Mark 2
2
Sa Naparalaese Laḻaḵi
(Mat. 9:1-8; Luk. 5:17-26)
1Naḻaḵpus ḵad pigae aḻgaw, nipauli'ḵ Jesus ad Capernaum woḵ dingngoḻ ḵad da tagu we dummatong, 2amoamod da nandatdatong inggana'ḵ naippun ogon maigawan taḵon ay sawang. Iwwaḻagawag ḵad Jesus Ugud Apudyus, 3dummatong da opate nambulig atte naparalaes. 4Yaḵon naippun paat ayondae umadani ḵan Jesus te nansossodet da tagu. Pun insaḵyatda'tte otop woḵ ummabutda'ḵ singgetbang. Nagangput ḵad, inuyudda nabuligan atte gaggawan da tagu'tte sinagung Jesus. 5Innilan ḵad ay Jesus pammatida, ḵanana'tte naparalaes, “Sunud, napakawan da basuḻnu!”
6Nangwa ḵad da atuḵtuḵdu we mimistulun ni lintog, ḵananda'tta somsomoḵda, 7“Ngaipana ugudon ḵaḵnat? Itaḻayagna long-agnae miyisu ḵan Apudyus! Te ngai ḵallabbonge amakawan atta basuḻ yaḵon abus aḵ Apudyus?”
8Aḵ Jesus ḵad, inigammuna da somsomoḵda woḵ ḵanana, “Ngaipayu somsomḵon ḵaḵnat? 9Ngai ḵad ain naḻaslasu we ibaga ḵan siya, ‘Napakawan da basuḻnu,’ baḵon nu ‘Tumaḵdogḵa, aḻam oboḵnu ya anaddaḻanḵa’? 10Yaḵon ta angigammuwanyu we saḵone Abeng Di Tagu#2:10 Abeng Di Tagu - Sa ngadane inusar Jesus atte long-agna. Siya ngadane inusarna'tte Baru we Tuḻag nu antuttudu mipanggob ḵan siya. Matthew 8:20, 9:6, 10:23, 11:19, 12:8. we naḻpu'd langite niyanaḵ sina'd luta, anna ḵaḻabbongaḵ sina'd lutae amakawan atta basuḻ da tagu.” Pun ḵanana'tte naparalaes, 11“Ibagaḵ ḵan siḵa, bumangonḵa, aḻam bulignu ta inḵan si boḻoyyu.” 12Pun daguse bummangon si angitotollongan da losane tagu, innaḻana bulignae innumbogana woḵ ummoyon. Pun natataag da tagu sidi woḵ dinaydayawda'ḵ Apudyus, ḵananda, “Atopay! Naippun paat innila taḵu'ḵ ḵaḵna!”
Sa Nangayagan Jesus Ḵan Levi
(Mat. 9:9-13; Luk. 5:27-32)
13Ummoy os ḵasin aḵ Jesus si taḻantag ni baybay. Pun nandatdatong os da amode tagu woḵ nantuttudu ḵan dida. 14Lummaus aḵ Jesus woḵ innilana'ḵ Levi ye abeng Alphaeus we tutuḵdu'tte opisinan da andadagup atta bugis. Ḵanana ḵan siya, “Tun-udonaḵ ta ambalinoḵ siḵa'ḵ disipuluḵ.” Pun lummibbat ay aḵ Levi woḵ nitun-ud ḵan siya. 15Nanḵaḵaḵan ḵad da Jesus ya da disipuluna'ḵ ḵuwan da Levi, naḵaḵan ḵan dida da adu we andadagup atta bugis ya da udume ḵabasbassuḻan te adu da nituntun-ud. 16Innilan ḵad da Pharisee#2:16 Da Pharisee osadae grupun da Judyu atte timpun Jesus. Dida da pangat atte mipanggob si religion da Judyu. Uunnudonda lintog Moses ya da ugalin da danaḵḵoḻda. Patiyondae da tagu ḵad awad da ḵalidodwada baḵon nu ispirituda ya umuli da natoy atte umali ye aḻgaw. Patiyonda bose awad da anghel. ye mimistulun ni lintoge naḵaḵan aḵ Jesus atta ḵatti ye tagu, ḵananda'tta disipuluna, “Ngaipa'ḵ Jesus maḵaḵan atta andadagup atta bugis ya da udume ḵabasbassuḻan?”
17Dingngoḻ ḵad ay Jesus da inimusda, ḵananae nangipani, “Da anḵosdoḻ, adidapun ḵasapuḻan an-aagas. Yaḵon da masaḵit, ḵasapuḻanda. Isuna saḵon, adiyaḵpun ummali ta ayagaḵ da naun-unane tagu yaḵon ummaliyaḵ ta ayagaḵ da ḵabasbassuḻan ta ambabawida'tta basuḻda ta ansinagungda ḵan Apudyus.”
Sa Mipanggob Atte Allaun
(Mat. 9:14-15; Luk. 5:33-35)
18Sin-aḻgawan ḵad, nallaun da Pharisee ya da disipulun John ta alluwaḻuda. Inninggaw da udume ummoy ḵan Jesus woḵ ḵananda ḵan siya, “Da disipulun John ya da disipulun da Pharisee, nallaunda ta alluwaḻuda. Da disipulum ḵad, ngaipada adi allaun?”
19Ḵanan Jesus we nangipani, “Allaun ḵamman da buḻbuḻun ni angasawae laḻaḵi nu awad ḵan dida? Anganda pos pagay. Sa annaan ni angasawae laḻaḵi ḵan dida, adidapun allaun. 20Yaḵon sa umali ye aḻgaw nu miyadayu nangasawae laḻaḵi ḵan dida, sadi aḻgawe allaunanda.”
Sa Baru We Tuttudun Jesus
(Mat. 9:16-17; Luk. 5:36-39)
21Ḵanan os Jesus we nangipani, “Naippun tagu'ḵ ituḵupna baru we lupute adipun nisaḵsaḵ si dadaane silup te nu mituḵup si dadaane silup ya isaḵsaḵnu, ḵumson baru we mituḵup ya yatyatona dadaane luput ḵad amo dumaḵoḻ pissayna. 22Naippun os tagu'ḵ ibilungna inabuyu'tte dadaane geddange bibillungan. Te nu ḵoona ḵaḵna, bumtaḵ sadi ye geddange bibillungan ḵad umabuyang bayas ya madadail geddange bibillungan. Yaḵon ḵasapuḻane ibilung oḵyan inabuyu si ḵaḵḵopyae geddange bibillungan.”
Sa Umillongan Da Judyu
(Mat. 12:1-8; Luk. 6:1-5)
23Sa umillongan, nangoy da Jesus ya da disipuluna si pappayawe namuḻ-an si de wheat we isun ni pagoy woḵ ḵummuḻtung da disipuluna'ḵ ḵinutimanda. 24Inninggaw da udume Pharisee ye innilada ḵingwada. Ḵananda ḵan Jesus, “Ilam ḵad, ngaipada ḵoon ḵaḵnat? Lisalisonda lintog taḵu we Judyu te an-anida si umillongan.”
25Pun ḵanan Jesus ḵan dida, “Ḵasapuḻane sosomḵonyu binasayu mipanggob atte ḵingwan Ari David ya da buḻunna'tte nauḻatanda. 26Nillumnoḵ si boḻoy Apudyus woḵ innaḻana tinapaye nidatun ḵan Apudyus we adimpun ni lintog iyunud. Abus da papadi'ḵ miyunude angan si sadi ye tinapay. Yaḵon ḵinanna ya innattana bos da buḻunna. Sana naḵwa si timpun Abiathar we ḵangatuwane padi.”#2:26 Nu piom basaon mipanggob atte nanganan da David si tinapay Apudyus, maila si 1 Samuel 21:1-6 ḵad sa mipanggob si tinapaye nidatun ḵan Apudyus, maila si Leviticus 24:5-9. 27Pun ḵanan Jesus we nangiyanungus, “Daḵampun aḵ ḵingwan Apudyus da tagu gapu'tte umillongan! Ḵingwana sadi ye aḻgaw para'tte umillongan da tagu. 28Pun Saḵone Abeng Di Tagu, anna ḵaḻabbongaḵ atta maḵwa si umillongan.”
ទើបបានជ្រើសរើសហើយ៖
Mark 2: kml
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Translators Association of the Philippines (TAP), All rights reserved.
Mark 2
2
Sa Naparalaese Laḻaḵi
(Mat. 9:1-8; Luk. 5:17-26)
1Naḻaḵpus ḵad pigae aḻgaw, nipauli'ḵ Jesus ad Capernaum woḵ dingngoḻ ḵad da tagu we dummatong, 2amoamod da nandatdatong inggana'ḵ naippun ogon maigawan taḵon ay sawang. Iwwaḻagawag ḵad Jesus Ugud Apudyus, 3dummatong da opate nambulig atte naparalaes. 4Yaḵon naippun paat ayondae umadani ḵan Jesus te nansossodet da tagu. Pun insaḵyatda'tte otop woḵ ummabutda'ḵ singgetbang. Nagangput ḵad, inuyudda nabuligan atte gaggawan da tagu'tte sinagung Jesus. 5Innilan ḵad ay Jesus pammatida, ḵanana'tte naparalaes, “Sunud, napakawan da basuḻnu!”
6Nangwa ḵad da atuḵtuḵdu we mimistulun ni lintog, ḵananda'tta somsomoḵda, 7“Ngaipana ugudon ḵaḵnat? Itaḻayagna long-agnae miyisu ḵan Apudyus! Te ngai ḵallabbonge amakawan atta basuḻ yaḵon abus aḵ Apudyus?”
8Aḵ Jesus ḵad, inigammuna da somsomoḵda woḵ ḵanana, “Ngaipayu somsomḵon ḵaḵnat? 9Ngai ḵad ain naḻaslasu we ibaga ḵan siya, ‘Napakawan da basuḻnu,’ baḵon nu ‘Tumaḵdogḵa, aḻam oboḵnu ya anaddaḻanḵa’? 10Yaḵon ta angigammuwanyu we saḵone Abeng Di Tagu#2:10 Abeng Di Tagu - Sa ngadane inusar Jesus atte long-agna. Siya ngadane inusarna'tte Baru we Tuḻag nu antuttudu mipanggob ḵan siya. Matthew 8:20, 9:6, 10:23, 11:19, 12:8. we naḻpu'd langite niyanaḵ sina'd luta, anna ḵaḻabbongaḵ sina'd lutae amakawan atta basuḻ da tagu.” Pun ḵanana'tte naparalaes, 11“Ibagaḵ ḵan siḵa, bumangonḵa, aḻam bulignu ta inḵan si boḻoyyu.” 12Pun daguse bummangon si angitotollongan da losane tagu, innaḻana bulignae innumbogana woḵ ummoyon. Pun natataag da tagu sidi woḵ dinaydayawda'ḵ Apudyus, ḵananda, “Atopay! Naippun paat innila taḵu'ḵ ḵaḵna!”
Sa Nangayagan Jesus Ḵan Levi
(Mat. 9:9-13; Luk. 5:27-32)
13Ummoy os ḵasin aḵ Jesus si taḻantag ni baybay. Pun nandatdatong os da amode tagu woḵ nantuttudu ḵan dida. 14Lummaus aḵ Jesus woḵ innilana'ḵ Levi ye abeng Alphaeus we tutuḵdu'tte opisinan da andadagup atta bugis. Ḵanana ḵan siya, “Tun-udonaḵ ta ambalinoḵ siḵa'ḵ disipuluḵ.” Pun lummibbat ay aḵ Levi woḵ nitun-ud ḵan siya. 15Nanḵaḵaḵan ḵad da Jesus ya da disipuluna'ḵ ḵuwan da Levi, naḵaḵan ḵan dida da adu we andadagup atta bugis ya da udume ḵabasbassuḻan te adu da nituntun-ud. 16Innilan ḵad da Pharisee#2:16 Da Pharisee osadae grupun da Judyu atte timpun Jesus. Dida da pangat atte mipanggob si religion da Judyu. Uunnudonda lintog Moses ya da ugalin da danaḵḵoḻda. Patiyondae da tagu ḵad awad da ḵalidodwada baḵon nu ispirituda ya umuli da natoy atte umali ye aḻgaw. Patiyonda bose awad da anghel. ye mimistulun ni lintoge naḵaḵan aḵ Jesus atta ḵatti ye tagu, ḵananda'tta disipuluna, “Ngaipa'ḵ Jesus maḵaḵan atta andadagup atta bugis ya da udume ḵabasbassuḻan?”
17Dingngoḻ ḵad ay Jesus da inimusda, ḵananae nangipani, “Da anḵosdoḻ, adidapun ḵasapuḻan an-aagas. Yaḵon da masaḵit, ḵasapuḻanda. Isuna saḵon, adiyaḵpun ummali ta ayagaḵ da naun-unane tagu yaḵon ummaliyaḵ ta ayagaḵ da ḵabasbassuḻan ta ambabawida'tta basuḻda ta ansinagungda ḵan Apudyus.”
Sa Mipanggob Atte Allaun
(Mat. 9:14-15; Luk. 5:33-35)
18Sin-aḻgawan ḵad, nallaun da Pharisee ya da disipulun John ta alluwaḻuda. Inninggaw da udume ummoy ḵan Jesus woḵ ḵananda ḵan siya, “Da disipulun John ya da disipulun da Pharisee, nallaunda ta alluwaḻuda. Da disipulum ḵad, ngaipada adi allaun?”
19Ḵanan Jesus we nangipani, “Allaun ḵamman da buḻbuḻun ni angasawae laḻaḵi nu awad ḵan dida? Anganda pos pagay. Sa annaan ni angasawae laḻaḵi ḵan dida, adidapun allaun. 20Yaḵon sa umali ye aḻgaw nu miyadayu nangasawae laḻaḵi ḵan dida, sadi aḻgawe allaunanda.”
Sa Baru We Tuttudun Jesus
(Mat. 9:16-17; Luk. 5:36-39)
21Ḵanan os Jesus we nangipani, “Naippun tagu'ḵ ituḵupna baru we lupute adipun nisaḵsaḵ si dadaane silup te nu mituḵup si dadaane silup ya isaḵsaḵnu, ḵumson baru we mituḵup ya yatyatona dadaane luput ḵad amo dumaḵoḻ pissayna. 22Naippun os tagu'ḵ ibilungna inabuyu'tte dadaane geddange bibillungan. Te nu ḵoona ḵaḵna, bumtaḵ sadi ye geddange bibillungan ḵad umabuyang bayas ya madadail geddange bibillungan. Yaḵon ḵasapuḻane ibilung oḵyan inabuyu si ḵaḵḵopyae geddange bibillungan.”
Sa Umillongan Da Judyu
(Mat. 12:1-8; Luk. 6:1-5)
23Sa umillongan, nangoy da Jesus ya da disipuluna si pappayawe namuḻ-an si de wheat we isun ni pagoy woḵ ḵummuḻtung da disipuluna'ḵ ḵinutimanda. 24Inninggaw da udume Pharisee ye innilada ḵingwada. Ḵananda ḵan Jesus, “Ilam ḵad, ngaipada ḵoon ḵaḵnat? Lisalisonda lintog taḵu we Judyu te an-anida si umillongan.”
25Pun ḵanan Jesus ḵan dida, “Ḵasapuḻane sosomḵonyu binasayu mipanggob atte ḵingwan Ari David ya da buḻunna'tte nauḻatanda. 26Nillumnoḵ si boḻoy Apudyus woḵ innaḻana tinapaye nidatun ḵan Apudyus we adimpun ni lintog iyunud. Abus da papadi'ḵ miyunude angan si sadi ye tinapay. Yaḵon ḵinanna ya innattana bos da buḻunna. Sana naḵwa si timpun Abiathar we ḵangatuwane padi.”#2:26 Nu piom basaon mipanggob atte nanganan da David si tinapay Apudyus, maila si 1 Samuel 21:1-6 ḵad sa mipanggob si tinapaye nidatun ḵan Apudyus, maila si Leviticus 24:5-9. 27Pun ḵanan Jesus we nangiyanungus, “Daḵampun aḵ ḵingwan Apudyus da tagu gapu'tte umillongan! Ḵingwana sadi ye aḻgaw para'tte umillongan da tagu. 28Pun Saḵone Abeng Di Tagu, anna ḵaḻabbongaḵ atta maḵwa si umillongan.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Translators Association of the Philippines (TAP), All rights reserved.