Matei 27
27
O Isus sî nigărdo koa Pilato.
1Kana kărdilo des, sa le raša le mai bară thai le phură le nordohkă dine pe duma andoa Isus, sar te mudarăn Les.#Ps. 2.2. Marko 15.1. Luka 22.66; 23.1. Ioan 18.28.
2Pala so phangle Les, nigărde Les thai dine Les ando vast le guvernatorehko le Pilatohko andoa Ponto.#Cap. 20.19. Kărd. 3.13.
O kăimos thai o mullimos le Iudahko.
3Atunčeara o Iuda, o bitinditorii, kana dikhlea kă o Isus sas krisînime mullimahko, kăisai'lo, nigărdea parpale ăl treanda bišarea, deale ăl rašangă le mai bară thai le phurăngă,#Cap. 26.14, 15.
4thai phendea: „Bezexardem, kă bitindem rat bidošalo. „So falamengă amengă?” phendine lehkă on. „Ti buti.”
5O Iuda šudea le bišarea ando Templo, thai gălo ta ambladea pe.#2Sam. 17.23. Kărd. 1.18.
6Le rašea le mai bară tidine le bišarea, thai phende: „Nai mišto te thoas le ando mandimos le Templohko, anda kă sî potindimos ratehko.”
7Thai pala so dinepe duma, tindine le lovença kodolença „E phuw le phuwearăsti,” sar than andoa prahomos le străinengo.
8Dikta anda sosote e phuw kodea sas dini anau ji ando des dă adesara: „E phuw le ratesti.”#Kărd. 1.19.
9Atunčera pherdilea so sas vestime anda o prooroko o Ieremia, kai phenel: „line le treanda bišarea, o potindimos kolehko le potindimahko, saves potindine les iekh anda le šeave le Israelohkă;#Zax. 11.12, 13.
10thai dine le pe Phuw le phuwearăsti, pala sar mothodeasas o Rai.”
O Isus angla o Pilat.
11O Isus sas andino angloa guvernatorii. O guvernatorii pušlea Les: „San Tu o Thagar le Iudeiengo?” „E”, dea les anglal o Isus, „sîm.”#Marko 15.2. Luka 23.3. Ioan 18.33, 37. 1Tim. 6.13.
12Ta na dea anglal khanči ka o došalimos le raša le mai bară thai le phurăngo.#Cap. 26.63. Ioan 19.9.
13Atunčeara o Pilat phendea Lehkă: „Či ašunes sode buteandar došaven tu on?”#Cap. 26.62. Ioan 19.10.
14O Isus či dea les anglal či khă orba, kadea kă mirilas pe but dăsa o guvernatorii.
O zuralimos le phendimahko koa mullimos.
15Ande sako prazniko la Patradeako, o guvernatorii sas les o năravo te mekăl avri le norodohkă khă phandades, sao kamenas les on.#Marko 15.6. Luka 23.17. Ioan 18.39.
16Atunčeara sas le khă phandado but prinjeando, kai bušolas Baraba.
17Kana sas tidine andekhthan, o Pilat phendea lengă: „Saven kamen te dau les avri? Le Barabas or le Isusos, kai bušol Kristoso?”
18Kă jeanelas kă bidošako dinesas le Isusos ande lehkă vast.
19Sar bešelas o Pilat pe pehko skamin la krisako, lesti romni trdea te phenen lehkă: „Te na avel tu khanči kărimasa le bibezexalesa kadalesa; kă ades mudardilem but ando suno anda leste.”
20Le raša le mai bară thai le phură dine duma le noroadença te mangăn le Barabas, ta le Isusos te mudarăn Les.#Marko 15.11. Luka 23.18. Ioan 18.40. Kărd. 3.14.
21O dregătorii lea o divano, thai phendea: Saves anda lidui kamen te dau les tumengă avri?” „Le Barabas”, dine anglal on.
22O Pilat phendea lengă: „Ta so te kărau le Isusosa, kai bušol o Kristoso?” „Te avel mardo po trušul!”
23O guvernatorii phendea lengă: „Ta so nasul kărdea?” On line te çîpin i mai zurales „Te avel mardo po trušul!”
24Kana dikhlea o Pilat kă či arăsăl khanči, thai kărdeol pe mai but mui, lea pai, thai xaladea pehkă vast angloa norodo, thai phendea: „Me sîm bidošako andoa rat le bibezehalehko kadalehko. E buti tumari!”#Deut. 21.6.
25Thai soa norodo dea anglal: „O rat Lehko te avel pa amende thai pa amară šeave.”#Deut. 19.10. Ios. 2.19. 2Sam. 1.16. 1Thag. 2.32. Kărd. 5.28.
Le prasaimata le kătanengă.
26Atunčeara o Pilat dea lengă drom le Barabas; ta le Isusos, pala so thodea te marăn Les le ŕaiança, dea Les ande lengă vast, kaste avel mardo po trušul.#Marko 15.2. Luka 23.3. Ioan 18.33, 37. 1Tim. 6.13.
27Le kătanea le guvernatorehkă nigărde le Isusos ando pretorio, thai tidine angla Leste sa e čeata le kătănendi.#Marko 15.16. Ioan 19.2.
28Nandearde Les lehkă çoalendar, thai xureade Les kha raxameasa lolleasa.#Luka 23.11.
29Akhuvde khă kununa andal kanŕă, savi thode Lehkăla po šero, thai thodine Lehkă khă trestia ando vast o čeačio. Pala kodea denas čeanga angla Leste marănas pehkă khălimos Lestar, thai phenenas: „Mekasame anagla tute, Thagarina le Iudeuengo!”#Ps. 69.19. Is. 53.3.
30Thai čiungardenas pe Leste, thai lenas e trăstia thai marănas Les ando šero.#Cap. 26.67. Is. 50.6.
31Pala so marde pehkă khălimos Lestar, nandearde Les la raxameatar la lolleatar, thai xureadine Les Pehkă çoalença, thai nigărde Les te marăn Les po trušul.#Is. 53.7.
O mardimos po trušul.
32Kana anklenas avri anda e četatea, arakhline khă manuši andal Čirene kai bušolas Simon, thai thodine les zorasa te nigrăl o trušul le Isusohko.#Num. 15.35. 1Thag. 21.13. Marko 15.21. Luka 23.26. Kărd. 7.58. Evr. 13.12.
33Kana arăsle andekh than kai bušolas Golgota, kai fal: „O than le šerăhko”,#Marko 15.22. Luka 23.33. Ioan 19.7.
34Dine Les te pel moll xamime fieareasa; ta, kana zumadea či kamblea te pel.#Vers. 48. Ps. 69.21.
35Pala so marde Les po trušul, xulade Lerhkă çoale maškar lende, çîrdindoi kai bax, anda kaste pherdeolpe so sas vestime andao prooroko, kai phenel: „Xulade pehkă Mîŕă çoale maškar lende, thai anda Muŕo gad çîrdine koa bax.”#Ps. 22.18. Marko 15.24. Luka 23.34. Ioan 19.24.
36Pala kodea bešle tele, thai arakhăna Les.#Vers. 54.
37Thai ramosarde Lehkă opral poa šero e doši: Kadoa sî o Isus, o Thagar le Iudeiengo.”#Marko 15.26. Luka 23.38. Ioan 19.19.
38Andekhthan Lesa, sas mardine po trušul i dui čior: iekh ande čeačirig thai o kolaver ande bičečirig Lesti.#Is. 53.12. Marko 15.27. Luka 23.32, 33. Ioan 19.18.
Le prasaimata le nakhaitorengă.
39Le nakhaitorea prasana Les thai denas andoa šero,#Ps. 22.7; 109.25. Marko 15.29. Luka 23.35.
40thai phenenas: „Tu, kai peraves o Templo, thai vazdes les ando than ande trin des, skăpisar Tu Tut akana! Kana san o Šeau le Devllehko, uli tele poa trušul!”#Cap. 26.61, 63. Ioan 2.19.
41Le rašea le mai bară, andekhthan le zakunarença thai le phurănça, prasana Les, thai phenenas:
42„Avrăn skăpisardea le ta Pes našti skăpilpe! Kana să o Thagar le Israelohko, te ulel akana poa trušul, thai pateasa ande Leste!
43Pateaiape ando Dell: te skăpil Les akana o Dell, kana kamel Les! Kă phendea: „Me sîm o Šeau le Devllehko!”#Ps. 22.8.
44Le čior kai sas mardine po trušul andekhthan Lesa, šudenas Lehkă sa kodola divanuri prasaimatahkă.#Marko 15.32. Luka 23.39.
O tuneriko.
45Kata o čeaso le šovengo ji koa čeaso le îniango kărdilo khă tuneriko pa soa čem.#Amos 8.9. Marko 15.33. Luka 23.44.
46Thai koa čeaso le îniango, O Isus çîpisardea muiesa zurales: „Eli, Eli, Lama Sabaktani?” avela: „Devlla Muŕo, Devla Muro, anda soste meklean Ma?”#Ps. 22.1. Evr. 5.7.
47Unii anda kukola kai bešenas oče, kana ašundine kadala orbe, phendine: „„Del mui po Ilia!”
48Thai andakhdata, iekh anda lende prastaia ta lea khă bureto, kovleardea les šutesa, thodea les ande khă trestia, thai dea Les te pel,#Ps. 69.21. Marko 15.36. Luka 23.36. Ioan 19.29.
49Ta le kolaver phenenas: „Mekh, te dikas te avela o Ilia te skăpil Les.”
50O Isus çîpisardea pale le muiesa zurales, thai dea Pehko duxo.#Marko 15.37. Luka 23.46.
O pohtan
andoa Templo šindeol pe.
51Thai andakhdata o poxtan andoa Templo šindi'lo ande donde, dă opral ji tele e phuw isdraia, le kotora le baŕăbarăhkă pîtărdile,#Exod. 26.31. 2Kron. 3.14. Marko 15.38. Luka 23.45.
52le mormînturi pîtărdile thai but staturi le sfinçăngă kai mullesas, uštile.
53On ankăste anda le gropi, pala Lehko juvindimos, šute pe ande sfînto četatea, thai sîkadile butengă.
54O sutašo, thai kukola kai arakhănas le Isusos andekthan lesa, kana dikhline o isdraimos la phuweako thai kukola so kărdile, daraile but zurales, thai phendine: „Čeačimasa kadoa sas o Šeau le Devllehko!”#Vers. 36. Marko 15.39. Luka 23.47.
55Oče sas i but juwlea, kai dikhănas dă dural; on avileasa pala o Isus anda e Galilea, kaste kanden Lehkă.#Luka 8.2, 3.
56Maškar lende sas e Maria Magdalina, e Maria, e dei le Iakovosti thai le Iosesti, thai e dei le šeavendi le Zebedeiohkă.#Marko 15.40.
O praxomos le Isusohko.
57Karing e reat, avilo khă manuši bravalo anda e Arimatea, kai bušolas Iosif, sao sas i o jeno le Isusohko.#Marko 15.42. Luka 23.50. Ioan 19.38.
58O gălo koa Pilato, thai manglea o stato le Isusohko. O Pilat mothodea te den lehkă les.
59O Iosif lea o stato, pateardeales andekh poxtan neo inohko,
60thai thodeales andekh mormînto neo orta lehko, kai xunadeasas les ando kotorlebaŕăbarăhko. Pala kodea spidea khă bar baro koa udar le mormîntohko thai gălotar.#Is. 53.9.
61E Maria Magdalina thai e kolaver Maria sas oče, thai bešenas angloa mormînto.
E pečetluirea le mormîntosti.
62O duito des kai avel pala o des le Lašarimahko, le rašea le mai bară thai le Fariseia, găline andekhthan koa Pilato,
63thai phende lehkă: „Raia, andeam amengă godi kă o athaitorii kodoa, kana sas ande čivava, phendea: „Pala trin des ušteaua.”#Cap. 16.21; 17.23; 20.19; 26.61. Marko 8.31; 10.34. Luka 9.22; 18.33; 24.6, 7. Ioan 2.19.
64Ta motho koa mormînto te avel arakhado mišto ji ando trito des, ka na varesar te aven le jene Lehkă reate te čiorăn Lehko stato, thai te phenen le norodohkă: „Ušti'lo andal mulle!” Atunčeara o arthaimos kadoa mai palal sahkă avel mai nasul sar kukoa dă anglal.”
65O Pilat phendea lengă: „Sî tume khă straja; jean ta arakhăn sar daštin.”
66On găletar, thai zurearde o mormînto, pečetluisardindoi o bar thai thodindoi straja.”#Dan. 6.17.
ទើបបានជ្រើសរើសហើយ៖
Matei 27: KALD2020
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
