Mark 1
1
Sa Tuttudun John We Ambobonyag
(Mat. 3:1-12; Luk. 3:1-18; Jhn. 1:19-28)
1Annaya lapun ni Ambaḻu we Damag mipanggob ḵan Jesu Kristu we siya pinilin Apudyus aḵ Anagu ḵan An-ari. 2Inninggaw imbagan Apudyus atte Abengna si awe ye impaigilina ḵan Profeta Isaiah we ḵanana,
“Dongngonyu! Awad de ibuunḵu we umun-una nu siḵa
ta umoyna isagana daḻane ayom.#1:2 Malachi 3:1.
3Sa bumbummaaw,
awad de angiwaḻagawage ḵanana,
‘Saganaonyu oḵyan daḻan atte umaliyan Apu
ya pagodongonyu daḻane ayona.’ ”#1:3 Isaiah 40:3.
4Pune sadi, nituttuwa te nampaila'ḵ John we Ambobonyag atte bumbummaaw woḵ iwwaḻagawagna'tta losane ummoy nandongoḻ. Ḵanana, “Ibabawiyu da basuḻyu ya agayyu we angwa ya ampabonyag ḵayu ta pakawanon Apudyus diḵayu.” 5Pun adu da naḻpu'd Jerusalem ya da losane ili'tte probinsiya'd Judea we ummoy ḵan siya woḵ imbabaggada da basuḻda pun binonyagan John dida'tte tawwang Jordan.
6Sa silup John, naaboḻe dutdut da camel ya laḻat taḵyadna. Ḵad dudun ya dilu ḵanoḵanona. 7Ḵananae nangibagabaga'tta tagu, “Awad de dumatonge umun-unud ḵan saḵon ya nangatngatu nu saḵon. Ḵad gapu'tte ḵinangatuna, naippun labbongḵu we anguḵas atte sandalna. 8Yaḵon saḵon ḵad, bonyagaḵ diḵayu si danum. Siya ḵad, bonyagana diḵayu'tte Ispiritu Santu.”
Sa Nabonyagan Jesus
(Mat. 3:13-17; Luk. 3:21-22)
9Sa timpu we nambonyagan John atta tagu, dummatong aḵ Jesus we naḻpu'd Nazareth we ili si probinsiya'd Galilee woḵ ummoy nampabonyag ḵan John atte tawwang Jordan. 10Tummoḵwaḻ ḵad aḵ Jesus si danum, daguse innilana'd langite nabuḵtan ya sa Ispiritu Santu we dumoḻadoḻae isunan kalapati woḵ nansap-oy ḵan siya. 11Pun dingngoḻna gingae naḻpu'd langite ḵanana, “Siḵa abengḵu we ay-ayatoḵ ya mamas-omaḵ ḵan siḵa.”
Sa Namadasan Satan Nanulisugan Ḵan Jesus
(Mat. 4:1-11; Luk. 4:1-13)
12Pune sadi, impuyut ni Ispiritu Santu aḵ Jesus atte bumbummaaw. 13Inninggaw atte bumbummaaw aḵ opat puḻu we aḻgaw. Ḵad sadi timpu we pinadas Satan sinulisug. Awad os sidi da tanane ayam yaḵon inninggaw da anghel we bummadang ḵan siya.
Sa Nangisaḻdan Jesus We Nantuttudu
(Mat. 4:12-17; Luk. 4:14-15)
14Naabus ḵade nibaḻud aḵ John,#1:14 Mark 6:14-29. nipauli'ḵ Jesus atte probinsiya'd Galilee ta umoyna iwaḻagawag Ambaḻu we Damag we naḻpu ḵan Apudyus. 15Ḵanana, “Nituttuwa timpu ya gattoḵe sinsadi awad ḵan diḵayu ampangatan Apudyus, pun ibabawiyu da basuḻyu ya agayyu we angwa ya patiyonyu Ambaḻu we Damag.”
Sa Nangayagan Jesus Atta Ummunae Disipuluna
(Mat. 4:18-22; Luk. 5:1-11)
16Nanadtaddaḻan ḵad aḵ Jesus atte taḻantag ni Baybay ad Galilee, innilana da duwae ansunude mammaugadiwe anabuḵuḻ, da Simon ḵan Andrew. 17Pun ḵanana, “Tun-udonaḵ ta ambalinoḵ diḵayu'ḵ disipuluḵ ya tuttuduwaḵ diḵayu si inonyu we angiyadani'tta tagu we amati ḵan saḵone isun ni inonyu we anabuḵuḻ atta ugadiw.” 18Pun daguse imbadongda da tabuḵuḻda woḵ nitun-udda ḵan siya.
19Ummad-adayuda ḵad, innilana bos da James ḵan John we abeng Zebedee. Inninggawda si bangkadae nangisagana si tabuḵuḻda. 20Pun daguse inayagana dida woḵ tinenanda si bangka'ḵ amada ya da tinangdananda woḵ ummoyda nitun-ud ḵan Jesus.
Sa Namaḻyawan Jesus Atte Aḻan
(Luk. 4:31-37)
21Pune sadi, ummoy da Jesus ya da disipuluna'd Capernaum. Sa umillongan da Judyu,#1:21 Sa umillongan da Judyu we imbilin Apudyus, Sabadu. Sa sadi ye aḻgaw, isaḻadda si masdom ni Friday inggana'tte masdom ni Sabadu. Miyadi anḵewaaḻ da Judyu ta umoyda'tta sinagoga ta andaydayawda ḵan alluwaḻuda ḵan Apudyus. nillumnoḵda'tte sinagoga#1:21 Sa Sinagoga - siya andaḵdaḵngan da Judyu nu umoyda andayaw ḵan Apudyus atta aḻgawe miyadi anḵewaaḻ. Awad da sinagoga'tta losane ili ye inggawan da Judyu. Sidi andaydayawanda ḵan alluwaḻuwanda, basaonda nigili ye Ugud Apudyus ya andongoḻda'tta tuttudu. woḵ insaḻad Jesus we nantuttudu. 22Pun nataag da tagu'tte inonae nantuttudu te nantuttudu ḵan didae isun ni osae anna ḵaḻabbongana ya daḵampun aḵ isun da mimistulun ni lintog.#1:22 Da mimistulun da lintog, niyiyapda bos atta amo mapatgane tagu'tta ḵailiyandae iyIsrael te iniiggammuda lintog Moses. Naadaḻanda, ḵad dida angituttudu'tte Ugud Apudyus ya da amoamode ugalin da danaḵḵoḻda mipanggob atta imbilin Apudyus we ḵoonda ḵan adida ḵoon.
23Pune sadi, inninggaw atte sinagogada laḻaḵi ye naaḻanan woḵ ḵananae nantuḵituḵing, 24“Anii! Jesus we iNazareth, ngaipaḵa umali ḵan diḵani? Ummaliḵa ḵamman ta dadailom diḵani? Igammuḵe siḵa Nasantuwane imbuun Apudyus.”
25Pune sadi binilin Jesus aḻan woḵ ḵanana, “Guminoḵḵa, ḵumunudḵa ḵan siya!” 26Pun daguse nanḵulis woḵ nabilaw sadi ye laḻaḵi'tte ḵummunudan ni aḻan ḵan siya.
27Da tagu ḵad, nataagda losan woḵ sintotoḵoḻda, pun ḵanandae nan-asiimus, “Atopay aḵay anna! Baru we tuttudu we anna ḵaḻabbongana te taḵon ay da aḻan, bilinona dida ya tummuttuwada.” 28Pun daguse nandinongoḻ mipanggob ḵan Jesus atta losane ili'tte probinsiya'd Galilee.
Sa Nangaanan Jesus Atta Amode Saḵit
(Mat. 8:14-17; Luk. 4:38-41)
29Pune sadi, lummawa ḵad da Jesus si sinagoga, ummoyda si boḻoy da Simon ḵan Andrew. Naḵaoy os da James ḵan John. 30Inninggaw bubai ye ḵatugangan Simon we an-atunge uumbog. Pun daguse imbagada ḵan Jesus. 31Ummadani woḵ innonnana imana ta badanganae bumangon. Pune sadi, daguse naḵaan atungna woḵ paḵanana da Jesus. 32Lummabi ḵad, inniyoy da umili da losane naaḻanan ya da nasaḵit ḵan Jesus. 33Nangwa ḵad da losane tagu, nandatdatongda'tte sawang ni boḻoye igaw da Jesus. 34Pun ḵinaanna da losane kalasin da saḵitda ya pinaḻyawna bos da aḻan atta naaḻanan yaḵon pinaginoḵna didae an-ugud te inigammuda'ḵ Jesus.
Sa Nangiwaḻagawagan Jesus Atte Ambaḻu We Damag
(Luk. 4:42-44)
35Sissiya ḵade anggiḵbot, bummangon aḵ Jesus woḵ ummoy atte bumbummaaw ta umoy alluwaḻu. 36Bummangon ḵad os da Simon, ummoyda singngit. 37Indasanda ḵad, ḵananda ḵan siya, “Awad da adu we tagu we ummali ye singsingtonda siḵa.” 38Ḵanana, “Intaḵu'tta nampaliḵwose ili ta iyyaḵ iwaḻagawag Ambaḻu we Damag te siya panggobḵu we ummali sina.” 39Pun ummoyda nanggaḵay atta losane ili'tte probinsiya'd Galilee woḵ iwwaḻagawag Jesus Ambaḻu we Damag atta adu we sinagoga woḵ paḻyawona da aḻan atta naaḻanan.
Sa Naleprosy Ye Laḻaḵi
(Mat. 8:1-4; Luk. 5:12-16)
40Sin-aḻgawan ḵad, inninggaw osae laḻaḵi ye naleprosy ye ummoy ḵan Jesus woḵ nanalluḵu nandagdagu, ḵanana, “Nu piom, lamognu ḵaanon saḵitḵu.”
41Aḵ Jesus ḵad, ḵinadaguwana woḵ indawawana imana woḵ inappadana pun ḵanana, “On, pioḵ! Maḵaan saḵitnu!” 42Pun daguse naḵaan saḵitna. 43Ginangput ḵad Jesus ḵinaan saḵitna, pinaḻyawna woḵ ḵananae namilibilin, 44“Inḵa ipaila long-agnu'tte padi ta panoḵnoḵanae naḵaan saḵitnu. Ḵad ittom ḵan siya idatunnu ḵan Apudyus we isun ni imbilin Moses ta amanoḵnoḵan da tagu we ḵawagase naḵaan pagay saḵitnu. Malaksid atte padi, adim paat ibaga ḵingwaḵ ḵan siḵa atta ngaiman.” 45Yaḵon adipun tummuttuwa. Amo ummoyna inuguugud ḵingwan Jesus ḵan siya. Pun sa nambanagana, adipun ogon ampappaila'ḵ Jesus we umoy atta udume ili te amoamod da tagu woḵ inninggaw si bumbummaaw. Yaḵon adu da tagu we ummoy ḵan siyae naḻpu'tta nansabasabali ye ili.
ទើបបានជ្រើសរើសហើយ៖
Mark 1: kml
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Translators Association of the Philippines (TAP), All rights reserved.
Mark 1
1
Sa Tuttudun John We Ambobonyag
(Mat. 3:1-12; Luk. 3:1-18; Jhn. 1:19-28)
1Annaya lapun ni Ambaḻu we Damag mipanggob ḵan Jesu Kristu we siya pinilin Apudyus aḵ Anagu ḵan An-ari. 2Inninggaw imbagan Apudyus atte Abengna si awe ye impaigilina ḵan Profeta Isaiah we ḵanana,
“Dongngonyu! Awad de ibuunḵu we umun-una nu siḵa
ta umoyna isagana daḻane ayom.#1:2 Malachi 3:1.
3Sa bumbummaaw,
awad de angiwaḻagawage ḵanana,
‘Saganaonyu oḵyan daḻan atte umaliyan Apu
ya pagodongonyu daḻane ayona.’ ”#1:3 Isaiah 40:3.
4Pune sadi, nituttuwa te nampaila'ḵ John we Ambobonyag atte bumbummaaw woḵ iwwaḻagawagna'tta losane ummoy nandongoḻ. Ḵanana, “Ibabawiyu da basuḻyu ya agayyu we angwa ya ampabonyag ḵayu ta pakawanon Apudyus diḵayu.” 5Pun adu da naḻpu'd Jerusalem ya da losane ili'tte probinsiya'd Judea we ummoy ḵan siya woḵ imbabaggada da basuḻda pun binonyagan John dida'tte tawwang Jordan.
6Sa silup John, naaboḻe dutdut da camel ya laḻat taḵyadna. Ḵad dudun ya dilu ḵanoḵanona. 7Ḵananae nangibagabaga'tta tagu, “Awad de dumatonge umun-unud ḵan saḵon ya nangatngatu nu saḵon. Ḵad gapu'tte ḵinangatuna, naippun labbongḵu we anguḵas atte sandalna. 8Yaḵon saḵon ḵad, bonyagaḵ diḵayu si danum. Siya ḵad, bonyagana diḵayu'tte Ispiritu Santu.”
Sa Nabonyagan Jesus
(Mat. 3:13-17; Luk. 3:21-22)
9Sa timpu we nambonyagan John atta tagu, dummatong aḵ Jesus we naḻpu'd Nazareth we ili si probinsiya'd Galilee woḵ ummoy nampabonyag ḵan John atte tawwang Jordan. 10Tummoḵwaḻ ḵad aḵ Jesus si danum, daguse innilana'd langite nabuḵtan ya sa Ispiritu Santu we dumoḻadoḻae isunan kalapati woḵ nansap-oy ḵan siya. 11Pun dingngoḻna gingae naḻpu'd langite ḵanana, “Siḵa abengḵu we ay-ayatoḵ ya mamas-omaḵ ḵan siḵa.”
Sa Namadasan Satan Nanulisugan Ḵan Jesus
(Mat. 4:1-11; Luk. 4:1-13)
12Pune sadi, impuyut ni Ispiritu Santu aḵ Jesus atte bumbummaaw. 13Inninggaw atte bumbummaaw aḵ opat puḻu we aḻgaw. Ḵad sadi timpu we pinadas Satan sinulisug. Awad os sidi da tanane ayam yaḵon inninggaw da anghel we bummadang ḵan siya.
Sa Nangisaḻdan Jesus We Nantuttudu
(Mat. 4:12-17; Luk. 4:14-15)
14Naabus ḵade nibaḻud aḵ John,#1:14 Mark 6:14-29. nipauli'ḵ Jesus atte probinsiya'd Galilee ta umoyna iwaḻagawag Ambaḻu we Damag we naḻpu ḵan Apudyus. 15Ḵanana, “Nituttuwa timpu ya gattoḵe sinsadi awad ḵan diḵayu ampangatan Apudyus, pun ibabawiyu da basuḻyu ya agayyu we angwa ya patiyonyu Ambaḻu we Damag.”
Sa Nangayagan Jesus Atta Ummunae Disipuluna
(Mat. 4:18-22; Luk. 5:1-11)
16Nanadtaddaḻan ḵad aḵ Jesus atte taḻantag ni Baybay ad Galilee, innilana da duwae ansunude mammaugadiwe anabuḵuḻ, da Simon ḵan Andrew. 17Pun ḵanana, “Tun-udonaḵ ta ambalinoḵ diḵayu'ḵ disipuluḵ ya tuttuduwaḵ diḵayu si inonyu we angiyadani'tta tagu we amati ḵan saḵone isun ni inonyu we anabuḵuḻ atta ugadiw.” 18Pun daguse imbadongda da tabuḵuḻda woḵ nitun-udda ḵan siya.
19Ummad-adayuda ḵad, innilana bos da James ḵan John we abeng Zebedee. Inninggawda si bangkadae nangisagana si tabuḵuḻda. 20Pun daguse inayagana dida woḵ tinenanda si bangka'ḵ amada ya da tinangdananda woḵ ummoyda nitun-ud ḵan Jesus.
Sa Namaḻyawan Jesus Atte Aḻan
(Luk. 4:31-37)
21Pune sadi, ummoy da Jesus ya da disipuluna'd Capernaum. Sa umillongan da Judyu,#1:21 Sa umillongan da Judyu we imbilin Apudyus, Sabadu. Sa sadi ye aḻgaw, isaḻadda si masdom ni Friday inggana'tte masdom ni Sabadu. Miyadi anḵewaaḻ da Judyu ta umoyda'tta sinagoga ta andaydayawda ḵan alluwaḻuda ḵan Apudyus. nillumnoḵda'tte sinagoga#1:21 Sa Sinagoga - siya andaḵdaḵngan da Judyu nu umoyda andayaw ḵan Apudyus atta aḻgawe miyadi anḵewaaḻ. Awad da sinagoga'tta losane ili ye inggawan da Judyu. Sidi andaydayawanda ḵan alluwaḻuwanda, basaonda nigili ye Ugud Apudyus ya andongoḻda'tta tuttudu. woḵ insaḻad Jesus we nantuttudu. 22Pun nataag da tagu'tte inonae nantuttudu te nantuttudu ḵan didae isun ni osae anna ḵaḻabbongana ya daḵampun aḵ isun da mimistulun ni lintog.#1:22 Da mimistulun da lintog, niyiyapda bos atta amo mapatgane tagu'tta ḵailiyandae iyIsrael te iniiggammuda lintog Moses. Naadaḻanda, ḵad dida angituttudu'tte Ugud Apudyus ya da amoamode ugalin da danaḵḵoḻda mipanggob atta imbilin Apudyus we ḵoonda ḵan adida ḵoon.
23Pune sadi, inninggaw atte sinagogada laḻaḵi ye naaḻanan woḵ ḵananae nantuḵituḵing, 24“Anii! Jesus we iNazareth, ngaipaḵa umali ḵan diḵani? Ummaliḵa ḵamman ta dadailom diḵani? Igammuḵe siḵa Nasantuwane imbuun Apudyus.”
25Pune sadi binilin Jesus aḻan woḵ ḵanana, “Guminoḵḵa, ḵumunudḵa ḵan siya!” 26Pun daguse nanḵulis woḵ nabilaw sadi ye laḻaḵi'tte ḵummunudan ni aḻan ḵan siya.
27Da tagu ḵad, nataagda losan woḵ sintotoḵoḻda, pun ḵanandae nan-asiimus, “Atopay aḵay anna! Baru we tuttudu we anna ḵaḻabbongana te taḵon ay da aḻan, bilinona dida ya tummuttuwada.” 28Pun daguse nandinongoḻ mipanggob ḵan Jesus atta losane ili'tte probinsiya'd Galilee.
Sa Nangaanan Jesus Atta Amode Saḵit
(Mat. 8:14-17; Luk. 4:38-41)
29Pune sadi, lummawa ḵad da Jesus si sinagoga, ummoyda si boḻoy da Simon ḵan Andrew. Naḵaoy os da James ḵan John. 30Inninggaw bubai ye ḵatugangan Simon we an-atunge uumbog. Pun daguse imbagada ḵan Jesus. 31Ummadani woḵ innonnana imana ta badanganae bumangon. Pune sadi, daguse naḵaan atungna woḵ paḵanana da Jesus. 32Lummabi ḵad, inniyoy da umili da losane naaḻanan ya da nasaḵit ḵan Jesus. 33Nangwa ḵad da losane tagu, nandatdatongda'tte sawang ni boḻoye igaw da Jesus. 34Pun ḵinaanna da losane kalasin da saḵitda ya pinaḻyawna bos da aḻan atta naaḻanan yaḵon pinaginoḵna didae an-ugud te inigammuda'ḵ Jesus.
Sa Nangiwaḻagawagan Jesus Atte Ambaḻu We Damag
(Luk. 4:42-44)
35Sissiya ḵade anggiḵbot, bummangon aḵ Jesus woḵ ummoy atte bumbummaaw ta umoy alluwaḻu. 36Bummangon ḵad os da Simon, ummoyda singngit. 37Indasanda ḵad, ḵananda ḵan siya, “Awad da adu we tagu we ummali ye singsingtonda siḵa.” 38Ḵanana, “Intaḵu'tta nampaliḵwose ili ta iyyaḵ iwaḻagawag Ambaḻu we Damag te siya panggobḵu we ummali sina.” 39Pun ummoyda nanggaḵay atta losane ili'tte probinsiya'd Galilee woḵ iwwaḻagawag Jesus Ambaḻu we Damag atta adu we sinagoga woḵ paḻyawona da aḻan atta naaḻanan.
Sa Naleprosy Ye Laḻaḵi
(Mat. 8:1-4; Luk. 5:12-16)
40Sin-aḻgawan ḵad, inninggaw osae laḻaḵi ye naleprosy ye ummoy ḵan Jesus woḵ nanalluḵu nandagdagu, ḵanana, “Nu piom, lamognu ḵaanon saḵitḵu.”
41Aḵ Jesus ḵad, ḵinadaguwana woḵ indawawana imana woḵ inappadana pun ḵanana, “On, pioḵ! Maḵaan saḵitnu!” 42Pun daguse naḵaan saḵitna. 43Ginangput ḵad Jesus ḵinaan saḵitna, pinaḻyawna woḵ ḵananae namilibilin, 44“Inḵa ipaila long-agnu'tte padi ta panoḵnoḵanae naḵaan saḵitnu. Ḵad ittom ḵan siya idatunnu ḵan Apudyus we isun ni imbilin Moses ta amanoḵnoḵan da tagu we ḵawagase naḵaan pagay saḵitnu. Malaksid atte padi, adim paat ibaga ḵingwaḵ ḵan siḵa atta ngaiman.” 45Yaḵon adipun tummuttuwa. Amo ummoyna inuguugud ḵingwan Jesus ḵan siya. Pun sa nambanagana, adipun ogon ampappaila'ḵ Jesus we umoy atta udume ili te amoamod da tagu woḵ inninggaw si bumbummaaw. Yaḵon adu da tagu we ummoy ḵan siyae naḻpu'tta nansabasabali ye ili.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Translators Association of the Philippines (TAP), All rights reserved.