iwwaḻagawagdae ibabawin da tagu da basuḻda ya agaydae angwa. 13Pinaḻyawda da adu we aḻan atta naaḻanan, iyyappusda lana atta adu we nasaḵit pun naḵaan da saḵitda.
Sa Natoyan John We Ambobonyag
(Mat. 14:1-12; Luk. 3:19-20; 9:7-9)
14Inigammun Herod da ḵingwan da Jesus te nandinongoḻ ngadanna'tta adu we ili. Awad da tagu we ḵananda, “Siya nin aḵ John we Ambobonyag we ummuli. Te annat ḵabooḻanae angwa'tta nakaskasdaaw.” 15Ḵanan da udum, “Siya'ḵ Profeta Elijah we ummuli.” Da udum os, ḵananda, “Siya osa'tta profeta we isun da profetana si awe.”
16Dingngoḻ ḵad Herod da ḵingwan Jesus, ḵanana, “Siya'ḵ John we Ambobonyag we impapungtuḻḵu uḻuna woḵ ummuli!” 17Imbagan Herod ḵaḵna gapu'tte ḵingwana si awe. Siya nampadoḵma ḵan John woḵ impaibaḻudna te sinuppaḵan John we adimpun ni lintog iyunude asaw-ona'ḵ Herodias we asawan ni sunudnae aḵ Philip. 18Ḵad patilayune ḵanan John we Ambobonyag, “Adimpun ni lintog taḵu iyunud asaw-om asawan ni sunudnu!” 19Sadi amo dummalluwan ni sangan Herodias ḵan John woḵ pionae pagongat. Yaḵon adinapun lamog, 20te maḵimut aḵ Herod ḵan John woḵ sinaḻaḵnibana. Te inigammunae naun-unan ḵan nanserbi ḵan Apudyus ḵad pionae dongngon da ibagan John taḵon ay nasaliduduwan atta dingngoḻna.
21Dummatong ḵad aḻgawe niyanaḵan Herod, sadi gundaway Herodias. Inayagan Herod da papangat ya da nangangatu we suḻdadu ya da losane madaydayaw atte probinsiya'd Galilee ta maḵagangganasda. 22Inninggaw babaḻasange abeng Herodias we nillumnoḵ si igaw da Herod woḵ nansala. Nas-om da Herod ya da mangilina ḵan siya woḵ ḵanana, “Ibagam nu ngai ḵodawom ta ittoḵ.” 23Insapatana ḵanane, “Ittoḵ ngaimane ḵodawom, taḵon ay gogwan ni ampangataḵ.”
24Pun ummoy ni babaḻasang ḵan inana inimus woḵ ḵanana, “Ngai ḵodawoḵ?”
Ḵanan inana, “Ḵodawom uḻun John we Ambobonyag.”
25Pun nanḵamuḵamu we nipauli babaḻasang atte Ari woḵ ḵanana, “Pioḵe paidatongnu we dagus uḻun John we Ambobonyag we maigga'tte duḻan.”
26Dingngoḻ ḵad ni Ari, amod pagay babawina yaḵon gapu ta insapatana'tte sinagung da adu we naayagan, mabaine adi angituttuwa'tte inkarina ḵan siya. 27Pun daguse imbuun ni Ari suḻdadu ta idatongna uḻun John. Ummoy suḻdadu'tte babaḻḻudan woḵ pungtuḻana uḻun John. 28Pun indatongna uḻun John we inniggada'tte duḻan woḵ innatodda'tte babaḻasang ta umoyna itton ḵan inana. 29Dingngoḻ ḵad da disipulun John naḵwa ḵan siya, ummoyda innaḻa long-agna woḵ illibonda.
Sa Namaḵanan Jesus Atta Lummabos Aḵ Limallibu
(Mat. 14:13-21; Luk. 9:10-17; Jhn. 6:1-15)
30Nipauli ḵad da apostol ḵan Jesus, impaigammuda da losane ḵingwada ya da intuttududa. 31Ḵanan Jesus, “Intaḵu'tte bumbummaaw ta awad inon taḵu we umillong aḵ aḵit.” Te ampasapasani da umoyon ḵan dumatong ya naippun inondae angan. 32Pun nambangkadae abus woḵ ummoyda si bumbummaaw.
33Inninggaw da adu we nangimatun ḵan dida ya nangila'tte ḵesananda, pun sintotoddaḵdae naḻpu'tta losane ili woḵ ummunada dummatong atte ayan da Jesus. 34Dummatong ḵad da Jesus atte taḻantag ni baybay, lummogsadda'tte bangka. Innilana ḵad da amode tagu, ḵummadagu ḵan dida te isudan karnero we ippun anangḵon ḵan dida. Pune sadi, insaḻadnae nantuttudu'tta adu we banag ḵan dida. 35Mummasdom ḵad, ummoy da disipulu ḵan Jesus woḵ ḵananda, “Naabuse mummasdom ya anna taḵu si bumbummaaw. 36Ibagam ḵappos atta tagu ta umoyda ngumina'ḵ maḵan atta adani ye ili.”
37Yaḵon ḵanana'tta disipuluna, “Diḵayu amaḵan ḵan dida.”
Ḵanan da disipuluna, “Siya ḵamman piom ḵanan inḵani ngumina'ḵ maḵane anggatad aḵ duwanggasute palata ta siya ipaḵanni ḵan dida?”
38Ḵanan Jesus, “Ḵamaan ḵad ain ni awad ḵan diḵayu we tinapay? Inḵayu ud angila.”
Nangdasda ḵad, ḵananda, “Abuse limae tinapay ḵan duwae nidawise ugadiw.”
39Pun imbaganae patuḵduwonda da tagu ta mataḻtaḻbubungda si tuttuḻni. 40Tummuḵduda ḵad, singgagasut da udume taḻbubung, sillilimampuḻu da udum. 41Naabus ḵad, innaḻan Jesus limae tinapay ya sa duwae ugadiw woḵ nantangad ad langite nanggappiya ḵan Apudyus. Pun binisbisaḵna da tinapay ya da ugadiw woḵ innatodna'tta disipuluna ta iwaḻasda. 42Pun nanganda losan woḵ nassugda. 43Nagangputda ḵad, dinagup da apostol da nabun-an. Pun napnu nasawaḻan aḵ duwae aḵḵubaw. 44Da nangan, umoye limallibu da laḻaḵi, adipun niyiyap da bubai ya da abeng.
Sa Nanaddaḻanan Jesus Atte Labaw Ni Danum
(Mat. 14:22-33; Jhn. 6:16-21)
45Pun daguse nambangkaon Jesus da disipuluna ta umunada dumoḻmang ad Bethsaida. Pun pinaḻyawna da adu we tagu'tta ilida. 46Ḵesanda ḵad, nanagada'ḵ Jesus atte beleg ta umoy alluwaḻu. 47Lummabi ḵad, sissiya'ḵ Jesus atte beleg si inggawan da bangkan da disipuluna si gawan ni baybay. 48Nan-isdung ḵad aḵ Jesus, innilana da disipulunae naayoayongdae nambangka te niyabot bibbid ḵan dida.
Madam-an taḻun ḵad, nan-osog aḵ Jesus woḵ nanaddaḻan si labaw ni danume lausana oḵyan dida. 49-50Yaḵon innilada ḵade nanaddaḻan atte labaw ni danum, amod de ḵimutda losan woḵ simpopoḵawda te ḵanandapun nu lagayan. Pun daguse ḵanan Jesus, “Tumuḻod ḵayu! Adi ḵayu maḵimut! Saḵon aḵ Jesus!” 51Pun summaḵay atte bangka woḵ gumminoḵ bibbid. Pun amod de nantataag da disipuluna. 52Te taḵon ay nu innilada inonae namaadu'tte tinapay, adidapun os maawatan mipanggob si ḵabooḻana te tummungitong da pusuda.
Sa Nangaanan Jesus Atta Saḵit
(Mat. 14:34-36)
53Dummoḻmang ḵad da Jesus ya da disipuluna, dummatongda'd Gennesaret woḵ inggaḻutda bangkada si taḻantag ni baybay. 54Pun lummogsadda'tte bangka. Da nangila ḵad ḵan Jesus, daguse immatunanda, 55woḵ sintotoddaḵdae ummoy atta nampaliḵwose ili. Ummoyda binuligan da nasaḵit ya inniyoyda ḵan Jesus atte dinumane angdasanda ḵan siya. 56Ngaimane ummayan Jesus we ili, daḵoḻ man baḵon nu ban-og, iyyuwayda pagay da nasaḵit ḵan siya'tta ayanae andadaḵngan da tagu. Ḵad nandagdagudae taḵon ay nu abuse tokkon da nasaḵit gayadan ni silupna. Pun losan da nandoḵ atte silupna, naḵaan da saḵitda.
ទើបបានជ្រើសរើសហើយ៖
Mark 6: kml
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Translators Association of the Philippines (TAP), All rights reserved.
Mark 6
6
Sa Nangidiyananda Ḵan Jesus
(Mat. 13:53-58; Luk. 4:16-30; Jhn. 4:44; 6:42)
1Pune sadi, ummoy aḵ Jesus ya da disipuluna si ili ye dummaḵoḻana. 2Dummatong ḵad umillongan, ummoy aḵ Jesus nantuttudu'tte sinagoga. Adu da nataag atte dingngoḻda woḵ ḵananda, “Dinu nin ay nangaḻ-ana'tta sana? Ngai nangaḻ-ana si laingna? Atoman da nakaskasdaawe lamogna ḵoon! 3Daḵampun ḵamman aḵ siya karpentero we abeng Mary? Daḵampun ḵamman aḵ sunudna da James, Joseph, Judas ya aḵ Simon? Daḵampun ḵamman aḵ anna da bubai ye sunudna sina?” Pun lummaweng somsomoḵda woḵ adidapun namati.
4Ḵanana ḵan dida, “Mapatgan profeta we an-uuggudon Apudyus atta udume ili yaḵon adipun mapatgan atta ḵailiyana, susunudna ya da ḵabaḻyanna.” 5Gapu ta adidapun namati, adipun nangwa'ḵ adu we nakaskasdaaw sidi, abus impatayna imana'tta aḵite nasaḵit ta maḵaan da saḵitda. 6Nataag atte ippun pammatida ḵan siya.
Sa Nangibuunan Jesus Atta Disipuluna
(Mat. 10:5-15; Luk. 9:1-6)
Pune sadi, ummoy aḵ Jesus nantuttudu'tta nampaliḵwose ili. 7Inayagana da nasawaḻan aḵ duwae disipuluna woḵ imbuunna dida sinindodwa. Innattana dida'ḵ ḵaḻabbongane amaḻyaw atta aḻan da naaḻanan, 8woḵ ḵananae namilin ḵan dida, “Adiyu awiton da ngaiman atta ayanyu malaksid da suḻḵudyu. Adiyu awiton da baḵaḻ, pilaḵ ḵan maḵan. 9Maḵwae ansandal ḵayu yaḵon adi ḵayu angawit aḵ taḵḵop ni silupyu. 10Ngaimane ammangili ḵan diḵayu si boḻoyda, iinggaw ḵayu inggana'ḵ tenanyu sadi ye ili. 11Yaḵon nu awad ili'ḵ ayanyu ya adidapun mangiliyon ḵan dongngon da ibagayu, tenanyu. Ḵad nu inḵayun, ipaḻpagyu gabu'tta dapanyu ta igammuwondae dida asi ḵigad atte madusaanda.”
12Pune sadi, ummoy da disipuluna woḵ iwwaḻagawagdae ibabawin da tagu da basuḻda ya agaydae angwa. 13Pinaḻyawda da adu we aḻan atta naaḻanan, iyyappusda lana atta adu we nasaḵit pun naḵaan da saḵitda.
Sa Natoyan John We Ambobonyag
(Mat. 14:1-12; Luk. 3:19-20; 9:7-9)
14Inigammun Herod da ḵingwan da Jesus te nandinongoḻ ngadanna'tta adu we ili. Awad da tagu we ḵananda, “Siya nin aḵ John we Ambobonyag we ummuli. Te annat ḵabooḻanae angwa'tta nakaskasdaaw.” 15Ḵanan da udum, “Siya'ḵ Profeta Elijah we ummuli.” Da udum os, ḵananda, “Siya osa'tta profeta we isun da profetana si awe.”
16Dingngoḻ ḵad Herod da ḵingwan Jesus, ḵanana, “Siya'ḵ John we Ambobonyag we impapungtuḻḵu uḻuna woḵ ummuli!” 17Imbagan Herod ḵaḵna gapu'tte ḵingwana si awe. Siya nampadoḵma ḵan John woḵ impaibaḻudna te sinuppaḵan John we adimpun ni lintog iyunude asaw-ona'ḵ Herodias we asawan ni sunudnae aḵ Philip. 18Ḵad patilayune ḵanan John we Ambobonyag, “Adimpun ni lintog taḵu iyunud asaw-om asawan ni sunudnu!” 19Sadi amo dummalluwan ni sangan Herodias ḵan John woḵ pionae pagongat. Yaḵon adinapun lamog, 20te maḵimut aḵ Herod ḵan John woḵ sinaḻaḵnibana. Te inigammunae naun-unan ḵan nanserbi ḵan Apudyus ḵad pionae dongngon da ibagan John taḵon ay nasaliduduwan atta dingngoḻna.
21Dummatong ḵad aḻgawe niyanaḵan Herod, sadi gundaway Herodias. Inayagan Herod da papangat ya da nangangatu we suḻdadu ya da losane madaydayaw atte probinsiya'd Galilee ta maḵagangganasda. 22Inninggaw babaḻasange abeng Herodias we nillumnoḵ si igaw da Herod woḵ nansala. Nas-om da Herod ya da mangilina ḵan siya woḵ ḵanana, “Ibagam nu ngai ḵodawom ta ittoḵ.” 23Insapatana ḵanane, “Ittoḵ ngaimane ḵodawom, taḵon ay gogwan ni ampangataḵ.”
24Pun ummoy ni babaḻasang ḵan inana inimus woḵ ḵanana, “Ngai ḵodawoḵ?”
Ḵanan inana, “Ḵodawom uḻun John we Ambobonyag.”
25Pun nanḵamuḵamu we nipauli babaḻasang atte Ari woḵ ḵanana, “Pioḵe paidatongnu we dagus uḻun John we Ambobonyag we maigga'tte duḻan.”
26Dingngoḻ ḵad ni Ari, amod pagay babawina yaḵon gapu ta insapatana'tte sinagung da adu we naayagan, mabaine adi angituttuwa'tte inkarina ḵan siya. 27Pun daguse imbuun ni Ari suḻdadu ta idatongna uḻun John. Ummoy suḻdadu'tte babaḻḻudan woḵ pungtuḻana uḻun John. 28Pun indatongna uḻun John we inniggada'tte duḻan woḵ innatodda'tte babaḻasang ta umoyna itton ḵan inana. 29Dingngoḻ ḵad da disipulun John naḵwa ḵan siya, ummoyda innaḻa long-agna woḵ illibonda.
Sa Namaḵanan Jesus Atta Lummabos Aḵ Limallibu
(Mat. 14:13-21; Luk. 9:10-17; Jhn. 6:1-15)
30Nipauli ḵad da apostol ḵan Jesus, impaigammuda da losane ḵingwada ya da intuttududa. 31Ḵanan Jesus, “Intaḵu'tte bumbummaaw ta awad inon taḵu we umillong aḵ aḵit.” Te ampasapasani da umoyon ḵan dumatong ya naippun inondae angan. 32Pun nambangkadae abus woḵ ummoyda si bumbummaaw.
33Inninggaw da adu we nangimatun ḵan dida ya nangila'tte ḵesananda, pun sintotoddaḵdae naḻpu'tta losane ili woḵ ummunada dummatong atte ayan da Jesus. 34Dummatong ḵad da Jesus atte taḻantag ni baybay, lummogsadda'tte bangka. Innilana ḵad da amode tagu, ḵummadagu ḵan dida te isudan karnero we ippun anangḵon ḵan dida. Pune sadi, insaḻadnae nantuttudu'tta adu we banag ḵan dida. 35Mummasdom ḵad, ummoy da disipulu ḵan Jesus woḵ ḵananda, “Naabuse mummasdom ya anna taḵu si bumbummaaw. 36Ibagam ḵappos atta tagu ta umoyda ngumina'ḵ maḵan atta adani ye ili.”
37Yaḵon ḵanana'tta disipuluna, “Diḵayu amaḵan ḵan dida.”
Ḵanan da disipuluna, “Siya ḵamman piom ḵanan inḵani ngumina'ḵ maḵane anggatad aḵ duwanggasute palata ta siya ipaḵanni ḵan dida?”
38Ḵanan Jesus, “Ḵamaan ḵad ain ni awad ḵan diḵayu we tinapay? Inḵayu ud angila.”
Nangdasda ḵad, ḵananda, “Abuse limae tinapay ḵan duwae nidawise ugadiw.”
39Pun imbaganae patuḵduwonda da tagu ta mataḻtaḻbubungda si tuttuḻni. 40Tummuḵduda ḵad, singgagasut da udume taḻbubung, sillilimampuḻu da udum. 41Naabus ḵad, innaḻan Jesus limae tinapay ya sa duwae ugadiw woḵ nantangad ad langite nanggappiya ḵan Apudyus. Pun binisbisaḵna da tinapay ya da ugadiw woḵ innatodna'tta disipuluna ta iwaḻasda. 42Pun nanganda losan woḵ nassugda. 43Nagangputda ḵad, dinagup da apostol da nabun-an. Pun napnu nasawaḻan aḵ duwae aḵḵubaw. 44Da nangan, umoye limallibu da laḻaḵi, adipun niyiyap da bubai ya da abeng.
Sa Nanaddaḻanan Jesus Atte Labaw Ni Danum
(Mat. 14:22-33; Jhn. 6:16-21)
45Pun daguse nambangkaon Jesus da disipuluna ta umunada dumoḻmang ad Bethsaida. Pun pinaḻyawna da adu we tagu'tta ilida. 46Ḵesanda ḵad, nanagada'ḵ Jesus atte beleg ta umoy alluwaḻu. 47Lummabi ḵad, sissiya'ḵ Jesus atte beleg si inggawan da bangkan da disipuluna si gawan ni baybay. 48Nan-isdung ḵad aḵ Jesus, innilana da disipulunae naayoayongdae nambangka te niyabot bibbid ḵan dida.
Madam-an taḻun ḵad, nan-osog aḵ Jesus woḵ nanaddaḻan si labaw ni danume lausana oḵyan dida. 49-50Yaḵon innilada ḵade nanaddaḻan atte labaw ni danum, amod de ḵimutda losan woḵ simpopoḵawda te ḵanandapun nu lagayan. Pun daguse ḵanan Jesus, “Tumuḻod ḵayu! Adi ḵayu maḵimut! Saḵon aḵ Jesus!” 51Pun summaḵay atte bangka woḵ gumminoḵ bibbid. Pun amod de nantataag da disipuluna. 52Te taḵon ay nu innilada inonae namaadu'tte tinapay, adidapun os maawatan mipanggob si ḵabooḻana te tummungitong da pusuda.
Sa Nangaanan Jesus Atta Saḵit
(Mat. 14:34-36)
53Dummoḻmang ḵad da Jesus ya da disipuluna, dummatongda'd Gennesaret woḵ inggaḻutda bangkada si taḻantag ni baybay. 54Pun lummogsadda'tte bangka. Da nangila ḵad ḵan Jesus, daguse immatunanda, 55woḵ sintotoddaḵdae ummoy atta nampaliḵwose ili. Ummoyda binuligan da nasaḵit ya inniyoyda ḵan Jesus atte dinumane angdasanda ḵan siya. 56Ngaimane ummayan Jesus we ili, daḵoḻ man baḵon nu ban-og, iyyuwayda pagay da nasaḵit ḵan siya'tta ayanae andadaḵngan da tagu. Ḵad nandagdagudae taḵon ay nu abuse tokkon da nasaḵit gayadan ni silupna. Pun losan da nandoḵ atte silupna, naḵaan da saḵitda.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Translators Association of the Philippines (TAP), All rights reserved.