Matthew 27
27
Sa Nipuḻangan Jesus Ḵan Pilate
(Mrk. 15:1; Luk. 23:1-2; Jhn. 18:28-32)
1Bigbigat ḵad, nan-uugudan da papangat da papadi ya da pallakayon da Judyu nu ngai inondae ampagongat ḵan Jesus. 2Pun binaḻudda woḵ inniyoyda ḵan Gobernor Pilate.
Sa Natoyan Judas
(Act. 1:18-19)
3Aḵ Judas we nangituyuḵ ḵan Jesus, inigammuna ḵade naḵoddongan aḵ Jesus we matoy, nandadauli'tte ḵingwana. Pun ummoyna impauli pilaḵ atta papangat da papadi ya da pallakayon da Judyu. 4Ḵanana, “Naḵabasuḻaḵ te intuyuḵḵu tagu we ippun basuḻna!”
Pun ḵanandae summongbat, “Ngai ḵad ain biyangni si sanat? Te biyangnu pos pagay!”
5Pune sadi, impitlaḵ Judas pilaḵ ad daḻom si templo, pun ummoyon woḵ ummoy namposoḻ.
6Yaḵon innaḻan da papangat da papadi sadi ye pilaḵ woḵ ḵananda, “Adimpun ni lintog taḵu iyunude idoga taḵu annae pilaḵ atte pilaḵ ni templo te nibayad si biyag ni tagu.” 7Nan-uugudanda nu ngai ḵoonda'tte pilaḵ. Pun nan-uunudandae sadi inginada'tte lutan ni andidiwin aḵ banga ta usaronda'ḵ lilibbonan da ḵaḵḵaili. 8Pun sa lutae sadi, inggana sinsadi nangadanan aḵ “Lutae Nadimoḵ.” 9Ḵad sadi nituttuwaan ni imbagan Profeta Jeremiah atte awe ye ḵanana,
“Innaḻada tuḻumpuḻu we pilaḵ,
sa belange nan-uugudan da ganaḵ Israel
aḵ ambayadda si biyagna.
10Pune sadi ingnginada'tte lutan ni andidiwin aḵ banga,
te siya imbilin Apu ḵan saḵon.”#27:9-10 Zechariah 11:12-13; Jeremiah 32:6-9.
Sa Nanumaḻyaan Pilate Ḵan Jesus
(Mrk. 15:2-5; Luk. 23:3-5; Jhn. 18:33-38)
11Aḵ Jesus ḵad, summiḵad atte sinagung Gobernor Pilate woḵ ḵanan gobernor we nan-imus ḵan siya, “Siḵa ḵamman Arin da Judyu?”
Ḵanan Jesus we summongbat, “Siya imbagam.”
12Yaḵon taḵon ay nu pabasuḻon da papangat da papadi ya da pallakayon da Judyu, adipun paat summongbat aḵ Jesus. 13Pun ḵanan os Pilate ḵan siya, “Naippun ḵamman dongngom atta losane banage ipabasuḻda ḵan siḵa?” 14Yaḵon adipun aḵ Jesus summongbat, taḵon ay ossaan atta ipabasuḻda ḵan siya. Pun amo nataag aḵ gobernor.
Sa Naḵoddongan Jesus Aḵ Matoy
(Mrk. 15:6-15; Luk. 23:13-25; Jhn. 18:39-40; 19:4-16)
15Sa ugalin Pilate atte Gayagayae ngannonda Nallausan, puḵayana osa'tta baḻude sa ḵodawon da adu we tagu. 16Sa sadi ye timpu, inninggaw osae baḻude nandinongoḻ ḵinaḻawengnae nangngadan aḵ Jesus Barabbas. 17Nandatdatong ḵad da tagu, ḵanan Pilate ḵan dida, “Ngai pionyu we puḵayaḵ? Aḵ Jesus Barabbas baḵon nu aḵ Jesus we awaganda'ḵ Kristu?” 18Inimusna anna te inigammunae impuḻangda'ḵ Jesus ḵan siya gapu'tte aposda.
19Sissiya ḵade tutuḵdu'ḵ Pilate si tutuḵduwan ni ḵuwis, nambuun aḵ asawana'ḵ umoy angibaga ḵan siya ḵanane, “Adim dusaon sanate naun-unane tagu. Te sa labi, inin-inopḵu mipanggob ḵan siya ya nampaḵaḻamonaḵ gapu ḵan siya.”
20Pune sadi inawis da papangat da papadi ya da pallakayon da Judyu da tagu ta ḵodawonda ḵan Pilate ta puḵayana'ḵ Barabbas ya impagongatna'ḵ Jesus. 21Pun ḵanan Gobernor Pilate ḵasine nan-imus atta tagu, “Ngai'tta annae duwa pionyu we puḵayaḵ?”
Ḵananda, “Aḵ Barabbas.”
22Inimus Gobernor Pilate ḵan dida ḵanane, “Ḵad ngai ḵooḵ ḵan Jesus we awaganda'ḵ Kristu?”
Losanda ḵanan, “Paipattoḻnu'tte kros!”
23Ḵanan Gobernor Pilate, “Ngaipa? Ngai ḵad ain ḵingwana?”
Yaḵon amo ḵanandae nanugtug-uy, “Paipattoḻnu'tte kros!”
24Innilan ḵad Gobernor Pilate we ippun lamogna ḵoon yaḵon isaḻaddae magulu, nangaḻa'tte danum woḵ nambuḻuna'tta imana si sinagung da tagu. Ḵanana, “Ippun biyangḵu si magongatan ni annae tagu, ḵigadyu pagay.”
25Losan da tagu ḵanane summongbat, “Ḵigadni ya da abengni ye asi sumongbat si matoyan ni annae tagu!”
26Pune sadi, pinuḵayan Gobernor Pilate aḵ Barabbas woḵ impaap-aplitna'ḵ Jesus, pun impuḻangna'tta suḻdadu ta umoyda ipattoḻ atte kros.
Sa Nangang-angyagan Da Suḻdadu Ḵan Jesus
(Mrk. 15:16-20; Jhn. 19:2-3)
27Naabus ḵad, innaḻan da suḻdadu'ḵ Jesus woḵ illonoḵda'tte boḻoy Gobernor Pilate, pun inaligummun da losane suḻdadu'ḵ Jesus. 28Ḵinaanda silupna woḵ sinilupanda si dilaage langgoyode isun ni silup ni ari. 29Pummaliḵugda'tte naḻasiyane waḵaḻ woḵ imbaḻangatda ḵan siya woḵ paodonda pauḻ si dawinane imana. Naabus ḵad, nanalluḵuda si sinagungna woḵ ḵanandae nangang-angyag, “Matataguḵae Arin da Judyu!” 30Tinuppatuppaanda ya innaḻada pauḻe oonnana woḵ iyyaplitda si uḻuna. 31Inabusda ḵad inang-angyag, ḵinaanda dilaage langgoyode insilupda woḵ iggada ḵuwana pagaye silup. Pun innaḻada ta umoyda ipattoḻ atte kros.
Sa Nipattoḻan Jesus Atte Kros
(Mrk. 15:21-32; Luk. 23:26-43; Jhn. 19:17-27)
32Inninggawda ḵad atte daḻane naḻpu'tte siyudad, inabotda tagu we nangngadan aḵ Simon we iCyrene. Pun impatut da suḻdadu impabuḵud ḵan siya de kros Jesus. 33Dummatongda ḵad atte lugar we ngannonda Golgotha, sa piona ḵanan “Lugar ni Battuḵag.” 34Innattanda'ḵ Jesus si bayase naḵamsan atte apku ta inumona. Yaḵon sinimsimana ḵad, adinapun ogon pion inumon.
35Pune sadi, impattoḻda'tte kros. Pun nambubbunutda woḵ nambisbisaḵanda silupna. 36Naabus ḵad, tummuḵdudae anguwaḻda ḵan Jesus. 37Sa ngatun ni uḻuna, nigili impabasuḻda ḵan siyae ḵanana, “Annaya'ḵ Jesus we Arin da Judyu.” 38Pun inninggaw os da duwae tulisane impattoḻda dida'tta krosda, sa osa'tte madawinanna ya sa osa'tte madawigina.
39Ḵad da tagu we lummaus, siwwiwigiwigdae nangang-angyag ḵan Jesus, 40ḵananda, “Siḵa nangibagae dadailom templo ya taḵadom si unog di tuḻun aḻgaw, taguwom long-agnu! Ḵad nu tuttuwae siḵa Abeng Apudyus, dumoḻaḵa oḵyan si sanate kros!”
41Pun da papangat ḵad da papadi ya da mimistulun ni lintog ya da pallakayon da Judyu, ḵanandae nangang-angyag, 42“Tinaguna da udume tagu yaḵon adinapun lamog taguwon long-agna. Siya Arin da ganaḵ Israel, dumoḻa ud oḵyan sinsadi si sanate kros ta amati ḵani ḵan siya. 43Antaḻgod ḵan Apudyus woḵ ḵanana, ‘Saḵon Abeng Apudyus.’ Pun ilan taḵu nu iligsin Apudyus sinsadi.” 44Taḵon ay da tulisane nipattoḻ si daḻnig Jesus, isuna bose ininsultuda'ḵ Jesus.
Sa Natoyan Jesus
(Mrk. 15:33-41; Luk. 23:44-49; Jhn. 19:28-30)
45Anna ḵade mumamatuḵ, gummiḵbot losane ili inggana'ḵ ummag-agaw. 46Pun ummag-agaw ḵad, ḵanan Jesus we nampoḵaw, “Eli, Eli, lema sabachthani?” Sa piona ḵanan, “Apudyusḵu, Apudyusḵu, ngaipam saḵon an-awidan?”#27:46 Psalm 22:1.
47Dingngoḻ ḵad da udume summisiḵad sidi, ḵananda, “Andi ye ayagana'ḵ Profeta Elijah.” 48Inninggaw osae daguse nanoddaḵ woḵ nangaḻa si isun di ḵapose napnu si ḵilom. Impaḵawna'tte pauḻ woḵ idawdawna'tte sungad Jesus ta susupona. 49Yaḵon ḵanan da udum, “Uwayon taḵu ta ilan taḵu ud nu umoy Profeta Elijah taguwon.”
50Napapḵaaw ḵad ḵasin aḵ Jesus, naḵaan angosna.
51Pun baag-en nanḵagwa napissay kortinan ni templo, nisaḻad ad ngatu inggana'd doḻa.#27:51 Sa sanae kortina awad atte Ḵasantuwane partin ni templo. Abus ḵangatuwane padi'ḵ maḵwae lumnoḵ te mibelange sana igaw Apudyus. Nanḵagwa napissay kortina ta angipailae maḵwa umadani da losane tagun Apudyus gapu ta natoy aḵ Jesus para'tta losane basuḻ taḵu. Ḵad nallunig lubung woḵ nandoswaḵ da balintuugan. 52Da libon os nabuḵtanda. Pun ummuli da nanḵaḵatoy we tagun Apudyus. 53Tummoḵwaḻda ḵad atta libonda'tte ummuliyan Jesus, ummoyda losan ad Jerusalem we siyudad Apudyus. Pun nampailada'tta adu we tagu.
54Giniḵnan ḵad ni ḵapitan ya da suḻdadu we nanguguwaḻda ḵan Jesus lunig ya innilada da losane naḵwa, naḵimtanda woḵ ḵananda, “Tuttuwae Abeng Apudyus anna!”
55Inninggaw os da adu we bubai ye nan-oottap. Dida da nibuḻun ḵan Jesus we naḻpu'tte probinsiya'd Galilee ye nanserserbi ḵan siya. 56Da sana ḵad da Mary Magdalene, sa asawan Zebedee ya aḵ Mary ye inan da James ḵan Joseph.
Sa Nilibonan Jesus
(Mrk. 15:42-47; Luk. 23:50-56; Jhn. 19:38-42)
57Masdom ḵad, dummatong osae baḵnange iyArimathea we nangngadan aḵ Joseph. Siya osae disipulun os Jesus. 58Ummoy ḵan Gobernor Pilate woḵ ḵodawona ladag Jesus. Pun iyyunud Gobernor Pilate woḵ imbilinna'tta suḻdadunae maatod ladag Jesus ḵan Joseph. 59Pun innaḻan Joseph ladag Jesus woḵ binadabadana'tte ampoḻḵase itaḵe sinnun. 60Naabus ḵad, ummoyna illibon si mismu we libonnae ḵaḵḵopyae liyange natiḵitiḵane batu. Niligadna daḵoḻe batu ta maomban lewangan ni libon woḵ ummoyon. 61Inninggaw sidi da Mary Magdalene ya sa osae Mary ye tummutuḵdu si sangun ni libon.
Sa Naguwaḻdaan Ni Libon Jesus
62Ḵasin ḵade bigbigat si nagangput ansaganaan da Judyu para'tte umillongane sa mabigat, ummoy da papangat da papadi ya da Pharisee ḵan Gobernor Pilate. 63Ḵananda ḵan Gobernor Pilate, “Apu, inḵagasmoḵni ye sa sissiyae matattaguwan ni sanate tuliyan, ḵanana, ‘Umuli nu maḻaḵpus tuḻun aḻgaw.’ 64Pun ambaḻu oḵyan nu paguwaḻdam libonna'tta suḻdadu inggana si miḵaḵlu we aḻgaw, umoy ḵappay da disipuluna aḵawon ladagna ya ibagadae ummuli ye natoy. Ḵad amo maḵaallelaw anungus ni maḵwa nu sa ummuna.”
65Ḵanan Gobernor Pilate ḵan dida, “Maḵwa, aḻanyu da udume suḻdadu ya ummoy ḵayu. Iggayu ḵabooḻanyu we anguwaḻdae ustu.” 66Pun ummoyda si libon woḵ sinyalanda onobna ta angimatunanda nu mabuḵtan. Naabus ḵad, tinenanda da suḻdadu we angguwaḻda.
ទើបបានជ្រើសរើសហើយ៖
Matthew 27: kml
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Translators Association of the Philippines (TAP), All rights reserved.
Matthew 27
27
Sa Nipuḻangan Jesus Ḵan Pilate
(Mrk. 15:1; Luk. 23:1-2; Jhn. 18:28-32)
1Bigbigat ḵad, nan-uugudan da papangat da papadi ya da pallakayon da Judyu nu ngai inondae ampagongat ḵan Jesus. 2Pun binaḻudda woḵ inniyoyda ḵan Gobernor Pilate.
Sa Natoyan Judas
(Act. 1:18-19)
3Aḵ Judas we nangituyuḵ ḵan Jesus, inigammuna ḵade naḵoddongan aḵ Jesus we matoy, nandadauli'tte ḵingwana. Pun ummoyna impauli pilaḵ atta papangat da papadi ya da pallakayon da Judyu. 4Ḵanana, “Naḵabasuḻaḵ te intuyuḵḵu tagu we ippun basuḻna!”
Pun ḵanandae summongbat, “Ngai ḵad ain biyangni si sanat? Te biyangnu pos pagay!”
5Pune sadi, impitlaḵ Judas pilaḵ ad daḻom si templo, pun ummoyon woḵ ummoy namposoḻ.
6Yaḵon innaḻan da papangat da papadi sadi ye pilaḵ woḵ ḵananda, “Adimpun ni lintog taḵu iyunude idoga taḵu annae pilaḵ atte pilaḵ ni templo te nibayad si biyag ni tagu.” 7Nan-uugudanda nu ngai ḵoonda'tte pilaḵ. Pun nan-uunudandae sadi inginada'tte lutan ni andidiwin aḵ banga ta usaronda'ḵ lilibbonan da ḵaḵḵaili. 8Pun sa lutae sadi, inggana sinsadi nangadanan aḵ “Lutae Nadimoḵ.” 9Ḵad sadi nituttuwaan ni imbagan Profeta Jeremiah atte awe ye ḵanana,
“Innaḻada tuḻumpuḻu we pilaḵ,
sa belange nan-uugudan da ganaḵ Israel
aḵ ambayadda si biyagna.
10Pune sadi ingnginada'tte lutan ni andidiwin aḵ banga,
te siya imbilin Apu ḵan saḵon.”#27:9-10 Zechariah 11:12-13; Jeremiah 32:6-9.
Sa Nanumaḻyaan Pilate Ḵan Jesus
(Mrk. 15:2-5; Luk. 23:3-5; Jhn. 18:33-38)
11Aḵ Jesus ḵad, summiḵad atte sinagung Gobernor Pilate woḵ ḵanan gobernor we nan-imus ḵan siya, “Siḵa ḵamman Arin da Judyu?”
Ḵanan Jesus we summongbat, “Siya imbagam.”
12Yaḵon taḵon ay nu pabasuḻon da papangat da papadi ya da pallakayon da Judyu, adipun paat summongbat aḵ Jesus. 13Pun ḵanan os Pilate ḵan siya, “Naippun ḵamman dongngom atta losane banage ipabasuḻda ḵan siḵa?” 14Yaḵon adipun aḵ Jesus summongbat, taḵon ay ossaan atta ipabasuḻda ḵan siya. Pun amo nataag aḵ gobernor.
Sa Naḵoddongan Jesus Aḵ Matoy
(Mrk. 15:6-15; Luk. 23:13-25; Jhn. 18:39-40; 19:4-16)
15Sa ugalin Pilate atte Gayagayae ngannonda Nallausan, puḵayana osa'tta baḻude sa ḵodawon da adu we tagu. 16Sa sadi ye timpu, inninggaw osae baḻude nandinongoḻ ḵinaḻawengnae nangngadan aḵ Jesus Barabbas. 17Nandatdatong ḵad da tagu, ḵanan Pilate ḵan dida, “Ngai pionyu we puḵayaḵ? Aḵ Jesus Barabbas baḵon nu aḵ Jesus we awaganda'ḵ Kristu?” 18Inimusna anna te inigammunae impuḻangda'ḵ Jesus ḵan siya gapu'tte aposda.
19Sissiya ḵade tutuḵdu'ḵ Pilate si tutuḵduwan ni ḵuwis, nambuun aḵ asawana'ḵ umoy angibaga ḵan siya ḵanane, “Adim dusaon sanate naun-unane tagu. Te sa labi, inin-inopḵu mipanggob ḵan siya ya nampaḵaḻamonaḵ gapu ḵan siya.”
20Pune sadi inawis da papangat da papadi ya da pallakayon da Judyu da tagu ta ḵodawonda ḵan Pilate ta puḵayana'ḵ Barabbas ya impagongatna'ḵ Jesus. 21Pun ḵanan Gobernor Pilate ḵasine nan-imus atta tagu, “Ngai'tta annae duwa pionyu we puḵayaḵ?”
Ḵananda, “Aḵ Barabbas.”
22Inimus Gobernor Pilate ḵan dida ḵanane, “Ḵad ngai ḵooḵ ḵan Jesus we awaganda'ḵ Kristu?”
Losanda ḵanan, “Paipattoḻnu'tte kros!”
23Ḵanan Gobernor Pilate, “Ngaipa? Ngai ḵad ain ḵingwana?”
Yaḵon amo ḵanandae nanugtug-uy, “Paipattoḻnu'tte kros!”
24Innilan ḵad Gobernor Pilate we ippun lamogna ḵoon yaḵon isaḻaddae magulu, nangaḻa'tte danum woḵ nambuḻuna'tta imana si sinagung da tagu. Ḵanana, “Ippun biyangḵu si magongatan ni annae tagu, ḵigadyu pagay.”
25Losan da tagu ḵanane summongbat, “Ḵigadni ya da abengni ye asi sumongbat si matoyan ni annae tagu!”
26Pune sadi, pinuḵayan Gobernor Pilate aḵ Barabbas woḵ impaap-aplitna'ḵ Jesus, pun impuḻangna'tta suḻdadu ta umoyda ipattoḻ atte kros.
Sa Nangang-angyagan Da Suḻdadu Ḵan Jesus
(Mrk. 15:16-20; Jhn. 19:2-3)
27Naabus ḵad, innaḻan da suḻdadu'ḵ Jesus woḵ illonoḵda'tte boḻoy Gobernor Pilate, pun inaligummun da losane suḻdadu'ḵ Jesus. 28Ḵinaanda silupna woḵ sinilupanda si dilaage langgoyode isun ni silup ni ari. 29Pummaliḵugda'tte naḻasiyane waḵaḻ woḵ imbaḻangatda ḵan siya woḵ paodonda pauḻ si dawinane imana. Naabus ḵad, nanalluḵuda si sinagungna woḵ ḵanandae nangang-angyag, “Matataguḵae Arin da Judyu!” 30Tinuppatuppaanda ya innaḻada pauḻe oonnana woḵ iyyaplitda si uḻuna. 31Inabusda ḵad inang-angyag, ḵinaanda dilaage langgoyode insilupda woḵ iggada ḵuwana pagaye silup. Pun innaḻada ta umoyda ipattoḻ atte kros.
Sa Nipattoḻan Jesus Atte Kros
(Mrk. 15:21-32; Luk. 23:26-43; Jhn. 19:17-27)
32Inninggawda ḵad atte daḻane naḻpu'tte siyudad, inabotda tagu we nangngadan aḵ Simon we iCyrene. Pun impatut da suḻdadu impabuḵud ḵan siya de kros Jesus. 33Dummatongda ḵad atte lugar we ngannonda Golgotha, sa piona ḵanan “Lugar ni Battuḵag.” 34Innattanda'ḵ Jesus si bayase naḵamsan atte apku ta inumona. Yaḵon sinimsimana ḵad, adinapun ogon pion inumon.
35Pune sadi, impattoḻda'tte kros. Pun nambubbunutda woḵ nambisbisaḵanda silupna. 36Naabus ḵad, tummuḵdudae anguwaḻda ḵan Jesus. 37Sa ngatun ni uḻuna, nigili impabasuḻda ḵan siyae ḵanana, “Annaya'ḵ Jesus we Arin da Judyu.” 38Pun inninggaw os da duwae tulisane impattoḻda dida'tta krosda, sa osa'tte madawinanna ya sa osa'tte madawigina.
39Ḵad da tagu we lummaus, siwwiwigiwigdae nangang-angyag ḵan Jesus, 40ḵananda, “Siḵa nangibagae dadailom templo ya taḵadom si unog di tuḻun aḻgaw, taguwom long-agnu! Ḵad nu tuttuwae siḵa Abeng Apudyus, dumoḻaḵa oḵyan si sanate kros!”
41Pun da papangat ḵad da papadi ya da mimistulun ni lintog ya da pallakayon da Judyu, ḵanandae nangang-angyag, 42“Tinaguna da udume tagu yaḵon adinapun lamog taguwon long-agna. Siya Arin da ganaḵ Israel, dumoḻa ud oḵyan sinsadi si sanate kros ta amati ḵani ḵan siya. 43Antaḻgod ḵan Apudyus woḵ ḵanana, ‘Saḵon Abeng Apudyus.’ Pun ilan taḵu nu iligsin Apudyus sinsadi.” 44Taḵon ay da tulisane nipattoḻ si daḻnig Jesus, isuna bose ininsultuda'ḵ Jesus.
Sa Natoyan Jesus
(Mrk. 15:33-41; Luk. 23:44-49; Jhn. 19:28-30)
45Anna ḵade mumamatuḵ, gummiḵbot losane ili inggana'ḵ ummag-agaw. 46Pun ummag-agaw ḵad, ḵanan Jesus we nampoḵaw, “Eli, Eli, lema sabachthani?” Sa piona ḵanan, “Apudyusḵu, Apudyusḵu, ngaipam saḵon an-awidan?”#27:46 Psalm 22:1.
47Dingngoḻ ḵad da udume summisiḵad sidi, ḵananda, “Andi ye ayagana'ḵ Profeta Elijah.” 48Inninggaw osae daguse nanoddaḵ woḵ nangaḻa si isun di ḵapose napnu si ḵilom. Impaḵawna'tte pauḻ woḵ idawdawna'tte sungad Jesus ta susupona. 49Yaḵon ḵanan da udum, “Uwayon taḵu ta ilan taḵu ud nu umoy Profeta Elijah taguwon.”
50Napapḵaaw ḵad ḵasin aḵ Jesus, naḵaan angosna.
51Pun baag-en nanḵagwa napissay kortinan ni templo, nisaḻad ad ngatu inggana'd doḻa.#27:51 Sa sanae kortina awad atte Ḵasantuwane partin ni templo. Abus ḵangatuwane padi'ḵ maḵwae lumnoḵ te mibelange sana igaw Apudyus. Nanḵagwa napissay kortina ta angipailae maḵwa umadani da losane tagun Apudyus gapu ta natoy aḵ Jesus para'tta losane basuḻ taḵu. Ḵad nallunig lubung woḵ nandoswaḵ da balintuugan. 52Da libon os nabuḵtanda. Pun ummuli da nanḵaḵatoy we tagun Apudyus. 53Tummoḵwaḻda ḵad atta libonda'tte ummuliyan Jesus, ummoyda losan ad Jerusalem we siyudad Apudyus. Pun nampailada'tta adu we tagu.
54Giniḵnan ḵad ni ḵapitan ya da suḻdadu we nanguguwaḻda ḵan Jesus lunig ya innilada da losane naḵwa, naḵimtanda woḵ ḵananda, “Tuttuwae Abeng Apudyus anna!”
55Inninggaw os da adu we bubai ye nan-oottap. Dida da nibuḻun ḵan Jesus we naḻpu'tte probinsiya'd Galilee ye nanserserbi ḵan siya. 56Da sana ḵad da Mary Magdalene, sa asawan Zebedee ya aḵ Mary ye inan da James ḵan Joseph.
Sa Nilibonan Jesus
(Mrk. 15:42-47; Luk. 23:50-56; Jhn. 19:38-42)
57Masdom ḵad, dummatong osae baḵnange iyArimathea we nangngadan aḵ Joseph. Siya osae disipulun os Jesus. 58Ummoy ḵan Gobernor Pilate woḵ ḵodawona ladag Jesus. Pun iyyunud Gobernor Pilate woḵ imbilinna'tta suḻdadunae maatod ladag Jesus ḵan Joseph. 59Pun innaḻan Joseph ladag Jesus woḵ binadabadana'tte ampoḻḵase itaḵe sinnun. 60Naabus ḵad, ummoyna illibon si mismu we libonnae ḵaḵḵopyae liyange natiḵitiḵane batu. Niligadna daḵoḻe batu ta maomban lewangan ni libon woḵ ummoyon. 61Inninggaw sidi da Mary Magdalene ya sa osae Mary ye tummutuḵdu si sangun ni libon.
Sa Naguwaḻdaan Ni Libon Jesus
62Ḵasin ḵade bigbigat si nagangput ansaganaan da Judyu para'tte umillongane sa mabigat, ummoy da papangat da papadi ya da Pharisee ḵan Gobernor Pilate. 63Ḵananda ḵan Gobernor Pilate, “Apu, inḵagasmoḵni ye sa sissiyae matattaguwan ni sanate tuliyan, ḵanana, ‘Umuli nu maḻaḵpus tuḻun aḻgaw.’ 64Pun ambaḻu oḵyan nu paguwaḻdam libonna'tta suḻdadu inggana si miḵaḵlu we aḻgaw, umoy ḵappay da disipuluna aḵawon ladagna ya ibagadae ummuli ye natoy. Ḵad amo maḵaallelaw anungus ni maḵwa nu sa ummuna.”
65Ḵanan Gobernor Pilate ḵan dida, “Maḵwa, aḻanyu da udume suḻdadu ya ummoy ḵayu. Iggayu ḵabooḻanyu we anguwaḻdae ustu.” 66Pun ummoyda si libon woḵ sinyalanda onobna ta angimatunanda nu mabuḵtan. Naabus ḵad, tinenanda da suḻdadu we angguwaḻda.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Translators Association of the Philippines (TAP), All rights reserved.