Matthew 28
28
Sa Ummuliyan Jesus
(Mrk. 16:1-10; Luk. 24:1-12; Jhn. 20:1-10)
1Sa madam-an taḻun atte umunae aḻgaw ni sindumingguwane mabigate nagangputan ni umillongan da Judyu, ummoy da Mary Magdalene ya sa osae Mary innila nilibonan Jesus. 2Pune sadi, baag-en inniggana ampigsapigsae lunig te nan-osog anghel Apudyus we naḻpu'd langit. Pun niligadna batu we onob ni libon woḵ tummuḵduwana. 3Isunan ḵilat ḵatollongana ḵad sa silupna ḵad os amod de itaḵna. 4Simpipilpil da guwaḻda si ḵimutda woḵ napittuwaḵdae isudan natoy.
5Yaḵon ḵanan ni anghel atta bubai, “Adi ḵayu maḵimut. Igammuḵe siya singsingtonyu'ḵ Jesus we nipattoḻ atte kros. 6Naippun sina te tinagun Apudyus ḵasin, siya imbagana ḵan diḵayu. Awwayyu, inḵayu ilan nibadongana. 7Pun ganasonyu ta inḵayu ibaga'tta disipuluna ḵanane, ‘Ummuli'ḵ Jesus. Ḵad umuna nu diḵayu umoy atte probinsiya'd Galilee. Ḵad ilanyu sidi.’ Sosomḵonyu we imbagaḵ ḵan diḵayu da sana.”
8Pun maḵamuda gaye nanenan atte libon. Naḵimtanda yaḵon amod pagay layadda woḵ nanoddaḵdae ummoy nangibaga'tta disipuluna. 9Pune sadi, baag-en niyabot aḵ Jesus woḵ ḵanana, “Kumusta ḵayu!” Ummadanida ḵan Jesus woḵ nanalluḵudae oonnanda suḵinae andayaw ḵan siya. 10Ḵanan Jesus ḵan dida, “Adi ḵayu maḵimut. Inḵayu ibaga'tta disipuluḵe da ibelangku'ḵ susunudḵu si pammati ta umoyda'tte probinsiya'd Galilee. Ḵad ilanda saḵon sidi.”
Sa Imbagan Da Guwaḻda
11Inninggaw ḵad da bubai'tte daḻan, baag-en nipauli'd Jerusalem da udume suḻdadu we nangguwaḻda si libon woḵ aminonda ibaga'tta papangat da papadi da losane naḵwa. 12Pun nandatdatong da papangat da papadi ya da pallakayon da Judyu ta an-uugudda nu ngai ḵoonda. Sa nan-uugudanda, ittanda da suḻdadu'ḵ daḵoḻe gatad di pilaḵ. 13Pun ḵanandae namilin atta suḻdadu, “Ibagayu'tta tagu we ummoy da disipuluna woḵ inaḵawda ladagna'tte labi si masusuyop ḵayu. 14Ḵad nu mammaag ay ta dongngon ni gobernor, diḵani asi maḵaugud ḵan siya'ḵ ḵat-opana ta adina diḵayu pabasuḻon.”
15Pun innaḻan da suḻdadu pilaḵ woḵ ḵingwada nibaga ḵan didae ḵoonda. Inggana sinsadi, nandindinamag atta Judyu.
Sa Nampail-an Jesus Atta Disipuluna
(Mrk. 16:14-18; Luk. 24:36-49; Jhn. 20:19-23; Act. 1:6-8)
16Ummoy da nasawaḻan aḵ ossaane disipulun Jesus atte beleg ni probinsiya'd Galilee te siya imbagan Jesus we ayanda. 17Innilada ḵad, nandayawda ḵan siya yaḵon da udum ḵan dida nanduwaduwada. 18Pune sadi, ummadani'ḵ Jesus ḵan dida woḵ ḵanana, “Losane ḵaḻabbongan ad langit ya sina'd luta naatod ḵan saḵon. 19Pun inḵayu'tta losane tagu'tta losane ili ya ambalinonyu dida'ḵ disipuluḵ. Annaya inonyu we angwa'ḵ disipulu. Bonyaganyu dida mipagapu'tte ḵaḻabbongan Apudyus we Ama ya Apudyus we Abeng ya Apudyus we Ispiritu Santu. 20Ḵad tuttuduwanyu dida ta tuttuwaonda da losane imbilinḵu ḵan diḵayu. Sosomḵonyu we patilayune annaaḵ ḵan diḵayu inggana'ḵ anungus ni timpu.”
ទើបបានជ្រើសរើសហើយ៖
Matthew 28: kml
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Translators Association of the Philippines (TAP), All rights reserved.
Matthew 28
28
Sa Ummuliyan Jesus
(Mrk. 16:1-10; Luk. 24:1-12; Jhn. 20:1-10)
1Sa madam-an taḻun atte umunae aḻgaw ni sindumingguwane mabigate nagangputan ni umillongan da Judyu, ummoy da Mary Magdalene ya sa osae Mary innila nilibonan Jesus. 2Pune sadi, baag-en inniggana ampigsapigsae lunig te nan-osog anghel Apudyus we naḻpu'd langit. Pun niligadna batu we onob ni libon woḵ tummuḵduwana. 3Isunan ḵilat ḵatollongana ḵad sa silupna ḵad os amod de itaḵna. 4Simpipilpil da guwaḻda si ḵimutda woḵ napittuwaḵdae isudan natoy.
5Yaḵon ḵanan ni anghel atta bubai, “Adi ḵayu maḵimut. Igammuḵe siya singsingtonyu'ḵ Jesus we nipattoḻ atte kros. 6Naippun sina te tinagun Apudyus ḵasin, siya imbagana ḵan diḵayu. Awwayyu, inḵayu ilan nibadongana. 7Pun ganasonyu ta inḵayu ibaga'tta disipuluna ḵanane, ‘Ummuli'ḵ Jesus. Ḵad umuna nu diḵayu umoy atte probinsiya'd Galilee. Ḵad ilanyu sidi.’ Sosomḵonyu we imbagaḵ ḵan diḵayu da sana.”
8Pun maḵamuda gaye nanenan atte libon. Naḵimtanda yaḵon amod pagay layadda woḵ nanoddaḵdae ummoy nangibaga'tta disipuluna. 9Pune sadi, baag-en niyabot aḵ Jesus woḵ ḵanana, “Kumusta ḵayu!” Ummadanida ḵan Jesus woḵ nanalluḵudae oonnanda suḵinae andayaw ḵan siya. 10Ḵanan Jesus ḵan dida, “Adi ḵayu maḵimut. Inḵayu ibaga'tta disipuluḵe da ibelangku'ḵ susunudḵu si pammati ta umoyda'tte probinsiya'd Galilee. Ḵad ilanda saḵon sidi.”
Sa Imbagan Da Guwaḻda
11Inninggaw ḵad da bubai'tte daḻan, baag-en nipauli'd Jerusalem da udume suḻdadu we nangguwaḻda si libon woḵ aminonda ibaga'tta papangat da papadi da losane naḵwa. 12Pun nandatdatong da papangat da papadi ya da pallakayon da Judyu ta an-uugudda nu ngai ḵoonda. Sa nan-uugudanda, ittanda da suḻdadu'ḵ daḵoḻe gatad di pilaḵ. 13Pun ḵanandae namilin atta suḻdadu, “Ibagayu'tta tagu we ummoy da disipuluna woḵ inaḵawda ladagna'tte labi si masusuyop ḵayu. 14Ḵad nu mammaag ay ta dongngon ni gobernor, diḵani asi maḵaugud ḵan siya'ḵ ḵat-opana ta adina diḵayu pabasuḻon.”
15Pun innaḻan da suḻdadu pilaḵ woḵ ḵingwada nibaga ḵan didae ḵoonda. Inggana sinsadi, nandindinamag atta Judyu.
Sa Nampail-an Jesus Atta Disipuluna
(Mrk. 16:14-18; Luk. 24:36-49; Jhn. 20:19-23; Act. 1:6-8)
16Ummoy da nasawaḻan aḵ ossaane disipulun Jesus atte beleg ni probinsiya'd Galilee te siya imbagan Jesus we ayanda. 17Innilada ḵad, nandayawda ḵan siya yaḵon da udum ḵan dida nanduwaduwada. 18Pune sadi, ummadani'ḵ Jesus ḵan dida woḵ ḵanana, “Losane ḵaḻabbongan ad langit ya sina'd luta naatod ḵan saḵon. 19Pun inḵayu'tta losane tagu'tta losane ili ya ambalinonyu dida'ḵ disipuluḵ. Annaya inonyu we angwa'ḵ disipulu. Bonyaganyu dida mipagapu'tte ḵaḻabbongan Apudyus we Ama ya Apudyus we Abeng ya Apudyus we Ispiritu Santu. 20Ḵad tuttuduwanyu dida ta tuttuwaonda da losane imbilinḵu ḵan diḵayu. Sosomḵonyu we patilayune annaaḵ ḵan diḵayu inggana'ḵ anungus ni timpu.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Translators Association of the Philippines (TAP), All rights reserved.